Ozee 7:16 - LAWA A BOO SONBORE

¹⁶ Ta kɛn tá wusii ka ǹ kio ne, ǹ bie wusii die masɛ lon a Lawa li wa. Maǹ ka sa bɛ́ lɔn, a nɛ basã. Ǹ goledɛnan kɛn tá re giɛ̃ zia la, ǹ din gole kɔ ǹ boon kɛn taman yii. Bɛ lɛ taman yii Ezipti minin kɛn tá re ǹ diɛ yaa lɛa.

LAWA A BOO SONBORE 2011

¹⁶ Ta kɛn tá wusii ka ǹ kio ne, ǹ bie wusii die masɛ lon a Lawa li wa. Maǹ ka sa bɛ́ lɔn, a nɛ basã. Ǹ goledɛnan kɛn tá re giɛ̃ zia la, ǹ din gole kɔ ǹ boon kɛn taman yii. Bɛ lɛ taman yii Ezipti minin kɛn tá re ǹ diɛ yaa lɛa.

Ozee 7:16 Iomraidhean Croise

Loen 12:3

Maǹ soɛ kukuri kɔn nɛ. Ǹ lɛ gɔ́ɔ̃ yii n kɔn bebele ǹ boo. Ǹ ba boo diɛ ǹ nə́ n gɔ́ɔ̃ toɛ̃ wa.

Loen 12:4

Dɛnaa Lawa, ǹ kɔn bebele ǹ lɛ kɛ lɛ kuru. Ǹ boo dadara da ǹ lɛwɔn kɛ lɛ kuru.

Loen 12:5

Ǹ mɛnɛn lɛn bɛ́ mà kɛnɛn: Wɔsɛn lɛwɔn nə wɔ pàã lɛa. Wɔ lɛ nə n doe wɔ lɛ. Die n die boe wɔ la?

Loen 17:10

Makara kɔn ba ǹ foo-n wa. Ǹ boo tumaa din koa ǹ boo.

Loen 52:2

Edɔmun giĩ Dowɛgi bɛ́ á daa pɛ kii Sayulu ni mà Davida tá Akiimelɛki a Kion.

Loen 57:4

Ma na a nyankoe, máa a n toa lon a ma kirisibaa. Máa a die a sìi da ma nɔmaa-wɔle lɛ ganaa. *Doa Máa Lawa die a na a kɔn-narɛɛ gole kɛ nyaa ma nɛ, ka a bǐɛ̃ duduu kɛ dɔ nɛ. Doa

Loen 73:9

Maǹ boo diɛ Lon a Lawa ganaa, manə n lɛ we boo tumaa-n tán la.

Loen 78:37

Ǹ foo goã kun ka Lawa-n taãn wa, ǹ goã n foo doɛ a lɛ kɔ kɔn la ǹ boo kɛ ganaa wa.

Loen 78:57

Ka ǹ digolon bɛ́ lɔn, ǹ nə́ n boɛ̃ ǹ nə n bɔ Lawa li, ǹ nə́ wusoo ka ǹ kio ne, min ba n foo doɛ ǹ ganaa wa. Maǹ ka sa biɛ bubunii bɛ́ lɔn.

Izayii 3:8

Zeruzalɛmu kiwi mɛnaa, Zudaa gána bɔ̀n baa. A giala, maǹ nə́ n gòãn dii Dɛnaa Lawa ganaa ǹ da ǹ boon laanka ǹ nya ǹ dín gɔ́ɔ̃ nɛ, maǹ nə́ n gòãn dii a gugurubaa ganaa.

Zeremii 18:18

Minin man pii: «Ka daa wɔ boo wɔ kɔn Zeremii ganaa! Wɔa foɛ̃ Lawa a wúlu-bɔle li a wɔ daraa dí-pɛn ganaa wa, hinlaa sii-dɔ̃li li a yiri kɔ wɔ la wa. Wɔa foɛ̃ Lawa a boo gii-dali li a Lawa a boo da wɔ-n wa. Ka wɔ n tan, wɔ yoo a gialaa, wɔ boo baraa da a ganaa. Wɔ nyan nə n too kɔ a da ǹ boon li wa!»

