Ozee 8:10 - LAWA A BOO SONBORE

¹⁰ Ǹ nə́ tɔrɔ kɔsɔn gɔgɔ ka mànan nɛ sɛnɛ, a laanɛ ǹ nə́ bɛ zɛnaa, sisia kəni, man die ǹ soekɔn. Kànaa ka boɛɛn nɛ, kii gole kɛ bɛ́ re guĩ mɛn diɛ ǹ mìi ni, ǹ tá re nɔmɛɛ bɛa guĩ gɔn.

LAWA A BOO SONBORE 2011

¹⁰ Ǹ nə́ tɔrɔ kɔsɔn gɔgɔ ka mànan nɛ sɛnɛ, a laanɛ ǹ nə́ bɛ zɛnaa, sisia kəni, man die ǹ soekɔn. Kànaa ka boɛɛn nɛ, kii gole kɛ bɛ́ re guĩ mɛn diɛ ǹ mìi ni, ǹ tá re nɔmɛɛ bɛa guĩ gɔn.

Ozee 8:10 Iomraidhean Croise

Kiin2 14:26

Sonbore, Dɛnaa Lawa goã á Izirayeli minin nɔmaa gole lɛ yɛ. Min kɔn din goã a tan a nə́ n doe ǹ lɛ wa. A goã a tan bɛ̀rɛ lɛa wa, hinlaa min mɛn nə́ ke a din gɔn wìi a lɛa, a goã a tan bɛ lɛa wa.

Kiin2 17:3

Asiirii gána a kii Salmanazaara woo Ozee gialaa, Ozee ná a wɔ da Salmanazaara wɔ gɔ́ɔ̃ nɛ, á nyin giɔ̀mɔ saraa la.

Kiin2 17:4

Sɛnɛ, Asiirii gána a kii lɛ daa yɛ, mà Ozee lɛ goã á gòãn dii ǹ sii zɛnaa. Sonbore, a na á goã á dia dí-a wolen dia Ezipti gána a kii Sayisi li, a bɛ́ goɛ̃ bɛ̀ a nyin giɔ̀mɔ mɛn dɔ saraa lɛ̀ tunaa nɛ, a goã á bɛ dɔ dia Asiirii gána a kii lɛ la wa. Asiirii gána a kii tɔ́n Ozee kũ á zɔrɔkan kaa a ganaa, á da kòso-n.

Izayii 10:8

A n pii: Maa sɔraasi nyɛɛnaadɛnan dinin man ka kiin bɛ́ lɔn.

Izayii 30:2

Ká zii saa ka n woe Ezipti, sɛnɛ, ka nɔ̀n da ma la wa. Ka ǹ zoɛ̃ li mà Eziptin kii *Faarahɔn ka tamaa. Ka ǹ giɛ mìi susu ǹ bǎã li a gána nɛ!

Izayii 36:13

Bɛ kio, Asiiriin sɔraasin goledɛnaa lɛ yoo lon á pɛ ka lɛn gole ne, Ebrə́ bɔlɔ nɛ: – Ka n too kɔ kii gole, Asiiriin kii a boo li:

Zeremii 42:2

ǹ nə́ woo dɔ Lawa a boo gii-dali Zeremii li ǹ nə́ pɛ nɛ: «Baalaa wɔ n wɔa nyankɔ lɛ si! Dɛnaa Lawa, n Lawa nyankɔ wɔsɛn yiikoonaan kɛn lɛa. Wɔ́ kiɛɛrɛ kɔ á la yii ni ka n din yii bɛ́ a ganaa lɔn.

Ezekieli 16:33

Maǹ màn koe lɔ kɔrɔ tumaa la, sɛnɛ, nsɛ nə n màn kɔ n tɔntɔraan lɛn tumaa la. N nə́ ǹ saraa, màn mɛn bɛ́ toɛ ǹ bɔ bǎã tumaa nɛ, bɛ̀ ǹ da giã kunun n ni.

Ezekieli 16:37

Á ke, a bɛ́ miɛ̃, n sii kɔɔ̃n kɔ tɔntɔraan mɛnɛn tumaa ganaa, n nə ǹ mɛnɛn tumaa narɛ, ka ǹ mɛnɛn tumaa bɛ ǹ kɔɔ̃n kɔ n ganaa wa, ma á re ǹ tumaa soekɔn. Ma á re n tontoro diɛ ǹ yɔrɔ-a. Ǹ tá re n sìi tumaa yii.

Ezekieli 22:20

Wɔrɔ nɛ, zan nɛ, fɔlɔ nɛ ka fɔlɔ bù ni, maǹ bɛa mànan lɛn kiɛ kɔn la fɔlɔ yo ǹ kùsì ni, ǹ tɛ wɔ ǹ giulun, yǎa ǹ yoe. A din yɔrɔ goon la, bɛ̀ ma foo busu ka li, á yoo ka li, ma á re ka soekɔn, ma ka kaa kɔn la fɔlɔ yo ǹ kùsì kɛ nɛ, ma ka tã.

Ezekieli 23:5

Sɛnɛ, a laanɛ Oholaa tá masɛ wɔ lɛa, á kɔrɔbaa zɛnaa. Á n din kɔ a tɔntɔraa Asiirii minin kɛn la.

Ezekieli 26:7

Masɛ Dɛnaa Lawa n kɛ pii: «Kii gole Nebukadenezɔɔrɔ ke Baabiloniin kii lɛa, ma á re boe ka bɛ nɛ gɔsɛ a lɛ̀gɔn la, ma da nɛ Tiiri kiwi kɛ gialaa. Ma á re die ka sùin ni, ziabaa ǹ wotoron ne, sùi da-baalin ni, ka zia-baali damata nɛ.

Ozee 10:10

Man die dɔlɔ boe n ganaa ma foo yii li. Tɔrɔ kɔsɔn tá re n soekɔn ǹ da ka gialaa, a giala n tɔ nə n sii baraa màn paa kɛ lɛ lɛ da wa.

Ozee 12:2

Efrayimu nə n din toe ka piɛ̃ nɛ, a n baa sii lɛ̀giala piɛ̃ kɛ kio a wasa mɛ nɛ, a n màn diɛ a soɛ bɔ li, ka a kakaarɛbaa nɛ. Á lɛ kɔ kɔn la wɔ ka Asiirii ni, a n nyɔɔ koe Ezipti la.

Azee 2:6

Sɛnɛ á ke masɛ Dɛnaa Lawa Pàãyiidɛnaa pɛ: Kànaa ka boɛɛn nɛ ma á re bìn diɛ lon laanka tán ganaa yìsi mu laanka tán gere ne.