Ozee 6:7 - LAWA A BOO SONBORE

⁷ Sɛnɛ, kasɛn, ká lɛ kɔ kɔn la lɛ ziziɛ̃, ka Aadã bɛ́ lɔn. Ka ǹ ká ma sã.

LAWA A BOO SONBORE 2011

⁷ Sɛnɛ, kasɛn, ká lɛ kɔ kɔn la lɛ ziziɛ̃, ka Aadã bɛ́ lɔn. Ka ǹ ká ma sã.

Ozee 6:7 Iomraidhean Croise

Siin Giala 3:11

Dɛnaa Lawa tɔ́n nɔ̀n da la: «Die na á pɛ n nɛ, mà n tontoro ne? Ma bɛ́ má pɛ n nɛ, máa n baran da nɛ mɛn bii wa, ma nə́ n bɛ lɛ bii ya?»

Siin Giala 3:6

Lɔ lɛ yɛ, mà da nɛ lɛ á siĩn yɔrɔ-a á la yii ni, mà a bii doamaa nɛ a goã kɔɔ̃n lɛ-n, mà min yii á boe li, mà á boe la a min yiri bũ. A ná a nɛ goon na, á bii, á ǹ kɔ́n kɔ ǹ zuũ la a li, a dɔ́ bii.

Kiin2 17:15

Ǹ ná a landa boon lɛn toa walan ka lɛ kɔ kɔn la boon kɛn dɔ nɛ, á doa kɔn ka ǹ digolon ne. A ǹ yiri gisĩ ka siin mɛnɛn nɛ, ǹ zɛnaa boo n kaka a gɔn, ǹ nə́ bɛn dɔn toa walan. Maǹ nə́ baa si màn kokooron kio, á ke ǹ dɔn nə́ màn kooron baa. Gánan mɛnɛn nə ǹ lɛnpɛnɛ, maǹ nə́ bɛn sii zɛnaa ǹ gɔn saa, a da yaa, Dɛnaa Lawa goã á n gɔn waa ǹ nɛ mà ǹ baran bɛa gánan lɛn gòɛ̃ saa wa.

Zɔbu 31:33

Masɛ maa sãn duru ka min gigiã bɛ́ zɛnɛɛ lɔn wa. Má golee maa sãn li.

Izayii 24:16

LOE kɛ lɛ n boe kanaa paǹ tumaa ganaa: «Ka Lawa tɔ bɔ, asɛ mɛn bɛ́ pepere!» Sɛnɛ, masɛ n kɛ pii: «Má sàabaa, má sàabaa. Wàa koe-n ka kɛ-n ma ganaa.» Tentenən man minin yiri siɛ̃, minin sã woo minin sã. Tentenən man minin siɛ̃.

Izayii 24:5

Sonbore, minbuiinin nə́ *gɔ̀ da tán ganaa. Ǹ nə́ Dɛnaa Lawa bɔlɔ tii. Ǹ nə n too kɔ a dí-pɛn li wa. Ǹ ná a landa boon puusə kɔ. Lɛ kɔ kɔn la mɛn bɛ́ duduu wɔ lɛa ǹ doɛ kɔn ka Dɛnaa Lawa nɛ, ǹ nə́ bɛ ziziɛ̃.

Izayii 48:8

Haayii, a boo ba ka too-n wa, ka a màn kɔn doɛ̃ wa. Kaa yiri koa sii li baã belebɔ. Ma á doɛ̃, ka n yiri siɛ̃ wolen lɛa. Maǹ ka bíi piã-wɔlen a kũ kaa yɛ waáraa ganaa.

Zeremii 3:7

Man taasɛ máa bɛ tumaa kio, máa á re wusii a da ma li. Sɛnɛ, haayii, a wusoo á daa wa. Ǹ miãnɛn Zudaa bɔlɔgoonbaãdɛnaa lɛ yɛ taãnɛ.

