Ozee 2:3 - LAWA A BOO SONBORE

³ Ka pɛ ka dɔɔ̃ngiĩn lɛn manɛ: «Amii, maa zaman.» Ka pɛ ka dɔɔ̃nlɔn lɛn manɛ: «Urukama, ma á re makara boe ka ganaa.»

LAWA A BOO SONBORE 2011

³ Ka pɛ ka dɔɔ̃ngiĩn lɛn manɛ: «Amii, maa zaman.» Ka pɛ ka dɔɔ̃nlɔn lɛn manɛ: «Urukama, ma á re makara boe ka ganaa.»

Ozee 2:3 Iomraidhean Croise

Bɔ bɛ̀rɛbaa nɛ 17:3

Mu boro zaman lɛ kũ walan, ǹ nə́ zùũzùũ si Muizu ganaa. Ǹ nə́ pɛ: «Wàa na á baa ń soo wɔ nɛ, n wɔ bɔ Ezipti gána nɛ? A n lɔn, ń tá toɛ wɔ n giɛ̃ muboro gɔn, wɔ laanka wɔa nɛnyaanan nɛ ka wɔa tɔɔn nɛ?»

Izayii 33:9

Gána lɛ n gɛ̀ koa gɔ́ɔ̃ nɛ. A n bǎã gere lɛa. Sìi nə n kɔ Liban a kelen kɛn lɛ. Ǹ tumaa n laa nɛ. Saarɔn a wuru bǎãn kɛn man ka diə gole bɛ́ lɔn. Da ba Basan laanka Karmɛli kelen kɛn la wa.

Izayii 47:3

Minin tá re n tontoro yii. Màn mɛn bɛ́ sìi diɛ n ganaa, ǹ tá re bɛ yii. Man die gɛ̀ dòo boe. Min kɔn dɔ a boe la a ma kurəə a ganaa wa.

Izayii 64:10

Wɔ digolon nə goã n tɔ boe kion sonbore siĩn-siĩn mɛn lɛ nɛ, ǹ nə́ tɛ da bɛ ganaa. Màn mɛn tumaa goã kɔɔ̃n wɔ ganaa, bɛ tumaa basaã baa.

Zeremii 12:10

Tɔɔ-lɛduə̃li gigiã maa rezɛ̃ wuru ziziɛ̃. Ǹ nə́ maa wuru tɔtɔrɔ. Maa bǎã kɔɔ̃n ke, ǹ nə́ bɛ bɔyaa ǹ nə́ baa diə gole lɛa.

Zeremii 13:22

Bɛa biikoo li, n tá re nɔ̀n diɛ n din la mà wàa na á baa kɛ á n yii. Sonbore, bɛ̀ ǹ nə́ n mɔnaa goa lon, bɛ̀ ǹ nə́ n kũ ka pàã nɛ, n din a sii baraa damata lɛ a lɛa nɛ.

Zeremii 13:26

Sɛnɛ, masɛ n die n mɔnaa goɛ ma kɔ n yɔrɔ lɛ, ma n tontoro da kanaa.

Zeremii 14:3

Kiãn manə ǹ dí-nyalin diɛ woe giɛ mu li. Ǹ nə́ dɔ tùn lɛ-a, sɛnɛ, mu banban. Maǹ nə n bɔyɛɛ ǹ lon kooromaa. Ǹ foo ziziɛ̃, ǹ yɔrɔ kɔsɛ, ǹ nə́ n mìi kuməə.

Zeremii 17:6

Ǹ dɛnaa na á kɔnbɔ ka da kùsì ni tán gere la. A re yii-nyɛɛ yii wa. A n die goɛ̃ diə gole a kɔlɔn kɛn bii n ni, tán yìsidɛnaa kɛ la, min ná a boe la a giã-n wa.

Zeremii 2:31

Kasɛn pelo minin lɛn, ka yiri bɔ Dɛnaa Lawa a boon li. Man má n baa ka diə gole bɛ́ lɔn Izirayeli gɔn? Hinlaa ka gána mɛn bɛ́ wɔlɔ tì li duduu? Maa zaman, wàa na á baa ka n pii: «Bǎã mɛn bɛ́ kɔɔ̃n wɔ-a, wɔ ǹ woe walan. Wɔa wusii wɔ da n li doo wa.»

