Ozee 2:4 - LAWA A BOO SONBORE

⁴ Ka kiri wɔ kaa náa lɛ ganaa, ka kiri wɔ a ganaa taãn-taãnɛ. A giala, a ba maa wɔ lɛa doo wa, ma dɔ ba a dɔ wɔ lɛa doo wa. A kɔrɔbaa ǹ nyaǹan kɛn a yɔrɔ nɛ, yǎa a bɛn tuturi. A naarɛbaa ǹ mànan kɛn a bɔlɔ-a, yǎa a bɛn wɛɛ.

LAWA A BOO SONBORE 2011

⁴ Ka kiri wɔ kaa náa lɛ ganaa, ka kiri wɔ a ganaa taãn-taãnɛ. A giala, a ba maa wɔ lɛa doo wa, ma dɔ ba a dɔ wɔ lɛa doo wa. A kɔrɔbaa ǹ nyaǹan kɛn a yɔrɔ nɛ, yǎa a bɛn tuturi. A naarɛbaa ǹ mànan kɛn a bɔlɔ-a, yǎa a bɛn wɛɛ.

Ozee 2:4 Iomraidhean Croise

Kiin2 9:22

Zoramu yii mɛ Zewu ganaa lɔn gɔrɔ, á n toa: «Zewu, bǐɛ̃ nɛ?» Zewu ná a lɛ si: «Wàa bǐɛ̃ nɛ! A da yaa n dan Zezabɛli lɛ n tɔn woe nyɛɛnɛ ka a dì guguru koe kɛ laanka a kɔnkoãbaa zaã kɛa zɛnaa nɛ.»

Izayii 27:11

Bɛ̀ bɛa da bisinin lɛn gùrù laa, maǹ die ǹ yiɛ, lɔn nə tɛ da ǹ ganaa. Tɔrɔ kɛa sii kɔn giala miɛ wa. Bɛ lɛ na á toa, min mɛn zɛnaa, ǹ dɛnaa a makara boe a ganaa wa. Min mɛn yɛ á da kanaa, ǹ dɛnaa a bǐɛ̃ koe a ganaa wa.

Izayii 50:1

Dɛnaa Lawa n kɛ pii: Ka ǹ pii mà má kaa náa Zeruzalɛmu loo, ka a loo ǹ sɛ́wɔ nyaa ma-n kəni! Ma ka sã min mɛn la, má maa giɔ̀mɔ saraa nɛ, ka ǹ dɛnaa pɛ ma-n kəni! Á ke, bɛ̀ n yaa ǹ nə́ ka sã, kaa siɛ̃n lɛn lɛa nɛ. Bɛ̀ ǹ nə́ kaa náa loo, kaa sii baraan lɛn lɛa nɛ.

Izayii 57:3

Sɛnɛ, kasɛn kɔnkoã nɛn lɛn, ka n zɔ̃ ka da kànaa. Ka tumaa n naarɛbaali laanka kɔrɔbaali nɛn lɛa.

Zeremii 13:14

Man die ǹ totoe kɔn nɛ, díi laanka nɛ, Dɛnaa Lawa a da ǹ boo ne. Sabarabaa ba a-n wa. Min kɔn makara á re ma kuĩ wa. Sàabaa ba la wa, man die ǹ bɔ̀n biɛ.»

Zeremii 16:5

Dɛnaa Lawa wusoo á boo da ma-n doo á pɛ: «Minin bɛ́ ń soekɔn gɛ̀ koɛ kion mɛn nɛ, n nyan wɔ bɛ-n wa. N nyan gɛ̀ wuu pɛ wa. N nyan gɛ̀ fòo da wa. A giala, má maa là nyantoro laanka maa kɔn-narɛɛ ka maa makara doɛ̃ lɛ si maa zaman la. Masɛ Dɛnaa Lawa a da ǹ boo ne.

Ezekieli 23:25

Ma foo mɛn yoo n li ke, ma á re toɛ, ǹ kakaarɛbaa ǹ sii zɛnaa n nɛ. Ǹ tá re n nyin kuri, ka n toon ne. N minin mɛnɛn bɛ́ re goɛ̃, ǹ tá re bɛn dii zia la. Ǹ tá re n nɛgiĩn laanka ǹ nɛlɔn kɛn goɛ, min mɛnɛn dɔn bɛ́ re goɛ̃ kiwi lɛ nɛ, tɛ á re bɛn kuĩ.