Zeremii 3:10

Ka bɛ din tumaa nɛ, ǹ miãnɛn Zudaa bɔlɔgoonbaãdɛnaa kɛ wusoo á n bɔyaa á daa masɛ li ka a foo tumaa-n wa. A parsii bie wa.» Dɛnaa Lawa a da ǹ boo ne.

Zeremii 42:18

Zeremii pɛ doo: – Dɛnaa Lawa Pàãyiidɛnaa, Izirayeli a Lawa n kɛ pii: «Má maa foo-yoo baraa kaa Zeruzalɛmu minin la. A din yɔrɔ goon la, bɛ̀ ka woo Ezipti gána nɛ, man maa foo-yoo baraa kɛ kiɛ ka dɔn la. Ka bɛ nɛ, ǹ tá re ka biɛ sii a kɔnboe lɛa, bɛ̀ ǹ tá re lɛn baraa bíi, ǹ sii bɔbɔnɛɛ boo da, ǹ nyɛ́ɛ da min ganaa ka sìi da ǹ sii ni. Ka a re kaa gána kɛ yii doo duduu wa.»

Ezekieli 23:32

Masɛ Dɛnaa Lawa n kɛ pii: «N dɔɔ̃nlɔ lɛ a dɔlɔ lɛ, a din lɛ n die n boe n dɔ ganaa, dɔlɔ gole ne, dɔlɔ kaka nɛ. A din lɛ n die toɛ, minin nə yaa wɔ n ganaa, minin nə n da yaa lɛa, dɔlɔ lɛ a golebaa taman yii.

Ezekieli 36:20

Maa minin lɛn bɛ́ ǹ nə́ woo gánan mɛnɛn nɛ, ǹ nə́ ma tɔ sonbore kɛ ziziɛ̃ walan. A giala, maǹ nə́ goã kɛ pii ǹ wɔ paǹ li: «Dɛnaa Lawa a minin man ka kɛn nɛ, sɛnɛ, ǹ nə́ ke ǹ nə́ soo ǹ nə́ n bɔ a gána nɛ!»

Ozee 11:5

Izirayeli tɔrɔn lɛn ba re wusii ǹ da Ezipti doo wa, sɛnɛ Asiirii gána kɛ n die goɛ̃ ǹ mìi la, a giala ǹ nə́ n piã mà ǹ ba wusii ǹ da masɛ li wa.

Ozee 11:7

Maa zaman lɛ gɔn nə tɔn paraa nɛ ǹ piã ǹ siin lɛn ganaa. Maǹ nə́ ǹ bii woe lon, sɛnɛ ǹ kɔn ba yui wa.

Ozee 6:4

Efrayimu tɔrɔn lɛn, man die ka biɛ lɔn? Zudaa minin lɛn, man die ka biɛ lɔn? Kaa kɔn-narɛɛ lɛ n ka baayɛlɛ a la a ti bɛ́ lɔn a golee sawaa-n wa. A n ka pele bɛ́ lɔn baayɛlɛ, a golee kaa-n wa.

Ozee 7:13

Ǹ wɔ n ka bɔ̀n nɛ! A giala maǹ baa sii ma nyɛɛnɛ. Ǹ wɔ na á ziziɛ̃! A giala, ǹ nə́ n gòãn dii masɛ ganaa. Bɛ̀ ma doamaa-n ma ǹ si ma ǹ kaa, sɛnɛ, ǹ ba taãn pii maa wɔ paǹ li wa!

Ozee 9:3

Ǹ ba re boe la ǹ giã Dɛnaa Lawa a gána kɛ-n wa. Efrayimu minin tá re wusii ǹ wo Ezipti gána nɛ, ǹ màn-bii gɔgɔrɛ bii Asiirii gána nɛ.

