Ozee 5:6 - LAWA A BOO SONBORE

⁶ Ǹ tá re die ka ǹ tɔɔ dadaran laanka ǹ tɔɔ bisinin ni mà maǹ giɛ Dɛnaa Lawa li. Sɛnɛ, ǹ ba re yii wa. A giala á soo á n bɔ ǹ bii.

LAWA A BOO SONBORE 2011

⁶ Ǹ tá re die ka ǹ tɔɔ dadaran laanka ǹ tɔɔ bisinin ni mà maǹ giɛ Dɛnaa Lawa li. Sɛnɛ, ǹ ba re yii wa. A giala á soo á n bɔ ǹ bii.

Ozee 5:6 Iomraidhean Croise

Bɔ bɛ̀rɛbaa nɛ 10:9

Muizu pɛ: «Wɔ n die woe ka wɔa nɛnyaanan nɛ, ka wɔa min golen ne, wɔa giĩn laanka wɔa lɔn nɛ, wɔa sèren ne, wɔa bòen ne, ka wɔa diin ni. A giala, wɔ n die zii tɔ we don bii, wɔ zɔ́n zɛnaa wɔa Dɛnaa tɔ a lɛa.»

Suusun 1:28

Ka á re ma bíi, sɛnɛ, ma a re ka lɛ sii wa. Ka á re giɛ ma li, sɛnɛ ka a re ma yii wa.

Suusun 15:8

Min baraan *wúlu màn ba kɔɔ̃n Dɛnaa Lawa ganaa wa. Sɛnɛ, min peperen Lawa nyankɔ n kiɛ foo la.

Suusun 21:27

Min baraan wúlu màn nə màn bɔnɛɛ lɛa, sanparɛ bɛ́ ǹ nə́ zɛnaa ka gɔ́ɔ̃ tìbaa nɛ.

Loe kɔɔ̃n kɔɔ̃n 5:6

Má kiɛnlɛ bũ ma din foo dùũ wɔ lɛ nɛ, sɛnɛ á woo, a bii-a doo wa. Ma gɔ̀nɔn yii nə́ n si ma la, má ga li, man na a-n wa. Má lɛ dia la, a ma lɛ si wa.

Izayii 66:3

A da yaa, wúlu mànan wɔ paǹ li, minin man diin dii, ǹ wusoo doo ǹ minbuiin nɛn dɛ. Maǹ sèren bɔlɔ kuri, bɛ̀ ǹ tá ginin dɔn dii. Maǹ die ka Lawa gɔ ǹ màn nɛ bɛ̀ ǹ tá biriin mà kiɛ tán. Maǹ da yon gìĩ kɔɔ̃n tiɛ̃ maa wɔ lɛa, bɛ̀ ǹ tá dìn dɔn guguru koe. Maǹ nə ǹ dinin foo siin zɛnɛɛ, sii bɔbɔnɛɛ n kɔɔ̃nɛ ǹ ganaa.

Zeremii 11:11

Bɛ lɛ nɛ, masɛ Dɛnaa Lawa á kɛ pii: «Á ke, man die koe diɛ ǹ la, ǹ bɛ́ ǹ ba re n boe ǹ mɛn nɛ wa. Bɛ̀ ǹ tá gú diɛ, ma a re n too koe ǹ lon wa.

Zeremii 11:14

Nsɛ Zeremii, n nyan nyankɔ wɔ zaman kɛa lɛa wa. N nyan gú da hinlaa n gòã kũ da ma ganaa ǹ lɛa wa. Koe biikoo li, ta ǹ nə́ n lɛ dɛ ma ganaa, ma a re n too koe ǹ lon wa.»

Zeremii 14:12

Ta ǹ nə́ n lɛ sɔɔ, ma a re n too koe ǹ nyankɔ li wa. Ta ǹ nə́ *wúlu màn tiɛ̃ laanka wúlu màn gìĩ kɔɔ̃n kɔ ma la, ma a re lɛ koe ǹ ganaa wa. Sɛnɛ, man die ǹ bɔ̀n biɛ ka zia nɛ, bòo ne ka piɛ̃ busu ni.»

