Ozee 4:1 - LAWA A BOO SONBORE

¹ Dɛnaa Lawa n kiri we gána lɛ a minin ganaa. Izirayeli minin lɛn ka n too kɔ a da ǹ boo li: sonbore-pɛ ba gána lɛ-n wa, kɔn-narɛɛ ba a-n wa, Lawa-doɛ̃ ba a-n wa.

LAWA A BOO SONBORE 2011

¹ Dɛnaa Lawa n kiri we gána lɛ a minin ganaa. Izirayeli minin lɛn ka n too kɔ a da ǹ boo li: sonbore-pɛ ba gána lɛ-n wa, kɔn-narɛɛ ba a-n wa, Lawa-doɛ̃ ba a-n wa.

Ozee 4:1 Iomraidhean Croise

Kiin1 22:19

Misee nə́ n toa kəni: – Haya le! N too kɔ Dɛnaa Lawa a boo ganaa. Má Dɛnaa Lawa yɛ giã nɛ a kii dankan la, lon a dí-nyalin tumaa ǹ golee ne a genli, a gusin laanka a gɔsɛ.

Loen 81:9

Ma din a zaman, n too kɔ, ma nə n gɔn wɛɛ n nɛ. Izirayeli, bɛ̀ ń nə́ n too kɔ ma lon,

Izayii 1:10

Kasɛn Zudaa a kiãn kɛn, ka n ka Sodɔmu kiãn bɛ́ lɔn: Ka n too kɔ Dɛnaa Lawa a da ǹ boon li. Kasɛn Zudaa minin, ka n ka Gomɔɔrɔ minin bɛ́ lɔn: Ka n too kɔ Dɛnaa Lawa a boo li, ka n too kɔ wɔa Lawa a doroon li!

Izayii 1:18

Dɛnaa Lawa n pii kɛnɛn: «Ka daa wɔ kɔn ma. Ta kaa sii baraan man nə́ tì kɔ lɔn, ǹ tá re fu koe ka bɔ̀nyaa bɛ́ lɔn. Ta maǹ nə́ tì kɔ lɔn ǹ tá re fu koe ka koara bɛ́ lɔn.

Izayii 28:14

Kasɛn foo-saalin kɛn Zeruzalɛmu nyɛɛnaan boe, ka n too kɔ Dɛnaa Lawa a boo li:

Izayii 34:1

Tɔrɔn lɛn, ka n mɔrɔ ka n too kɔ. Zaman, ka n too kɔ sɔnbɔraanɛ! Tán laanka a gɔ́ɔ̃gɔ́ɔ̃ ǹ mànan, ka n too kɔ! Kanaa laanka màn mɛn tumaa bɛ́ boe a nɛ, ka n too kɔ!

Izayii 34:8

A giala Dɛnaa Lawa a dɔlɔ bɔ pinaa nɛ Edɔmu minin ganaa. *Siɔn a zia gii-dale a gɛ̀ dòo bɔ ǹ lɛ̀ nɛ.

Izayii 5:3

Maa giaára lɛ tɔn pɛ kəni: Zeruzalɛmu ka Zudaa minin lɛn, ka bǐɛ̃ kɔ ka kiri kuru ma laanka maa rezɛ̃ wuru lɛ bii.

Izayii 59:4

Min kɔn ba woe kiri wɔ ǹ bǎã nɛ peperebaa a lɛa wa. Min kɔn ba kiri kuri ka sonborebaa-n wa, ka nə n foo doɛ sii kooron ganaa, ka n soɛ boe, Ka nə n taasɛ sii baraa zɛnaa ganaa, ka n koe yii nɛ lɛa.

Izayii 59:8

Kaa là nyantoro zii doɛ̃ wa. Ka bɛ́ koe zii mɛn lɛ, sonborebaa goon din ba la wa. Ka n kaa ziin kɔkɔrɔ koe. Bɛ̀ min woo min kɔ ǹ lɛ, bɛa là nyantoro yii duduu wa.

Izayii 66:5

Ka n too kɔ Dɛnaa Lawa a boon li, kasɛn mɛnɛn bɛ́ nyɛ́ɛ biɛ a yii ni. Ka dɔɔ̃nɔn man ka biɛ zɔ́ɔ, ǹ tá ka lui masɛ taman yii. Maǹ pii: «Dɛnaa Lawa na a gugurubaa lɛ nyaa kəni, ka bɛ nɛ, wɔ á re kaa foo kɔɔ̃nbaa yii.» Sɛnɛ, sìi n die ǹ dinin kuĩ.

Zeremii 11:7

Ma bɛ má ka digolon waa Ezipti gána nɛ má soo ǹ ne, má n gɔn waa ǹ nɛ ka ma parsiini. A da pelo yaa, má belebɔ, má n tɔ nə n gɔn woɛ ǹ nɛ, má n pii: Ma bɛ́ boo mɛn pii ka nɛ, ka n too kɔ li.

