Ozee 9:8 - LAWA A BOO SONBORE

⁸ Efrayimu a wɔlɔ-lɛduə̃li lɛ n kun ka maa Lawa nɛ, Lawa a boo gii-dali lɛ nɛ. Maǹ kan koɛ a kiɛ̃ ǹ ziin tumaa la. Haalɛ Lawa a kion din ni maǹ yui a gialaa.

LAWA A BOO SONBORE 2011

⁸ Efrayimu a wɔlɔ-lɛduə̃li lɛ n kun ka maa Lawa nɛ, Lawa a boo gii-dali lɛ nɛ. Maǹ kan koɛ a kiɛ̃ ǹ ziin tumaa la. Haalɛ Lawa a kion din ni maǹ yui a gialaa.

Ozee 9:8 Iomraidhean Croise

Kiin1 17:1

Tisibii min, Yilii mɛn nə́ ke Galaati gána min goon lɛa, bɛ pɛ Akaabu ni: «Dɛnaa Lawa Yiikoonaa tɔ nɛ, Izirayeli a Lawa lɛ, ma bɛ́ dí nyɛɛ ǹ mɛn lɛn nɛ, lɛ̀n kɛn die giɛ̃, la ba re kiɛ wa, pele dɔ a die koe wa, bɛ̀ ma bie ma boo da wa.»

Kiin1 18:1

A bɛ́ á bele bɔ, lɛ̀ gere lɛ a wɔ lɛ̀ sɔɔbaa ǹ wɔ, Dɛnaa Lawa boo da ka Yilii ni: «Wo n din nyaa Akaabu ni, ma á die la kiɛ tán la.»

Kiin1 18:19

Kanna, Izirayeli minin tumaa lɛ sɔkɔn ma li, Karmɛli kele la, kɔnlɛ ka Baali a wúlu-bɔle biɛsii ka posooro (450) kɛ nɛ, ka dì Aseeraa a wúlu bole biɛsii kɛ nɛ, Zezabɛli nə́ ǹ bii boe.»

Kiin1 22:11

Kenaanaa a nɛgiĩ Sedekiasi sɛ na á goã á màn bɛnɛn zɛnaa ka fɔlɔ nɛ, á pɛ Akaabu ni mà Dɛnaa Lawa n kɛ pii: «Akaabu tá re Siirii minin lɛn dii ka màn bɛnɛn kɛn nɛ a ǹ nya lenlen.»

Kiin1 22:22

Yiri lɛ pɛ Dɛnaa Lawa nɛ: «Man die woe ma Akaabu a Lawa a boo gii-dalin lɛn tumaa kaa soɛ bɔ ganaa.» Dɛnaa Lawa tɔ́n pɛ nɛ: «Woo n na a mìi dɔ li, n tá re boe la. Wo zɛnaa miɛ̃.»

Kiin1 22:28

Misee tɔ́n pɛ kii lɛ nɛ: «Bɛ̀ n dɔ woo zia lɛ la, n nə ń bɔyaa ń din yii lɛa sonbore, Dɛnaa Lawa bie á masɛ da boo lɛ a diɛ ganaa wa. Misee wusoo á pɛ mà zaman lɛ din tumaa nə n too da!»

Kiin1 22:6

Izirayeli gána a kii lɛ tɔ́n Lawa a boo gii-dali, biɛsii (400) kɛ miã lɛ sɔkɔn, á pɛ ǹ nɛ: «Ma á boe la ma wo zia baa Ramɔti kiwi Galaati gána nɛ, hinlaa ma a lɛ da?» Lawa a boo gii-dalin lɛn ná a lɛ si ǹ nə́ pɛ: Woo! Dɛnaa Lawa tá re we n gɔn.

Kiin2 13:21

Bɛ daa yaa, bɛ̀ minin man ná a gialaa giĩ goon gere bĩ. Bɛa minin lɛn yii bɛ́ á mɛ sɔraasi kuru lɛ goon ganaa ǹ nə́ giĩ lɛ zũ fufuu Yiliizee a yala gɔ́ɔ̃ nɛ. Gere lɛ bɛ́ á woo n lɔ Yiliizee wen ganaa tán, giĩ lɛ yii wusoo á kaa, á yoo á n tele lon a gòãn la.

