Ozee 7:13 - LAWA A BOO SONBORE

¹³ Ǹ wɔ n ka bɔ̀n nɛ! A giala maǹ baa sii ma nyɛɛnɛ. Ǹ wɔ na á ziziɛ̃! A giala, ǹ nə́ n gòãn dii masɛ ganaa. Bɛ̀ ma doamaa-n ma ǹ si ma ǹ kaa, sɛnɛ, ǹ ba taãn pii maa wɔ paǹ li wa!

LAWA A BOO SONBORE 2011

¹³ Ǹ wɔ n ka bɔ̀n nɛ! A giala maǹ baa sii ma nyɛɛnɛ. Ǹ wɔ na á ziziɛ̃! A giala, ǹ nə́ n gòãn dii masɛ ganaa. Bɛ̀ ma doamaa-n ma ǹ si ma ǹ kaa, sɛnɛ, ǹ ba taãn pii maa wɔ paǹ li wa!

Ozee 7:13 Iomraidhean Croise

Nehemii 1:10

Wɔ nə n din a dí-nyalin lɛa, wɔ nə n din a zaman lɛa! Wɔ dinin lɛn manɛ, ń wɔ bɔ sii ni ka n pàã gole laanka n boo sii la nɛ.

Zɔbu 22:17

Ǹsɛn mɛnɛn nə goã pii Lawa-n kɛnɛn: «N bɔ wɔ wɔlɔ li. Pàãyiidɛnaa n boe la a wàa zɛnaa wɔ nɛ?»

Loen 106:10

Lawa wɔ digolon lɛn kanbaa ǹ zɔ́ɔ babaraan ganaa, á ǹ tamaa ǹ zɔ́ɔn ganaa.

Izayii 30:1

Dɛnaa Lawa a da ǹ boo á ke: Nɛnyaan piã wolen lɛn, kaa wɔ n ka koe ne. Ka ǹ siin lɛ boe, ǹ nə́ ǹ ba boe masɛ li wa. Ka ǹ lɛ kɔ we, masɛ bɛ́ ma ba ǹ mɛn li wa. Ka ǹ sii baraan kiɛ kɔn la.

Izayii 30:2

Ká zii saa ka n woe Ezipti, sɛnɛ, ka nɔ̀n da ma la wa. Ka ǹ zoɛ̃ li mà Eziptin kii *Faarahɔn ka tamaa. Ka ǹ giɛ mìi susu ǹ bǎã li a gána nɛ!

Izayii 31:1

Min mɛnɛn bɛ́ woe giɛ dɔmalɛ li Ezipti gána nɛ, bɛn wɔ n ka koe ne. Ǹ yiri nə ǹ sùin ganaa, ǹ foo n doa nɛ ǹ ziabaa ǹ wotoro damatan kɛn ganaa, ka ǹ sùi dabaa wolen ne a giala maǹ tá kaka. Sɛnɛ, ǹ nə n yɔrɔ bɔyaa ǹ nə́ dia Izirayeli a Lawa sonbore kɛ la wa, ǹ ba giɛ Dɛnaa Lawa li wa!

Izayii 41:14

Nyɛ́ɛ nyan ka kũ wa Zakɔba a zaman, kasɛn kɛn ǹ nə́ ka biɛ ka nyuun bɛ́ lɔn, kasɛn Izirayeli a zaman; ma dinmaa n die kaa gú ganaa, Dɛnaa Lawa a da ǹ boo ne, kaa si sii la wole Izirayeli a Lawa sonbore ne.

Izayii 43:1

Kanna kəni Zakɔba, Dɛnaa Lawa n kɛ pii n ni, asɛ mɛn nə n zɛnaa, á n da kanaa, Izirayeli: N nyan nyɛ́ɛ baa wa, A giala, n si sii la wole n ka ma din ni. Má n bíi ka n tɔ nɛ, Ma n ma din wɔ lɛa.

Izayii 59:13

Dɛnaa Lawa, wɔ n bɔlɔ tii. Wɔ n yiri sã. Wɔ n wɔlɔ lui n ganaa, wɔa Lawa. Mɛnaa minin la boo na á goã wɔ lɛ-n, ka gòãn dii boo ne. Soɛ boon dininsɔɔ̃nɔn man wɔ foo ne.

