Ozee 5:10 - LAWA A BOO SONBORE

¹⁰ Zudaa tɔrɔn nyɛɛnaadɛnan kɛn man minin lɛa, ǹ wuru gèlè toɛ walan bɛ̀ ǹ wɔ ǹ miãn lon. Masɛ foo n die yui ǹ dinin lɛn li, ka mu tii á ke lɔn.

LAWA A BOO SONBORE 2011

¹⁰ Zudaa tɔrɔn nyɛɛnaadɛnan kɛn man minin lɛa, ǹ wuru gèlè toɛ walan bɛ̀ ǹ wɔ ǹ miãn lon. Masɛ foo n die yui ǹ dinin lɛn li, ka mu tii á ke lɔn.

Ozee 5:10 Iomraidhean Croise

Loen 32:6

Bɔlɔgoondɛnan tumaa doamaa nɛ ǹ nə n nyankɔ miɛ̃, bɛ̀ ǹ tá die ka ǹ laadoo siin ni n li ǹ mɛn pinaa. Haalɛ koe sii mɛn bɛ́ boe la a min bii ka mu gole bɛ́ lɔn, bɛa re doe ǹ ganaa wa.

Loen 69:24

Toa ǹ yiin nə tã, ǹ baran wɔlɔ yɛ wa, ǹ gɔ̀nɔn nə bìn da biikoo tumaa li.

Loen 88:17

N foo-yoon nə́ kiɛ̃ ma la, n yoo ma gialaa kakan kɛn nə́ ma pàã nya.

Suusun 17:14

Bɛ̀ n zia giala kɔ, ma nə n mu tii lɛ bũ. Zia lɛ laan bɛ̀ a n yui, n basã.

Suusun 22:28

Ń digolon nə kɔlɔ mɛn da tán gèlè la wurun, ń nyan zɔ̃ wa.

Izayii 1:23

N kiãn man gòãn dii wolen lɛa. Maǹ nə n lɛ kiɛ kun ka wurumun ni. Lɛ pii ǹ mànan si n kɔɔ̃nɛ ǹ ganaa. Maǹ baa sii bɛn kio. Ǹ ba bǐɛ̃ zɛnɛɛ nɛ toen ne wa, ǹ ba lɔ giɔɔrɔ a guĩ siɛ wa.

Ezekieli 22:22

Wɔrɔ bɛ́ yoe a yo ǹ kùsì-n lɔn, ka dɔn tá re yoe Zeruzalɛmu kiwi lɛ gɔ́ɔ̃-n miɛ̃. Ka á re doɛ̃ ka bɛ lɛ-n kəni mà ma din nə Dɛnaa Lawa lɛa, maa foo-yoo lɛ a dɔlɔ boe ka ganaa.»

Ezekieli 7:8

Sisia kəni, golee ba a-n doo wa. Man die die ka gialaa ka ma foo ne, yǎa man foo nyɛɛ ka la. Ma á re kiri kuri ka la a kɔnpɛ ka kaa zɛnaa ǹ sii ni, ma kaa sii bɔbɔnɛɛn kɛn tumaa a dɔlɔ da ka mìi ni.

Matiə 7:27

La kaa, pɛrɛn nə́ pã ǹ nə́ toɛ̃, piɛ̃ gole yoo, á nyanaa á kaa. A ziziɛ̃ ǹ gɔn nə baraa kɔ á la yii ni.

Luku 6:49

Sɛnɛ, min mɛn bɛ́ masɛ a boo lɛ miɛ, a na a ba zɛnɛɛ wa, bɛa dɛnaa n kɔnboe ka giĩ goon ne, a ná a kion dɔ tán kooro la. A na a giala daa á wɔ tán wa. Mu toɛ̃ á daa kion lɛ ganaa, bǎã goon ne á kaa ka lenlen. Bɛa kion lɛ a kaa a bɔ̀n nə́ gole kɔ parsiini.

Timəə dí-pɛn 19:14

Kaa Lawa, Dɛnaa Lawa bɛ́ re gána mɛn lɛ koe ka la mà a kaa wɔ baa, bǎã mɛn bɛ́ re doe ka-a walan, lɛlɛ minin nə gèlè mɛn koa, ka nyan bɛ na, ka n dɔ ka miãkɛnɛn wɔ-n wa.

Timəə dí-pɛn 27:17

Min mɛn bɛ́ ǹ miãkɛn a gèlè la ǹ kɔlɔ zoɛ̃, bɔ̀n na á bɛa dɛnaa yɛ! Bɛ kio, zaman lɛ tumaa pɛ: «A n miɛ̃!»