Kiin2 2:14

Dɔnkɛ gole mɛn lɛ bɔ Yilii ganaa á mɛnaa, Yiliizee bɛ bɔ á tà mu lɛ dɛ nɛ, á n toa: «Dɛnaa Lawa n maa, Yilii a Lawa lɛ?» Yiliizee dɔ bɛ́ á tà mu lɛ dɛ, tà mu lɛ nə́ n na kɔn wɔlɔ paa, Yiliizee kiɛ̃.

Kiin2 2:21

Mu lɛ bɛ́ soe tán bǎã mɛn nɛ, Yiliizee soo á woo walan, á yìsi kaa bɛa bǎã lɛ nɛ, á pɛ: «Dɛnaa Lawa pɛ mà asɛ n mu kɛ lɛ yoreen koe, a ba re gɛ̀ dii doo wa, a ba re màn kurii búu baa ganaa doo wa.»

Kiin2 4:41

Lawa a min lɛ pɛ: «Ka da ka wùsu ni.» Á wùsu lɛ pɛsɛ̃ dɔn lɛ gɔ́ɔ̃ nɛ, á pɛ: «Ka kɔ minin lɛn la, ǹ bii.» Màn baraa kɔn goã dɔn lɛ gɔ́ɔ̃-n doo wa.

Kiin2 4:43

Yiliizee a dí-nyali lɛ tɔ́n na a lɛ si: «Man siɛ lɔn, ma tɔn kɛ gii min paabiɛ nɛ?» Yǎa Yiliizee nə n toa doo: «A gii minin lɛn manɛ, ǹ sɔ̃. Dɛnaa Lawa mà maǹ die soɛ̃, a giala goã.»

Kiin2 5:14

Naaman tɔ́n kiɛ̃ á woo Zurdɛ̃ tà lɛ lɛ-a, á n yii sã Zurdɛ̃ tà mu lɛ li gunyin sɔbaa, ka Lawa a min lɛ goã á da lɔn. Naaman yoreen kɔ, a gɔ̀nɔn nə́ n baa ka nɛnyaan boɛɛn gɔ̀nɔn nɛ.

Kiin2 5:27

Sɛnɛ, Naaman a gɔ̀nɔn ki busu babaraa lɛ n die n din kuĩ denden n laanka n tɔrɔn nɛ, yǎa miɛ̃ duduu.» Bɛ kio, Geazi kiɛ̃ á n bɔ Yiliizee li. Geazi goã gɔ̀nɔn ki busu babaraa dɛnaa lɛa, á kũ á fu kɔ ka koara nɛ.

Kiin2 7:19

Dí-nyali lɛ na á goã á pɛ Lawa a min lɛ nɛ mà ta Dɛnaa Lawa n lon a dɔǹɔn lɛ buĩ, mà kɛ ba boe la a n zɛnaa wa. Yǎa Yiliizee dɔ tɔn a lɛ si mà a tá re yii ka a yii ni, sɛnɛ, mà a na a ba re bii wa.

Kiin2 7:2

Kii a dí-nyali mɛn bɛ́ mɔrɛɛ nɛ a ganaa, bɛ Yiliizee lɛ si: «Ta Dɛnaa Lawa din na á lon a dɔǹɔn lɛ bũ, kɛa boe la a n zɛnaa doɛ̃ wa.» Yiliizee nə́ n toa: «N tá re yii ka n yii ni, sɛnɛ, n ba re bii wa.»

Loen 124:7

Wɔ́ kirisibaa biɛ-koalin biɛ ganaa. Wɔ́ kirisibaa ka bàan bɛ́ lɔn. Biɛ na, wɔ́ la.

