Ozee 9:4 - LAWA A BOO SONBORE

⁴ Ǹ ba re boe la ǹ duvɛ̃ zuməə Dɛnaa Lawa wɔ lɛa doo wa, ǹ wúlu mànan kɛn sii ba re kɔɔ̃n koe a ganaa doo wa. Ǹ màn-bii ke á re foo ziziɛ̃ ǹ màn-bii biɛ ǹ gɔn. Min mɛnɛn tumaa bɛ́ re bii, bɛn tá re *gɔ̀ diɛ ǹ dinin ganaa. Ǹ màn-bii lɛ á re ǹ dinin toe sɛn, sɛnɛ, a na a boe la a wɔ Dɛnaa Lawa a kion kɛ-n wa.

LAWA A BOO SONBORE 2011

⁴ Ǹ ba re boe la ǹ duvɛ̃ zuməə Dɛnaa Lawa wɔ lɛa doo wa, ǹ wúlu mànan kɛn sii ba re kɔɔ̃n koe a ganaa doo wa. Ǹ màn-bii ke á re foo ziziɛ̃ ǹ màn-bii biɛ ǹ gɔn. Min mɛnɛn tumaa bɛ́ re bii, bɛn tá re *gɔ̀ diɛ ǹ dinin ganaa. Ǹ màn-bii lɛ á re ǹ dinin toe sɛn, sɛnɛ, a na a boe la a wɔ Dɛnaa Lawa a kion kɛ-n wa.

Ozee 9:4 Iomraidhean Croise

Bɔ bɛ̀rɛbaa nɛ 29:40

Baayɛlɛ wɔ a sère nɛ lɛ laanka wasamiɛ̃n wɔ lɛ nɛ, bɛ̀ ǹ tá bɛn dii, maǹ dii ka wùsu kilo sɔɔ nɛ, ǹ yia ka nyɔɔ tàan yii goon ka talɛɛ nɛ, maǹ dii ka yɔ paan yii goon ka talɛɛ dɔ nɛ. Bɛa wúlu mànan kɛn lɛn gìĩ á kɔɔ̃n masɛ Dɛnaa ganaa.

Bɔ bɛ̀rɛbaa nɛ 40:23

Á Dɛnaa gɔ ǹ buurun kɛn kaa la ka Dɛnaa bɛ́ á pɛ-n lɔn.

Izayii 57:6

N wɔ gii n ka mu zii kɔlɔ zɔzɔnɔn kɛn nɛ. Bɛ n doe n ganaa. Ma n duvɛ̃ zumii ǹ dinin lɛn ganaa wúlu màn lɛa, ka dì gɔ ǹ màn nɛ n nə́ wúlu màn koe ǹ la. Dɛnaa Lawa n nɔ̀n diɛ: «Ma á siĩn ma lɛ kɔ bɛ ganaa?»

Izayii 66:3

A da yaa, wúlu mànan wɔ paǹ li, minin man diin dii, ǹ wusoo doo ǹ minbuiin nɛn dɛ. Maǹ sèren bɔlɔ kuri, bɛ̀ ǹ tá ginin dɔn dii. Maǹ die ka Lawa gɔ ǹ màn nɛ bɛ̀ ǹ tá biriin mà kiɛ tán. Maǹ da yon gìĩ kɔɔ̃n tiɛ̃ maa wɔ lɛa, bɛ̀ ǹ tá dìn dɔn guguru koe. Maǹ nə ǹ dinin foo siin zɛnɛɛ, sii bɔbɔnɛɛ n kɔɔ̃nɛ ǹ ganaa.

Zeremii 16:7

Min kɔn ba re woe màn-bii koe gɛ̀dɛnan la màn mɛn bɛ́ toɛ ǹ nə ǹ foo basã wa. Min kɔn ba re ǹ foo wɛɛ ǹ din hinlaa ǹ daanan gɛ̀ taman yii wa.»

Zeremii 6:20

Ka bɛ́ boe da yon gìĩ kɔɔ̃n nɛ Sabaa ka n die ne, ka gána sɔsɔɔ buu gìĩ kɔɔ̃n kɛ nɛ masɛ wɔ lɛa, bɛ là n ka wàa-n kəni? Kaa *wúlu màn tiɛ̃n kɛn, ma ba ǹ li wa. Kaa wúlu mànan kɛn ba kɔɔ̃n ma ganaa wa.

Ezekieli 24:17

«Gini n din gɔ́ɔ̃ nɛ, n nyan toa n gɛ̀ koa wa. N mɔnaa gɔn kɛ pɛnɛ n mìi ganaa, kɔsɔnɔn wɔ ka n bɛ́ zɛnɛɛ lɔn lɛlɛ. N nyan màn kɔ n lɛ ka lɛ wa, n nyan lɛ kɔ n gɛ̀ wù si wa.»

