Ozee 7:2 - LAWA A BOO SONBORE

² Ǹ bɛ́ sii baraa mɛn tumaa zɛnɛɛ, ma yiri a boe-n wa, sɛnɛ, ǹ ba bɛa taasiɛ we wa. Sisia dinin, ǹ zɛnaa ǹ sii baraan lɛn nə́ ǹ da bii. Maǹ ma yɔrɔ-a miɛ̃ duduu.

LAWA A BOO SONBORE 2011

² Ǹ bɛ́ sii baraa mɛn tumaa zɛnɛɛ, ma yiri a boe-n wa, sɛnɛ, ǹ ba bɛa taasiɛ we wa. Sisia dinin, ǹ zɛnaa ǹ sii baraan lɛn nə́ ǹ da bii. Maǹ ma yɔrɔ-a miɛ̃ duduu.

Ozee 7:2 Iomraidhean Croise

Zɔbu 34:21

A giala, Lawa n giɛ minbuiin nɛ a tɔ wɔ ǹ gɔn ganaa, a gòã saa gogoonmaa yii, Lawa nə n yiri koɛ li.

Loen 10:11

A n taasɛ mà Lawa yiri n boe, mà a giɛ kɛ ganaa wa, mà a yii ba kɛ ganaa wa.

Loen 25:7

Maa tenbaa waáraa a sã ǹ siin laanka bɔlɔ tii siin kɛn, n baran ma kũ bɛn li wa. Dɛnaa Lawa, ma kũ n din a kɔn-narɛɛ gole kɛ li, n bǐɛ̃ duduu kɛa lɛa.

Loen 50:22

Kasɛn mɛnɛn yiri bɛ́ boe ka Lawa nɛ, ka toa ka bɛ giala ma. Bɛ bie wa, man die ka kuĩ, ma ka wɔwoɛ̃ kɔn, min dɔ ná a die yii a ka si wa.

Loen 9:16

Tɔrɔ kɔsɔn nə nyankɔrɔ mɛn fɔ̃, ǹ dinin nə́ bɔ ǹ nə́ kaa a nɛ. Ǹ biɛ mɛn koa, á ǹ dinin kũ.

Loen 90:8

Ń wɔa sã ǹ siin lɛn koa n din yɔrɔ-a, ń wɔa sii duriin lɛn koa n din yii giulun.

Izayii 1:3

Dii tá a dɛnaa doɛ̃, dundun na a màn-bii ǹ goo doɛ̃, ǹ dɛnaa bɛ́ màn-bii koe la ǹ mɛn lɛ nɛ. Sɛnɛ, Izirayeli sɛ a màn kɔ́n doɛ̃ wa, maa zaman kɛ a màn kɔ́n giala miɛ wa.»

Izayii 26:16

Dɛnaa Lawa, koe biikoo li, manə n bɔyɛɛ die n din li. Bɛ̀ ń dɔlɔ bɔ ǹ ganaa, manə n nyankoe ka lɛn basiɛ̃ nɛ.

Izayii 44:19

Min kɔn ba n taasɛ, a bɔ a din ni, min kɔn ba yiri yii ka sii-doɛ̃ nɛ a pɛ: «Má tɛ koa ka gɔn lɛ a talɛɛ nɛ, má màn-bii zɛnaa a tɛ nàn la, má siĩ tã la má sɔ̃. Ma á re màn nyín bɔbɔnɛɛ zɛnɛɛ ká a gialakun kɛ-n doo? Ma a re kiɛ tán gɔn lɛkoro yɔrɔ-a wa!»

Izayii 5:12

Maǹ yɔ mii kɔnkoɛ̃nɛn wuu li, tùtu ni, maà nɛ ka pìi ni. Sɛnɛ, ǹ ba doɛ̃ mà Dɛnaa Lawa á sii zɛnɛɛ wa, a bɛ́ sii mɛn yɔrɔ boe, ǹ yii ba bɛ ganaa wa.

