Ozee 9:12 - LAWA A BOO SONBORE

¹² Ta ǹ nə́ nɛnyaanan mɛnɛn dɔn dinin too, ma á re ǹ sii ǹ la, bɛ̀ ǹ nə́ ǹ tɔn min baa wa. Ka bɛ dɔ nɛ, bɛ̀ má n bɔ má n bɔ ǹ li, bɔ̀n na á ǹ yɛ!

LAWA A BOO SONBORE 2011

¹² Ta ǹ nə́ nɛnyaanan mɛnɛn dɔn dinin too, ma á re ǹ sii ǹ la, bɛ̀ ǹ nə́ ǹ tɔn min baa wa. Ka bɛ dɔ nɛ, bɛ̀ má n bɔ má n bɔ ǹ li, bɔ̀n na á ǹ yɛ!

Ozee 9:12 Iomraidhean Croise

Kiin2 17:18

Dɛnaa Lawa foo tɔ́n yoo Izirayeli minin lɛn li taãn-taãnɛ, á ǹ zɔ̃ á ǹ bɔ a din ganaa ka sɔɔsɔɔ. A na á n zɔ̃ á goã Zudaa tɔrɔn dininsɔɔ̃nɔn manɛ.

Kiin2 17:23

yǎa Dɛnaa Lawa nə́ ǹ zɔ̃ á ǹ bɔ a yɔrɔ-a ka sɔɔsɔɔ, ka a goã á ná a dí-nyalin, a boo gii-dalin lɛn tumaa kaa a boo diɛ ganaa lɔn. Ǹ nə́ Izirayeli minin lɛn goa ǹ nə́ woo ǹ ne ka sɔɔsɔɔ ǹ gána ganaa, Asiirii gána nɛ. Haalɛ pelo, ǹ tá tɔn walan.

Zɔbu 27:14

Bɛ̀ a nɛnyaanan nə́ mɔnaa, maǹ die gɔya gɛ̀ we. A tɔrɔn ba re màn-bii yii ǹ kã wa.

Zeremii 15:7

Má maa zaman pɛsɛ̃, gána lɛ paǹ tumaa nɛ, ka ǹ bɛ́ màn sui lɔn. Má ǹ ziziɛ̃, má ǹ nɛnyaanan bɔ̀n baa. Sɛnɛ, ǹ nə ǹ giã ǹ gɔn bɔyaa wa.

Zeremii 6:8

Zeruzalɛmu, lɛ kɔ maa doroon ganaa, bɛ bie wa, man die n lɛ boe n ganaa, ma n baa diə gole lɛa, tán lɛa min ná a boe la a giã la wa.

Busii pɛ 2:20

E! Dɛnaa Lawa, n yii bũ n ga minin kɛn ganaa n nə́ ǹ kũ ka yɔrɔ kɛ nɛ! Lɔn manə ǹ nɛnyaanan soɛ̃! Maǹ Lawa a wúlu-bɔlen laanka Lawa a boo gii-dalin dii Lawa a kion!

Busii pɛ 2:22

Ka zɔ́n pinaa bɛ́ lɔn, ń ma miãkɛn babaraan kɛn bíi wɔ. N foo-yoo baraa kɛa pinaa Dɛnaa Lawa, min kɔn nə n bɔ-a n wa. Min kɔn yii goã koo wa. Ma goã má min mɛnɛn too má ǹ gɔ̀nɔn kũ, maa zɔ́ɔ lɛ bɛn tumaa bɔ̀n baa.

Ozee 7:13

Ǹ wɔ n ka bɔ̀n nɛ! A giala maǹ baa sii ma nyɛɛnɛ. Ǹ wɔ na á ziziɛ̃! A giala, ǹ nə́ n gòãn dii masɛ ganaa. Bɛ̀ ma doamaa-n ma ǹ si ma ǹ kaa, sɛnɛ, ǹ ba taãn pii maa wɔ paǹ li wa!

Ozee 9:13

Ma yii n Efrayimu minin ganaa, ka Tiiri bɛ́ lɔn nyankɔrɔ sonbore ne. Sɛnɛ ǹ doamaa nɛ ǹ wo ǹ nɛnyaanan kɔ bɔlɔ-kuruli la.