Ezekieli 8:18

A bɛ́ miɛ̃, ma dɔ n die dɔlɔ boe ǹ ganaa ka ma foo ne. Ǹ makara a die ma kuĩ, ma ǹ toa walan wa. Ta ǹ nə́ n lɛ dɛ ma kio kɔsɛkɔsɛ, masɛ a re n too koe ǹ lon wa.»

Ezekieli 9:10

A bɛ́ miɛ̃, min makara a die ma kuĩ ma bɛ toa walan wa. Masɛ á die kaa zɛnaa ǹ sii lɛ a dɔlɔ diɛ ka mìi ni.

Ozee 1:2

Dɛnaa Lawa boo mɛn pɛ Ozee ne mà a pɛ a zaman nɛ, bɛa giala kɔ n ka kɛ nɛ. A na á kɛ pɛ Ozee lɛ nɛ: «Lɔ mɛn bɛ́ á n din kɔ kɔrɔbaa la, woo, n bɛ saa n lɔ lɛa, n tá re nɛnyaanan yii a ganaa bɛa kɔrɔbaa lɛ gɔ́ɔ̃ nɛ. A giala, gána lɛ a minin man nə n dinin baa ka lɔ kɔrɔn bɛ́ lɔn, ǹ nə́ n dɔ̀ɔ̃ wɔ masɛ Dɛnaa Lawa nɛ.»

Ozee 1:6

Lɔ lɛ wusoo á nɔ̀ si, á nɛlɔ yɛ. Dɛnaa Lawa pɛ Ozee ne: «Bɛ tɔ kɔ "Lo-Urukama", bɛ giala "ma a re makara boe n ganaa wa". A giala, ma a re makara boe Izirayeli tɔrɔn kɛn ganaa doo, ma ǹ sii baraa toa ǹ nɛ wa.

Ozee 5:7

A giala, ǹ nə́ Dɛnaa Lawa bebele, ǹ nə́ kikio nɛn yɛ. Sisia kəni, kànaa laanka mui goon, ǹ gána lɛ á re yui.

Zakarii 1:12

Dɛnaa Lawa a Lon a dia dí-a wole lɛ tɔn pɛ: «Dɛnaa Lawa Pàãyiidɛnaa, a lɛ̀ pɔsɔbaa n ke n foo n yoo ne Zeruzalɛmu li kɔnlɛ ka Zudaa kiwi tɛnɛn nɛ. Yǎa biĩ n tɔn makara bɔ ǹ ganaa?»

Zaã a sɛ́wɔ 8:41

Sɛnɛ, kasɛn man koe ka di a zɛnaa ǹ siin lɛ.» Ǹ nə́ tɔ́n pɛ Yezu ni: «Kikio nɛn bie ka wɔsɛn nɛ wa dɛ! Wɔsɛn Díi n goon toto dinsɔɔ̃, bɛ n ka Lawa nɛ.»

Rɔmu minin 11:22

N yiri kɔ sii màn paa kɛ li: Lawa a bǐɛ̃baa kɛ laanka a kakaarɛbaa kɛ nɛ. A n kakaarɛ a piãman wolen ganaa, a n bǐɛ̃ zɛnɛɛ nsɛ dɔ nɛ. Sɛnɛ, yǎa n goɛ̃ bɛa bǐɛ̃ kɛ lɛ nɛ, bɛ bie wa, á re n dɔ kuri a n daa.

Rɔmu minin 9:18

Bɛ lɛ nɛ, bɛ̀ a din golee li, mà a n makara boe min mɛn ganaa, a n boe a ganaa, bɛ̀ á golee li, mà a n toɛ min mɛn dɔ too kaka kɔ, a n toɛ bɛa dɛnaa too kaka kɔ.

Zaaki 2:13

Min mɛnɛn bɛ́ ǹ nə ǹ miãn makara dɔ̃ wa, bɛ̀ Lawa á die kiri kuri bɛn la ǹ mɛn pinaa, a die ǹ dɔn makara doɛ̃ wa. Makara-doɛ̃ á kiri siɛ a bɔ min la.