Ozee 8:11 - LAWA A BOO SONBORE

¹¹ Efrayimu minin man nə́ *wúlu bɔ ǹ bǎã gigiã dɔ, ǹ sii baraa sawaa ǹ bǎã lɛa. Sɛnɛ, bɛa wúlu bɔ ǹ bǎãn lɛn dinin man nə́ ǹ kaa sii baraa zɛnaa ganaa.

LAWA A BOO SONBORE 2011

¹¹ Efrayimu minin man nə́ *wúlu bɔ ǹ bǎã gigiã dɔ, ǹ sii baraa sawaa ǹ bǎã lɛa. Sɛnɛ, bɛa wúlu bɔ ǹ bǎãn lɛn dinin man nə́ ǹ kaa sii baraa zɛnaa ganaa.

Ozee 8:11 Iomraidhean Croise

Zeremii 16:13

Bɛ lɛ nɛ, man die ka lui gána kɛ nɛ. Gána mɛn bɛ́ kaa doɛ̃ wa, ka digolon dɔn dinin nə dɔ̃ wa, ka á re woe walan. Penleen laanka tèlò, ka á re lawa kɔsɔn guguru koe. Ma á re maa bǐɛ̃baa kɛ nyɛɛ ka-n doo wa.»

Zeremii 17:1

Zudaa minin siɛ̃n man ka sɛ́wɔ kiɛ̃ bɛ́ lɔn, ǹ nə́ kiɛ̃ ka fɔlɔ lɛ pɛpɛnaa nɛ hinlaa ka lunluun ni. Maǹ kiɛ̃ nɛ ǹ foo la ka ǹ *wúlu bɔ ǹ bǎã karan nɛ.

Ozee 10:8

Ǹ wúlu bɔ ǹ bǎãn kɛn Avɛn bɛ́n tá re ziziɛ̃, Izirayeli sii baraa zɛnaa bǎã mɛn lɛ nɛ. Buu laanka nyan tá re boe ǹ wúlu bɔ ǹ bǎãn nɛ. Ǹ tá re pii bɛa biikoo li kəni: «Kelen lɛn, ka n kɔ wɔ lɛ! Tentenen lɛn ka bɔ ka mɛ wɔ la!»

Ozee 12:11

Má boo da maa boo gii-dalin manɛ, má sii-yɛn mɔnaa, maa boo gii-dalin barka nɛ má boo da ka nɛ ka giməə ne.

Ozee 5:4

Ǹ zɛnaa ǹ sii lɛ din ba toɛ ǹ yii wɔ ǹ wusoo ǹ da ǹ Lawa li wa. A giala, kɔrɔbaa ǹ taasiɛ lɛ tá ǹ yiri ni. Ǹ ba masɛ Dɛnaa Lawa doɛ̃ wa.

Timəə dí-pɛn 4:28

Ka bɛ́ re lawan mɛnɛn guguru koe walan, minbuiin nɛ gɔn na á ǹ zɛnaa ka gɔn nɛ, ka kɔlɔ nɛ. Ǹ yii a wɔlɔ yii wa, ǹ ba boo miɛ wa, ǹ ba boe la ǹ màn bii wa, ǹ ba màn gìĩ miɛ̃ wa.