Ozee 6:5 - LAWA A BOO SONBORE

⁵ Bɛ lɛ na á toa, má maa boo gii-dalin dia, ǹ nə́ daa boo dɔdɔrɔ ka ganaa, má ka dɛ ka ma lɛ gɔ́ɔ̃ ǹ boon ne. Maa kiri n foaã ka tɛ fúlu bɛ́ lɔn.

LAWA A BOO SONBORE 2011

⁵ Bɛ lɛ na á toa, má maa boo gii-dalin dia, ǹ nə́ daa boo dɔdɔrɔ ka ganaa, má ka dɛ ka ma lɛ gɔ́ɔ̃ ǹ boon ne. Maa kiri n foaã ka tɛ fúlu bɛ́ lɔn.

Ozee 6:5 Iomraidhean Croise

Siin Giala 18:25

Zɛ̀rɛbaãnaa laanka zɛ̀rɛdɛnaa nə n dɛ kun? Haayii dɛ! N din mɛn bɛ́ kiri kuri kanaa minbuiinin tumaa la, n ba re kuri ka peperebaa-n wa?»

Kiin1 14:6

Sɛnɛ Ayia bɛ́ á lɔ lɛ gòã wuu ma lɔn gɔrɔ die kiɛnlɛ-a biikoo mɛn li, á pɛ: – Da wɔ, Zeroboamu a lɔ! Wàa na á baa n tá n din biɛ ka min kɔsɔ nɛ? Má boo guguru ma n wɔ lɛa.

Kiin1 17:1

Tisibii min, Yilii mɛn nə́ ke Galaati gána min goon lɛa, bɛ pɛ Akaabu ni: «Dɛnaa Lawa Yiikoonaa tɔ nɛ, Izirayeli a Lawa lɛ, ma bɛ́ dí nyɛɛ ǹ mɛn lɛn nɛ, lɛ̀n kɛn die giɛ̃, la ba re kiɛ wa, pele dɔ a die koe wa, bɛ̀ ma bie ma boo da wa.»

Kiin1 18:17

Akaabu bɛ́ á Yilii yɛ a yɔrɔ-a, á pɛ nɛ: «N din nə koe boe Izirayeli minin lɛn ganaa sonbore?»

Kiin1 19:17

Bɛ̀ min woo min kanbaa Azayeli a gɔya sa ganaa, Zewu tá re bɛa dɛnaa dii. Bɛ̀ min woo min kanbaa Zewu dɔ a gɔya sa ganaa, Yiliizee tá re bɛa dɛnaa dii.

Kiin2 1:16

Yilii pɛ kii lɛ nɛ: «Dɛnaa Lawa mà n bɛ́ ń minin dia woe nɔ̀n diɛ Ekrɔn kiwi a dì Baali-Zebubu la, mà Lawa na a banban Izirayeli gána nɛ min nə́ boe la a nɔ̀n da la wa? Bɛ lɛ nɛ, n mɛ tán piì mɛn la, n ba re yui n nə n bɔ bɛ la doo wa, a giala n tá re giɛ̃ a giala yii li.»

KZS2 21:12

Ǹ kɔn pinaa, Lawa a boo gii-dali Yilii sɛ́wɔ dia Zoraamu la, kɛ n kiɛ̃ nɛ a nɛ: «Dɛnaa Lawa a boo á ke, n digolo Davida a Lawa lɛ. N ba koe n díi Zozafati a sii zɛnaa a kɔnboe lɛ wa, n ba koe n díi gole Zudaan kii Azaa dɔ wɔ lɛ wa.

Zɔbu 15:30

A die baa sii a la wɔlɔ tì kɛ la wa, a n die goɛ̃ ka da mɛn bɛ́ tɛ ná a gùrùn laa. Lawa á re siɛ a kiɛ̃ nɛ, ka a din lɛ gɔ́ɔ̃ ǹ piɛ̃ nɛ.

Zɔbu 34:10

Kasɛn mɛnɛn bɛ́ sii giala miɛ, ka n too kɔ ma lon. Lawa á baraa sonbore? Pàãyiidɛnaa lɛ á kɔkɔrɔ sonbore? Taasiɛ bɔbɔnɛɛ!

Loen 119:120

Man nyɛ́ɛ biɛ n nɛ, ma gɔ̀nɔn nə́ bìn diɛ. N sii yɔrɔ bɔ ǹ boon lɛn man nyɛ́ɛ diɛ ma ganaa.

Loen 37:6

Ǹ kɔn pinaa, á re n peperebaa nyɛɛ foaãnɛ, ka wɔlɔ bɛ́ fúli baayɛlɛ lɔn, á re sonbore koe n la, minin nə yɛ ka wasa bɛ́ lɔn penleen tiɛɛ̃n nɛ.

