Ozee 6:1 - LAWA A BOO SONBORE

¹ Ka n kɛ pii kɔn nɛ: Ka daa wɔ wusoo wɔ wo Dɛnaa Lawa li: A din na á wɔ tɔtoɛ̃. A din nə die wɔa busu nyɛɛ. A din na á wɔ dɛ, A din nə die a dagòã boe.

LAWA A BOO SONBORE 2011

¹ Ka n kɛ pii kɔn nɛ: Ka daa wɔ wusoo wɔ wo Dɛnaa Lawa li: A din na á wɔ tɔtoɛ̃. A din nə die wɔa busu nyɛɛ. A din na á wɔ dɛ, A din nə die a dagòã boe.

Ozee 6:1 Iomraidhean Croise

KZS2 30:6

Dia dí-a wolen lɛn nə́ woo Izirayeli ka Zudaa gánan nɛ ka sɛ́wɔn lɛn nɛ kii gɔn nɔɔ n la ka zaman nyɛɛnaandɛnan wɔ nɛ. Ká kii pɛ ǹ nɛ lɔn, ǹ nə́ pɛ kɛnɛn: «Izirayeli minin lɛn, kasɛn mɛnɛn nə n si Asiiriin kii a pàã la, ka wusoo ka da Dɛnaa Lawa li, Abrahamu, Izaaki ka Zakɔba a Lawa ke, á re wusii a da ka li.

Zɔbu 16:9

A foo-yoo gɔ́ɔ̃ nɛ, Lawa n ma tɔtoɛ̃, a n ma kio lui, a nə n lɛ sɔsoɛ̃ ma li. A n ma zɔ́ɔ lɛa, n yiin doɛ ma la taãn-taãnɛ.

Zɔbu 22:23

Bɛ̀ ń wusoo ń daa Pàãyiidɛnaa li, bɛ̀ ń sii kɔkɔrɔ zɛnaa kɛ wɔlɔ lui n kion ganaa, á re wusii a n saa a n da lon.

Zɔbu 34:29

Sɛnɛ, bɛ̀ Lawa ba li a sii zɛnaa wa, die n die a zɛ̀rɛ biɛ? Bɛ̀ á n duru, die n boe la a yɛ? A bɛ́ giɛ tɔrɔn walan lɔn, a n giɛ min gogoonmaa dɔ walan miɛ̃.

Zɔbu 5:18

A giala, a din nə min dii a mà bɔ-a, sɛnɛ a din nə wusii a na a busulɛ nya. A din nə busu diɛ min ganaa, a din wusoo a nya.

Loen 30:7

Masɛ dɔ n giã-n kiĩni ma ń pii: máa màn kɔn ba re bìn diɛ ma ganaa wa.

Loen 6:2

Dɛnaa Lawa, ta n foo yoo, n baran ma kũ ma zɛ̀rɛ li wa, ta n foo busu, n baran dɔlɔ bɔ ma-a wa.

Loen 71:20

N din a lɛa, má yɔrɔ-kɔsiɛ laanka nɔmaa gigiã yɛ. Sɛnɛ, n din tá re die n doe ma lɛ, n toa ma yii goã koo. N tá re die ma boe gɛ̀ li.

Boo-laakalaali 3:3

Gɛ̀-dɛ biikoo tan, da gòã-diɛ biikoo tan. Màn-wurii biikoo tan, màn-doe biikoo tan.

Izayii 17:7

Bɛa pinaa kɛ nɛ, minbuiinin tá re giɛ ǹ zɛnaali kɛ ganaa, ǹ tá re Izirayeli a Lawa sonbore kɛ yii.

Izayii 2:3

Gána gigiã á re zii siɛ, bɛ̀ ǹ nə́ pii kɔn nɛ kɛnɛn: Ka daa wɔ n tá wɔ dii Dɛnaa Lawa a kele la, wɔ wo Zakɔba a Lawa a kion. A din tá re a zii lɛ a tɔ wɔ ǹ gɔn nyɛɛ wɔ nɛ, bɛ̀ a din wɔ da zii mɛn la, wɔ á re koe bɛ lɛ. A giala, a dí-pɛn lɛn man boe *Siɔn, Dɛnaa Lawa a boo lɛ n boe Zeruzalɛmu.

Izayii 30:22

N dìn kɛn n wɔrɔ kaa ǹ la n dì kooron kɛn n sana kaa ǹ la, n tá re giɛ bɛn ganaa *gɔ̀ dama-a ǹ mànan lɛa. N tá re ǹ zuĩ ka màn gɔgɔrɛn bɛ́ lɔn, n pɛ ǹ nɛ: «Ka n tá ka n bɔ kànaa!»

Izayii 30:26

Ǹ kɔn pinaa, Dɛnaa Lawa na a zaman lɛ a bayɛrɛn pii. Bɛ̀ a ná a busulɛn nya, mui á re tɛ pii ka wasa bɛ́ lɔn, wasa á re a lɛawaa sɔbaa fúlu kiɛ pinin goon.

Izayii 55:7

Min baraan nə ǹ sii baraan kaa. Min mɛn bɛ́ baraa zɛnɛɛ, bɛa dɛnaa na a taasiɛ baraan kaa. Ǹ tumaa doamaa nɛ ǹ wusoo ǹ da Dɛnaa Lawa li. A giala, á re makara boe ǹ ganaa. Ǹ tumaa doamaa nɛ ǹ da wɔa Lawa li, a giala, a n sii baraan toɛ kooro.

