Ozee 7:1 - LAWA A BOO SONBORE

¹ Ma bɛ́ li ǹ mɛn waáraa, máa ma wusoo ma Izirayeli minin kaka kɔ, bɛa biikoo lɛ nɛ Efrayimu minin sii kɔkɔrɔn laanka Samarii minin sii baraan nə yɛ fúlu-a. Maǹ soɛn boboe kɔn nɛ, wurumunun man kiɛ kionən ne, kanaa, wurumu kurun ba nɛn wa.

LAWA A BOO SONBORE 2011

¹ Ma bɛ́ li ǹ mɛn waáraa, máa ma wusoo ma Izirayeli minin kaka kɔ, bɛa biikoo lɛ nɛ Efrayimu minin sii kɔkɔrɔn laanka Samarii minin sii baraan nə yɛ fúlu-a. Maǹ soɛn boboe kɔn nɛ, wurumunun man kiɛ kionən ne, kanaa, wurumu kurun ba nɛn wa.

Ozee 7:1 Iomraidhean Croise

Izayii 28:1

Wàa koe-n ka kɛ nɛ Samarii ganaa! Efrayimu a yɔ-milin man nə n dinin koɛ kiwi k a lɛa. Ǹ dinin yii li a n ka kii bafolo bɛ́ lɔn tenten mìi ni nyankɔrɔ basa sonbore kɛ nɛ. Sɛnɛ, ka da buũ gere bɛ́ lɔn yɔ-milin mìi ni, kiwi lɛ dɔ n die n biɛ miɛ̃.

Izayii 59:12

Taãn nɛ, wɔa siɛ̃n nə́ mɔnaa n yɔrɔ-a. Wɔa sii baraan man wɔ zɛ̀rɛ biɛ. Wɔ nə n taasɛ ka wɔa sã ǹ siin kɛn nɛ biikoo yii li. Taãn nɛ, wɔ á wɔa siɛ̃n doɛ̃.

Izayii 59:13

Dɛnaa Lawa, wɔ n bɔlɔ tii. Wɔ n yiri sã. Wɔ n wɔlɔ lui n ganaa, wɔa Lawa. Mɛnaa minin la boo na á goã wɔ lɛ-n, ka gòãn dii boo ne. Soɛ boon dininsɔɔ̃nɔn man wɔ foo ne.

Izayii 59:14

Bɛ lɛ na á toa, sonborebaa nə́ n zɔ̃, peperebaa nə́ n wɔlɔ lui wɔ ganaa. Zaman bǎã nɛ, sonbore nya. Bɔlɔgoondɛnaabaa á woe walan wa.

Zeremii 51:9

Wɔ́ dagòã da Baabilonii ganaa, sɛnɛ a kaka koe wa. Ka toa walan, didie tumaa wo a gána nɛ! Taãn nɛ, dɔlɔ mɛn bɛ́ a mìi ni, á woo yǎa lon, á dɔ labaran ganaa.

Ezekieli 16:46

N gololɔ n ka Samarii kiwi kɛ nɛ gɔsɛ a lɛ̀gɔn la, kun ka a lɛkoro lɛ-a kiwin ni. N diɛ̃lɔ n ka Sodɔmu kiwi kɛ nɛ gusin a lɛ̀gɔn la, kun ka a lɛkoro lɛ-a kiwin ni.

Ezekieli 23:4

Lɔn lɛn tɔn nə́ ke: A goledɛnaa tɔ n Oholaa, a boɛɛndɛnaa tɔ n Oholibaa. Maǹ nə́ n baa masɛ wɔn lɛa, ǹ nə́ nɛgiĩn laanka nɛlɔn yɛ. Oholaa lɛ, Samarii kiwi kɛ n ka bɛ nɛ. Oholibaa ke, Zeruzalɛmu kiwi kɛ n ka bɛ nɛ.