Zeremii 19:3

A pɛ kɛnɛn: «Zudaan kii laanka Zeruzalɛmu minin, ka n too kɔ Dɛnaa Lawa a boon li. Dɛnaa Lawa Pàãyiidɛnaa, Izirayeli a Lawa a boo á ke: Man die koe gole boe bǎã kɛ ganaa. Min mɛnɛn bɛ́ re a boo miɛ, nyɛ́ɛ gole á re bɛn kuĩ.

Zeremii 2:4

Kasɛn kɛn Zakɔba tɔrɔn lɛa, ka kasɛn, Izirayeli a tanlɛn tumaa, ka n too kɔ Dɛnaa Lawa a boo li!

Zeremii 2:9

Bɛ lɛ nɛ, ma á re zɛ̀rɛ diɛ ka la doo. Man zɛ̀rɛ diɛ kaa nɔ̀ɔnɔn dɔn dinin la. Ma din Dɛnaa Lawa a da ǹ boo ne.

Zeremii 25:31

A bɛ́ bìn diɛ mɛn we, bɛ n doe kanaa lɛdan ganaa. Dɛnaa Lawa n kiri we tɔrɔn ganaa. A n minbuiin nɛ tumaa bíi we kiri wɔ ǹ bǎã nɛ. Min baraan kɛn, bɛn man die gɔya sa gɛ̀ we. Dɛnaa Lawa a da ǹ boo ne.

Zeremii 34:4

Sɛnɛ, Zudaan kii Sedekiasi, ma bɛ́ boo mɛn diɛ n nɛ, bɛ̀ n nə n too kɔ li, n ba re gɛ̀ kaka we wa, ma din Dɛnaa Lawa n má pɛ.

Zeremii 4:22

Dɛnaa Lawa pɛ: Maa zaman lɛ a sii doɛ̃ wa, a ba ma doɛ̃ wa. Maǹ nɛnyaanan lɛa, ǹ ba n taasɛ wa, ǹ ba sii kɔn giala miɛ wa. Ǹ tá kɔn doɛ̃ ka sii baraa zɛnaa nɛ, sɛnɛ, ǹ ba kɔn doɛ̃ ka bǐɛ̃-n wa.

Zeremii 4:28

Bɛ lɛ nɛ, tán nə gɛ̀ koɛ, lon, labara gɔ̀nɔn nə́ tii. Hiĩ! Ma màn mɛn pɛ, man bɛ lɛ zɛnɛɛ, ma a re n lɛ boe, ma wusoo maa da ǹ boo kio wa.

Zeremii 5:4

Man taasɛ: «Min mɛnɛn bɛ́ ǹ ba n taasɛ sɔsɔɔ wa, bɛn zɛnaa ǹ sii n kɛ nɛ. Maǹ sii zɛnɛɛ ǹ nə́ ǹ ba n taasɛ wa. Taãn nɛ! Ǹ ba ǹ Dɛnaa Lawa dùũ doɛ̃ wa, ǹ ba a dí-pɛn dɔn doɛ̃ wa.

Zeremii 51:5

A giala, gána lɛ piɛ̃maa-n ka sii baraa nɛ Izirayeli a Lawa sonbore lɛ yɔrɔ-a. Sɛnɛ, Dɛnaa Lawa Pàãyiidɛnaa Izirayeli laanka Zudaa toa walan wa.

Zeremii 6:13

A giala, a kũ ǹ boɛɛndɛnaa ganaa a wo ǹ goledɛnaa yaa, ǹ tumaa n giɛ là li. A kũ ǹ Lawa a boo gii-dalin ganaa a wo ǹ Lawa a wúlu-bɔlen yaa, ǹ tumaa n kɔkɔrɔ.

Zeremii 7:28

Ka bɛ nɛ, n tá re pii ǹ ni kɛnɛn: «Ka ǹ zaman lɛa, zaman mɛn bɛ́ a ba n too koe Dɛnaa Lawa, a Lawa a boon li wa, n piɛ̃ ka a gɔn waa ǹ boon ne. Kasɛn li, bɔlɔgoondɛnaabaa banban, bɛ boo ba n diɛ wa.»

Zeremii 9:20

«Gɛ̀ n we ka wɔa fenɛtərə ne, a n we wɔa kion sonboren kɛn nɛ, a n nɛnyaanan dii ziin la, a nɛ tenən dɛ bǎã dadaran nɛ.»

Zeremii 9:3

Didie nə n parabaa n giaára nɛ. Min kɔn doamaa bie a n foo doa ǹ dɔɔ̃n ganaa wa. Sàabaa ba la wa, á re ka siɛ̃. Haalɛ ń giaára dinmaa n die soɛ diɛ n la.