Ezekieli 24:22

Ezekieli zɛnaa lɔn, ka dɔn die ka zɛnaa miɛ̃. Ka nyan toa ka màn kɔ ka lɛ ka lɛ wa, ka nyan lɛ kɔ ka gɛ̀ wù si wa. Ka kaa mɔnaa gɔnɔn toa ka mìi ganaa, ka kaa kɔsɔnɔn toa ka gòãn ganaa.

Ozee 3:4

A giala, Izirayeli minin lɛn tá re lɛawaa damata zɛnɛɛ, ǹ kii ná a banban, ǹ mìilandɛnaa ná a banban, wúlu-bɔ ná a banban, tíĩ ná a banban, ga Lawa dùũ li ǹ mànan nə́ ǹ banban.

Ozee 7:16

Ta kɛn tá wusii ka ǹ kio ne, ǹ bie wusii die masɛ lon a Lawa li wa. Maǹ ka sa bɛ́ lɔn, a nɛ basã. Ǹ goledɛnan kɛn tá re giɛ̃ zia la, ǹ din gole kɔ ǹ boon kɛn taman yii. Bɛ lɛ taman yii Ezipti minin kɛn tá re ǹ diɛ yaa lɛa.

Ozee 8:13

Maǹ wúlu boe ma ganaa ka tɔɔn nɛ, ǹ siĩ soɛ̃ á lɛa. Sɛnɛ, masɛ Dɛnaa Lawa a lɛ koe ǹ wúlu mànan lɛn ganaa wa. Sisia, ma yiri a boe ka ǹ sã ǹ siin kɛn nɛ wa, ma nə ǹ sii baraan kɛn nimii. Ǹ doamaa nɛ, ǹ wusoo ǹ wo Ezipti.

Zowɛli 1:13

Lawa a wúlu-bɔlen lɛn, ka gɛ̀ koa ǹ mɔnaan wɔ, ka wuu pɛ. Kasɛn mɛnɛn bɛ́ *wúlu bɔ ǹ bǎã kɛa dí nyɛɛ, ka n lɛ dɛ. Kasɛn mɛnɛn bɛ́ dí nyɛɛ maa Lawa nɛ, ka n yɔrɔ kɔsɛ, ka lɛ̀ waa nɛ. A giala, minin ba die ka belee laanka duvɛ̃ nɛ Lawa gɔ ǹ wɔ lɛa, Lawa a kion doo wa.

Zowɛli 1:9

*Belee laanka duvɛ̃ nɛ, bɛ kɔn ba yii á die Lawa a kion doo Dɛnaa Lawa gɔ ǹ màn lɛa wa. Wúlu-bɔlen mɛnɛn bɛ́ Dɛnaa Lawa a dí nyɛɛ, bɛn foo ziziɛ̃ ka gɛ̀ na á gã ǹ la.

Zowɛli 2:14

Die n doɛ̃, kɔntan á boe la a wusoo a n gɔ́ɔ̃ bɔyaa, a bǐɛ̃ gigiã zɛnaa ka nɛ. Bɛ á re toɛ ka da ka *belee laanka duvɛ̃ nɛ, Dɛnaa Lawa gɔ ǹ wɔ lɛa, kaa Lawa lɛ.

Lawa a wúlu-bɔlen 17:11

A giala, màn yiikoonaa tumaa a yiikoonaabaa na a mà nɛ. Masɛ dɔ n má mà lɛ kɔ ǹ la, má ǹ nə ǹ dinin sii baraa sawaa ǹ wúlu bɔ nɛ, wúlu bɔ ǹ bǎã kɛ lalan. Mà lɛ n toɛ min a sii baraan nə n toa nɛ, a giala, yiikoonaabaa lɛ n mà nɛ.

Lawa a wúlu-bɔlen 21:17

A pɛ Aarɔn nɛ: Biikoo woo biikoo, n tɔrɔ minin lɛn bii, wɔ̀lɔ̀ bɛ́ ǹ mɛn ganaa, bɛ nyan toa a n mɔrɔ *wúlu bɔ ǹ bǎã kɛ ganaa, a pɛ mà a n masɛ a màn-bii kɛ koe ma la wa.

Lawa a wúlu-bɔlen 21:21

N din Aarɔn tɔrɔn kɛn, bɛ̀ wɔ̀lɔ̀ tá ǹ mɛn ganaa, bɛ nyan toa a n mɔrɔ wúlu bɔ ǹ bǎã kɛ ganaa, a pɛ mà a n *wúlu màn koe masɛ Dɛnaa Lawa la wa. Wɔ̀lɔ̀ lɛ bɛ́ a ganaa, a doamaa bie a n mɔrɔ wúlu bɔ ǹ bǎã kɛ nɛ, a pɛ mà a n màn-bii koe masɛ la wa.