Ezekieli 24:13

N gɛsɛbaa kɛ lɛ na á n gɔgɔrɛ kɔ, Zeruzalɛmu. A giala, man má goã giɛ li ma n *yoreen kɔ, sɛnɛ, ń nə́ n piã. Ma foo mɛn yoo n li ke, n ba yoreen koe doo wa, yǎa ma nə n foo nyɛɛ n la.

Ozee 10:5

Nyɛ́ɛ n Samarii minin kɛn ganaa ka ǹ diin nɛ nyín kɛa sii ni, Bɛti-Avɛn kiwi. Zaman lɛ n wuu pii dì lɛ taman yii. Min mɛnɛn bɛ́ n dinin biɛ a wúlu-bɔlen lɛa, bɛ́n man bìn diɛ a nyɛɛnɛ. A giala a siĩnbaa lɛ woo sɔsɔɔ ǹ ganaa.

Ozee 11:8

Man siɛ lɔn man la bɔ n ganaa Efrayimu, ma n wɔ minin gɔn Izirayeli? Man siɛ lɔn ma n baa ka Admaa bɛ́ lɔn, ma n baa ka Seboyimu á ke lɔn? Ma yiri nə n lɔlɔkɔn, n makara bɔ ma-a.

Ozee 12:1

Efrayimu ma lɛnpɛnɛ ka soɛ nɛ, Izirayeli a zaman ma lɛnpɛnɛ ka siɛ̃ nɛ. Sɛnɛ Zudaa a tɔn tɔ we kun ka Lawa nɛ, á pepere min sonboren bii.

Ozee 12:2

Efrayimu nə n din toe ka piɛ̃ nɛ, a n baa sii lɛ̀giala piɛ̃ kɛ kio a wasa mɛ nɛ, a n màn diɛ a soɛ bɔ li, ka a kakaarɛbaa nɛ. Á lɛ kɔ kɔn la wɔ ka Asiirii ni, a n nyɔɔ koe Ezipti la.

Ozee 4:17

Efrayimu tɔrɔn kɛn nə́ n paraa dìn ganaa. Ka ǹ toa walan!

Ozee 4:2

Maǹ lɛn baraa bíi kɔn li, soɛ boe kɔn nɛ, gɛ̀ dii, wurumu biɛ, naarɛbaa zɛnɛɛ. Kakaarɛbaa kɛ din la yii ni, maǹ kɔn ka gɛ̀ dɛ-n miɛ̃ duduu.

Ozee 5:1

Lawa a wúlu-bɔlen lɛn, ka n too kɔ! Izirayeli minin lɛn, ka n too kɔ doɛ̃: Kii a sumu minin lɛn, ka n too da! Sii kɛ lɛ a kiri n die kuĩ ka dinin mìi ni. A giala, kaa zɛnaa ǹ sii kɛ na á kan baa Misipaa kiwi, a na á biɛ baa ká koa Tabɔɔrɔ kele kɛ la,

Ozee 6:4

Efrayimu tɔrɔn lɛn, man die ka biɛ lɔn? Zudaa minin lɛn, man die ka biɛ lɔn? Kaa kɔn-narɛɛ lɛ n ka baayɛlɛ a la a ti bɛ́ lɔn a golee sawaa-n wa. A n ka pele bɛ́ lɔn baayɛlɛ, a golee kaa-n wa.

Ozee 7:13

Ǹ wɔ n ka bɔ̀n nɛ! A giala maǹ baa sii ma nyɛɛnɛ. Ǹ wɔ na á ziziɛ̃! A giala, ǹ nə́ n gòãn dii masɛ ganaa. Bɛ̀ ma doamaa-n ma ǹ si ma ǹ kaa, sɛnɛ, ǹ ba taãn pii maa wɔ paǹ li wa!

Ozee 8:5

Samarii minin lɛn, kaa diin nɛ nyín kɛ lɛ, ma ba li wa. Bɛ lɛ na á toa ma foo yoo ka li. Yǎa biĩ kəni, ka tɔn goɛ̃ zɛrɛbaãdɛnan lɛa?

