Ozee 2:5 - LAWA A BOO SONBORE

⁵ Bɛ bie wa, man die sɔlɛɛ ma a tontoro da. Ma á re a tontoro diɛ ka a yɛ pinaa bɛ́ lɔn. A gána lɛ á re don biɛ, ma á re bɔyɛɛ ma baa ka bǎã gere bɛ lɔn, ma á re toɛ mu boro dɛ a gã.

LAWA A BOO SONBORE 2011

⁵ Bɛ bie wa, man die sɔlɛɛ ma a tontoro da. Ma á re a tontoro diɛ ka a yɛ pinaa bɛ́ lɔn. A gána lɛ á re don biɛ, ma á re bɔyɛɛ ma baa ka bǎã gere bɛ lɔn, ma á re toɛ mu boro dɛ a gã.

Ozee 2:5 Iomraidhean Croise

Izayii 1:21

E! A na á saa lɔn kiwi sonbore kɛ á n bɔyɛɛ á n kɔrɔbaa zɛnɛɛ? Lɛlɛ, peperebaa goã Zeruzalɛmu, sonborebaa dɔ goã a nɛ. Sɛnɛ, sisia, kiwi lɛ piɛ̃maa-n ka gɛ̀-dɛlen ne.

Izayii 50:1

Dɛnaa Lawa n kɛ pii: Ka ǹ pii mà má kaa náa Zeruzalɛmu loo, ka a loo ǹ sɛ́wɔ nyaa ma-n kəni! Ma ka sã min mɛn la, má maa giɔ̀mɔ saraa nɛ, ka ǹ dɛnaa pɛ ma-n kəni! Á ke, bɛ̀ n yaa ǹ nə́ ka sã, kaa siɛ̃n lɛn lɛa nɛ. Bɛ̀ ǹ nə́ kaa náa loo, kaa sii baraan lɛn lɛa nɛ.

Zeremii 11:13

Kaa kiwin bɛ́ mɔnaa-n lɔn, kaa dìn dɔn man mɔnaa-n miɛ̃. Zeruzalɛmu a ziin bɛ mɔnaa-n lɔn kaa wúlu bɔ ǹ bǎãn kɛn sìi diɛ, bɛn dɔn man mɔnaa-n miɛ̃, kɛn lɛn ka n da yon gìĩ kɔɔ̃n tiɛ̃ ǹ ganaa dì *Baali wɔ lɛa.

Zeremii 13:22

Bɛa biikoo li, n tá re nɔ̀n diɛ n din la mà wàa na á baa kɛ á n yii. Sonbore, bɛ̀ ǹ nə́ n mɔnaa goa lon, bɛ̀ ǹ nə́ n kũ ka pàã nɛ, n din a sii baraa damata lɛ a lɛa nɛ.

Zeremii 2:20

Dɛnaa Lawa pɛ: Izirayeli, haalɛ bibi n nə́ n wìi li ǹ zǔu kɛ yiɛ, n nə́ n gɔn ganaa ǹ biɛn kɛn nana. Ń goã ń pɛ: «Ma ba li ma bɛ̀rɛbaa doo wa.» Sɛnɛ, kele tumaa mìi ni, da luu tì tumaa giulun, n nə́ n goã wɛɛ tán ka lɔ kɔrɔ bɛ́ lɔn.

Zeremii 6:8

Zeruzalɛmu, lɛ kɔ maa doroon ganaa, bɛ bie wa, man die n lɛ boe n ganaa, ma n baa diə gole lɛa, tán lɛa min ná a boe la a giã la wa.

Ezekieli 16:35

Nsɛ Zeruzalɛmu, lɔ kɔrɔ, n too kɔ Dɛnaa Lawa a boo ganaa kəni:

Ezekieli 16:39

Ma á re n we ǹ gɔn. Ma á re n kɔrɔbaa ǹ bǎãn kɛn dii ma ǹ kaa, n wúlu bɔ ǹ bǎãn kɛn. Ǹ tá re n mɔnaan kɛn sɔlɛɛ ǹ nə ǹ bɔ n ganaa, ǹ nə n nyaǹ bɔ ǹ màn sonboren kɛn si n la, ǹ nə n gɔ̀nɔn kooro fulupaa da bii-a.

Ezekieli 16:4

N yɛ pinaa, ǹ nə n bùũ lɛ kuru wa. Ǹ nə n zoo mu li n bɔ wa, ǹ yìsi dɔ tuturu n ganaa wa, ǹ mɔnaa gɔnɔn pɛpɛnɛ n ganaa wa.