Zeremii 31:32

Ma lɛ kɔ kɔn la mɛn wɔ ǹ digolon ne bɛ̀ ma bɛ́ má ǹ kũ ǹ gɔn ganaa Ezipti gána nɛ má soo ǹ ne, á re goɛ̃ totoro ka bɛ nɛ. Ǹ nə́ bɛa lɛ kɔ kɔn la lɛ ziziɛ̃. A da yǎa ma din nə ǹ Dɛnaa lɛa. Ma din Dɛnaa Lawa a da ǹ boo ne.»

Zeremii 34:18

Zudaa laanka Zeruzalɛmu a nyɛɛnaandɛnan nɛ, ǹ dí-nyali dadaran nɛ, ǹ Lawa a wúlu-bɔlen ne, ka min mɛnɛn tumaa bɛ́ tándɛnan lɛa, bɛn tumaa lɛ-kɔ wɔ ka masɛ nɛ. Maǹ nə́ wúlu bɔ ǹ dii nɛ lɛ na kɔn paa, ǹ nə́ bɔ a bii ni. Sɛnɛ, bɛa minin lɛn nə kɔ ǹ lɛ-kɔ lɛ wa, ǹ tamaa wa. Ma dɔ n die ǹ dɔn biɛ ka dii nɛ lɛ bɛ́ lɔn ǹ nə́ na kɔn paa.

Zeremii 5:11

Zudaa minin nə́ ma yiri sã, Izirayeli minin nə ma yiri sã taãn-taãnɛ. Dɛnaa Lawa a da ǹ boo ne.

Zeremii 9:6

Bɛ lɛ nɛ, Dɛnaa Lawa Pàãyiidɛnaa á kɛ pii: «Man die ǹ *yoreen koe ka tɛ nɛ. Man die giɛ ǹ giala-a. Man die maa zaman lɛ kuĩ lɔn doo?

Ozee 5:7

A giala, ǹ nə́ Dɛnaa Lawa bebele, ǹ nə́ kikio nɛn yɛ. Sisia kəni, kànaa laanka mui goon, ǹ gána lɛ á re yui.

Ozee 8:1

Ka bɛn pɛ! Bɔ̀n nə́ n tele á die Dɛnaa Lawa a kion lɛ gialaa, ka giogialatã bɛ́ lɔn. A giala, ǹ nə́ maa lɛ kɔ kɔn la lɛ ziziɛ̃, ǹ nə́ n piã ka maa dí-pɛn kɛn nɛ.

Rɔmu minin 5:14

Ka bɛ din tumaa nɛ, gɛ̀ na á goã minin dii, a kũ Aadã ganaa a da Muizu a biikoo yaa, haalɛ ta ǹ dinin nə Lawa bɔlɔ tii ka Aadã bɛ́ á zɛnaa lɔn wa. Min mɛn bɛ́ re die ke lɛn, Aadã na á goã bɛa kɔnboe lɛa ka yɔrɔ kɔ́n nɛ.

Timəə dí-pɛn 31:20

Sonbore, gána mɛn lɛ á ke bɔ̀nyaa laanka zoo nyɔɔ n baa sii a nɛ, man die woe ka zaman kɛ lɛ-n walan. Ma din ni má n lɛ kɔ ǹ digolon la, ka bɛa bǎã lɛ a sii ni. Ǹ tá re màn bii walan ǹ kã, ǹ kasã, sɛnɛ, maǹ die n bɔyɛɛ ǹ lawa kɔsɔn guguru kɔ. Maǹ die dí nyɛɛ bɛn lɛn manɛ, ǹ masɛ din puusə kɔ, ǹ maa lɛ kɔ kɔn la kɛ ziziɛ̃.

Ebrəə 8:9

Bɛa lɛ kɔ kɔn la dii kɛ lɛ a re goɛ̃ ka a zizi kɛ bɛ́ lɔn wa, ma a zizi mɛn wɔ ka ǹ digolon ne, bɛ̀ ma bɛ́ má soo ǹ ne, má ǹ bɔ bɛ̀rɛbaa nɛ Ezipti gána nɛ. Ǹ dinin man nə́ maa lɛ kɔ kɔn la kɛ lɛ ziziɛ̃, bɛ lɛ nɛ, ma dɔ́ tɔ́n nə ǹ toa walan.