Lawa a wúlu-bɔlen 21:6

Ǹ doamaa nɛ ǹ nə n dinin kɔ maa dí la, ǹ nə n nyɛnaa ma tɔ kɛ a ziziɛ̃ nɛ. Ǹ dinin lɛn man Dɛnaa Lawa a wúlu mànan koe la. Bɛ nə ǹ Lawa lɛ a màn-bii lɛa. Bɛ lɛ taman yii, ǹ doamaa nɛ ǹ goã *yoreene.

Lawa a wúlu-bɔlen 21:8

Ka Lawa a wúlu-bɔlen lɛn kũ masɛ din wɔn lɛa. A giala, ka bɛ́ die wúlu mànan mɛnɛn koe masɛ la, ǹ dinin lɛn man a sii yɔrɔ boe. Ka ga ǹ ganaa masɛ a minin lɛa. Masɛ Dɛnaa Lawa dinmaa n yoreene. Man má ka dinin Izirayeli minin lɛn dɔn bɔ ma din wɔn lɛa, màn mɛn bɛ́ toɛ, ka goã yoreene.

Amɔɔsi 5:22

Ka bɛ́ wúlu mànan mɛnɛn tiɛ̃ lenlen maa wɔ lɛa, ka bɛ́ ma goe ka mànan mɛnɛn nɛ, ǹ kɔn ba kɔɔ̃n ma ganaa wa. Ka bɛ́ tɔɔ kasiɛ̃n mɛnɛn koe ma la barka da ǹ *wúlu màn lɛa, ma din ba giɛ ǹ ganaa wa.

Malakii 2:13

Ka bɛ́ sii mɛn kɔsɔ zɛnɛɛ doo bɛ á ke: Ka yii mu Dɛnaa Lawa a *wúlu bɔ ǹ bǎã si á n kɔ lɛ, wuu pɛ nɛ, ka ginii ni, a giala mà a ba n too koe ka lon doo wa. Ka bɛ́ die wúlu bɔ ǹ mànan mɛnɛn koe la, a ba ǹ sii ka gɔn wa.

Minin nimi 19:11

«Bɛ̀ min mɛn nə́ n gɔn da gere woo gere ganaa, ǹ dɛnaa n goɛ̃ gɔ̀dɛnaa lɛa yǎa lɛawaa sɔbaa.

Minin nimi 28:2

«Boo da Izirayeli minin lɛn nɛ n pɛ ǹ nɛ, mànan mɛnɛn bɛ́ doe masɛ ganaa maa màn-bii lɛa, ǹ nə́ ǹ tiɛ̃ ǹ gìĩ kɔɔ̃n masɛ ganaa, ǹ die ǹ nə n doa ǹ da bɛn kɔ ma la a biikoo li.

Minin nimi 4:7

Ma gɔ ǹ buuru bɛ́ n koɛ tabala mɛn la, ǹ mɔnaa bɔlaan naa bɛ la. Tasanan kɛn, ka kaaranan kɛn nɛ, ka tàanan kɛn laanka duvɛ̃ zuməə ǹ mànan kɛn nɛ, ǹ bɛn kaa bɛa tabala lɛ la. Masɛ a baraabaraa gɔ ǹ buuru kɛ n die goɛ̃ walan.

Zaã a sɛ́wɔ 6:51

Masɛ n yiikoonaabaa kɔ ǹ buuru lɛa, á n toa lon á gisĩ tán. Min mɛn bɛ́ re bɛa buuru lɛ soɛ̃, bɛa dɛnaa n goɛ̃ a yii n koo yǎa duduu. Buuru mɛn dɔ bɛ́ masɛ á re koe, masɛ din gɔ̀nɔn siĩ ni, á n kɔ, màn mɛn bɛ́ toɛ, kanaa minin nə yiikoonaabaa yɛ.

Timəə dí-pɛn 26:14

Ma bɛ́ maa yɔrɔ-kɔsiɛ gɔ́ɔ̃ nɛ ǹ mɛn waáraa, ma màn kɔn bɔ a nɛ má bii wa, ma màn kɔn bɔ a nɛ má *gɔ̀ sii zɛnaa-n wa, ma ǹ kɔn dɔ kɔ geren la wa. Má n too kɔ maa Lawa, Dɛnaa Lawa lon, má zɛnaa á kɔnpɛ ka a gɔn waa ǹ boo lɛ tumaa nɛ.