Ozee 3:1 - LAWA A BOO SONBORE

¹ Dɛnaa Lawa pɛ ma nɛ: «Lɔ mɛn a tɔntɔraa bɛ́ a tan, á n din kɔ naarɛbaa la, woo, n bɛ lɛ narɛ doo: Bɛa lɔ lɛ narɛ ka masɛ Dɛnaa Lawa bɛ́ Izirayeli minin kɛn narɛ lɔn. A da yaa, ǹsɛn man dìn guguru koe ǹ nə́ *rezɛ̃ mɔ̀mɔn koe ǹ la, bɛ lɛ n kɔɔ̃nɛ ǹ ganaa.»

LAWA A BOO SONBORE 2011

¹ Dɛnaa Lawa pɛ ma nɛ: «Lɔ mɛn a tɔntɔraa bɛ́ a tan, á n din kɔ naarɛbaa la, woo, n bɛ lɛ narɛ doo: Bɛa lɔ lɛ narɛ ka masɛ Dɛnaa Lawa bɛ́ Izirayeli minin kɛn narɛ lɔn. A da yaa, ǹsɛn man dìn guguru koe ǹ nə́ *rezɛ̃ mɔ̀mɔn koe ǹ la, bɛ lɛ n kɔɔ̃nɛ ǹ ganaa.»

Ozee 3:1 Iomraidhean Croise

Samayeli2 6:19

Davida màn-bii gii Izirayeli zaman lɛ tumaa nɛ. Giĩn laanka lɔn nɛ, á buuru kɔ ǹ gogoonmaa la ka siĩ kɔn nɛ, ka rezɛ̃ laa nɛ. Bɛ kio, zaman lɛ tumaa woo piɛ.

Kiin2 13:23

Sɛnɛ Dɛnaa Lawa bǐɛ̃ kɔ Izirayeli minin lɛn ganaa, a ná a makara doɛ̃ nyaa ǹ nɛ, á n bɔyaa á n yɔrɔ bǐɛ̃ da ǹ la, a lɛ kɔ kɔn la kɛ taman yii, ǹ mɛn bɛ́ a bii ni ka Abrahamu ni, ka Izaaki laanka Zakɔba nɛ. Dɛnaa Lawa lɛ kɔ, á ǹ bɔ̀n baa wa, haalɛ tɔn pelo, Dɛnaa Lawa tɔn nə ǹ wɔlɔ lui a din-a wa.

KZS1 16:3

Bɛ kio, á tɔn màn-bii gii Izirayeli minin lɛn manɛ, ta giĩ ni hinlaa ta lɔ nɛ, ǹ gogoonmaa buuru mìi goon yɛ, sɛmɛlɛ mɔ̀mɔ goon ne, ka rezɛ̃ mɔ̀mɔ goon ne.

Nehemii 9:31

N makara gole lɛ gɔ́ɔ̃ nɛ, n nə n gɔn bɔ ǹ ganaa, ǹ nə́ bɔ̀n baa wa, n nə ǹ toa walan wa, a giala n nə Lawa lɛa, bǐɛ̃ zɛnɛɛ, min makara doɛ̃.

Loen 123:2

Bɛ̀rɛgiĩ bɛ́ n yii diɛ a goledɛnaa gɔn li lɔn, bɛ̀rɛlɔ bɛ́ n yii diɛ a goledɛnaa gɔn li lɔn, Dɛnaa Lawa wɔa Lawa, wɔ dɔn manə n yii diɛ n dɔ gɔn li miɛ̃, wáa n da makara bɔ wɔ ganaa.

Bɔ bɛ̀rɛbaa nɛ 32:6

A lɛawaa sonbore, ǹ yoo tán maa-n gɔrɔ, ǹ nə́ *wúlu màn tiɛ̃n bɔ, ǹ nə́ bii kɔɔ̃n kɔ kɔn wúlu mànan bɔ. Zaman lɛ giã tán á màn bii, á màn mi, bɛ kio, á yoo á sàn kɔ.

Loe kɔɔ̃n kɔɔ̃n 2:5

Ka bǐɛ̃ kɔ ma-a ka *rezɛ̃ da nɛ nɛ, ka ma yii dɔraa ka da nɛ nɛ, a giala kɔn-narɛɛ na á busu baa ma ganaa.

Izayii 45:22

Ka n bɔyaa ka da masɛ li, kasɛn mɛnɛn bɛ́ tán lɛ dan ganaa, ka á re kirisibiɛ. A giala, ma din ni Dɛnaa Lawa lɛa, kɔsɔ banban.

Zeremii 3:20

Sɛnɛ, ka lɔ bɔlɔgoonbaãdɛnaa bɛ́ lɔn, ká bɔlɔgoonbaãdɛnan baa ma ganaa Izirayeli minin lɛn. Masɛ Dɛnaa Lawa a da ǹ boo ne.

Zeremii 31:20

Efrayimu n maa nɛgiĩ lɛa, ma n narɛ taãn-taãnɛ. Ma á narɛ á la yii ni. Bɛ lɛ nɛ, biikoo tumaa li, bɛ̀ máa boo diɛ a ganaa, maa taasiɛ n doa nɛ a ganaa. A sii n ma foo-n parsiini. Sonbore a makara n ma ganaa taãn-taãnɛ. Dɛnaa Lawa a da ǹ boo ne.

