Ozee 6:6 - LAWA A BOO SONBORE

⁶ Sii zɛnaa ka kɔn-narɛɛ nɛ, bɛ á kɔɔ̃n ma ganaa á la wúlu mànan kɛn manɛ. Ma dɔ̃ Lawa lɛa, bɛ á kɔɔ̃n ma ganaa á la *wúlu màn tiɛ̃n kɛn manɛ.

LAWA A BOO SONBORE 2011

⁶ Sii zɛnaa ka kɔn-narɛɛ nɛ, bɛ á kɔɔ̃n ma ganaa á la wúlu mànan kɛn manɛ. Ma dɔ̃ Lawa lɛa, bɛ á kɔɔ̃n ma ganaa á la *wúlu màn tiɛ̃n kɛn manɛ.

Ozee 6:6 Iomraidhean Croise

Loen 50:8

N wúlu mànan kɛn lɛa bie ma tá n zɛ̀rɛ biɛ wa. N tá wúlu mànan tiɛ̃ ma yɔrɔ-a baraabaraa.

Suusun 21:3

Giã ǹ gɔn sonbore, a n pepere, á kiɛ Dɛnaa Lawa foo la á la *wúlu màn nɛ.

Boo-laakalaali 5:1

N baran saa lɛlɛ, n boo da wa. Boo baran n si n lɛ la, Lawa yɔrɔ-a wa. A giala, Lawa n lon, nsɛ n tán. Bɛ lɛ nɛ, n boo baran toa a mɔnaa wa.

Izayii 1:11

Dɛnaa Lawa n pii: Kaa *wúlu màn damata kɛ là n ka wàa nɛ ma ganaa? Ka bɛ́ sère kuturun mɛnɛn tiɛ̃ lenlen maa wɔ lɛa, tɔɔ kasiɛ̃ wolen nyɔɔ ke ka á koe wúlu màn lɛa, bɛn tumaa tìĩ bɔ ma yin ni kanna. Dii gɔ̀lɔ̀n mà ke, sère nɛ tenən wɔ nɛ, ka butumun wɔ nɛ, ma ba ǹ li doo wa.

Izayii 58:6

Lɛ sɔɔ mɛn bɛ́ kɔɔ̃n ma ganaa, á ke: Ǹ mɛnaa min mɛnɛn la, ka bɛn si ka ǹ kaa. Zǔu mɛn bɛ ǹ wìi li, ka bɛ bɔ ka bɔ ǹ ganaa. Ǹ bɛ́ min mɛnɛn nɔmɛɛ, ka bɛn si ka ǹ kaa. Sii mɛn tumaa bɛ́ ǹ biɛ bɛ̀rɛn lɛa, ka bɛ yii sàabaa.

Zeremii 22:16

A na á goã doobaan laanka nɔmaa wolen zia gii diɛ. A sii tumaa goã yɔrɔ yii. Bɛ lɛ bie masɛ Lawa doɛ̃ lɛa wa? Dɛnaa Lawa a da ǹ boo ne.

Zeremii 7:22

Ma bɛ́ má ka digolon waa Ezipti gána nɛ má soo ǹ ne, ma boo kɔn da ǹ nɛ, má nɔ̀n da ǹ la ka wúlu màn lɛ piɛ̃-n wa, ma nɔ̀n da ǹ la ka wúlu màn kɔsɔ-n wa.

Ozee 14:2

Izirayeli, wusoo n da Dɛnaa Lawa, n Lawa li, a giala, n sii baraa lɛ na á toa n mɛnaa.

Ozee 2:20

Bɛa pinaa kɛ nɛ, maa zaman lɛ taman yii, ma á re lɛ kɔ kɔn la we ka don mànan nɛ, bàanan nɛ lon, ka màn baaran nɛ tán. Sa nɛ, gɔya sa nɛ, ziabaa ǹ mànan kɛn tumaa nɛ, ma á re ǹ yiyiɛ, ma ǹ bɔ gána lɛ nɛ. Ma á re toɛ gána lɛ a minin nə nyuù wɔ kiĩni.

Ozee 4:1

Dɛnaa Lawa n kiri we gána lɛ a minin ganaa. Izirayeli minin lɛn ka n too kɔ a da ǹ boo li: sonbore-pɛ ba gána lɛ-n wa, kɔn-narɛɛ ba a-n wa, Lawa-doɛ̃ ba a-n wa.

Ozee 8:13

Maǹ wúlu boe ma ganaa ka tɔɔn nɛ, ǹ siĩ soɛ̃ á lɛa. Sɛnɛ, masɛ Dɛnaa Lawa a lɛ koe ǹ wúlu mànan lɛn ganaa wa. Sisia, ma yiri a boe ka ǹ sã ǹ siin kɛn nɛ wa, ma nə ǹ sii baraan kɛn nimii. Ǹ doamaa nɛ, ǹ wusoo ǹ wo Ezipti.