Zeremii 2:6

Ǹ nɔ̀n da kɛnɛn wa: Dɛnaa Lawa á maa, asɛ mɛn nə wɔ waa Ezipti gána nɛ, á wɔ nyɛɛnaa ǹ bɔ diə gole ne, don lɛa, piɛ̃-n ka nyankɔrɔ nɛ, gána gere lɛa, a n tì, min ná a boe a-n wa, min ná a ba a-n dɔn wa.

Zeremii 22:6

Dɛnaa Lawa bɛ boo mɛn diɛ Zudaan kii a kion a paǹ li, á ke: N siĩnbaa n ka Galaati a daã kɛ wɔ bɛ́ lɔn, ka Liban a kele mìin kɛn nɛ. A da yaa, sàabaa ba la wa, man die n biɛ diə gole lɛa, kɛbɔlɔ lɛa.

Zeremii 4:26

Man giɛ, á ke, gána sonbore lɛ diə gole baa. Ǹ ná a kiwin tumaa ziziɛ̃. Dɛnaa Lawa a lɛa nɛ, ka a foo-yoo baraa kɛ nɛ.

Zeremii 51:43

A kiwin nə́ kɛbɔlɔn baa. Gána lɛ nə́ n baa tán gere lɛa, min ná a boe la a giã-n doɛ̃ wa, min ná a boe a-n dɔn wa.

Zeremii 51:5

A giala, gána lɛ piɛ̃maa-n ka sii baraa nɛ Izirayeli a Lawa sonbore lɛ yɔrɔ-a. Sɛnɛ, Dɛnaa Lawa Pàãyiidɛnaa Izirayeli laanka Zudaa toa walan wa.

Ezekieli 16:22

N sii bɔbɔnɛɛ zɛnaa kɛ lɛ tumaa laanka n kɔrɔbaa ǹ siin kɛn lɛn gɔ́ɔ̃ nɛ, n nə n yiri kɔ ka n lɛlɛ ǹ kɛ-n wa. Táa n gɔ̀nɔn kooro na á goã, n goã n din pɛsɛ̃ tán mà li.

Ezekieli 19:13

Sisia kəni, ǹ nə́ rezɛ̃ da lɛ zumu don gɔ́ɔ̃ nɛ, ǹ nə́ zumu tán fu gere la.

Ozee 13:15

Ta Efrayimu tɔ bɔ ǹ dɔɔ̃nɔn bii, lɛ̀giala piɛ̃ á re die, Dɛnaa Lawa a piɛ̃ lɛa, boe diə gole ne. Mu yala á re piɛ̃, mu á re damɛ. Ǹ tá re kaa naforon goɛ, ka gɔn màn giɔ̀mɔ kakan kɛn, ǹ wo ka bɛn nɛ.

Ozee 2:10

Sɛnɛ, a doɛ̃ mà *belee ke, ka duvɛ̃ laanka nyɔɔ kɛ nɛ, mà ma din nə má kɔ asɛ la wa. Ma din dɔ-n má wɔrɔ laanka sana gigiã kɔ la. Sɛnɛ, á sana lɛ saa á *Baali nyín zɛnaa nɛ!

Sii-nyaan 17:16

N bɛn fù mɛn yɛ ka Tɔɔ lɛ dinmaa nɛ, naarɛbaali kɛ tìĩ á re boe ǹ tumaa nyin ni. Ǹ tá re a mànan tumaa sii la, ǹ nà a gɔ̀nɔn kooro da. Ǹ tá re a siĩ soɛ̃, ǹ tɛ kaa a wen ganaa.

Sii yɔrɔ-bɔlen 15:18

Mu boro bɛ́ á goã a ganaa á la yii ni, á Dɛnaa Lawa bíi wɔ bɛ̀ á n pii: «N din ni n dɔ n dí-nyali lɛ, ń gɔ̀lɔ̀baa gole kɛ kɔ wɔsɛn la. Kanna, n nə n die toɛ mu boro ma dɛ, soroman kɛn gɔn dɔ ma ganaa?»