Ozee 5:1 - LAWA A BOO SONBORE

¹ Lawa a wúlu-bɔlen lɛn, ka n too kɔ! Izirayeli minin lɛn, ka n too kɔ doɛ̃: Kii a sumu minin lɛn, ka n too da! Sii kɛ lɛ a kiri n die kuĩ ka dinin mìi ni. A giala, kaa zɛnaa ǹ sii kɛ na á kan baa Misipaa kiwi, a na á biɛ baa ká koa Tabɔɔrɔ kele kɛ la,

LAWA A BOO SONBORE 2011

¹ Lawa a wúlu-bɔlen lɛn, ka n too kɔ! Izirayeli minin lɛn, ka n too kɔ doɛ̃: Kii a sumu minin lɛn, ka n too da! Sii kɛ lɛ a kiri n die kuĩ ka dinin mìi ni. A giala, kaa zɛnaa ǹ sii kɛ na á kan baa Misipaa kiwi, a na á biɛ baa ká koa Tabɔɔrɔ kele kɛ la,

Ozee 5:1 Iomraidhean Croise

Zeremii 11:7

Ma bɛ má ka digolon waa Ezipti gána nɛ má soo ǹ ne, má n gɔn waa ǹ nɛ ka ma parsiini. A da pelo yaa, má belebɔ, má n tɔ nə n gɔn woɛ ǹ nɛ, má n pii: Ma bɛ́ boo mɛn pii ka nɛ, ka n too kɔ li.

Zeremii 13:18

A pɛ kii laanka kii ǹ dan nɛ kɛnɛn: Ka giã tán furu-n a giala, kaa kii bafolo sonbore kɛ bɔ ka mìi ganaa á mɛnaa.

Zeremii 46:18

Kii mɛn bɛ́ a tɔ n Dɛnaa Lawa Pàãyiidɛnaa, bɛa da ǹ boo á ke: «A ma toa ma yii n koo, zɔ́ɔ lɛ á re die. Sàabaa ba la wa ka Tabɔɔrɔ a kele kɛ bɛ́ lɔn kelen bii, ka Karmɛli kele kɛ bɛ́ lɔn yìsi mu lalan.»

Ozee 10:15

Kaa baraabaa a la yii-n lɛ na á toa Betɛli kɛ zɛnaa ka nɛ. Ǹ tá re kaa kii lɛ nyin boe lɛ̀ tiə ne.

Ozee 13:8

Ma á re ka kuĩ ka gòon màn babaraa nɛn dan bɛ́ lɔn ǹ ná a nɛ si la, ma á re ka tìãbii toɛ̃ kɔn. Man die ka soɛ̃ ka yàra nɛn dan bɛ́ lɔn, don mànan tá re ka geren wɔ̃woɛ̃ kɔn.

Ozee 4:1

Dɛnaa Lawa n kiri we gána lɛ a minin ganaa. Izirayeli minin lɛn ka n too kɔ a da ǹ boo li: sonbore-pɛ ba gána lɛ-n wa, kɔn-narɛɛ ba a-n wa, Lawa-doɛ̃ ba a-n wa.

Ozee 6:9

Ká wurumu kuru bɛ́ kuu koe minin ganaa lɔn, Lawa a wúlu-bɔlen kurun man nɛn bɛ̀ ǹ minin dɛ Sisɛmu zii la miɛ̃. Bɛa sii bɔbɔnɛɛ kɛ lɛ nɛ ǹ tá zɛnɛɛ.

Ozee 9:8

Efrayimu a wɔlɔ-lɛduə̃li lɛ n kun ka maa Lawa nɛ, Lawa a boo gii-dali lɛ nɛ. Maǹ kan koɛ a kiɛ̃ ǹ ziin tumaa la. Haalɛ Lawa a kion din ni maǹ yui a gialaa.

Zowɛli 1:2

Min golen lɛn, ka n too kɔ kɛ li. Gána minin lɛn, ka tumaa nə n too da! Ka bɛ́ ka tɔn sii mɛn yɛ kaa tá kanaa gɔ́ɔ̃-n wa, ka digolon dɔn dinin bɛ́ ǹ sii mɛn yɛ ǹ tá kanaa gɔ́ɔ̃-n wa, bɛ lɛ n ke die.