Izayii 63:8

Izirayeli minin paǹ li, Dɛnaa Lawa pɛ: «Maǹ maa zaman lɛa taãn-taãnɛ, maa nɛnyaanan manɛ. Ǹ ba re ma yiri siɛ̃ wa.» Á n baa ǹ kirisibaali lɛa.

Zeremii 14:10

Dɛnaa Lawa bɛ́ boo mɛn diɛ zaman lɛ nɛ, á ke: «Hiĩ, minin kɛn man baa sii paǹ yii li ǹ dinin gɔn wìi á lɛ-a. Bɛ lɛ n kɔɔ̃nɛ ǹ dinin ganaa.» Sɛnɛ, bɛa Dɛnaa Lawa foo sii lɛa wa. Kanna kəni, a yiri á re gisĩ ǹ siɛ̃n nɛ, á re ǹ sii baraa a dɔlɔ boe ǹ ganaa.

Zeremii 42:20

Ka bɛ́ ká n doa ma ganaa mà ma Dɛnaa Lawa, kaa Lawa nyankɔ, ka n ka pɛ: Dɛnaa Lawa, wɔa Lawa nyankɔ wɔ a lɛa. A bɛ́ re boo mɛn diɛ wɔa paǹ li ka te, n bɛ pɛ wɔ nɛ. Wɔ á re bɛ zɛnɛɛ. Bɛa pinaa lɛ nɛ, ka n ka sã gole wɔ, màn mɛn bɛ́ nyin nyɛɛ.

Zeremii 51:9

Wɔ́ dagòã da Baabilonii ganaa, sɛnɛ a kaka koe wa. Ka toa walan, didie tumaa wo a gána nɛ! Taãn nɛ, dɔlɔ mɛn bɛ́ a mìi ni, á woo yǎa lon, á dɔ labaran ganaa.

Zeremii 7:15

Man die kasɛn dɔn zuĩ sɔsɔɔ, ka ma bɛ́ ma ka dɔɔ̃n Efrayimu minin kɛn tumaa zũ lɔn.

Busii pɛ 5:16

Kii bafolo bɔ wɔ mìi ganaa á mɛnaa. Wàa koe n ka kɛ nɛ! A giala wɔ sii baraa zɛnaa.

Ezekieli 16:23

N wɔ n ka bɔ̀n nɛ, bɔ̀n woo bɔ̀n! Ma din Dɛnaa Lawa a da ǹ boo ne! A giala, n sii baraa kɛ lɛ tumaa kio,

Ezekieli 18:2

– Wàa na á baa, ǹ tá suusu kɛ diɛ Izirayeli gána dɔ nɛ ǹ nə́ pii: «Díin nə́ rezɛ̃ burun bii, bɛ lɛ na á ǹ nɛnyaanan sɔ piã?»

Ezekieli 18:25

Sɛnɛ, kaa da ǹ boo á ke: «Dɛnaa Lawa a zɛnaa ǹ sii ba a yɔrɔ li wa.» Izirayeli tɔrɔn lɛn, ka n too kɔ. Masɛ a zɛnaa ǹ sii na a ba a yɔrɔ li wa? Ka dininmaan lɛn zɛnaa ǹ sii na a ba a yɔrɔ li wa.

Ezekieli 34:6

Maa sèren lɛn nə́ sasawaa, ǹ nə́ woo kelen tumaa laanka tentenen tumaa la. Maa sèren lɛn nə́ pɛsɛ̃ gána lɛ paǹ tumaa nɛ ka tenten sɔsɔrɔn tumaa nɛ. Sɛnɛ, min kɔn ga ǹ li wa, min kɔn nɔ̀n da ka ǹ sii-n wa.

Ozee 11:2

Bɛ ǹ tá ǹ bíi, maǹ woe sɔsɔɔ bɛa waáraa. Ǹ nə́ goã wúlu boe Baalin ganaa, ǹ nə́ da yon gìĩ kɔɔ̃n tiɛ̃ dìn ganaa.

Ozee 5:7

A giala, ǹ nə́ Dɛnaa Lawa bebele, ǹ nə́ kikio nɛn yɛ. Sisia kəni, kànaa laanka mui goon, ǹ gána lɛ á re yui.

