Ozee 8:13 - LAWA A BOO SONBORE

¹³ Maǹ wúlu boe ma ganaa ka tɔɔn nɛ, ǹ siĩ soɛ̃ á lɛa. Sɛnɛ, masɛ Dɛnaa Lawa a lɛ koe ǹ wúlu mànan lɛn ganaa wa. Sisia, ma yiri a boe ka ǹ sã ǹ siin kɛn nɛ wa, ma nə ǹ sii baraan kɛn nimii. Ǹ doamaa nɛ, ǹ wusoo ǹ wo Ezipti.

LAWA A BOO SONBORE 2011

¹³ Maǹ wúlu boe ma ganaa ka tɔɔn nɛ, ǹ siĩ soɛ̃ á lɛa. Sɛnɛ, masɛ Dɛnaa Lawa a lɛ koe ǹ wúlu mànan lɛn ganaa wa. Sisia, ma yiri a boe ka ǹ sã ǹ siin kɛn nɛ wa, ma nə ǹ sii baraan kɛn nimii. Ǹ doamaa nɛ, ǹ wusoo ǹ wo Ezipti.

Ozee 8:13 Iomraidhean Croise

Bɔ bɛ̀rɛbaa nɛ 20:3

- N baran Lawa kɔsɔ guguru kɔ masɛ kio wa.

Bɔ bɛ̀rɛbaa nɛ 32:34

Kanna kəni, woo! Zaman kɛ lɛ nyɛɛnaan bɔ, ma bǎã mɛn pɛ n nɛ, wo-n walan. Ma din a lon a dia dí-a wole n die tɔ we n nyɛɛnɛ. Sɛnɛ, bɛ̀ ma yoo ǹ mɛn pinaa, ma á re dɔlɔ boe ǹ ganaa ǹ sii baraan lɛa.»

Suusun 21:27

Min baraan wúlu màn nə màn bɔnɛɛ lɛa, sanparɛ bɛ́ ǹ nə́ zɛnaa ka gɔ́ɔ̃ tìbaa nɛ.

Izayii 1:11

Dɛnaa Lawa n pii: Kaa *wúlu màn damata kɛ là n ka wàa nɛ ma ganaa? Ka bɛ́ sère kuturun mɛnɛn tiɛ̃ lenlen maa wɔ lɛa, tɔɔ kasiɛ̃ wolen nyɔɔ ke ka á koe wúlu màn lɛa, bɛn tumaa tìĩ bɔ ma yin ni kanna. Dii gɔ̀lɔ̀n mà ke, sère nɛ tenən wɔ nɛ, ka butumun wɔ nɛ, ma ba ǹ li doo wa.

Zeremii 14:10

Dɛnaa Lawa bɛ́ boo mɛn diɛ zaman lɛ nɛ, á ke: «Hiĩ, minin kɛn man baa sii paǹ yii li ǹ dinin gɔn wìi á lɛ-a. Bɛ lɛ n kɔɔ̃nɛ ǹ dinin ganaa.» Sɛnɛ, bɛa Dɛnaa Lawa foo sii lɛa wa. Kanna kəni, a yiri á re gisĩ ǹ siɛ̃n nɛ, á re ǹ sii baraa a dɔlɔ boe ǹ ganaa.

Zeremii 6:20

Ka bɛ́ boe da yon gìĩ kɔɔ̃n nɛ Sabaa ka n die ne, ka gána sɔsɔɔ buu gìĩ kɔɔ̃n kɛ nɛ masɛ wɔ lɛa, bɛ là n ka wàa-n kəni? Kaa *wúlu màn tiɛ̃n kɛn, ma ba ǹ li wa. Kaa wúlu mànan kɛn ba kɔɔ̃n ma ganaa wa.

Ezekieli 29:16

A Izirayeli minin kɛn foo doa ǹ bǎã biɛ doo wa. A giala, Ezipti gána lɛ din a tan nə die ǹ yiri gisĩ ka ǹ dinin sii baraa nɛ, ǹ dinin wusoo a wo kaa kun ka Ezipti gána-n kɛ lɛ. Ǹ tá re doɛ̃, mà masɛ din nə Dɛnaa Lawa lɛa.»