Ozee 9:4

Ǹ ba re boe la ǹ duvɛ̃ zuməə Dɛnaa Lawa wɔ lɛa doo wa, ǹ wúlu mànan kɛn sii ba re kɔɔ̃n koe a ganaa doo wa. Ǹ màn-bii ke á re foo ziziɛ̃ ǹ màn-bii biɛ ǹ gɔn. Min mɛnɛn tumaa bɛ́ re bii, bɛn tá re *gɔ̀ diɛ ǹ dinin ganaa. Ǹ màn-bii lɛ á re ǹ dinin toe sɛn, sɛnɛ, a na a boe la a wɔ Dɛnaa Lawa a kion kɛ-n wa.

Ozee 9:6

Á ke, ǹ gána lɛ bɛ́ á ziziɛ̃, ǹ dinin nə́ baa si. Maǹ die woe n lɛ soekɔn Ezipti, Ǹ bĩ ǹ bǎã á re goɛ̃ Mɛmifisi. Ǹ gɔn màn giɔ̀mɔ kakan kɛn wɔrɔ lɛa koronkoron tá re bɛn sii a n kɔ lɛ. Nyan babaraan tá re ǹ kionən kɛn sii, ǹ nə n kɔ ǹ lɛ.

Malakii 3:13

Dɛnaa Lawa pɛ: – Ka n boo baraa diɛ masɛ ganaa ka n nɔ̀n diɛ: «Wàa boo baraa n wɔ da n ganaa?»

Malakii 3:14

Ka boo mɛn da á ke: «Ká mà dí nya Lawa nɛ n kooro lɛa. Á ke, wɔa là n wàa nɛ ta wɔ n bɔlɔ si, wɔ foo ziziɛ̃ nsɛ Dɛnaa Lawa Pàãyiidɛnaa taman yii.

Matiə 12:36

Masɛ n pii ka nɛ: Kiri kurii pinaa, minin nə boo kooron mɛnɛn tumaa da, Lawa á die nɔ̀n diɛ ǹ la ka a din tumaa nɛ.

Luku 8:13

Min tɛnɛn dɔn man goon ka bǎã mɛn bɛ́, a tataã a sɔsɔɔ wa. Maǹ boo lɛ miɛ, ǹ si ka nyɛnyɛɛ nɛ. Sɛnɛ, ǹ ba toɛ boo lɛ giã ǹ wɔlɔ taãn yɛ ǹ foo-n wa. Ǹ golee Lawa li lɛ n biikoo boɛɛn kooro siɛ. Bɛa dɛnan lɛn, bɛ̀ sii kaka nə́ ǹ yɛ lɔn gɔrɔ, maǹ wusii ǹ golee Lawa li kio.

Zaaki 3:5

Minbuiin nɛ lɛwɔn dɔ n miɛ̃. Gɔ̀nɔn siĩ paǹ boɛɛn nɛ, sɛnɛ, a da ǹ boon nə́ la a din ni. Tɛ boɛɛn bɛ́ boe la a daã gole kũ lɔn, ka n yiri koa bɛ nɛ!

Piɛrɛ2 2:8

A giala, a bɛ́ pepere, á n kunun ǹ ni ke, á goã ǹ sii zɛnaa ǹ gɔn yii, á goã ǹ da ǹ boon dɔn miɛ. Baraabaraa, a peperebaa lɛ a lɛa, a na á goã nɔmaa nɛ ǹ sìi siin kɛn zɛnaa taman yii.

Sii-nyaan 13:5

Tɔɔ babaraa piɛ̃ wole lɛ na á lɛ kɔ la, mà a din-koa ǹ boon da, ka sɔ kaa Lawa la ǹ boon ne. Á pàã kɔ la, mà a goã la yǎa mui pusiwenpaa.