Ozee 4:11 - LAWA A BOO SONBORE

¹¹ Kɔrɔbaa laanka yɔ mi a la yii-n nə́ ǹ kũ á ǹ baa gàãnaan lɛa.

LAWA A BOO SONBORE 2011

¹¹ Kɔrɔbaa laanka yɔ mi a la yii-n nə́ ǹ kũ á ǹ baa gàãnaan lɛa.

Ozee 4:11 Iomraidhean Croise

Suusun 20:1

Duvɛ̃ nə min diɛ ǹ miãn yii puusə kɔ ganaa. Yɔ kaka n min diɛ sɛ̀ pɛ ganaa. Min mɛn bɛ́ mii á la a yii ni, bɛa sii-dɔ̃li biɛ wa.

Suusun 31:4

Duvɛ̃ ba siĩn kii wɔ lɛa wa. Yɔ kaka a siĩn kiãn wɔ lɛa wa.

Suusun 6:32

Sɛnɛ giĩ mɛn bɛ́ naarɛbaa zɛnɛɛ kun ka lɔ mɛn bɛ́ zuũ li, yiriwɛɛnaa nɛ. A na a din a yiikoonaabaa ziziɛ̃.

Boo-laakalaali 7:7

Sonbore, bɔ min yii-n nə sii-dɔ̃li biɛ baãnaa lɛa. Màn-gɔ na a yiri sii la.

Izayii 28:7

Duvɛ̃ taman yii Lawa a wúlu-bɔlen laanka Lawa a boo gii-dalin man boo kooron diɛ, yɔ kakaarɛ nə ǹ diɛ tatalaa ganaa. Yɔ kakaarɛ taman yii maǹ boo kooron diɛ, duvɛ̃ nə́ ǹ yiri lɔlɔkɔn, yɔ kakaarɛ nə ǹ diɛ tatalaa ganaa. Bɛ̀ ǹ nə́ sii-nyaan yɛ, maǹ boo kooron diɛ. Bɛ̀ ǹ tá kiri we, ǹ yii á wɔlɔ yii wa.

Izayii 5:12

Maǹ yɔ mii kɔnkoɛ̃nɛn wuu li, tùtu ni, maà nɛ ka pìi ni. Sɛnɛ, ǹ ba doɛ̃ mà Dɛnaa Lawa á sii zɛnɛɛ wa, a bɛ́ sii mɛn yɔrɔ boe, ǹ yii ba bɛ ganaa wa.

Zeremii 23:13

Samarii a Lawa a boo gii-dalin li, má siin yɛ ǹ mɛnɛn bɛ́ ǹ ba foo sii wa. Maǹ boo diɛ ka *Baali tɔ nɛ ǹ nə́ maa zaman Izirayeli siɛ̃ nɛ.

Ozee 4:12

Maa zaman lɛ nə n gɔn koɛ gɔn dì kɛ la. A bàlà lɛ n siin yɔrɔ pii ni. Kɔrɔbaa ǹ taasiɛ nə ǹ yiri siɛ̃. Bɛ lɛ nɛ, ǹ nə́ n na, ǹ nə́ n bɔ ǹ Lawa ganaa maǹ lawa kooron kio.

Ozee 5:4

Ǹ zɛnaa ǹ sii lɛ din ba toɛ ǹ yii wɔ ǹ wusoo ǹ da ǹ Lawa li wa. A giala, kɔrɔbaa ǹ taasiɛ lɛ tá ǹ yiri ni. Ǹ ba masɛ Dɛnaa Lawa doɛ̃ wa.

Ozee 7:11

Efrayimu minin lɛn man ka zɛrɛkantoan bɛ́ lɔn, ǹ ba n sii bebelee la wa, a giala ǹ ba n taasɛ wa. Ǹ nə́ Ezipti minin bii wɔ maǹ da n dɔ ǹsɛn lɛ, ǹ nə́ woo Asiirii gána nɛ.

Lawa a wúlu-bɔlen 10:9

N din laanka n nɛgiĩn lɛn nɛ, bɛ̀ ka tá re we kɔn yɛ ǹ kion kɛ nɛ, ka nyan toa ka duvɛ̃ wɔ ka lɛ-n wa, ka nyan toa yɔ kakaarɛ kɔn wɔ ka lɛ-n wa. Bɛ̀ ka zɛnaa miɛ̃, ka a re giɛ̃ wa. Bɛ n landa lɛa, ka mìi ni miɛ̃ duduu, ka tɔrɔn tumaa wɔ lɛa, a ná a ba n bɔyɛɛ wa.

Luku 21:34

Yezu mà ǹ ganaa: «Ka n dinin kũ! Kaa taasiɛn baran n doa zɔ́nɔn ganaa, ka yɔ mii baraa nɛ, ka kanaa a gɔ́ɔ̃ bii siin ni wa, màn mɛn bɛ́ toɛ, dɔlɔ bɔ pinaa kɛ lɛ baran da ka tɔwaa wa,

Samayeli1 25:36

Abigayili nə́ n bɔyaa á daa Naabaali li, bɛ̀ a bɛ́ kiin zɔ́n tɔrɔ zɛnɛɛ a piɛ. Naabaali foo goã kɔɔ̃nɛ. Yɔ goã a yii ganaa taãn-taãnɛ. Abigayili boo kɔn pɛ-n wa, yǎa lɛ̀ waa.