Ozee 1:2

Dɛnaa Lawa boo mɛn pɛ Ozee ne mà a pɛ a zaman nɛ, bɛa giala kɔ n ka kɛ nɛ. A na á kɛ pɛ Ozee lɛ nɛ: «Lɔ mɛn bɛ́ á n din kɔ kɔrɔbaa la, woo, n bɛ saa n lɔ lɛa, n tá re nɛnyaanan yii a ganaa bɛa kɔrɔbaa lɛ gɔ́ɔ̃ nɛ. A giala, gána lɛ a minin man nə n dinin baa ka lɔ kɔrɔn bɛ́ lɔn, ǹ nə́ n dɔ̀ɔ̃ wɔ masɛ Dɛnaa Lawa nɛ.»

Ozee 2:2

Zudaa minin laanka Izirayeli minin ni, bɛn tá re wusii ǹ kaa kun. Ǹ tá re kiã goon toto boe, ǹ koa ǹ dinin mìi la, Gána lɛ á re kiɛɛrɛ koe ǹ ganaa. A giala, sii lɛ bɛ́ re n zɛnɛɛ Zizereyɛli ǹ mɛn pinaa, lɛawaa gole ne.

Ozee 2:8

Bɛ lɛ n ke, masɛ Lawa á re nyan we a bɔ ǹ zii lɛ, ma á re kungɔn doe ma a nyɛɛnaan tã nɛ, a re a zii lɛ yii a kɔ lɛ doo wa.

Ozee 3:1

Dɛnaa Lawa pɛ ma nɛ: «Lɔ mɛn a tɔntɔraa bɛ́ a tan, á n din kɔ naarɛbaa la, woo, n bɛ lɛ narɛ doo: Bɛa lɔ lɛ narɛ ka masɛ Dɛnaa Lawa bɛ́ Izirayeli minin kɛn narɛ lɔn. A da yaa, ǹsɛn man dìn guguru koe ǹ nə́ *rezɛ̃ mɔ̀mɔn koe ǹ la, bɛ lɛ n kɔɔ̃nɛ ǹ ganaa.»

Ozee 4:5

N tá re talɛɛ penleen tiɛɛ̃nɛ, n bɛ́ kun ka Lawa a boo gii-dali mɛn nɛ, bɛ dɔ din tá re talɛɛ a mɛnaa tèlò-n. Ma á re n dan Izirayeli nyin nyɛɛ lenlen.

Ozee 8:9

Efrayimu tɔrɔn kɛn man ka don dundunun bɛ́ lɔn, ǹ ba n mɔrɛ min-a wa. Maǹ nə́ woo Asiirii gána nɛ, ǹ nə́ ǹ lɛ pii màn mɛn bɛ́ toɛ ǹ giaárabaa yɛ.

Ozee 9:10

Ka *rezɛ̃ da nɛ bɛ́ lɔn, min yɛ don, man má Izirayeli tɔrɔn lɛn yɛ miɛ̃. Ka gɔ́rɔ da ten a nɛ bibinaa bɛ́ lɔn, man má ka digolon kɛn yɛ miɛ̃. Sɛnɛ, ǹsɛn dinin nə dɔ Baali-Pewɔɔrɔ lɔn gɔrɔ, sii mɛn bɛ́ sìi diɛ, bɛ na á goã ǹ dí lɛa. Ǹ goã dì mɛn narɛ, ǹ dininmaan nə́ bɔbɔnɛɛ kɔ ka bɛa dì kɛ lɛ bɛ́ lɔn.

Amɔɔsi 8:13

Bɛa pinaa kɛ lɛ nɛ, nɛniɛ sonboren kɛn laanka tɔntɔraa tenən kɛn, bɛn tá re giɛ̃ mu boro gɔn.

Sii yɔrɔ-bɔlen 16:23

Ǹ kɔn pinaa, Filisiti minin kiin lɛn nə́ n lɛ sɔkɔn. Ǹ dì Dagɔn kɛ lɛ ǹ lawa lɛa, ǹ nə́ *wúlu màn gole kɔ bɛ la, ǹ nə́ n nyɛnyɛɛ. N nə́ goã loe loe kɛnɛn: wɔa lawa na á wɔa zɔ́ɔ Sansɔn lɛ wɔ wɔ gɔn.