Ozee 5:4 - LAWA A BOO SONBORE

⁴ Ǹ zɛnaa ǹ sii lɛ din ba toɛ ǹ yii wɔ ǹ wusoo ǹ da ǹ Lawa li wa. A giala, kɔrɔbaa ǹ taasiɛ lɛ tá ǹ yiri ni. Ǹ ba masɛ Dɛnaa Lawa doɛ̃ wa.

LAWA A BOO SONBORE 2011

⁴ Ǹ zɛnaa ǹ sii lɛ din ba toɛ ǹ yii wɔ ǹ wusoo ǹ da ǹ Lawa li wa. A giala, kɔrɔbaa ǹ taasiɛ lɛ tá ǹ yiri ni. Ǹ ba masɛ Dɛnaa Lawa doɛ̃ wa.

Ozee 5:4 Iomraidhean Croise

Loen 78:8

Ǹ baran n baa ka ǹ digolon kɛn bɛ́ lɔn wa. Tɔrɔ too kaka-a, piã-wɔlen manɛ. Ǹ yiri n paa, ǹ ba n foo doɛ Lawa ganaa wa.

Loen 9:10

Dɛnaa Lawa, n din die n fuu-yɛle a duru ǹ bǎã baa. Nɔmaa biikoo li, a n duru n din li.

Zeremii 24:7

Ma á re toɛ ǹ dɔ̃ mà ma din ni Dɛnaa Lawa lɛa. Ǹ tá re n bɔyɛɛ ǹ masɛ wɔ baa ka ǹ foo din tumaa nɛ. Ǹ tá re maa zaman biɛ, masɛ dɔ á re ǹ Lawa biɛ.»

Zeremii 50:38

Ka zia baa a tà mun ganaa, ǹ gɔ́ɔ̃ laa kakaka. A giala, dìn gána nɛ. Maǹ nə n dinin gole koe bɛa dì nyín bɔbɔnɛɛn kɛn lɛn taman yii.

Zeremii 9:24

Lɛawaa á re doe, Dɛnaa Lawa a da ǹ boo ne, min mɛnɛn tumaa bɛ́ ǹ nə́ n kuru, ma á re yui bɛn gialaa.

Zeremii 9:6

Bɛ lɛ nɛ, Dɛnaa Lawa Pàãyiidɛnaa á kɛ pii: «Man die ǹ *yoreen koe ka tɛ nɛ. Man die giɛ ǹ giala-a. Man die maa zaman lɛ kuĩ lɔn doo?

Ozee 13:13

A là paparɛ n die, ka lɔ a nɛ yɛ a biikoo wɔ á ke lɔn. Sɛnɛ nɛnyaan too kaka nɛ, a yɛ biikoo li, a nə n piɛ̃ mà a soe a n bɔ ǹ dan gɔ́ɔ̃-n wa.

Ozee 4:1

Dɛnaa Lawa n kiri we gána lɛ a minin ganaa. Izirayeli minin lɛn ka n too kɔ a da ǹ boo li: sonbore-pɛ ba gána lɛ-n wa, kɔn-narɛɛ ba a-n wa, Lawa-doɛ̃ ba a-n wa.

Ozee 4:11

Kɔrɔbaa laanka yɔ mi a la yii-n nə́ ǹ kũ á ǹ baa gàãnaan lɛa.

Ozee 4:12

Maa zaman lɛ nə n gɔn koɛ gɔn dì kɛ la. A bàlà lɛ n siin yɔrɔ pii ni. Kɔrɔbaa ǹ taasiɛ nə ǹ yiri siɛ̃. Bɛ lɛ nɛ, ǹ nə́ n na, ǹ nə́ n bɔ ǹ Lawa ganaa maǹ lawa kooron kio.

Ozee 4:14

Sɛnɛ, ma bie re dɔlɔ boe kaa nɛlɔn lɛn ganaa ǹ kɔrɔbaa kɛ taman yii wa, ma bie re dɔlɔ boe ka manaan lɛn ganaa ǹ naarɛbaa kɛ taman yii wa. Maǹ lɔ kɔrɔn kuĩ bɛ̀ ǹ wo ǹ ne tìãlɛa, lɔn mɛnɛn nə n dinin kɔ dìn kɔrɔbaa kɛ la, maǹ wúlu bɔ ǹ mànan bibii kun ka bɛn nɛ. «Minin man bɔ̀n biɛ doɛ̃baã taman yii.»

Ozee 4:6

Maa minin lɛn man giɛ̃, ma doɛ̃baã taman yii. A giala, ka dinin nə́ n piã ka ma doɛ̃ nɛ, ma dɔ á re n piɛ̃ ka ka dɔn nɛ, ka a re maa wúlu-bɔlen biɛ doo wa. Ka yiri bɛ́ á bɔ ka kaa Lawa a dí-pɛn kɛn nɛ, masɛ dɔ yiri á die boe ka kaa nɛnyaanan kɛn nɛ.

Ozee 7:11

Efrayimu minin lɛn man ka zɛrɛkantoan bɛ́ lɔn, ǹ ba n sii bebelee la wa, a giala ǹ ba n taasɛ wa. Ǹ nə́ Ezipti minin bii wɔ maǹ da n dɔ ǹsɛn lɛ, ǹ nə́ woo Asiirii gána nɛ.

Ozee 8:11

Efrayimu minin man nə́ *wúlu bɔ ǹ bǎã gigiã dɔ, ǹ sii baraa sawaa ǹ bǎã lɛa. Sɛnɛ, bɛa wúlu bɔ ǹ bǎãn lɛn dinin man nə́ ǹ kaa sii baraa zɛnaa ganaa.

Zaã a sɛ́wɔ 16:3

Maǹ die zɛnɛɛ miɛ̃, a giala, ǹ masɛ a Díi dɔ̃ wa, ǹ masɛ din dɔ dɔ̃ wa.

Samayeli1 2:12

Yiili a nɛgiĩn lɛn man nə́ goã min gɛsɛn lɛa, ǹ goã Dɛnaa Lawa doɛ̃ wa.