Boo-laakalaali 9:12

Sonbore, minbuiin nɛ ba gɛ̀ a daa biikoo doɛ̃ wa. Zɔ̀ kũ ǹ zɔ̀ɔ bɛ́ zɔ̀ kuĩ lɔn, biɛ bɛ́ bàan kuĩ lɔn, gɛ̀ lɛ dɔ n die minbuiin nɛ tɔwɛɛ miɛ̃. A n die n diɛ la bǎã goon ne, a yiri ná a ba li wa.

Loe kɔɔ̃n kɔɔ̃n 3:3

Kiwi a bǎã-lɛduə̃lin man ke, má kaa ǹ lɛ, má nɔ̀n da bɛn la kɛnɛn: «Min mɛn lɛ bɛ́ kɔɔ̃n ma-a, ka n na bɛ-n wa?»

Izayii 62:6

Zeruzalɛmu, má bǎã-lɛduəlin koa n kungɔnɔn la. Penleen ka tèlò-n, ǹ ba re n lɛ tiɛ̃ wa. «Kasɛn lɛ̀ waa ma yii n koo wolen lɛn, ka ǹ Dɛnaa Lawa yiri gisĩ Zeruzalɛmu ni, ka nyan nə n susu duduu wa!

Zeremii 11:19

Man má goã ka sère nɛ mɛn bɛ́ ǹ nə́ woe ne a dɛ ǹ bǎã nɛ. Ǹ goã sii mɛn we kɔn ma ganaa, ma goã doɛ̃ wa. Maǹ pii: «Ka daa wɔ da lɛ dɛ a kakabaa waáraa, a papaã a n bɔ yiikoonaan bii, min kɔn yiri nyan gisĩ a tɔ-n doo wa!»

Zeremii 14:13

Má a lɛ si: «Sɛnɛ, Dɛnaa Lawa, á ke, n boo gii-dalin man pii zaman lɛ nɛ, mà zia hinlaa bòo ba re n koe ǹ lɛ doo wa. Sɛnɛ, mà Lawa n die là nyantoro taãn-taãn koe ǹ la kànaa.»

Zeremii 23:13

Samarii a Lawa a boo gii-dalin li, má siin yɛ ǹ mɛnɛn bɛ́ ǹ ba foo sii wa. Maǹ boo diɛ ka *Baali tɔ nɛ ǹ nə́ maa zaman Izirayeli siɛ̃ nɛ.

Zeremii 31:6

Ǹ kɔn pinaa, wɔlɔ-lɛduə̃lin tá re n lɛ dii Efrayimu kele la ǹ pɛ: Ka yoo wɔ n ta *Siɔn, Dɛnaa Lawa wɔa Lawa li!

Zeremii 6:14

Koe mɛn bɛ́ maa zaman lɛ mìi ni, ǹ ba bɛ biɛ ǹ parsii lɛa wa. Maǹ pii: «Sii kɔn banban, sii kɔn banban!» A da yaa, sii tan.

Zeremii 6:17

Má minin bɔ má ǹ koa máa ǹ nə n gɔn waa ǹ nɛ: «Bɛ̀ ka sère gɔ̀lɔ̀ bɛn wuu ma, ka yiri bɔ.» Sɛnɛ, ǹ nə́ pɛ: «Wɔ laadoo bie wa.»

Busii pɛ 2:14

Lawa a boo gii-dalin nə sii-nyaa mɛn tumaa yɛ n wɔ lɛa, sii-nyaa kooron manɛ. Maǹ nə n sã pɛ n nɛ wa, màn mɛn bɛ́ toɛ n kanbaa bɛ̀rɛbaa ganaa. Ǹ sii-nyaan mɛnɛn yɛ n wɔ lɛa, soɛ laanka yiri sã ǹ boon manɛ!

Busii pɛ 4:13

Bɛ na á giala yɛ miɛ̃, Lawa a boo gii-dalin laanka Lawa a wúlu-bɔlen sii baraan taman yii. A giala, ǹ dinin maǹ nə́ toa Lawa bɔlɔ-sili sonboren mà kaa kiwi lɛ nɛ.