Izayii 11:4

Sɛnɛ, a n die kiri kuri pàãwɛɛnaan la ka peperebaa nɛ. A n die peperebaa zɛnɛɛ gána lɛ a doobaan manɛ. A da ǹ boo n die goɛ̃ ka bàlà bɛ́ lɔn gána lɛ nɛ minin duwii. A lɛ gɔ́ɔ̃ ǹ boo n die min baraan dii gɛ̀ lɛa.

Izayii 58:1

Dɛnaa Lawa pɛ: Paraa ka lɛn gole ne, n nyan nə n lɛ tã wa. Toa n lɛn nə bɔ ka bɛn wɔ bɛ́ lɔn! Maa zaman lɛ a sii baraan pɛ ǹ nɛ, n Zakɔba tɔrɔn siɛ̃n pɛ ǹ nɛ.

Zeremii 1:10

A dɔ̃ mà pelo, mà man pàã koe n la, tɔrɔn laanka gánan mìi la: N tá re màn woɛ̃, n màn dɛ n kaa. N tá re ziziɛ̃, n wuru. N tá re doe, n zumu.

Zeremii 1:18

Á ke, a saa pelo ganaa, man pàã koe n la ka kiwi tamaa wole sonbore bɛ́ lɔn. N tá re goɛ̃ ka fɔlɔ bìbì bɛ́ lɔn, ka zan kungɔn bɛ́ lɔn, gána lɛ tumaa yɔrɔ-a, Zudaa kiin yɔrɔ-a gána nyɛɛnaandɛnan nɛ, ka Lawa a wúlu-bɔlen ne, kɔnlɛ ka gána lɛ a minin ni.

Zeremii 13:13

n pɛ ǹ nɛ kɛnɛn: – Dɛnaa Lawa a da ǹ boo á ke: «Maa foo-yoo kɛ n die gána kɛa min tumaa yii kuĩ ka yɔ bɛ min yii kuĩ lɔn, ǹ kiin mɛnɛn bɛ́ giã-n Davida a kii dankan la, ǹ Lawa a wúlu-bɔlen ne, ǹ Lawa a boo gii-dalin ni, ka Zeruzalɛmu min tumaa nɛ.

Zeremii 23:29

«Maa boo kɛ bie ka tɛ bɛ́ lɔn wa? A bie ka yele bɛ́ lɔn gɛ̀fu yui wa?» Dɛnaa Lawa a da ǹ boo ne.

Zeremii 5:14

Bɛ lɛ nɛ, Dɛnaa Lawa Pàãyiidɛnaa bɛ́ boo mɛn diɛ, á ke: «Ǹ bɛ́ boo diɛ ka kɛa yɔrɔ kɛ nɛ, ma bɛ́ boon mɛnɛn we n lɛ-n Zeremii, bɛ n die goɛ̃ ka tɛ bɛ́ lɔn. Tɔrɔ kɛ n die goɛ̃ ka gɔn bɛ́ lɔn, tɛ n kuĩ.»

Ezekieli 11:4

Bɛ lɛ taman yii, nsɛ minbuiin a nɛ, maa boo gii da ǹ nɛ. A da ǹ nɛ koe!

Ezekieli 3:9

Man die n too laɛ ka kɔlɔ bɛ́ lɔn, a kaka kɔ a la gɛ̀fu ni. N nyan nyɛ́ɛ baa wa, n nyan toa ǹ sii nyɛ́ɛ da n ganaa wa. A giala, piã-wɔlen manɛ.

Ezekieli 32:18

– Minbuiin a nɛ, makara bɔ ǹ wuu pɛ Ezipti gána a zaman kɛ la. Wuu pɛ n Ezipti minin lɛn da zii, ǹ wo kun ka tɔrɔ kakan kɛn minin ni tán giulun, geren bǎã nɛ.

Ezekieli 43:3

Ma yii màn mɛn yɛ bɛa biikoo li, a n ka màn kɛ nɛ má goã má yɛ, bɛ̀ Lawa bɛ́ re die kiwi lɛ yui, a n ka màn kɛ dɔ nɛ má yɛ, bɛ̀ ma bɛ́ Kebaara tà kɛ lɛ-a. Bɛa biikoo li, má na má kaa tán ma lɛ la.

Sofonii 3:5

A da yaa, Dɛnaa Lawa tá kunun ǹ ni bɛa kiwi lɛ nɛ, a sii kɔn zɛnɛɛ baraa wa. Baayɛlɛ woo baayɛlɛ, a n kiri pepere we, a nyaabiɛ a zɛnaa ganaa pinin goon wa. Bɛ tumaa kio, min baraan man sii kɔkɔrɔ zɛnɛɛ, sìi ná a ba ǹ kuĩ wa.