Ozee 11:5

Izirayeli tɔrɔn lɛn ba re wusii ǹ da Ezipti doo wa, sɛnɛ Asiirii gána kɛ n die goɛ̃ ǹ mìi la, a giala ǹ nə́ n piã mà ǹ ba wusii ǹ da masɛ li wa.

Ozee 12:11

Má boo da maa boo gii-dalin manɛ, má sii-yɛn mɔnaa, maa boo gii-dalin barka nɛ má boo da ka nɛ ka giməə ne.

Ozee 4:9

Dɔlɔ mɛn bɛ́ re zaman lɛ yii, a din lɛ n die wúlu-bɔlen dɔn yii. Ma á re didie a zɛnaa ǹ siin kɛn dɔlɔ boe a ganaa, a sii mɛn zɛnaa, ma á re a dòo sarɛɛ la.

Ozee 5:6

Ǹ tá re die ka ǹ tɔɔ dadaran laanka ǹ tɔɔ bisinin ni mà maǹ giɛ Dɛnaa Lawa li. Sɛnɛ, ǹ ba re yii wa. A giala á soo á n bɔ ǹ bii.

Ozee 6:6

Sii zɛnaa ka kɔn-narɛɛ nɛ, bɛ á kɔɔ̃n ma ganaa á la wúlu mànan kɛn manɛ. Ma dɔ̃ Lawa lɛa, bɛ á kɔɔ̃n ma ganaa á la *wúlu màn tiɛ̃n kɛn manɛ.

Ozee 7:11

Efrayimu minin lɛn man ka zɛrɛkantoan bɛ́ lɔn, ǹ ba n sii bebelee la wa, a giala ǹ ba n taasɛ wa. Ǹ nə́ Ezipti minin bii wɔ maǹ da n dɔ ǹsɛn lɛ, ǹ nə́ woo Asiirii gána nɛ.

Ozee 7:16

Ta kɛn tá wusii ka ǹ kio ne, ǹ bie wusii die masɛ lon a Lawa li wa. Maǹ ka sa bɛ́ lɔn, a nɛ basã. Ǹ goledɛnan kɛn tá re giɛ̃ zia la, ǹ din gole kɔ ǹ boon kɛn taman yii. Bɛ lɛ taman yii Ezipti minin kɛn tá re ǹ diɛ yaa lɛa.

Ozee 7:2

Ǹ bɛ́ sii baraa mɛn tumaa zɛnɛɛ, ma yiri a boe-n wa, sɛnɛ, ǹ ba bɛa taasiɛ we wa. Sisia dinin, ǹ zɛnaa ǹ sii baraan lɛn nə́ ǹ da bii. Maǹ ma yɔrɔ-a miɛ̃ duduu.

Ozee 9:6

Á ke, ǹ gána lɛ bɛ́ á ziziɛ̃, ǹ dinin nə́ baa si. Maǹ die woe n lɛ soekɔn Ezipti, Ǹ bĩ ǹ bǎã á re goɛ̃ Mɛmifisi. Ǹ gɔn màn giɔ̀mɔ kakan kɛn wɔrɔ lɛa koronkoron tá re bɛn sii a n kɔ lɛ. Nyan babaraan tá re ǹ kionən kɛn sii, ǹ nə n kɔ ǹ lɛ.

Ozee 9:7

Dɔlɔ bɔ lɛawaa dɔ, saraa lɛawaa dɔ. Izirayeli minin tá re bɛ doɛ̃. Lawa a boo gii-dali lɛ n gàãnaa lɛa, a yiri na á n si la, a giala, kaa sã lɛ la yii ni, kaa baraabaa lɛ dɔ la yii ni.

Ozee 9:9

Ká dɔ baraabaa lɛ a dù ni, ka Gibeya wɔ kɛ bɛ́ lɔn lɛlɛ. Lawa yiri a die boe ka kaa baraabaa ǹ siin kɛn nɛ wa, á die kaa sii baraan lɛn dɔlɔ boe ka ganaa.

