Ozee 4:2 - LAWA A BOO SONBORE

² Maǹ lɛn baraa bíi kɔn li, soɛ boe kɔn nɛ, gɛ̀ dii, wurumu biɛ, naarɛbaa zɛnɛɛ. Kakaarɛbaa kɛ din la yii ni, maǹ kɔn ka gɛ̀ dɛ-n miɛ̃ duduu.

LAWA A BOO SONBORE 2011

² Maǹ lɛn baraa bíi kɔn li, soɛ boe kɔn nɛ, gɛ̀ dii, wurumu biɛ, naarɛbaa zɛnɛɛ. Kakaarɛbaa kɛ din la yii ni, maǹ kɔn ka gɛ̀ dɛ-n miɛ̃ duduu.

Ozee 4:2 Iomraidhean Croise

Siin Giala 4:8

Ǹ kɔn pinaa, Kanyɛ nə́ ǹ diɛ̃ Abeli lɛ bíi á pɛ nɛ mà a daa ǹ nə n ta don. Ǹ bɛ́ ǹ nə́ dɔ don, Kanyɛ yoo á mɛ ǹ diɛ̃ Abeli la, á dɛ á da tán.

Izayii 24:5

Sonbore, minbuiinin nə́ *gɔ̀ da tán ganaa. Ǹ nə́ Dɛnaa Lawa bɔlɔ tii. Ǹ nə n too kɔ a dí-pɛn li wa. Ǹ ná a landa boon puusə kɔ. Lɛ kɔ kɔn la mɛn bɛ́ duduu wɔ lɛa ǹ doɛ kɔn ka Dɛnaa Lawa nɛ, ǹ nə́ bɛ ziziɛ̃.

Izayii 48:1

Ka n too kɔ Zakɔba a zaman, kasɛn mɛnɛn nə yɛ Zudaa gána nɛ, Izirayeli tɔ n ka ganaa! Ka nə n liɛ ka Dɛnaa Lawa tɔ nɛ, ka n Izirayeli a Lawa nyankoe, sɛnɛ, ka parsii bie wa, ka a pepere wa.

Zeremii 51:5

A giala, gána lɛ piɛ̃maa-n ka sii baraa nɛ Izirayeli a Lawa sonbore lɛ yɔrɔ-a. Sɛnɛ, Dɛnaa Lawa Pàãyiidɛnaa Izirayeli laanka Zudaa toa walan wa.

Zeremii 6:7

Mu piã bɛ́ a mu sui lɔn, a dɔ na a baraabaa lɛ sui miɛ̃. A kiwi bii, kakaarɛbaa laanka wɔlɔ yui dinsɔɔ̃ boo na a tan. Biikoo tumaa li, nɔmaa laanka busulɛn man ma yii giulun.

Busii pɛ 4:13

Bɛ na á giala yɛ miɛ̃, Lawa a boo gii-dalin laanka Lawa a wúlu-bɔlen sii baraan taman yii. A giala, ǹ dinin maǹ nə́ toa Lawa bɔlɔ-sili sonboren mà kaa kiwi lɛ nɛ.

Ezekieli 7:23

Ka ǹ kũ ǹ fɔlɔ zɔrɔka zɛnaa, a giala gɛ̀-dɛli la gána lɛ yii ni, kakaarɛbaa dɔ́ kiwi lɛ pã.

Ozee 10:13

Sɛnɛ, ka n ka baraabaa kɔsɔ, kaa kaa-piɛ na á goã ka mɛnaa kɔn la nɛ. Ń soɛ da nɛ bii. Man nə́ n foo doa n pàã ganaa n zia nɛn mɔnaabaa a lɛa.

Ozee 10:4

Boo n woe ǹ la. Maǹ lɛ kɔn we kɔn la, maǹ liɛ we soɛ la. Ǹsɛn gɔn, pepere-pɛ na á buu sèwòdɛnaa baa, ka nyankɔrɔ bɛ́ lɔn kantian bii ni wuru-n.

Ozee 12:14

Lawa a boo gii-daali goon barka nɛ, Dɛnaa Lawa Izirayeli bɔ Ezipti gána nɛ á soo ne. Lawa a boo gii-dali goon barka nɛ, a ná a lɛduə̃.

Ozee 5:2

a na á nyankɔrɔ zuzulu baa ka fɔ̃ Sitimu kiwi. Sɛnɛ, masɛ Dɛnaa Lawa á re a dɔlɔ boe ka tumaa ganaa.

Ozee 6:8

Galaati kiwi n min baraan kiwi lɛa, ǹ basa tumaa n mà lɛa kiwi lɛ nɛ.

Ozee 6:9

Ká wurumu kuru bɛ́ kuu koe minin ganaa lɔn, Lawa a wúlu-bɔlen kurun man nɛn bɛ̀ ǹ minin dɛ Sisɛmu zii la miɛ̃. Bɛa sii bɔbɔnɛɛ kɛ lɛ nɛ ǹ tá zɛnɛɛ.

Ozee 7:1

Ma bɛ́ li ǹ mɛn waáraa, máa ma wusoo ma Izirayeli minin kaka kɔ, bɛa biikoo lɛ nɛ Efrayimu minin sii kɔkɔrɔn laanka Samarii minin sii baraan nə yɛ fúlu-a. Maǹ soɛn boboe kɔn nɛ, wurumunun man kiɛ kionən ne, kanaa, wurumu kurun ba nɛn wa.