Ozee 8:9

Efrayimu tɔrɔn kɛn man ka don dundunun bɛ́ lɔn, ǹ ba n mɔrɛ min-a wa. Maǹ nə́ woo Asiirii gána nɛ, ǹ nə́ ǹ lɛ pii màn mɛn bɛ́ toɛ ǹ giaárabaa yɛ.

Amɔɔsi 3:10

Masɛ Dɛnaa-n kɛ pii: Samarii minin lɛn ba sii pepere zɛnaa ǹ gɔn doɛ̃ wa. Maǹ kakaarɛbaa ǹ sii zɛnɛɛ, ǹ nə́ mɛnɛɛ minin la, mànan sii kiɛ kɔn la ǹ kionən ne.

Amɔɔsi 3:9

Kion sonboren kɛn Asidɔdi kiwi, kion sonboren kɛn Ezipti gána nɛ, ka dii bɛn kala la, ka kɛ pɛ ǹ ma: Ka n lɛ sɔkɔn Samarii kiwi a kelen kɛn la, ka ga sii lɔlɔkɔn zaã kɛ-a ǹ nə́ zɛnɛɛ kiwi kɛ nɛ, ka ga kakaarɛbaa ǹ sii damata kɛ-a ǹ nə́ zɛnɛɛ a nɛ!

Amɔɔsi 8:14

Min mɛnɛn bɛ́ n liɛ ka Samarii kiwi a dì kɛ tɔ nɛ, ǹ mɛnɛn bɛ́ pii mà Dan tɔrɔn dì kɛ yii die a goã koo, ǹ mɛnɛn bɛ́ mà Bɛɛr-Sebaa a wùlu-bɔ kɛ a sii die a goã a gòãn la miɛ̃, bɛn tá re boe ǹ kaa, ǹ nə́ ǹ ba re boe la ǹ yoo doo duduu wa.

Misee 6:16

Ɔmuri a landa sii kɔrɔn kɛn, a nɛ Akaabu a kion minin zɛnaa ǹ sii gɛsɛn kɛn tumaa, ka gɔn nə paraa-n bɛn lɛn ganaa. Bɛ lɛ a lɛa nɛ, ma á die kaa gána lɛ yui. Kaa kiwi minin kɛn, ǹ tá re bɛn diɛ yaa lɛa. Sìi sii mɛn bɛ́ re maa zaman lɛ yii, a guĩ á re doe ka ganaa.

Matiə 23:37

Zeruzalɛmu kiwi ganaa, nsɛ mɛn bɛ́ Lawa a boo gii-dalin dii, bɛ̀ n Lawa a dia dí-a wolen dɛ ka kɔlɔ nɛ ǹ gã. Ma gunyin damata n ke giɛ li, ma tá n minin lɛ soekɔn ma din li, ka koo dan bɛ́ a nɛn lɛ soekɔn-a a nyàa kan giulun lɔn, sɛnɛ, ka bɛ́ ka lɛ kɔ wa!

Luku 13:34

Yezu pɛ: – Zeruzalɛmu kiwi, nsɛ lɛ n Lawa a boo gii-dalin dii ǹ nə́ giɛ̃. Lawa bɛ́ min mɛnɛn diɛ n nɛ dí ganaa, ma n bɛn dii ka kɔlɔn nɛ. Masɛ gunyin damata ke man giɛ li, ma tá minin lɛ soekɔn, ka koo dan bɛ́ a nɛn soekɔn a nyàa kan giulun lɔn. Ǹ bɛ́ ǹ lɛ kɔ wa.

Luku 19:42

Á pɛ: «Zeruzalɛmu kiwi, màn mɛn bɛ́ là nyantoro koe n la, toa bɛ̀ n dɔ n bɛ giala miɛ kooro dinin pelo! Sɛnɛ, sisia, bɛ á durii ni n ganaa, n ba boe la n yɛ wa.