Ozee 8:1 - LAWA A BOO SONBORE

¹ Ka bɛn pɛ! Bɔ̀n nə́ n tele á die Dɛnaa Lawa a kion lɛ gialaa, ka giogialatã bɛ́ lɔn. A giala, ǹ nə́ maa lɛ kɔ kɔn la lɛ ziziɛ̃, ǹ nə́ n piã ka maa dí-pɛn kɛn nɛ.

LAWA A BOO SONBORE 2011

¹ Ka bɛn pɛ! Bɔ̀n nə́ n tele á die Dɛnaa Lawa a kion lɛ gialaa, ka giogialatã bɛ́ lɔn. A giala, ǹ nə́ maa lɛ kɔ kɔn la lɛ ziziɛ̃, ǹ nə́ n piã ka maa dí-pɛn kɛn nɛ.

Ozee 8:1 Iomraidhean Croise

Kiin2 18:27

Sɔraasi mìilandɛnaa lɛ nə́ ǹ lɛ si á pɛ: «Maa dɛnaagiĩ na á ma dia boon kɛn lɛn pii nsɛ laanka n kii dinsɔɔ̃-n ya? Giĩn mɛnɛn bɛ́ giã-n kungɔn la, ǹ bù bii laanka ǹ mɔn mi n die pàã biɛ ǹ ganaa ka ka dɔn wɔ bɛ́ lɔn.»

Izayii 18:3

Kasɛn kanaa tumaa minin, kasɛn mɛnɛn bɛ́ tán piɛ̃, bɛ̀ ka zazan yɛ tenten la biikoo mɛn li, ka ga! Bɛ̀ ka sère gɔ̀lɔ̀ bɛn wuu ma ǹ mɛn waáraa, ka n too kɔ!

Izayii 24:5

Sonbore, minbuiinin nə́ *gɔ̀ da tán ganaa. Ǹ nə́ Dɛnaa Lawa bɔlɔ tii. Ǹ nə n too kɔ a dí-pɛn li wa. Ǹ ná a landa boon puusə kɔ. Lɛ kɔ kɔn la mɛn bɛ́ duduu wɔ lɛa ǹ doɛ kɔn ka Dɛnaa Lawa nɛ, ǹ nə́ bɛ ziziɛ̃.

Izayii 58:1

Dɛnaa Lawa pɛ: Paraa ka lɛn gole ne, n nyan nə n lɛ tã wa. Toa n lɛn nə bɔ ka bɛn wɔ bɛ́ lɔn! Maa zaman lɛ a sii baraan pɛ ǹ nɛ, n Zakɔba tɔrɔn siɛ̃n pɛ ǹ nɛ.

Zeremii 31:32

Ma lɛ kɔ kɔn la mɛn wɔ ǹ digolon ne bɛ̀ ma bɛ́ má ǹ kũ ǹ gɔn ganaa Ezipti gána nɛ má soo ǹ ne, á re goɛ̃ totoro ka bɛ nɛ. Ǹ nə́ bɛa lɛ kɔ kɔn la lɛ ziziɛ̃. A da yǎa ma din nə ǹ Dɛnaa lɛa. Ma din Dɛnaa Lawa a da ǹ boo ne.»

Zeremii 34:18

Zudaa laanka Zeruzalɛmu a nyɛɛnaandɛnan nɛ, ǹ dí-nyali dadaran nɛ, ǹ Lawa a wúlu-bɔlen ne, ka min mɛnɛn tumaa bɛ́ tándɛnan lɛa, bɛn tumaa lɛ-kɔ wɔ ka masɛ nɛ. Maǹ nə́ wúlu bɔ ǹ dii nɛ lɛ na kɔn paa, ǹ nə́ bɔ a bii ni. Sɛnɛ, bɛa minin lɛn nə kɔ ǹ lɛ-kɔ lɛ wa, ǹ tamaa wa. Ma dɔ n die ǹ dɔn biɛ ka dii nɛ lɛ bɛ́ lɔn ǹ nə́ na kɔn paa.

Zeremii 4:13

Zɔ́ɔn lɛn nə́ ke: maǹ die ka la a tì bɛ́ lɔn, Ǹ ziabaa ǹ wotoron yii n fuu ka piɛ̃ gole bɛ́ lɔn, ǹ sùin yii n fuu á la giogialatã-a nɛ. Wàa koe n ka kɛ nɛ! Wɔ́ sàabaa!