Ozee 7:3

Maǹ kii foo kɔɔ̃n koe ǹ sii baraan taman yii, ǹ goledɛnan foo kɔɔ̃n koe ka ǹ soɛn nɛ.

Ozee 7:4

Ǹ tumaa n naarɛbaa zɛnɛɛ. Maǹ ka kùsì bɛ́ lɔn, pàã ná a tɛ lon, a laadoo ná a ba zoɛ̃ ganaa wa.

Misee 3:2

Sɛnɛ, ka a sii bǐɛ̃ li wa, yǎa a baraa. Ka dinin man ma tɔrɔn lɛn ki boe, ka dinin man ma tɔrɔ minin lɛn siĩ sɔlɛɛ boe ǹ wen ganaa.

Misee 3:9

Zakɔba tɔrɔn goledɛnan lɛn, ka bǐɛ̃ kɔ, ka n too kɔ kɛ li! Izirayeli mìilandɛnan lɛn, sii pepere a kɔɔ̃n ka ganaa wa. Ka n sii pepere din tumaa kɔrɛ.

Misee 6:10

Kaa baraabaa ke ka á zɛnɛɛ, kaa wurumubaa ǹ mànan kɛn kaa kion, kaa *belee zɔɔ̃ ǹ màn ke ká màn bɔ lɛ, sii bɔbɔnɛɛ n ká zɛnaa. Ma á boe la ma bɛ si ma ganaa sonbore?

Misee 7:2

Min sonboren nə́ nya ǹ nə́ n bɔ gána lɛ nɛ, min pepere din ba minbuiinin bii doo wa, ǹ ba taasiɛ kɔsɔ we wa, yǎa gɛ̀-dɛ. Didie n kuu koe ǹ miã-a, mà asɛ gɔn dɔ-a.

Sofonii 3:1

Kiwi mɛn bɛ́ piã-wɔle lɛa, á n din ziziɛ̃, piɛ̃ nɛ ka pàã zɛnaa wolen ne, bɔ̀n bɛ yɛ.

Zakarii 5:3

Lon a dia dí-a wole lɛ tɔn pɛ ma-n kɛnɛn: – Lɛn baraa mɛn bɛ́ re n bíi gána tumaa li, bɛ lɛ n ka kɛ nɛ. Sɛ́wɔ munii lɛ a yɔrɔ goon la, a n kiɛ̃ nɛ mà wurumu tumaa n die n lui ǹ nə n bɔ gána lɛ nɛ. A yɔrɔ goon kɛ dɔ la, a n kiɛ̃ nɛ mà min mɛnɛn bɛ́ n liɛ soɛ la, mà ǹ tá re bɛn dɔn lui ǹ nə ǹ bɔ gána lɛ nɛ.

Zakarii 7:9

«Dɛnaa Lawa Pàãyiidɛnaa n ke pii: Ka kiri pepere wɔ, ka goã min sonboren lɛa, kɔn-narɛɛ n ka bii.

Matiə 23:35

Bɛ lɛ n toɛ, ka digolon nə Lawa bɔlɔ-silin mɛnɛn dɛ kooro, a saa Lawa bɔlɔ-sili Abeli a dɛ biikoo ganaa a wo Baraaki a nɛgiĩ Zakarii a dɛ biikoo yaa, ǹ nə ǹ mɛn dɛ Lawa a kion, Lawa laanka a wúlu-bɔlen kɔn yɛ ǹ bǎã laanka *wúlu bɔ ǹ bǎã bii ni, bɛ lɛ din tumaa a dɔlɔ á die kasɛn kɛn lɛn kuĩ.

Nya ǹ dín 7:52

Lawa a boo gii-dali kɛ mɛn nɛ, mà ka digolon manə ǹ fuu nyaa-n wa? Minin mɛnɛn nə goã Min Pepere kɛ a daa boo diɛ, táa ka digolon lɛn nə́ bɛn dɛ ǹ nə́ gã. Sisia, ka dininmaan dɔn nə́ bɛa Min Pepere kɛ lɛ kɔ a zɔ́ɔn la ǹ ná a nyin bɔ.

Timəə dí-pɛn 5:11

Ka baran kaa Lawa, Dɛnaa Lawa tɔ bii sii kooron ganaa wa. A giala, bɛ̀ min mɛn masɛ tɔ bii sii kooron ganaa, masɛ a bɛa dɛnaa kɛ toɛ dɔlɔ baã wa.

Timəə dí-pɛn 5:18

N baran naarɛbaa zɛnaa wa.

Timəə dí-pɛn 5:19

N baran wurumu baa wa.

Tesaloniki1 2:15

ǹsɛn Zuifun kɛn lɛn, maǹ nə́ wɔa Dɛnaa Yezu laanka Lawa a boo gii-dalin dɛ ǹ nə́ gã. Ǹ dinin lɛn man nə́ fuu nyaa wɔ dɔn manɛ. Ǹ sii a kɔɔ̃n Lawa ganaa wa! Maǹ min tumaa a zɔ́ɔn lɛa!

Sii-nyaan 17:6

Má yɛ, ǹ Lawa a min sonboren mɛnɛn dɛ, bɛn mà na á goã lɔ lɛ yii-a. Min mɛnɛn nə́ foo doa ǹ min baa Yezu wɔ gɔn la, lɔ lɛ na á bɛn mà mi, a ná a yii-a ka yɔ bɛ́ lɔn. Ma bɛ́ má yɛ lɔn, tɔwaa gole ma kũ.