Amɔɔsi 3:1

Izirayeli minin lɛn, ka n too kɔ Dɛnaa Lawa kasɛn sɔmɔ lɛ a minin mɛnɛn waa, á ǹ bɔ Ezipti gána nɛ, a na á boo kɛ da ka dinin wɔ paǹ li, á pɛ kɛnɛn:

Amɔɔsi 7:9

Ma á re Izaaki tɔrɔn kɛn laanka Izirayeli tɔrɔn wúlu bɔ ǹ bǎãn ziziɛ̃, ma á re zia biɛ Zeroboamu tɔrɔn kɛn ganaa.»

Misee 3:1

Zakɔba tɔrɔn goledɛnan lɛn, Izirayeli minin sii yɔrɔ-bɔlen lɛn, masɛ Misee n ka nyankoe: ka bǐɛ̃ kɔ ka n too kɔ. Min doamaa nɛ a sii yɔrɔ bɔ ǹ gɔn nyaa kasɛn kɛn ma-n doo?

Misee 3:9

Zakɔba tɔrɔn goledɛnan lɛn, ka bǐɛ̃ kɔ, ka n too kɔ kɛ li! Izirayeli mìilandɛnan lɛn, sii pepere a kɔɔ̃n ka ganaa wa. Ka n sii pepere din tumaa kɔrɛ.

Misee 7:2

Min sonboren nə́ nya ǹ nə́ n bɔ gána lɛ nɛ, min pepere din ba minbuiinin bii doo wa, ǹ ba taasiɛ kɔsɔ we wa, yǎa gɛ̀-dɛ. Didie n kuu koe ǹ miã-a, mà asɛ gɔn dɔ-a.

Malakii 1:6

Masɛ Dɛnaa Lawa Pàãyiidɛnaa n kɛ pii Lawa a wúlu-bɔlen manɛ: Nɛ na a díi guguru koe, dí-nyali na a miilandɛnaa guguru koe. Ma din bie kaa díi lɛa man ka miilandɛnaa dɔ lɛa wa? Sɛnɛ wàa na á baa kaa ma lɛ sii, kaa ma guguru koe wa, ka n ma pɔpɔsɛ ka n nɔ̀n diɛ: «Wɔ n wɔ́ n pɔpɔsɛ ka wàa nɛ?»

Malakii 2:1

Gɔn waa ma n boo á ke masɛ Dɛnaa Lawa Pàãyiidɛnaa n pii ka Lawa a wúlu-bɔlen manɛ:

Sii yɔrɔ-bɔlen 4:12

Ǹ nə́ pɛ Sizeraa nɛ, mà Abinoamu a nɛgiĩ Baraki daa Tabɔɔrɔ kele la.

Sii yɔrɔ-bɔlen 4:6

Ǹ kɔn pinaa, Deboraa minin dia, mà ǹ wo lɛ dia Abinoamu a nɛgiĩ Baraki la, Kedɛsi kiwi, Nɛfutalii gána nɛ. Deboraa pɛ nɛ: «Dɛnaa Lawa lɛ, Izirayeli minin Lawa lɛa, a din na á dí kɛ kɔ mà n wo Tabɔɔrɔ kele la, kun ka giĩ duu fù kɛ nɛ, n nə́ ǹ bɔ Nɛfutalii tɔrɔn laanka Zabulɔn tɔrɔn bii.

Samayeli1 7:16

Lɛ̀ tunaa nɛ, a na á goã n biĩ, a wo Betɛli, a kiɛ̃ a wo Gilgaali kiwi laanka Misipaa kiwi. A na á goã Izirayeli minin sii yɔrɔ boe bɛa bǎãn kɛn lɛn tumaa nɛ.

Samayeli1 7:5

Samayeli pɛ: «Ka Izirayeli kuturu lɛ sɔkɔn Misipaa, masɛ n die Dɛnaa Lawa nyankoe kaa lɛa.»

Samayeli1 7:6

Ǹ nə́ n lɛ sɔkɔn Misipaa. Ǹ nə́ mu si ǹ nə́ tɔ tán Dɛnaa Lawa yɔrɔ-a, gɔ́ɔ̃ dɔn bii a sii a kɔnboe lɛa. Ǹ nə́ n lɛ sɔɔ bɛa pinaa kɛ lɛ nɛ, ǹ nə́ pɛ bɛa bǎã lɛ nɛ mà ǹsɛn nə́ sã, ǹ nə́ wɔ Dɛnaa Lawa lon! Samayeli na á goã Izirayeli minin lɛn nyɛɛnaan boe Misipaa.