Amɔɔsi 5:21

Kaa zɔ́nɔn kɛn lɛn bɛ̀ ká n zɛnaa, ma ba ǹ li wa, ǹ tìĩ bɔ ma nyin ni. Kaa lɛ-sɔkɔnɔn kɛn bɛ̀ ka ǹ wɔ, á ma gɔ̀nɔn bɔ.

Misee 6:6

Wɔ n die woe golee Dɛnaa Lawa yɔrɔ-a ka wàa nɛ? Wɔ n die woe lon a Lawa guguru koe ka wàa nɛ? Wɔ n die woe ka lɛ̀ goon diin nɛn nɛ, wɔ bɛn baa *wúlu màn tiɛ̃ lɛa kəni?

Misee 6:8

E minbuiinin! Sii mɛn bɛ́ siĩni, a bɛ́ á bɛ pɛ ka nɛ. Dɛnaa Lawa bɛ́ giɛ li mà ka sii mɛn zɛnaa, a bɛ́ á bɛ pɛ ka nɛ: a n mà ka lɛ kɔ sii pepere zɛnaa ganaa, ka toa sii bǐɛ̃ zɛnaa kɔɔ̃n kɔ ka ganaa, ka Lawa a zii tɔ wɔ ka din-gisiĩ ni.

Matiə 12:7

Lawa a boo na á pɛ: «Man giɛ li ka makara bɔ minin ganaa, ma bie giɛ li ka *wúlu mànan kɔ ma la wa. Bɛ̀ ka n bɛ giala miɛ, bɛ̀ ka a dɔlɔ diɛ minin mìi ni, a da yaa ǹ nə́ ǹ sii baraa zɛnaa wa.

Matiə 5:7

Min mɛnɛn bɛ́ ǹ miãn makara doɛ̃, Lawa á re barka diɛ bɛn ganaa, a giala Lawa á die makara boe ǹ dɔn ganaa!

Matiə 9:13

Lawa pɛ a boo ne: «Man giɛ li ka makara bɔ minin ganaa, ma bie giɛ li ka *wúlu mànan kɔ ma la wa.» Ka woo ka n daraa bɛ ganaa, ka a giala ma. A giala, min mɛnɛn bɛ́ n dinin biɛ min peperen lɛa, ma bie má daa bɛn taman yii wa, min mɛnɛn bɛ́ n dinin doɛ̃ sii baraa- zɛnaalin lɛa, man má daa bɛn taman yii.

Marki 12:33

Bɛ lɛ na á toa, min doamaa nɛ a Lawa narɛ ka a foo din tumaa nɛ, ka a yiri din tumaa nɛ, ka a pàã din tumaa nɛ, a doamaa nɛ a ǹ miã kɔsɔ dɔ narɛ ka a bɛ́ a din narɛ lɔn. Bɛ á soɛ parsiini á la *wúlu màn tiɛ̃ laanka wúlu tɔrɔ kɔsɔn tumaa nɛ, ǹ bɛ́ ǹ mɛnɛn koe Lawa nɛ.»

Zozoe 5:5

A giala, zaman mɛn tumaa soo Ezipti gána nɛ, bɛn nə́ goã kurii ni. Sɛnɛ, ǹ soo Ezipti gána-n kio, ǹ mɛnɛn tumaa yɛ don zii tɔ we lɛ gɔ́ɔ̃ nɛ, ǹ goã ǹ nə́ bɛ kɔn kuru wa.

Zaã1 2:3

Bɛ̀ wɔ á Lawa a dí-pɛn lɛ sii, wɔ ǹ doɛ̃ ka bɛ nɛ, wáa wɔ á Lawa doɛ̃.

Zaã1 3:6

Bɛa yɔrɔ kɛ la, bɛ̀ min mɛn tá kun ka Krita nɛ, bɛ n sii baraa zɛnaa toɛ walan duduu. Bɛ̀ min mɛn tá tɔn sii baraa zɛnɛɛ woe ne, bɛa dɛnaa ba yii wa, a doɛ̃ dɔn ma.

Samayeli1 15:22

Samayeli pɛ: «Dɛnaa Lawa bɔlɔ si bɛ́ kɔɔ̃nɛ Dɛnaa Lawa ganaa lɔn, *wúlu màn tiɛ̃n laanka wúlu mànan tá kɔɔ̃nɛ a ganaa miɛ̃ ya? Haayii dɛ! Á ke, bɔlɔ si á soɛ wúlu màn nɛ, doree si á soɛ sère pian nyɔɔ nɛ.