Ozee 9:11 - LAWA A BOO SONBORE

¹¹ Efrayimu tɔrɔn kɛn, màn mɛn bɛ́ gugurubaa koe ǹ la, bɛ á re woe ka piĩn ka bàan bɛ́ lɔn a ǹ toa walan: lɔ a re nɛ yii walan doo wa, lɔ nɔ̀naa a re yii walan doo wa, lɔ a re nɔ̀ sii walan doo wa.

LAWA A BOO SONBORE 2011

¹¹ Efrayimu tɔrɔn kɛn, màn mɛn bɛ́ gugurubaa koe ǹ la, bɛ á re woe ka piĩn ka bàan bɛ́ lɔn a ǹ toa walan: lɔ a re nɛ yii walan doo wa, lɔ nɔ̀naa a re yii walan doo wa, lɔ a re nɔ̀ sii walan doo wa.

Ozee 9:11 Iomraidhean Croise

Siin Giala 41:52

Á kiɛɛrɛdɛnaa lɛ bíi Efrayimu (bɛ giala mà "Nɛnyaanan Yɛ"). A giala, mà Lawa nə́ n dɔ asɛ lɛ, á nɛnyaanan yɛ, bɛ̀ asɛ bɛ́ a nɔmaa ǹ gána nɛ.

Siin Giala 49:22

Zozɛfu a sii n kɔnboe ka da gùrù mɛn bɛ́ nɛ koe, ka da mɛn bɛ́ mu yala lɛ-a, a gùrù n nɛ koe. A gùrùn nə́ yoo, ǹ nə́ kaa kisilɛ lalan lon.

Samayeli2 6:23

Bɛ lɛ na á toa, Sayulu a nɛlɔ Mikaali nɛ yɛ wa, yǎa á woo kaa a gɛ̀ lɛ.

Zɔbu 18:5

Sɛnɛ, min baraa a tɛ fúlu á re nimi, a kùsì tɛ á re kuĩ lɛ diɛ.

Loen 58:8

Toa ǹ papaã ka mu kiɛ̃ wole bɛ́ lɔn. Toa ǹ bɛbɛnɛ ka buu mɛn bɛ́ ǹ nə́ tɔtɔrɔ la.

Boo-laakalaali 6:3

Ta min na á nɛgiĩ paabiɛ yɛ, á lɛ̀ gigiã yɛ kanaa, ta a lɛ̀ lɛ n mɔnaa-n lɔn, bɛ̀ a yii-nyɛɛ yɛ wa, ka bɛ dɔ nɛ, bɛ̀ a bĩ ǹ yala yɛ wa, man pii máa nɛ mɛn bɛ́ á yɛ gere lɛa, máa bɛ á soɛ nɛ.

Izayii 17:3

Efrayimu gána nɛ, lɛduə̃ ǹ kungɔn ba re yii doo wa. Kii a re yii Damaasi kiwi wa. Siirin min mɛnɛn yii bɛ́ re goɛ̃ koo, bɛn man die goɛ̃ kiɛɛrɛ ka Izirayeli minin bɛ́ lɔn. Dɛnaa Lawa Pàãyiidɛnaa a da ǹ boo ne.

Ozee 10:5

Nyɛ́ɛ n Samarii minin kɛn ganaa ka ǹ diin nɛ nyín kɛa sii ni, Bɛti-Avɛn kiwi. Zaman lɛ n wuu pii dì lɛ taman yii. Min mɛnɛn bɛ́ n dinin biɛ a wúlu-bɔlen lɛa, bɛ́n man bìn diɛ a nyɛɛnɛ. A giala a siĩnbaa lɛ woo sɔsɔɔ ǹ ganaa.

Ozee 4:7

Wúlu-bɔlen mɔnaabaa n die ka sii baraa gigiã nɛ. Ǹ gugurubaa ke, ma á re bɛ bɔyɛɛ ma baa sìi lɛa.

Ozee 5:9

Dɔlɔ-bɔ kɛa pinaa, Efrayimu tɔrɔ kɛ kɔn ba re goɛ̃ wa. Sii mɛn bɛ́ a re sàabiɛ wa, man bɛ lɛ nyɛɛ Izirayeli tɔrɔn manɛ.

Ozee 9:14

Dɛnaa Lawa, wàa din lɛa, n kɔ kɛn la? N nyan toa nɛ giã ǹ lɔn kɛn gɔ́ɔ̃-n wa, toa ǹ nyɔn nə dadama ǹ kolo-n!

Amɔɔsi 1:13

Dɛnaa Lawa na á pɛ kɛnɛn: Amɔn tɔrɔn kɛn nə́ sii baraa gigiã zɛnaa. Ǹ sii mɛn zɛnaa, á kiɛ̃ a bǎã la. A giala, Galaati lɔn mɛnɛn bɛ́ nɔ̀ nɛ, ǹ nə́ bɛn nɔ̀ wɔsɔ, màn mɛn bɛ́ toɛ, ǹsɛn gána gole kɔ. Bɛ lɛ n ke, ma á ǹ zɛ̀rɛ biɛ, ma a re wusii maa da ǹ boo dɔ kio wa.

Luku 23:29

A giala lɛawaan nə́ ke die, minin nə́ die pii ǹ mɛnɛn gɔ́ɔ̃ nɛ mà lɔ nɛ-yɛlebaãnaan wɔ á sóɛ, mà min mɛnɛn bin nɛ yɛ, ǹ nə́ gũ ǹ nə́ nyɔ kɔ la wa, mà bɛn wɔ á sóɛ.

Timəə dí-pɛn 28:18

Ka gɔ́ɔ̃gɔ́ɔ̃ ǹ nɛnyaanan wɔ a re bǐɛ̃ koe wa, kaa tán dí a re ka gɔn sii wa, kaa diin ni, kaa sèren ne ka kaa bòen ne, bɛn kɔn ba re mɔnɛɛ wa.

Timəə dí-pɛn 28:57

A giala, màn kɔn bɛ́ a banban, a nɛ mɛn yɛ sisia, ka yisi mɛn dɔ kaa á n bɔ a ganaa, a dinsɔɔ̃ n giɛ li a bɛ lɛ sɔ̃ ka durii ni, nɔmaa lɛ taman yii, kaa zɔ́ɔn lɛn nə nɔmaa mɛn da ka mìi ni, bɛ̀ ǹ bɛ́ ǹ nə́ daa kɔ kaa kiwin lɛn lɛ.

Timəə dí-pɛn 33:17

Zozɛfu nyàa á lon! A n kaka ka dii gɔ̀lɔ̀ bɛ́ lɔn, ka lɛlɛ a don a zù kɛ bɛ́ lɔn. Á bɛn gegere màn paa bɔ, goon nə ka Efrayimu tɔrɔ gigiã kɛ nɛ, goon nə ka Manaasee tɔrɔ duu damata kɛ nɛ. A n tɔrɔn dii ka a bɛnɛn lɛn nɛ, a ǹ loo a wo ǹ koa kanaa lɛ dan ganaa.»