Amɔɔsi 3:2

Kanaa a tɔrɔn tumaa bii, man má ka dininsɔɔ̃nɔn lɛn bɔ. Bɛ lɛ nɛ, ka sii baraa mɛn tumaa zɛnaa, ma á re a dɔlɔ boe ka ganaa.

Amɔɔsi 5:22

Ka bɛ́ wúlu mànan mɛnɛn tiɛ̃ lenlen maa wɔ lɛa, ka bɛ́ ma goe ka mànan mɛnɛn nɛ, ǹ kɔn ba kɔɔ̃n ma ganaa wa. Ka bɛ́ tɔɔ kasiɛ̃n mɛnɛn koe ma la barka da ǹ *wúlu màn lɛa, ma din ba giɛ ǹ ganaa wa.

Amɔɔsi 8:7

Dɛnaa Lawa tɔ́n pɛ kɛnɛn: Izirayeli minin tá ǹ dinin gole koe ǹ kiwi a lɛa. Man nə n liɛ ka ǹ gána lɛ nɛ kəni. Ma yiri á re boe ka ǹ nya ǹ dí kɛ kɔn nɛ duduu wa.

Luku 12:2

Sii mɛn din tumaa bɛ́ durii ni, bɛ din tumaa á die boe kanaa. Sii mɛn tumaa dɔ bɛ́ kuməə ne, bɛ yii á die n doɛ̃.

Korɛnti1 11:20

Bɛ̀ ka á n lɛ soekɔn miɛ̃ kun, Dɛnaa a màn-bii kɛ bie ka á bii wa.

Korɛnti1 11:29

A giala, bɛ̀ min mɛn màn kɛ bii, á màn kɛ mi, a ná a ba n taasɛ, mà asɛ n doa-n kɔn ka Dɛnaa din gɔ̀nɔn nɛ wa, bɛa dɛnaa n kiri koɛ a din ni, ká màn kɛ a bii ni, ká a mii ni.

Korɛnti1 4:5

Bɛ lɛ n toɛ, ka nyan kiri da min kɔ́n la fufuu miɛ̃, bɛ̀ Dɛnaa ná a tɔn daa wa. Màn mɛn bɛ́ wɔlɔ tì li, á re bɛ diɛ wɔlɔ fúlu li, taasiɛ duriin mɛnɛn bɛ́ minbuiin nɛ gɔ́ɔ̃ nɛ, á re bɛn nyɛɛ. Bɛ ganaa, didie tumaa bɛ́ kɔnboe ka tɔ-bɔ mɛn nɛ, Lawa á re bɛ koe la.

Timəə dí-pɛn 28:68

A laanɛ má pɛ ka nɛ máa ka yii á re wusii a mɛ Ezipti gána kɛ ganaa doo duduu wa, Dɛnaa Lawa á re wusii a wo ka nɛ walan ka mu la ǹ goo ne. Walan kəni, kaa giĩn laanka kaa lɔn tá re n dinin siɛ̃ kaa zɔ́ɔn lɛn la bɛ̀rɛn lɛa. Sɛnɛ, min na a re yii a ka pii wa.

Sii-nyaan 16:19

Kiwi gole lɛ nə́ n talakɔn sɔɔ, gánan tumaa a kiwin nə́ bɔ ǹ nə́ kaa. Lawa nə́ n yiri koa *Baabilonii kiwi gole kɛ a zɛnaa ǹ sii ni, á da Lawa a foo-yoo ǹ duvɛ̃ mii ganaa, ǹ mɛn lɛ bɛ́ Lawa a foo-yoo gole paan kɛ nɛ.

Samayeli1 15:22

Samayeli pɛ: «Dɛnaa Lawa bɔlɔ si bɛ́ kɔɔ̃nɛ Dɛnaa Lawa ganaa lɔn, *wúlu màn tiɛ̃n laanka wúlu mànan tá kɔɔ̃nɛ a ganaa miɛ̃ ya? Haayii dɛ! Á ke, bɔlɔ si á soɛ wúlu màn nɛ, doree si á soɛ sère pian nyɔɔ nɛ.