Zeremii 9:7

Minin kɛn lɛwɔn nə ka kiɛ bɛ́ lɔn gɛ̀ dii. Maǹ soɛ boe, maǹ boo paparɛ diɛ ǹ giaáran manɛ, Sɛnɛ, ǹ foo ne, maǹ kan koe ǹ ne.»

Ezekieli 16:35

Nsɛ Zeruzalɛmu, lɔ kɔrɔ, n too kɔ Dɛnaa Lawa a boo ganaa kəni:

Ozee 12:2

Efrayimu nə n din toe ka piɛ̃ nɛ, a n baa sii lɛ̀giala piɛ̃ kɛ kio a wasa mɛ nɛ, a n màn diɛ a soɛ bɔ li, ka a kakaarɛbaa nɛ. Á lɛ kɔ kɔn la wɔ ka Asiirii ni, a n nyɔɔ koe Ezipti la.

Ozee 12:3

Dɛnaa Lawa n kiri we ka Zudaa minin ni, á re yui Zakɔba a zaman gialaa, ǹ giã ǹ gɔǹ baraa lɛ taman yii. Ǹ sii baraa mɛn lɛ zɛnaa á re bɛ lɛ a dɔlɔ diɛ a mìi ni.

Ozee 5:1

Lawa a wúlu-bɔlen lɛn, ka n too kɔ! Izirayeli minin lɛn, ka n too kɔ doɛ̃: Kii a sumu minin lɛn, ka n too da! Sii kɛ lɛ a kiri n die kuĩ ka dinin mìi ni. A giala, kaa zɛnaa ǹ sii kɛ na á kan baa Misipaa kiwi, a na á biɛ baa ká koa Tabɔɔrɔ kele kɛ la,

Ozee 5:4

Ǹ zɛnaa ǹ sii lɛ din ba toɛ ǹ yii wɔ ǹ wusoo ǹ da ǹ Lawa li wa. A giala, kɔrɔbaa ǹ taasiɛ lɛ tá ǹ yiri ni. Ǹ ba masɛ Dɛnaa Lawa doɛ̃ wa.

Zowɛli 1:2

Min golen lɛn, ka n too kɔ kɛ li. Gána minin lɛn, ka tumaa nə n too da! Ka bɛ́ ka tɔn sii mɛn yɛ kaa tá kanaa gɔ́ɔ̃-n wa, ka digolon dɔn dinin bɛ́ ǹ sii mɛn yɛ ǹ tá kanaa gɔ́ɔ̃-n wa, bɛ lɛ n ke die.

Amɔɔsi 3:1

Izirayeli minin lɛn, ka n too kɔ Dɛnaa Lawa kasɛn sɔmɔ lɛ a minin mɛnɛn waa, á ǹ bɔ Ezipti gána nɛ, a na á boo kɛ da ka dinin wɔ paǹ li, á pɛ kɛnɛn:

Amɔɔsi 7:16

Sisia kəni Amasiya, n too kɔ Dɛnaa Lawa a boo li: Táa ń pɛ mà ma baran Lawa a boo gii da Izirayeli wɔ paǹ li wa, mà ma baran sɛ̀ pɛ Izaaki tɔrɔn kɛn ganaa wa!

Misee 6:2

Kelen lɛn, ka n too kɔ Dɛnaa Lawa a foo busu ǹ boo li, kasɛn dɔn, tán giala wɔ ǹ bǎã kakan kɛn, ka n too kɔ. A giala, Dɛnaa Lawa na a foo busu ǹ boo diɛ a zaman nɛ, a laanka Izirayeli minin lɛn man kɔn.

Rɔmu minin 1:28

Ka bɛ dɔ-n doo, ǹ lɛ kɔ ǹ nə́ Lawa doɛ̃ sii toa ǹ gɔ́ɔ̃-n wa. Bɛ lɛ nɛ, Lawa nə́ ǹ toa ǹ dinin yiri gɔgɔrɛ kɛ gɔn, màn mɛn bɛ́ toɛ, siin mɛnɛn doamaa bɛ́ n bie ka zɛnaa-n wa, ǹ bɛn zɛnaa.

Korɛnti1 15:34

Ka toa ka wusoo ka sii giala ma, ka sii baraa zɛnaa lɛ da. A n kaa sìi boo lɛa ma á diɛ ka nɛ: Ka tɛnɛn ba Lawa doɛ̃ wa.

Sii-nyaan 2:11

«Too bɛ́ min mɛn lon, Yiri Fu bɛ́ boo mɛn pii Lawa a sɔmɔn manɛ, a n too kɔ doɛ̃ a bɛ ma! «Min mɛn bɛ́ re gɔ̀lɔ̀ biɛ, gɛ̀ paabaa ǹ wɔ a re doe bɛ ganaa wa.»

Sii-nyaan 2:29

«Too bɛ́ min mɛn lɔn, Yiri Fu bɛ́ boo mɛn pii Lawa a sɔmɔn manɛ, a n too kɔ doɛ̃ a bɛ ma!»