Zeremii 14:10

Dɛnaa Lawa bɛ́ boo mɛn diɛ zaman lɛ nɛ, á ke: «Hiĩ, minin kɛn man baa sii paǹ yii li ǹ dinin gɔn wìi á lɛ-a. Bɛ lɛ n kɔɔ̃nɛ ǹ dinin ganaa.» Sɛnɛ, bɛa Dɛnaa Lawa foo sii lɛa wa. Kanna kəni, a yiri á re gisĩ ǹ siɛ̃n nɛ, á re ǹ sii baraa a dɔlɔ boe ǹ ganaa.

Zeremii 16:17

Ǹ bɛ́ sii mɛn yii zɛnɛɛ, ma yii tá a ganaa. Ǹ kɔn ba durii-n ma ganaa wa. Ma yii tá ǹ siɛ̃n ganaa.

Zeremii 17:1

Zudaa minin siɛ̃n man ka sɛ́wɔ kiɛ̃ bɛ́ lɔn, ǹ nə́ kiɛ̃ ka fɔlɔ lɛ pɛpɛnaa nɛ hinlaa ka lunluun ni. Maǹ kiɛ̃ nɛ ǹ foo la ka ǹ *wúlu bɔ ǹ bǎã karan nɛ.

Zeremii 2:19

N sii baraa mɛn zɛnaa, bɛ die a dɔlɔ baa n ganaa. N bɔlɔgoonbaãdɛnaabaa ke, bɛ die a kũ n din mìi ni. Ka bɛ nɛ, n tá re yii, n na a giala ma, mà la bɔ Dɛnaa Lawa ganaa á bɔbɔnɛɛ, a n kɔɔsɛ taãn-taãnɛ, ka masɛ Dɛnaa Lawa guguru kɔ baã bɛ́ lɔn. Masɛ Dɛnaa Lawa Pàãyiidɛnaa a da ǹ boo ne.

Zeremii 32:19

Ma n sii dadaran lɛ boe, maǹ yɔrɔ yii ka pàã gole ne. Minbuiin nɛn zɛnaa ǹ siin tumaa nə n yɔrɔ-a. «Ma n didie sarɛɛ a kɔnpɛ ka a giã ǹ gɔn laanka a zɛnaa ǹ siin ni.

Zeremii 4:18

Zeruzalɛmu, n giã ǹ gɔn laanka n zɛnaa ǹ siin taman yii ni kɛ á n yii. N baraabaa lɛ a saraa nɛ. Hiĩ, n koe lɛ á kɔɔsɛ taãn-taãnɛ. A na á n kũ n foo ganaa.

Zeremii 44:21

«Taãn nɛ, ká goã *wúlu màn gìĩ kɔɔ̃n tiɛ̃ Zudaa kiwin ni ka Zeruzalɛmu a zii la ǹ nɛ: Ka dinin ni, kaa díin ni, kaa kiin ni, kaa gána nyɛɛnaandɛnan nɛ, ka Zudaa min kɔsɔn nɛ. Dɛnaa Lawa yiri tá a-n parsiini, a yiri bɔ-n wa.

Ezekieli 21:29

Bɛ lɛ na á toa masɛ Dɛnaa Lawa gole á ke pii: «Ka n wusii ma yiri diɛ kaa sii baraan lɛn nɛ, ka n ma bɔlɔ tii woone. Kaa zɛnaa ǹ siin lɛn tumaa n nyɛɛ mà ka dinin zɛ̀rɛ nɛ. Ka bɛ́ ka dinin la nyɛɛ miɛ̃, haya! Ǹ tá re ka kuĩ, ǹ wo ka nɛ bɛ̀rɛbaa ǹ bǎã nɛ.

Ozee 12:2

Efrayimu nə n din toe ka piɛ̃ nɛ, a n baa sii lɛ̀giala piɛ̃ kɛ kio a wasa mɛ nɛ, a n màn diɛ a soɛ bɔ li, ka a kakaarɛbaa nɛ. Á lɛ kɔ kɔn la wɔ ka Asiirii ni, a n nyɔɔ koe Ezipti la.