Zeremii 7:4

Ka ǹ pii: «Lawa a kion nə kànaa, Lawa a kion nə kànaa, Lawa a kion nə kànaa. Ka nyan nə dinin sã ka bɛa soɛ boon kɛn nɛ wa.»

Busii pɛ 3:44

N nə́ n dɔ labara gɔ́ɔ̃ nɛ màn mɛn bɛ́ toɛ wɔa nyankɔ nyan dɔ n li wa.

Ezekieli 8:18

A bɛ́ miɛ̃, ma dɔ n die dɔlɔ boe ǹ ganaa ka ma foo ne. Ǹ makara a die ma kuĩ, ma ǹ toa walan wa. Ta ǹ nə́ n lɛ dɛ ma kio kɔsɛkɔsɛ, masɛ a re n too koe ǹ lon wa.»

Ezekieli 8:6

Á wusoo á pɛ ma nɛ: «Nsɛ minbuiin a nɛ, ǹ bɛ́ dí mɛn nyɛɛ, n yii tá a ganaa? Izirayeli tɔrɔn lɛn man sii bɔbɔnɛɛ dadaran zɛnɛɛ kànaa, màn mɛn bɛ́ toɛ, masɛ soo man bɔ maa kion sonbore kɛ nɛ. N tá re sii bɔbɔnɛɛ dadara kɔsɔn dɔn dinin yii.»

Ozee 8:13

Maǹ wúlu boe ma ganaa ka tɔɔn nɛ, ǹ siĩ soɛ̃ á lɛa. Sɛnɛ, masɛ Dɛnaa Lawa a lɛ koe ǹ wúlu mànan lɛn ganaa wa. Sisia, ma yiri a boe ka ǹ sã ǹ siin kɛn nɛ wa, ma nə ǹ sii baraan kɛn nimii. Ǹ doamaa nɛ, ǹ wusoo ǹ wo Ezipti.

Amɔɔsi 8:12

Maǹ die siɛ gána lɛ a gusin a lɛ̀gɔn la ganaa ǹ wo a lɛ̀nyɛɛn li, bɛ kio, ǹ nə n toa a gɔsɛ a lɛ̀gɔn la, ǹ wo a lɛ̀giala li, ǹ baa si ǹ bɔ kànaa ǹ wɔ kànaa, ǹ nə́ giɛ li mà ǹ Lawa a boo lɛ ma, sɛnɛ ǹ ba re miɛ wa.

Misee 3:4

Min mɛnɛn bɛ́ bɛ lɛ zɛnɛɛ, ta ǹ nə́ n lɛ dɛ Dɛnaa Lawa ganaa ǹ mɛn pinaa, a re n nyii ǹ la wa. A n die n yɔrɔ din bɔyɛɛ a bɔ ǹ la bɛa pinaa, ǹ zɛnaa ǹ sii babaraan lɛn taman yii.

Malakii 1:10

Bɛ̀ kaa min goon na á woo Lawa a kion kɛa kiɛnlɛn tã á soɛ. Ka a re woe tɛ koɛ wúlu bɔ ǹ bǎã kɛ-n kooro wa. A bɛ miɛ̃ kaa yɛ ka ma yiin din ba foo kɔɔ̃n goon din lɛa ma ganaa wa, ka bɛ́ wúlu bɔ ǹ mànan mɛnɛn dɔn koe ma la, man pii ka nɛ, ma ba ǹ li wa, masɛ Dɛnaa Lawa Pàãyiidɛnaa mà miɛ̃.

Luku 5:16

Sɛnɛ, Yezu na á goã soe, bɛ̀ a wo giã a dinsɔɔ̃, bǎãn kɔnɔn nɛ, bɛ̀ a Lawa nyankɔ walan.

Zaã a sɛ́wɔ 7:34

Ka á re giɛ ma li, sɛnɛ, ka a re ma yii wa, a giala, masɛ bɛ́ bǎã mɛn nɛ, ka a boe la ka da walan wa.»