Zeremii 4:5

Ka boo kɛ pɛ Zudaa gána nɛ, ka sawaa Zeruzalɛmu. Ka sère gɔ̀lɔ̀ bɛn pɛ gána lɛ nɛ, ka n lɛ dɛ ka lɛn gole ne ka pɛ: «Ka n sɔsɔkɔn kiwi tamaa wolen ne!»

Zeremii 48:40

Dɛnaa Lawa n kɛ pii: «Zɔ́ɔ n ka zèwo bɛ́ lɔn, piɛ̃, á n nyàan lɛ bɔ Moabu kiwi lalan.»

Zeremii 49:22

Zɔ́ɔ n ka zèwo bɛ́ lɔn, piɛ̃, á n nyàan lɛ bɔ Bosraa kiwi lalan. Bɛa pinaa lɛ nɛ, nyɛ́ɛ á re Edɔmu a zia-baali zanbian kɛn kuĩ ka lɔ bɛ́ lɔn a nɛ yɛ biikoo li.

Zeremii 51:27

Ka màn zumu sii a kɔnboe lɛa gána lɛ nɛ, ka bɛn pɛ tɔrɔn tumaa bii! Ka tɔrɔn sɔkɔn a ganaa, Araraa minin ni, Minii minin ni ka Askenaazi minin ni. Ka sɔraasin nyɛɛnaandɛnan bɔ ǹ wo zia baa a ganaa. Ka sùin dia ǹ wo ziabaa a ganaa, ká bisin kuru bɛ́ lɔn.

Zeremii 6:1

Bɛnzamɛn tɔrɔn lɛn, ka soo ka n bɔ Zeruzalɛmu! Ka n duru bǎã kɔsɔ nɛ. Ka sère gɔ̀lɔ̀ bɛn pɛ Tekoa, ka sii giala pɛ ǹ màn doa tán Bɛti-kerɛmu. A giala, koe n die, koe taãn-taãn lɛa, boe gɔsɛ a lɛ̀gɔn la.

Ezekieli 11:4

Bɛ lɛ taman yii, nsɛ minbuiin a nɛ, maa boo gii da ǹ nɛ. A da ǹ nɛ koe!

Ezekieli 16:59

Masɛ Dɛnaa Lawa n kɛ pii: N sii mɛn zɛnaa, man die bɛ lɛ miã zɛnɛɛ n nɛ. A giala, n liɛ mɛn wɔ, n bɛ baa sii lɛa wa, n lɛ kɔ kɔn la lɛ ziziɛ̃.

Ezekieli 17:3

A pɛ ǹ nɛ, mà Dɛnaa Lawa n kɛ pii: Giogialatã-a gole ne, a nyàan nə́ dadara kɔ, a nyàa kan nə́ sɔsɔrɔ kɔ, á ka pã ka kɛkɛ, a ka lɛ n sɛsia wɔkaka. A na á daa Liban kele la, á da kaka kɛ goon mìi na,

Ezekieli 7:14

Bɛn tá re n pii, mà ka n yɔrɔ bɔ, sɛnɛ, min kɔn ba a re yii a wo zia la wa. A giala, ma foo n yoo-n gána lɛ a minin tumaa li.

Ozee 4:6

Maa minin lɛn man giɛ̃, ma doɛ̃baã taman yii. A giala, ka dinin nə́ n piã ka ma doɛ̃ nɛ, ma dɔ á re n piɛ̃ ka ka dɔn nɛ, ka a re maa wúlu-bɔlen biɛ doo wa. Ka yiri bɛ́ á bɔ ka kaa Lawa a dí-pɛn kɛn nɛ, masɛ dɔ yiri á die boe ka kaa nɛnyaanan kɛn nɛ.

Ozee 5:8

Ka bɛn pɛ Gibeya kiwi, ka bɛn pɛ Ramaa kiwi, ka lɛn da Bɛti-Avɛn kiwi: Haya! Bɛnzamɛn tɔrɔn lɛn, kaa zɔ́ɔn tá ka kio.

Ozee 6:7

Sɛnɛ, kasɛn, ká lɛ kɔ kɔn la lɛ ziziɛ̃, ka Aadã bɛ́ lɔn. Ka ǹ ká ma sã.

