Ozee 8:9 - LAWA A BOO SONBORE

⁹ Efrayimu tɔrɔn kɛn man ka don dundunun bɛ́ lɔn, ǹ ba n mɔrɛ min-a wa. Maǹ nə́ woo Asiirii gána nɛ, ǹ nə́ ǹ lɛ pii màn mɛn bɛ́ toɛ ǹ giaárabaa yɛ.

LAWA A BOO SONBORE 2011

⁹ Efrayimu tɔrɔn kɛn man ka don dundunun bɛ́ lɔn, ǹ ba n mɔrɛ min-a wa. Maǹ nə́ woo Asiirii gána nɛ, ǹ nə́ ǹ lɛ pii màn mɛn bɛ́ toɛ ǹ giaárabaa yɛ.

Ozee 8:9 Iomraidhean Croise

Kiin2 15:19

Asiirii gána a kii Puli daa gána lɛ si á n kɔ lɛ, sɛnɛ Menaahɛmu wɔrɔ kilo duu pɔsɔɔwensii (34 000) kɔ Puli lɛ la, màn mɛn bɛ́ toɛ a n dɔ lɛ pàã lɛ gòãn nə boo la ǹ wɔ tán a gɔn.

Izayii 30:2

Ká zii saa ka n woe Ezipti, sɛnɛ, ka nɔ̀n da ma la wa. Ka ǹ zoɛ̃ li mà Eziptin kii *Faarahɔn ka tamaa. Ka ǹ giɛ mìi susu ǹ bǎã li a gána nɛ!

Izayii 30:6

Negɛvu gána a boo gii: Koe gána nɛ, a foo ziziɛ̃ n gɔ̀nɔn bìn diɛ. Yàra san nɛ ka yàra daanan nɛ, kɔrɔkanan nɛ ka tɔɔ babaraa piɛ̃ wolen giã ǹ bǎã nɛ. Kaa dia dí-a wolen manə ǹ naforon goɛ dudunun la, ǹ nə́ ǹ gɔn mànan kiɛ nyɔɔmaan dɔ́ɔ̃ nɛ. Bǐɛ̃baa ǹ mànan manɛ ǹ tá woe koe Ezipti minin la, a da yaa ǹ ba re boe sii kɔn dɔ la ǹ zɛnaa ǹ nɛ wa.

Zeremii 2:24

N nə n kɔnbɔ ka don dundun dan nɛ, a lɛ mui ka bǎã kòso ne, a dii biikoo li, gìĩ siɛ piɛ̃ li. A dii waáraa, màn kɔn ba kurii wa. Dundunun mɛnɛn bɛ́ giɛ li, ǹ ba ǹ dinin nɔmɛɛ wa. Bɛ̀ á dii lɔn gɔrɔ, maǹ woe yiɛ.

Ozee 12:1

Efrayimu ma lɛnpɛnɛ ka soɛ nɛ, Izirayeli a zaman ma lɛnpɛnɛ ka siɛ̃ nɛ. Sɛnɛ Zudaa a tɔn tɔ we kun ka Lawa nɛ, á pepere min sonboren bii.

Ozee 12:2

Efrayimu nə n din toe ka piɛ̃ nɛ, a n baa sii lɛ̀giala piɛ̃ kɛ kio a wasa mɛ nɛ, a n màn diɛ a soɛ bɔ li, ka a kakaarɛbaa nɛ. Á lɛ kɔ kɔn la wɔ ka Asiirii ni, a n nyɔɔ koe Ezipti la.

Ozee 2:10

Sɛnɛ, a doɛ̃ mà *belee ke, ka duvɛ̃ laanka nyɔɔ kɛ nɛ, mà ma din nə má kɔ asɛ la wa. Ma din dɔ-n má wɔrɔ laanka sana gigiã kɔ la. Sɛnɛ, á sana lɛ saa á *Baali nyín zɛnaa nɛ!

Ozee 5:13

Efrayimu tɔrɔn kɛn nə́ ǹ dinin busu dɔ̃, Zudaa tɔrɔn dɔn nə́ ǹ busu dɔ̃. Bɛ lɛ nɛ, Efrayimu minin nə́ woo Asiirii, ǹ nə́ minin dia kii gole kɛ li. Sɛnɛ, bɛa boe la a kaa busu kɛ nya wa, a boe la a ka si kaa busu kɛ la wa.

Ozee 7:11

Efrayimu minin lɛn man ka zɛrɛkantoan bɛ́ lɔn, ǹ ba n sii bebelee la wa, a giala ǹ ba n taasɛ wa. Ǹ nə́ Ezipti minin bii wɔ maǹ da n dɔ ǹsɛn lɛ, ǹ nə́ woo Asiirii gána nɛ.