Ozee 5:8 - LAWA A BOO SONBORE

⁸ Ka bɛn pɛ Gibeya kiwi, ka bɛn pɛ Ramaa kiwi, ka lɛn da Bɛti-Avɛn kiwi: Haya! Bɛnzamɛn tɔrɔn lɛn, kaa zɔ́ɔn tá ka kio.

LAWA A BOO SONBORE 2011

⁸ Ka bɛn pɛ Gibeya kiwi, ka bɛn pɛ Ramaa kiwi, ka lɛn da Bɛti-Avɛn kiwi: Haya! Bɛnzamɛn tɔrɔn lɛn, kaa zɔ́ɔn tá ka kio.

Ozee 5:8 Iomraidhean Croise

Samayeli2 21:6

Ka a din lɛ tɔrɔ min sɔbaa kɔ wɔsɛn la. Wɔsɛn tá re bɛn lɛn bɔlɔ diɛ biɛ nɛ Dɛnaa Lawa yɔrɔ-a, Gibeya kiwi. Dɛnaa Lawa Sayulu mɛn bɔ á koa kii lɛa, bɛ na á goã giã-n walan.» Kii nə́ ǹ lɛ si mà asɛ á re bɛa min sɔbaa lɛ koe ǹ la.

Kiin1 12:29

Á diin nɛ nyín sanadɛnaa lɛ a goon koa Betɛli kiwi, á goon kɛ dɔ koa Dan kiwi.

Izayii 10:29

Maǹ koe zii bɔnboɛɛnɛn lɛ kelen bii ǹ nə́ pii: «Ka daa wɔ nyəə Gebaa.» Ramaa kiwi, minin man bìn diɛ ǹ nyɛɛnɛ. Gibeya, Sayulu a kiwi minin man baa sii.

Zeremii 4:5

Ka boo kɛ pɛ Zudaa gána nɛ, ka sawaa Zeruzalɛmu. Ka sère gɔ̀lɔ̀ bɛn pɛ gána lɛ nɛ, ka n lɛ dɛ ka lɛn gole ne ka pɛ: «Ka n sɔsɔkɔn kiwi tamaa wolen ne!»

Zeremii 6:1

Bɛnzamɛn tɔrɔn lɛn, ka soo ka n bɔ Zeruzalɛmu! Ka n duru bǎã kɔsɔ nɛ. Ka sère gɔ̀lɔ̀ bɛn pɛ Tekoa, ka sii giala pɛ ǹ màn doa tán Bɛti-kerɛmu. A giala, koe n die, koe taãn-taãn lɛa, boe gɔsɛ a lɛ̀gɔn la.

Ozee 10:5

Nyɛ́ɛ n Samarii minin kɛn ganaa ka ǹ diin nɛ nyín kɛa sii ni, Bɛti-Avɛn kiwi. Zaman lɛ n wuu pii dì lɛ taman yii. Min mɛnɛn bɛ́ n dinin biɛ a wúlu-bɔlen lɛa, bɛ́n man bìn diɛ a nyɛɛnɛ. A giala a siĩnbaa lɛ woo sɔsɔɔ ǹ ganaa.

Ozee 4:15

Izirayeli minin lɛn, bɛ̀ ka á kaa kɔrɔbaa lɛ zɛnɛɛ, ka zɛnaa! Sɛnɛ kasɛn Zudaa minin lɛn, ka baran n saa ǹ li wa! Ka nyan wo *wúlu bɔ ǹ bǎã kɛ nɛ Gilgaali wa, ka nyan wo Bɛti-Avɛn wa, sii baraa zɛnaa ǹ kion ke. Ka nyan nə n liɛ ka ka Dɛnaa Lawa Yiikoonaa tɔ-n wa!

Ozee 8:1

Ka bɛn pɛ! Bɔ̀n nə́ n tele á die Dɛnaa Lawa a kion lɛ gialaa, ka giogialatã bɛ́ lɔn. A giala, ǹ nə́ maa lɛ kɔ kɔn la lɛ ziziɛ̃, ǹ nə́ n piã ka maa dí-pɛn kɛn nɛ.

Ozee 9:9

Ká dɔ baraabaa lɛ a dù ni, ka Gibeya wɔ kɛ bɛ́ lɔn lɛlɛ. Lawa yiri a die boe ka kaa baraabaa ǹ siin kɛn nɛ wa, á die kaa sii baraan lɛn dɔlɔ boe ka ganaa.

Zowɛli 2:1

Ka bɛn pɛ *Siɔn nɛ, ka pɛ gole, maa kele sonbore kɛ la. Gána lɛ a minin tumaa gɔ̀nɔn nə bìn diɛ. A giala Dɛnaa Lawa a lɛawaa lɛ n die. A lɛawaa lɛ diri.

Zowɛli 2:15

Ka bɛn pɛ Zeruzalɛmu kiwi, ka lɛ-sɔɔ ǹ lɛawaa bɔ ka koa, ka zaman bii a tɔ-a.

Amɔɔsi 3:6

Bɛ̀ ń ziabaa ǹ bɛn wuu ma boe kiwi, nyɛ́ɛ á re a minin kuĩ. Bɔ̀n ba kiwi kɔn yii, bɛ̀ Dɛnaa Lawa na a lɛ kɔ wa.

Zozoe 7:2

Bɛ lɛ kio-n kəni, Zozoe nə́ n toa Zerikoo kiwi, á minin dia Ayii kiwi kɛ nɛ kunu Bɛti-Avɛn li, Betɛli a lɛ̀giala gɔn la. Á pɛ ǹ nɛ mà ǹ woo ǹ nə n bibiə̃, ǹ ga gána lɛ ganaa. Bɛa minin lɛn nə́ woo, ǹ nə́ n bibiə̃ ǹ nə́ ga Ayii kiwi lɛ ganaa.

Sii yɔrɔ-bɔlen 5:14

Efrayimu tɔrɔn lɛn giala basa n boe Amalɛki. Bɛnzamɛn tɔrɔn nə́ mɛ ǹ kio, kun ka ǹ zia-baalin kɛn nɛ. Goledɛnan nə́ bɔ Makiiri tɔrɔn bii ǹ nə́ daa. Zia mìilandɛnan nə́ bɔ Zabulɔn tɔrɔn bii ǹ nə́ daa.

Samayeli1 15:34

Samayeli kiɛ̃ á woo Ramaa, Sayulu woo piɛ a din a kiwi Gibeya.

Samayeli1 7:17

Bɛ kio, a na á goã n bɔyɛɛ a wo Ramaa kiwi, a giala, a kion na á goã walan. A na á goã Izirayeli minin sii yɔrɔ boe walan lɛ nɛ, á *wúlu bɔ ǹ bǎã dɔ dɔ a nɛ, Dɛnaa Lawa wɔ lɛa.

Samayeli1 8:4

Izirayeli min golen tumaa nə́ n lɛ sɔkɔn ǹ nə́ daa Samayeli li Ramaa kiwi.