Ozee 9:15

Ǹ baraabaa lɛ tumaa na á soo kanaa Gilgaali, walan lɛ nɛ, má ǹ baa zɔ́ɔ. Ǹ nya ǹ dí babaraan lɛn taman yii, ma á re ǹ lui ma ǹ bɔ maa kion. Ma a re ǹ narɛ doo wa, ǹ goledɛnan lɛn tumaa n piã-wɔlen lɛa.

Zowɛli 2:1

Ka bɛn pɛ *Siɔn nɛ, ka pɛ gole, maa kele sonbore kɛ la. Gána lɛ a minin tumaa gɔ̀nɔn nə bìn diɛ. A giala Dɛnaa Lawa a lɛawaa lɛ n die. A lɛawaa lɛ diri.

Zowɛli 2:15

Ka bɛn pɛ Zeruzalɛmu kiwi, ka lɛ-sɔɔ ǹ lɛawaa bɔ ka koa, ka zaman bii a tɔ-a.

Amɔɔsi 3:6

Bɛ̀ ń ziabaa ǹ bɛn wuu ma boe kiwi, nyɛ́ɛ á re a minin kuĩ. Bɔ̀n ba kiwi kɔn yii, bɛ̀ Dɛnaa Lawa na a lɛ kɔ wa.

Amɔɔsi 8:3

Dɛnaa, maa Lawa n kɛ pii: «Bɛa pinaa kɛ lɛ nɛ, ǹ bɛ́ loe mɛn loe kii a kion, bɛ á re n bɔyɛɛ a gɛ̀ wuu baa. Gere gigiã á re boe, ǹ tá re geren lɛn zuĩ tán kanaa bǎã yii ni. Bǎã lɛ á re goɛ̃ kiĩn ni.»

Amɔɔsi 9:1

Má maa Dɛnaa yɛ golee-n lon *wúlu bɔ ǹ bǎã kɛ lalan. A na á goã kɛ pii: «Bìbìn kɛn mìi yiyiɛ, kiɛnlɛn kɛn nə bìn dada. A wuru a n kɔ ǹ tumaa lɛ. Ta ǹ mɛnɛn nə́ la, ma á re bɛn dii ka gɔya sa nɛ. Ǹ kɔn ba re boe la a baa si a la wa, ǹ kɔn ba re n boe a-n wa.

Abakuku 1:8

Ǹ sùin baa la goen wɔ nɛ. Don ginin mɛnɛn bɛ́ woe dɔ doe wasamiɛ̃nɛ, ǹ kakaarɛbaa la bɛn wɔ nɛ. Ǹ sùidɛnan man boe sɔsɔɔ die, ǹ nə́ paparɛ. Maǹ yui ka giogiatã-a bɛ́ lɔn woe a siĩ siɛ.

Sofonii 1:16

Bɛn wuu lɛawaa nɛ ka zia lɛ-dɛ nɛ, kiwi dadaraan kɛn ganaa, tamaa nɛ, kungɔn sɔsɔrɔn nə́ ǹ lɛnpɛnɛ.

Zakarii 11:1

Liban gána, n kiɛnlɛn bũ tɛ nə n *sɛdrə dan kɛn kũ!

Zakarii 9:14

Ka bɛ-n kəni, Dɛnaa Lawa n die yui lon ǹ mìi la, a kiɛ kɛ wo ka la a tɛ pɛ bɛ́ lɔn. Dɛnaa Lawa n die bɛn pii, a wo nyɛɛnɛ ka labara nɛ, boe gusin a lɛ̀gɔn la.

Matiə 24:28

Bɛ̀ màn gere a bǎã mɛn nɛ, zèwon ma nə n lɛ soekɔn walan.

Korɛnti1 15:52

Bǎã goon ne, yii buĩ laanka a tiɛ̃ gɔ́ɔ̃ nɛ, bɛ̀ ǹ nə́ bɛn giala-nyɔmɔɔ pɛ. A giala, mà bɛn lɛ á re n pii, geren yii á re kiɛ, ǹ nyin nyabaã yɛ, ǹ tɔn wɔsɛn yiikoonaan bɔyaa.

Timəə dí-pɛn 28:49

Dɛnaa Lawa á re tɔrɔ kɔsɔn diɛ, ǹ bɔ bǎã sɔsɔɔ nɛ kanaa lɛ dàn ganaa ǹ da ka gialaa. Ka a bɛa tɔrɔn lɛn dinin bɔlɔ miɛ̃ wa. Maǹ die die ka gialaa, ka giogialatã-a wɔ bɛ́ lɔn.