Ezekieli 3:17

Nsɛ minbuiin a nɛ, man die n koɛ Izirayeli tɔrɔn lɛn bǎã-lɛduə̃li lɛa. Bɛ̀ n boo mɛn ma ma lɛ-n, n die n bɛ pɛ ǹ nɛ, ma din a gɔn waa ǹ boo lɛa.

Ezekieli 33:7

Minbuiin a nɛ, man má n din kɛ lɛ koa Izirayeli tɔrɔn lɛn wɔlɔ-lɛduə̃li lɛa. N too kɔ ma lɛ gɔ́ɔ̃ ǹ boo li, n bɛ lɛ pɛ ǹ nɛ, maa gɔn waa ǹ boo lɛa.

Ozee 5:1

Lawa a wúlu-bɔlen lɛn, ka n too kɔ! Izirayeli minin lɛn, ka n too kɔ doɛ̃: Kii a sumu minin lɛn, ka n too da! Sii kɛ lɛ a kiri n die kuĩ ka dinin mìi ni. A giala, kaa zɛnaa ǹ sii kɛ na á kan baa Misipaa kiwi, a na á biɛ baa ká koa Tabɔɔrɔ kele kɛ la,

Ozee 9:7

Dɔlɔ bɔ lɛawaa dɔ, saraa lɛawaa dɔ. Izirayeli minin tá re bɛ doɛ̃. Lawa a boo gii-dali lɛ n gàãnaa lɛa, a yiri na á n si la, a giala, kaa sã lɛ la yii ni, kaa baraabaa lɛ dɔ la yii ni.

Ozee 9:9

Ká dɔ baraabaa lɛ a dù ni, ka Gibeya wɔ kɛ bɛ́ lɔn lɛlɛ. Lawa yiri a die boe ka kaa baraabaa ǹ siin kɛn nɛ wa, á die kaa sii baraan lɛn dɔlɔ boe ka ganaa.

Misee 7:4

Min mɛn din bɛ́ soɛ ǹ bii, bɛ n ka koronkoron bɛ́ lɔn, ǹ min sonbore á baraa á la zama nyan nɛ. N wɔlɔ-lɛduə̃lin nə lɛawaa mɛn boo da, ǹ dɔlɔ bɔ ǹ lɛawaa mɛn boo da, bɛ á ke á dɔ. Sisia, ǹ gɔ́ɔ̃ woɛ̃maa nɛ.

Zaã a sɛ́wɔ 15:24

Siin mɛnɛn bɛ́ min kɔ́n din ná a tɔn nə ǹ miã zɛnaa duduu wa, bɛ̀ ma bie má bɛn zɛnaa ǹ bii kɛnɛn wa, bɛ̀ sii baraa ba ǹ mìi-n wa. Sɛnɛ, sisia, a laanɛ ǹ nə́ bɛa siin lɛn yɛ, maǹ wusii n tiɛ̃ la ǹ tá masɛ laanka maa Díi biɛ zɔ́ɔ.

Rɔmu minin 3:7

Bɛ̀ wɔa bɔlɔgoonbaãdɛnaabaa tá Lawa a bɔlɔgoondɛnaabaa tɔ siɛ lon, a ná a tɔ guguru koe, wàa na á baa doo á kiri kuri wɔsɛn la, mà sii baraa-zɛnaalin man wɔ nɛ?

Ebrəə 13:17

Ka kaa nyɛɛnaandɛnan bɔlɔ si, ka goã doroo ne ǹ ne. Sonbore, maǹ giɛ ka telenboenən walan, a giala, ǹ tá re n bɔlɔ pii Lawa yɔrɔ-a bɛa lɛa. Bɛ̀ ka á ǹ bɔlɔ sii, ǹ tá re dí nyɛɛ ka nyɛnyɛɛ nɛ. Bɛ̀ ka a ǹ bɔlɔ sii wa, ǹ tá re nyɛɛ ka yɔrɔ-kɔsiɛ nɛ. Bɛ̀ á yɔrɔ-kɔsiɛ baa, ka dɔn dinin là ba a-n wa.