Ozee 6:8 - LAWA A BOO SONBORE

⁸ Galaati kiwi n min baraan kiwi lɛa, ǹ basa tumaa n mà lɛa kiwi lɛ nɛ.

LAWA A BOO SONBORE 2011

⁸ Galaati kiwi n min baraan kiwi lɛa, ǹ basa tumaa n mà lɛa kiwi lɛ nɛ.

Ozee 6:8 Iomraidhean Croise

Samayeli2 20:8

Ǹ bɛ́ kɔlɔ gole kɛ li Gabawɔ̃, Amasaa daa n da ǹ lɛ walan. Mɔnaan mɛnɛn nə goã Zoabu ganaa, a na á maabɛlɛ da bɛn lɛn la, á n bonbon kũ ni. Gɔya sa na á goã a kii ni loɛ-n bɛa maabɛlɛ lɛ ganaa a din bɔsɔ̃-n. Zoabu bɛ́ tɔ we woe, gɔya sa lɛ sɔlɔ a kii ni, á mɛnaa tán.

Samayeli2 3:27

Abnɛɛrɛ bɛ́ á n bɔyaa á daa Ebrɔn, Zoabu kũ á woo-n tìãlɛ-a, kiwi lɛ a kiɛnlɛ-a. Á n baa ka a n boo diɛ nɛ ka durii ni. Á dɛ a nɔ̀ ganaa walan á gã, á ǹ dɔɔ̃ngiĩ Azayeli a gɛ̀ dòo bɔ a ganaa.

Kiin1 2:5

Seruyaa a nɛgiĩ Zoabu sii mɛn zɛnaa ma nɛ, n tá doɛ̃. A sii mɛn zɛnaa Izirayeli a sɔraasin goledɛnaa min paa lɛ nɛ, Nɛɛrɛ a nɛgiĩ Abnɛɛrɛ laanka Yetɛɛrɛ a nɛgiĩ Amasaa nɛ, n tá doɛ̃: Táa a na á ǹ dɛ, ka ǹ bɛ́ min din dii zia la lɔn, a da yaa, zia dɔ biikoo bie wa. Bɛn mà mɛn lɛ kaa, bɛ lɛ a sii n kuĩ a din mìi ni.

Loen 10:8

A n kuu koe kigialan li, a nə n duri bɛ̀ a zɛ̀rɛbaãnaa dɛ. A nə n yii gɔsiɛ pàãwɛɛnaa li,

Loen 141:4

Boo baraa diɛ kɛ bɔ, n bɔ ma yiri ni, n nyan toa ma kɔ min baraan kɛn zɛnaa ǹ sii lɛ wa. Ǹ zɔ́n màn-bii kɛ baran wɔ ma lɛ-n wa.

Loen 59:2

Maa Lawa, ma si maa zɔ́ɔn la, ma tamaa maa yoo ma gialaa wolen kɛn-a.

Izayii 59:6

Ka bɛ mɔnaa mɛn tiɛ̃, a boe la a mɔnaa baa wa. Kaa dí a là a mɔnaa biɛ doɛ̃ ka wɔ ka ganaa wa, kaa sii zɛnaan man ka baraabaa nɛ. Ka gɔnɔn man kakaarɛbaa ǹ dí dinsɔɔ̃ nyɛɛ.

Zeremii 11:19

Man má goã ka sère nɛ mɛn bɛ́ ǹ nə́ woe ne a dɛ ǹ bǎã nɛ. Ǹ goã sii mɛn we kɔn ma ganaa, ma goã doɛ̃ wa. Maǹ pii: «Ka daa wɔ da lɛ dɛ a kakabaa waáraa, a papaã a n bɔ yiikoonaan bii, min kɔn yiri nyan gisĩ a tɔ-n doo wa!»

Ozee 12:11

Má boo da maa boo gii-dalin manɛ, má sii-yɛn mɔnaa, maa boo gii-dalin barka nɛ má boo da ka nɛ ka giməə ne.

Ozee 12:12

Bɛ̀ Galaati minin nə́ sii bɔbɔnɛɛ zɛnalin baa, maǹ màn kooron lɛa ma gɔn. Maǹ tɔn wúlun boboe Gilgaali ka dii gɔ̀lɔ̀n nɛ. Ǹ wúlu bɔ ǹ bǎãn kɛn tá re n biɛ ka kɔlɔn bɛ́ lɔn kantian bii ni wuru-n.

Ozee 4:2

Maǹ lɛn baraa bíi kɔn li, soɛ boe kɔn nɛ, gɛ̀ dii, wurumu biɛ, naarɛbaa zɛnɛɛ. Kakaarɛbaa kɛ din la yii ni, maǹ kɔn ka gɛ̀ dɛ-n miɛ̃ duduu.

Ozee 5:1

Lawa a wúlu-bɔlen lɛn, ka n too kɔ! Izirayeli minin lɛn, ka n too kɔ doɛ̃: Kii a sumu minin lɛn, ka n too da! Sii kɛ lɛ a kiri n die kuĩ ka dinin mìi ni. A giala, kaa zɛnaa ǹ sii kɛ na á kan baa Misipaa kiwi, a na á biɛ baa ká koa Tabɔɔrɔ kele kɛ la,

Misee 7:2

Min sonboren nə́ nya ǹ nə́ n bɔ gána lɛ nɛ, min pepere din ba minbuiinin bii doo wa, ǹ ba taasiɛ kɔsɔ we wa, yǎa gɛ̀-dɛ. Didie n kuu koe ǹ miã-a, mà asɛ gɔn dɔ-a.

Nya ǹ dín 25:3

mà a bǐɛ̃ kɔ ǹsɛn-a, a da ka Pooli ni Zeruzalɛmu. Sonbore, maǹ nə́ n lɛ kaa kun ǹ nə́ die gɔn diɛ Pooli ganaa ǹ dɛ zii la.

Zozoe 21:38

Ǹ kiwin mɛnɛn kɔ ǹ la Gaadi gána nɛ, bɛn man ka kɛn nɛ: Ramɔti kiwi ke, gɛ̀-dɛle a baa si a wo mìi duru ǹ bǎã lɛa, bɛ laanka a lɛkoro lɛ-a bǎãn manɛ Galaati gána nɛ, Mahanayimu laanka a lɛkoro lɛ-a bǎãn nɛ,