Ozee 4:9

Dɔlɔ mɛn bɛ́ re zaman lɛ yii, a din lɛ n die wúlu-bɔlen dɔn yii. Ma á re didie a zɛnaa ǹ siin kɛn dɔlɔ boe a ganaa, a sii mɛn zɛnaa, ma á re a dòo sarɛɛ la.

Ozee 6:2

Kànaa ka lɛawaa paa, á re yiikoonaabaa koe wɔ la. A sɔɔbaa ǹ wɔ li, á re wɔ goɛ a wɔ kaa lon. Wɔ yii á die goɛ̃ koo a din yɔrɔ-a.

Ozee 8:13

Maǹ wúlu boe ma ganaa ka tɔɔn nɛ, ǹ siĩ soɛ̃ á lɛa. Sɛnɛ, masɛ Dɛnaa Lawa a lɛ koe ǹ wúlu mànan lɛn ganaa wa. Sisia, ma yiri a boe ka ǹ sã ǹ siin kɛn nɛ wa, ma nə ǹ sii baraan kɛn nimii. Ǹ doamaa nɛ, ǹ wusoo ǹ wo Ezipti.

Ozee 9:15

Ǹ baraabaa lɛ tumaa na á soo kanaa Gilgaali, walan lɛ nɛ, má ǹ baa zɔ́ɔ. Ǹ nya ǹ dí babaraan lɛn taman yii, ma á re ǹ lui ma ǹ bɔ maa kion. Ma a re ǹ narɛ doo wa, ǹ goledɛnan lɛn tumaa n piã-wɔlen lɛa.

Ozee 9:9

Ká dɔ baraabaa lɛ a dù ni, ka Gibeya wɔ kɛ bɛ́ lɔn lɛlɛ. Lawa yiri a die boe ka kaa baraabaa ǹ siin kɛn nɛ wa, á die kaa sii baraan lɛn dɔlɔ boe ka ganaa.

Amɔɔsi 8:7

Dɛnaa Lawa tɔ́n pɛ kɛnɛn: Izirayeli minin tá ǹ dinin gole koe ǹ kiwi a lɛa. Man nə n liɛ ka ǹ gána lɛ nɛ kəni. Ma yiri á re boe ka ǹ nya ǹ dí kɛ kɔn nɛ duduu wa.

Zonaasi 1:2

«Yoo, n wo Ninivu kiwi gole kɛ nɛ n paraa ǹ li. A giala, ǹ baraabaa lɛ dɔ yǎa masɛ li.»

Minin nimi 32:23

Sɛnɛ, bɛ̀ ka zɛnaa miɛ̃ wa, ka n sii liɛ Dɛnaa Lawa la. Ka dɔ̃ sɛn, mà kaa sii baraa lɛ tá ka kio.

Luku 12:2

Sii mɛn din tumaa bɛ́ durii ni, bɛ din tumaa á die boe kanaa. Sii mɛn tumaa dɔ bɛ́ kuməə ne, bɛ yii á die n doɛ̃.

Korɛnti1 4:5

Bɛ lɛ n toɛ, ka nyan kiri da min kɔ́n la fufuu miɛ̃, bɛ̀ Dɛnaa ná a tɔn daa wa. Màn mɛn bɛ́ wɔlɔ tì li, á re bɛ diɛ wɔlɔ fúlu li, taasiɛ duriin mɛnɛn bɛ́ minbuiin nɛ gɔ́ɔ̃ nɛ, á re bɛn nyɛɛ. Bɛ ganaa, didie tumaa bɛ́ kɔnboe ka tɔ-bɔ mɛn nɛ, Lawa á re bɛ koe la.

Timəə dí-pɛn 32:29

Bɛ̀ maǹ sii doɛ̃, sii mɛn bɛ́ n yii diɛ ǹ la, bɛ̀ ǹ tá n taasɛ ka bɛ nɛ, bɛ̀ ǹ tá re a giala miɛ.

Ebrəə 4:13

Màn kɔ́n din ba durii-n Lawa la wa. Màn din tumaa na a yɔrɔ-a panparaanɛ, a yii nə́ ǹ ganaa. Wɔ tumaa n die n bɔlɔ pii a din yɔrɔ-a.