Zeremii 3:22

Ka wusoo ka da ma li, nɛnyaan bɔyaa wolen lɛn, ma á re kaa bɔlɔgoonbaãdɛnaabaa kɛ nyɛɛ ka ganaa! Wɔ á ke, wɔ ǹ die n din li, a giala, Dɛnaa Lawa, n din ni wɔa Lawa lɛa.

Zeremii 30:12

Dɛnaa Lawa a da ǹ boo á ke: N busulɛ lɛ á baraa, n bayɛrɛ kɛ a nyɛɛ wa.

Zeremii 30:17

Nsɛ mɛn bɛ́ ǹ nə́ goã n bíi "màn kooro" *"Siɔn mɛn bɛ́ laadoo ba a ganaa wa", ma á re n busulɛn nyɛɛ ma n kaka kɔ. Masɛ Dɛnaa Lawa a da ǹ boo ne.

Zeremii 33:6

Sɛnɛ, ma á re dagòã diɛ ǹ ganaa, ma ǹ kaka kɔ, ma á re là nyantoro taãn-taãn koe ǹ la ka bɔlɔ goondɛnaabaa nɛ.

Zeremii 50:4

Dɛnaa Lawa a da ǹ boo á ke: Bɛa biikoo li, bɛa pinaa kəni Izirayeli minin laanka Zudaa minin tá re die kun. Ǹ tá re tɔ we, ǹ wuu pɛ, ǹ tá re giɛ masɛ Dɛnaa Lawa, ǹ Lawa li.

Zeremii 50:5

Zii mɛn bɛ́ woe *Siɔn, ǹ tá re nɔ̀n diɛ bɛ li, ǹ nə n yɔrɔ bɔyaa ǹ dia kiwi lɛ la. Ǹ tá re die, ǹ lɛ kɔ kɔn la wɔ ka masɛ nɛ, yǎa duduu, ǹ yiri ná a boe-n duduu dɔn wa.

Busii pɛ 3:11

Á ma baã á ma bɔ maa zii la. Á ma tɔtoɛ̃, á ma ziziɛ̃.

Ozee 11:10

A nɛn tá re tɔ we Dɛnaa Lawa kio, asɛ áre lɛ biɛ ka yàra bɛ́ lɔn, Á re lɛ biɛ sonbore! Ǹ tá re n toɛ lɛ̀nyɛɛnɛ ǹ da ka baa nɛ, ǹ gɔ̀nɔn nə́ bìn diɛ.

Ozee 12:6

«Dɛnaa Lawa, Dɛnaa Lawa Pàãyiidɛnaa,» a tɔ n Dɛnaa Lawa.

Ozee 14:1

Samarii minin doamaa nɛ ǹ nə n sii baraa giɔ̀mɔ saraa, a giala maǹ nə́ n piã ka ǹ Lawa nɛ. Zia á re ǹ dii ǹ gã, ǹ tá re ǹ nɛ tiɛɛ̃nɛn yɔyɔrɛ, ǹ tá re ǹ lɔ nɔ̀naan nɔ̀ wɔsɛ.

Ozee 14:4

Asiirii a boe la a wɔ kirisibaa wa, wɔ a re dii sùin la wa. Wɔ dinin gɔnɔn nə mànan mɛnɛn zɛnaa, wɔ a re pii bɛn man doo: "wɔa Lawa" wa. A giala nɛ toen nə kiɛ n din yele.

Ozee 3:5

Bɛ kio, Izirayeli minin lɛn tá re wusii ǹ ga ǹ Lawa, Dɛnaa Lawa li, ka ǹ kii lɛ nɛ, Davida tɔrɔ lɛa. Ǹ kɔn pinaa, ǹ tá re wusii ǹ wo Lawa li ǹ gɔ̀nɔn nə́ bìn diɛ, mà a bǐɛ̃ kɔ ǹsɛn ganaa.

Lawa a wúlu-bɔlen 14:48

Sɛnɛ, bɛ̀ wúlu-bɔle lɛ ga kion lɛ ganaa, bɛ̀ màn mɛ sulii bǎã lɛ li kion lɛ a wusoo a tɔrɛɛ kio wa, wúlu-bɔle lɛ pɛ mà kion lɛ á yoreene. A giala, sulii bǎã lɛ nya á n bɔ a ganaa.

Sofonii 2:1

Ka n lɛ sɔkɔn, ka kaa kun, kasɛn tɔrɔn sìi doɛ̃baã wolen kɛn lɛn,

Timəə dí-pɛn 32:39

Ka dɔ̃ ka bɛ lɛ-n kəni, mà ma din lɛ nɛ, ma din goon lɛ nɛ, lawa kɔsɔ ba n tii ma-a wa. Ma din nə gɛ̀ dii, ma din nə yiikoonaabaa koe, ma din nə busu diɛ min ganaa, ma din nə busu nyɛɛ. Min kɔn ba boe la a min kũ a si ma la wa.

Samayeli1 2:6

Dɛnaa Lawa din ni nyin koe, a din ni sii. A din ni min diɛ geren piɛ a din dɔ n min kanbiɛ a ganaa.

Samayeli1 7:3

Samayeli tɔ́n pɛ Izirayeli minin lɛn tumaa nɛ: «Bɛ̀ á daa yaa ka n wusii die Lawa-a ka ka foo din tumaa ne, ka lawa soreen lɛn kaa, ka Asitartee nyínin ni. Ka n yɔrɔ dia Dɛnaa Lawa la, ka dí nya a dinsɔɔ̃ nɛ, bɛ kio, ka á re n sii Filisiti minin lɛn la.»