Nya ǹ dín 7:31

Muizu nə́ n kaãbaa bɛa sii kɛ lɛ-a, a bɛ́ giɛ li a n mɔrɔ a ga a ganaa, Dɛnaa Lawa lɛn nə́ bɔ á pɛ:

Rɔmu minin 2:5

N too á kaka koe! N nə́ n piã ka Lawa a bǐɛ̃baa kɛ nɛ. Bɛ lɛ taman yii, n doamaa bɛ-n ka dɔlɔ mɛn nɛ, n ná a yɔrɔ boe koɛ n din ni, Lawa a kiri-kurii pinaa, bɛ á re gole koe doo a la yii ni. Bɛa pinaa kɛ nɛ, Lawa á re a kiri kɛ a peperebaa nyɛɛ min tumaa yɔrɔ-a, ka foo-busii gole ne.

Efɛɛzi minin 6:17

Bɛ din tumaa kio, ka lɛ kɔ Lawa a minin kirisibaa kɛ ganaa, ka bɛ baa ziabaa ǹ bafolo lɛa. Yiri Fu bɛ́ Lawa a boo mɛn diɛ ka nɛ, ka bɛ baa gɔya sa lɛa.

Ebrəə 4:12

Sonbore, Lawa a boo lɛ n boo yiikoonaa lɛa, pàã dɔ tá a nɛ, á lɛ boe á la gɔya paǹan paanan lɛbɔle tumaa nɛ. A n we min ni taãn-taãnɛ, yǎa a telenboen laanka yiri toɛ̃ kɔn, yǎa a gù kòròn laanka sɛwɔ toɛ̃ kɔn. A n min dùũ laanka a taasiɛ bǐɛ̃ boe kɔn lɛ ka a baraa nɛ.

Sii-nyaan 1:16

Leere sɔbaa na a gusin a gɔn nɛ, gɔya sa lɛn paanan lɛbɔle n soe a lɛ-n. A yɔrɔ goã tɛ pii ka penleen a wasa bɛ́ lɔn.

Sii-nyaan 2:16

Wusoo n sii baraan kio. Bɛ̀ bɛ bie wa, ma á re die n tɔwɛɛ sisia, ma zia baa bɛa minin kɛn lɛn ganaa ka gɔya sa kɛ-n soe ma lɛ-n.

Sii-nyaan 9:15

Ǹ nə́ lon a dia dí-a wole màn sii lɛ kaa. Maǹ nə́ goã ǹ nə́ ǹ yɔrɔ bɔ lɛlɛndun bɛa biikoo kɛ lɛ a lɛa, bɛa lɛawaa lɛ a lɛa, bɛa mui lɛ a lɛa, bɛa lɛ̀ kɛ lɛ nɛ, ǹ doamaa nɛ ǹ minbuiinin talakɔn sɔɔbaa ǹ wɔ dɛ ǹ gã.

Sii-nyaan 9:21

Ǹ nə n taasɛ ǹ nə́ wusoo ǹ gɛ̀-dɛn kio, dabara sii zɛnaa nɛ, naarɛbaa nɛ, ka wurumu baa-n wa.

Samayeli1 13:13

Samayeli pɛ Sayulu ni: «Gaãnaa baa ǹ dí n ke ń nya. Dɛnaa Lawa lɛ, kaa Lawa lɛa, bɛ dí mɛn kɔ n la, ń nə n piã ka bɛ nɛ. A na á goã bɛ̀ Dɛnaa Lawa n die toɛ kii lɛa miɛ̃ duduu Izirayeli mìi la.

Samayeli1 15:22

Samayeli pɛ: «Dɛnaa Lawa bɔlɔ si bɛ́ kɔɔ̃nɛ Dɛnaa Lawa ganaa lɔn, *wúlu màn tiɛ̃n laanka wúlu mànan tá kɔɔ̃nɛ a ganaa miɛ̃ ya? Haayii dɛ! Á ke, bɔlɔ si á soɛ wúlu màn nɛ, doree si á soɛ sère pian nyɔɔ nɛ.

Samayeli1 15:32

Samayeli pɛ: «Ka da ka Agaagi ni masɛ li, Amalɛki tɔrɔn kii lɛ.» Agaagi daa Samayeli li. A yɔrɔ goã kɔsiɛ-n wa, a giala, a na á goã taasɛ mà asɛ kanbaa gɛ̀ kɔɔsɛ ganaa.

Samayeli1 15:33

Samayeli pɛ: «A saa lɔn, n dɔ minin nɛnyaanan nyin bɔ ka gɔya nɛ, ǹ daanan gɔn kooro goã, n dɔ dan gɔn kooro á re goɛ̃ pelo, lɔn bii.» Bɛ kio, Samayeli tɔ́n Agaagi dɛ á pɔpɔsɛ Dɛnaa Lawa yɔrɔ-a Gilgaali.