Ozee 11:8

Man siɛ lɔn man la bɔ n ganaa Efrayimu, ma n wɔ minin gɔn Izirayeli? Man siɛ lɔn ma n baa ka Admaa bɛ́ lɔn, ma n baa ka Seboyimu á ke lɔn? Ma yiri nə n lɔlɔkɔn, n makara bɔ ma-a.

Ozee 2:5

Bɛ bie wa, man die sɔlɛɛ ma a tontoro da. Ma á re a tontoro diɛ ka a yɛ pinaa bɛ́ lɔn. A gána lɛ á re don biɛ, ma á re bɔyɛɛ ma baa ka bǎã gere bɛ lɔn, ma á re toɛ mu boro dɛ a gã.

Ozee 4:11

Kɔrɔbaa laanka yɔ mi a la yii-n nə́ ǹ kũ á ǹ baa gàãnaan lɛa.

Ozee 7:5

Ǹ kii a zɔ́n pinaa, ǹ kiodɛnan man duvɛ̃ gigiã mii, bɛ̀ ǹ na a busu kɔ. Yaa wɔ minin ganaa wolen kɛn, kii dɔ na a wɔ kiɛ kun ka bɛn nɛ.

Amɔɔsi 2:8

Ǹ mɔnaan mɛnɛn si doobaan la giɔ̀mɔ lɛ koa ǹ mànan lɛa, maǹ bɛn naɛ tán wúlu bɔ ǹ bǎãn nɛ, ǹ nə́ wɛɛ ǹ la. Ǹ duvɛ̃ mɛn si ka pàã nɛ, maǹ bɛ mii ǹ dì kionən kɛn nɛ.

Amɔɔsi 6:6

Ka n duvɛ̃ kɛ mii màn dadaran nɛ, ka n nyɔɔ gìĩ kɔɔ̃n kɛ loe, sɛnɛ, sii mɛn bɛ́ re Zozɛfu tɔrɔn kɛn yii, bɛa taasiɛ diɛ ka ganaa wa.

Misee 7:7

Sɛnɛ, masɛ, ma nə n yii diɛ Dɛnaa Lawa la. Man Lawa din duĩ, maa kirisibaali, maa Lawa á die maa lɛ-dia miɛ.

Zakarii 1:16

Bɛ lɛ nɛ masɛ Dɛnaa Lawa á ke pii: Man die wusii man bɔyaa ma wo Zeruzalɛmu li ka foo basiɛ̃ nɛ, ma màn zɔɔ̃ ǹ biɛ da li. Ka bɛ nɛ, ǹ tá re wusii ǹ maa kion dɔ, ǹ wusoo ǹ maa kiwi lɛ dɔ.» Dɛnaa Lawa a da ǹ boo ne.

Matiə 26:50

Yezu tɔ́n pɛ nɛ: «Maa giaáragiĩ, n da sii mɛn ganaa, a zɛnaa fufuu.» Bɛ kio, gialakunun lɛn nə́ n zɔ̃ ǹ nə́ dɔ, ǹ nə́ kaa Yezu la, ǹ nə́ kũ.

Korɛnti1 10:21

Ka a boe la ka màn mi ka Dɛnaa a paan nɛ, ka wusoo ka màn mi yiri baraan paan nɛ wa. Ka a boe la ka màn bii Dɛnaa a kùnu ni, ka wusoo ka màn bii yiri baraan dɔn kùnu-n wa.

Korɛnti1 10:7

Ka dɔn baran dì guguru kɔlen baa, ka ǹ dɔn min tɛnɛn bɛ́ ǹ nə́ zɛnaa lɔn wa. Lawa a sɛ́wɔ n bɛ lɛ pii kɛnɛn: «Zaman lɛ kaa tán, ǹ nə́ màn bii ǹ nə́ màn mi, ǹ nə́ yoo ǹ nə́ dì lɛ a bɛ̀ baa.»

Piɛrɛ1 4:3

Sonbore, ka biikoo gigiã saa lɛlɛ, ka kaa sii din tumaa zɛnaa, á kɔnpɛ ka min kooron sii-zɛnaan nɛ. Ka ǹ ká goã naarɛ biɛ, ka goã dùũ sii babaraan zɛnɛɛ, ka ǹ ká goã yɔ-mili baraan lɛa: Ka ǹ ká goã n lɛ soekɔn ka n mii baraabaraa, ka n mii bɛ̀ ka n zɔɔ̃ kɔn. Ka dì wúlu-bɔ bɔnɛɛn dɔn zɛnaa.

Sii yɔrɔ-bɔlen 10:16

Tɔrɔ kɔsɔn lawan kɛn, ǹ nə́ bɛn goa ǹ nə́ ǹ bɔ ǹ dinin li, ǹ nə́ dí nya Dɛnaa Lawa nɛ. Izirayeli minin nə goã nɔmaa mɛn we, Dɛnaa Lawa boo la á bɛ si a ganaa doo á belebɔ-n wa.

Sii yɔrɔ-bɔlen 9:27

Ǹ nə́ soo ǹ nə́ woo don, ǹ nə́ woo rezɛ̃ da nɛ na, ǹ ná a mu bɔ, ǹ nə́ zɔ́n zɛnaa nɛ. Bɛ kio, ǹ nə́ woo kaa ǹ dì kion, ǹ nə́ màn bii, ǹ nə́ duvɛ̃ mi, ǹ nə́ lɛn baraa bíi Abimelɛki li.