Ozee 7:1

Ma bɛ́ li ǹ mɛn waáraa, máa ma wusoo ma Izirayeli minin kaka kɔ, bɛa biikoo lɛ nɛ Efrayimu minin sii kɔkɔrɔn laanka Samarii minin sii baraan nə yɛ fúlu-a. Maǹ soɛn boboe kɔn nɛ, wurumunun man kiɛ kionən ne, kanaa, wurumu kurun ba nɛn wa.

Ozee 7:3

Maǹ kii foo kɔɔ̃n koe ǹ sii baraan taman yii, ǹ goledɛnan foo kɔɔ̃n koe ka ǹ soɛn nɛ.

Ozee 9:12

Ta ǹ nə́ nɛnyaanan mɛnɛn dɔn dinin too, ma á re ǹ sii ǹ la, bɛ̀ ǹ nə́ ǹ tɔn min baa wa. Ka bɛ dɔ nɛ, bɛ̀ má n bɔ má n bɔ ǹ li, bɔ̀n na á ǹ yɛ!

Ozee 9:17

Maa Lawa á re n piɛ̃ ka Efrayimu minin kɛn nɛ, a giala, ǹ nə n too kɔ a lon wa. Ǹ tá re n binbirin boe tɔrɔ kɔsɔn bii.

Zonaasi 1:10

Nyɛ́ɛ gole minin lɛ n kũ parsiini. Ǹ nə́ tɔn pɛ nɛ, mà wàa mɛn sii n ke á zɛnaa! A kɔnpɛ ka a din a da ǹ boo ne, minin lɛn nə́ dɔ̃ mà a n baa sii n boe Dɛnaa Lawa yɔrɔ-a.

Zonaasi 1:3

Sɛnɛ Zonaasi yoo, mà a n baa sii woe Tarsisi kiwi, a n bɔ Dɛnaa Lawa yɔrɔ-a. Á daa Zafa tà lɛ-a, á mu la ǹ goo goon yɛ walan die woe Tarsisi. Á goo lɛ a wɔ ǹ giɔ̀mɔ saraa, á n dɔ kun ka minin lɛn nɛ, mà asɛ n woe Tarsisi kiwi sɔsɔɔ kɛ nɛ, a n bɔ Dɛnaa Lawa yɔrɔ-a.

Misee 6:12

A giala, kiwi lɛ a pàãman kakaarɛbaa la yii ni, a minin kɛn man soɛn boboe, màn kɔn ba ǹ lɛ-n wa, yǎa kɔn bebelee.

Misee 6:4

Maa ka waa a bɔ Ezipti gána-n lɛ sɛ a lɛa nɛ? Maa ka si bɛ̀rɛbaa la lɛ a lɛa nɛ? Hinlaa Muizu dia ka la kɛa lɛa nɛ, ka Aarɔn laanka Miriyamu ni?

Matiə 23:37

Zeruzalɛmu kiwi ganaa, nsɛ mɛn bɛ́ Lawa a boo gii-dalin dii, bɛ̀ n Lawa a dia dí-a wolen dɛ ka kɔlɔ nɛ ǹ gã. Ma gunyin damata n ke giɛ li, ma tá n minin lɛ soekɔn ma din li, ka koo dan bɛ́ a nɛn lɛ soekɔn-a a nyàa kan giulun lɔn, sɛnɛ, ka bɛ́ ka lɛ kɔ wa!

Timəə dí-pɛn 15:15

Ka n yiri koa li, mà ka n ká goã bɛ̀rɛ lɛa Ezipti gána nɛ, mà kaa Lawa, Dɛnaa Lawa lɛ na á ka bɔ a nɛ. Bɛ lɛ na á toa, ma á n gɔn wɛɛ ka nɛ ka bɛa sii lɛ-n pelo.

Zaã1 1:10

Bɛ̀ wɔ́ pɛ wáa wɔ ba sii baraa-zɛnaalin lɛa wa, wɔ ǹ Lawa biɛ soɛ-bɔle lɛa, a boo kɛ ba wɔ gɔ́ɔ̃-n wa.

Sii-nyaan 8:13

Ma bɛ́ giɛ, bɛ̀ giogialatã-a lɛn bɛ́ boe lon sɔsɔɔ a n pii ka lɛn gole ne: «Bɔ̀n woo bɔ̀n, tán minin lɛn! Bɛ̀ lon a dia dí-a wole màn sɔɔ kɛ a bɛn wuu bɔ biikoo mɛn li, bɔ̀n gole á re ka yii!»