Ozee 9:16

Gɔn nə́ Efrayimu minin lɛn kũ. Ka da bɛ́ lɔn, ǹ gòonən nə́ laa. Haalɛ nɛ goon din, ǹ ba re koe doo wa. Ta ǹ gɔ́ɔ̃gɔ́ɔ̃ ǹ nɛnyaanan mɛnɛn nə́ yɛ, ǹ sii n kaka ǹ gɔn, ma á re bɛn dii ma ǹ bɔ kanaa.

Malakii 2:12

Min mɛn bɛ́ sii kɛ zɛnɛɛ miɛ̃, Lawa bɛa dɛnaa bɔ a bɔ a tɔrɔbaa nɛ a laanka a kion minin tumaa nɛ ka min mɛn dɔ bɛ́ re yii Zakɔba tɔrɔn bii, *wúlu màn sii mà a n koe Dɛnaa Lawa Pàãyiidɛnaa la.

Minin nimi 14:34

Ka n ka woo ga gána lɛ-a, ka lɛawaa pusi. Lɛawaa goon nə die lɛ̀ goon bǎã siɛ: ka n die n toɛ̃ ka kaa sãn lɛn guĩ ni lɛ̀ pusi gɔ́ɔ̃ nɛ. Màn mɛn tá gòãn dii masɛ ganaa nɛ, ka á re bɛ doɛ̃.

Minin nimi 26:65

A giala, Dɛnaa Lawa na á goã á pɛ ǹsɛn wɔ paǹ li, mà maǹ die giɛ̃ diə gole kɛ nɛ, a giala yii li. Á ke Sonbore, ǹ min goon nə goã wa, bɛ̀ á n bɔ Yefune a nɛgiĩ Kalɛbu laanka Nunu a nɛgiĩ Zozoe ne.

Timəə dí-pɛn 28:18

Ka gɔ́ɔ̃gɔ́ɔ̃ ǹ nɛnyaanan wɔ a re bǐɛ̃ koe wa, kaa tán dí a re ka gɔn sii wa, kaa diin ni, kaa sèren ne ka kaa bòen ne, bɛn kɔn ba re mɔnɛɛ wa.

Timəə dí-pɛn 28:32

Tɔrɔ kɔsɔn tá re kaa nɛgiĩn laanka kaa nɛlɔn kuĩ ǹ wo ǹ ne bɛ̀rɛn lɛa, ka dinin yii ni. Bɛ̀ lɛ̀ waa lɔn ka á re n yii diɛ ǹ bɔyaa a da piɛ la ka nɔmaa, ka a re boe la ka sii kɔn zɛnaa wa.

Timəə dí-pɛn 31:17

Bɛa pinaa kəni, ma foo á re yui ǹ li. Ma á re ǹ toɛ walan, man yɔrɔ bɔyaa ma bɔ ǹ la. Bɛa biikoo li, tɔrɔ kɔsɔn tá re ǹ dii. Bɔ̀n gigiã laanka nɔmaa dadaran tá re doe ǹ ganaa. Ǹ tá re pii bɛa pinaa kɛ lɛ nɛ: «Bɛ̀ ń bɛa bɔ̀n gigiã kɛ yaa wɔ yii, wɔa Lawa lɛ na a ba kun ka wɔ-n doo wa.»

Timəə dí-pɛn 32:25

Kanaa, minin tá re ǹ nɛnyaanan dii zia la, kion, nyɛ́ɛ a re ǹ toɛ wa. Ǹ nɛgiĩn laanka ǹ nɛlɔn tá re giɛ̃, ǹ nɛnyaanan laanka ǹ min zizin tá re giɛ̃.»

Sii yɔrɔ-bɔlen 4:16

Baraki ziabaa ǹ wotoron lɛn laanka zia-baalin lɛn loo yǎa Arosɛti-Goyimu. Ǹ nə́ Sizeraa a zia-baalin lɛn tumaa dɛ. Min goon din la ǹ bii wa.

Samayeli1 16:14

Dɛnaa Lawa yiri woo, á Sayulu daa. Dɛnaa Lawa toa nɔ̀ɔn baraa gisĩ Sayulu la, á goã a yiri lɔlɛkɔn.