Ozee 2:23 - LAWA A BOO SONBORE

²³ Dɛnaa Lawa a da ǹ boo ne: Bɛa pinaa kɛ lɛ nɛ, ma á re n nyii, ma á re n nyii lon la, lon tá re n nyii tán la.

LAWA A BOO SONBORE 2011

²³ Dɛnaa Lawa a da ǹ boo ne: Bɛa pinaa kɛ lɛ nɛ, ma á re n nyii, ma á re n nyii lon la, lon tá re n nyii tán la.

Ozee 2:23 Iomraidhean Croise

Loen 118:28

N din nə maa Lawa lɛa. Man barka diɛ n din ni. N din nə maa Lawa lɛa. Ma nə n din guguru koe.

Loen 22:27

Doobaan tá re màn bii ǹ kã, min mɛnɛn bɛ́ giɛ Dɛnaa Lawa li, bɛn tá re a guguru koe. A die a ka foo nyɛɛ a yii-nyɛɛ kɔ ka la!

Loen 68:31

Paraa ǹ li. Paraa Ezipti li, paraa bɛa bùruu gɔ́ɔ̃ nɛ ǹ tɔɔ kɛ li. Tɔrɔ gialakunun kɛn man ka tɔɔ kuru bɛ́ lɔn, diin laanka ǹ nɛn nɛ, paraa ǹ dɔn li, ń giɛ, ǹ tumaa á die kiɛ tán n din yɔrɔ-a, ka wɔrɔ wen nə́ ǹ gɔn. Zia bɛ́ kɔɔ̃n tɔrɔn mɛnɛn-a, bɛn loo.

Loen 72:16

Lawa die a gána lɛ a màn-kɔsiɛ bǐɛ̃ kɔ parsiini. A toa a kele mìi ni ǹ wuru màn tumaa ma sɔnbɔraanɛ, ǹ bǐɛ̃ kɔ ka Liban gána a kelen kɛn bɛ́ lɔn. A die a toa kiwin lɛn dɔ nə pã ka minin ni, ka don bɛ́ piɛ̃ ka buu-n lɔn.

Loe kɔɔ̃n kɔɔ̃n 2:16

Ma din foo dùũ wɔ lɛ n maa wɔ lɛa, ma dɔ na a dɔ wɔ lɛa. Da buũ bǎã n kɔɔ̃n a ganaa.

Izayii 44:5

Goon tá re pii: "Dɛnaa Lawa wɔ n ka ma nɛ"; kɔsɔ á re n din tɔ koe "Zakɔba"; kɔsɔ á re kiɛ̃ a gɔn ganaa: "Man Dɛnaa Lawa wɔ lɛa", á re n din tɔ koe Izirayeli.

Zeremii 16:19

Dɛnaa Lawa, n din nə ma pàã lɛa. N nə n ma tamɛɛ ka n pàã gole kɛ nɛ. Koe biikoo li, n din nə maa duru ǹ bǎã lɛa. Tɔrɔn tá re boe kanaa lɛ dan ganaa, ǹ da n li, ǹ pɛ: «Wɔ digolon man nə́ soɛ dinsɔɔ̃ ma, sii kooron mɛnɛn bɛ́ là ba ǹ ganaa wa.

Zeremii 30:22

Ka á re maa zaman biɛ, ma dɔ á re kaa Lawa biɛ.

Zeremii 31:27

Kànaa ka boɛɛn, man die minbuiin nɛn laanka tɔɔn pɛsɛ̃ Izirayeli laanka Zudaa gána nɛ ká ǹ bɛ́ màn tɔrɔ pɛsɛ̃ wuru-n lɔn. Dɛnaa Lawa a da ǹ boo ne.

Zeremii 32:38

Ǹ tá re wusii ǹ maa zaman baa, ma dɔ á re ǹ Lawa biɛ.

Zeremii 33:26

Bɛa yɔrɔ lɛ la ma á boe la ma Zakɔba a sumu kɛ toa walan ka maa dí-nyali Davida wɔ kɛ nɛ? Ma á boe la man piã máa maa kiãn boe ǹ bii, ǹ mɛnɛn lɛn bɛ́ re Abrahamu laanka Izaaki ka Zakɔba a nɛnyaanan nyɛɛnaan boe wa? Haayii! Ǹ makara n boe ma ganaa, man die ǹ lɛlɛ ǹ giã ǹ gɔn koe ǹ la.»

Ezekieli 36:29

Ma á re kaa gɔ̀ tumaa pii ma bɔ ka ganaa. Ma á re toɛ ka *belee yɛ a mɔnaa, ma a re toɛ bòo ka kũ doo wa.

Ozee 1:6

Lɔ lɛ wusoo á nɔ̀ si, á nɛlɔ yɛ. Dɛnaa Lawa pɛ Ozee ne: «Bɛ tɔ kɔ "Lo-Urukama", bɛ giala "ma a re makara boe n ganaa wa". A giala, ma a re makara boe Izirayeli tɔrɔn kɛn ganaa doo, ma ǹ sii baraa toa ǹ nɛ wa.

Ozee 8:2

Ǹ tá re n lɛ dii ma li: «Wɔa Lawa, Izirayeli minin man ka wɔ nɛ, wɔ tá n doɛ̃!»

Zakarii 10:9

Má ǹ sasawaa paǹ tumaa li tɔrɔn bii, ka ǹ bɛ́ màn nàn pɛsɛ̃ lɔn. Sɛnɛ, bɛa gána sɔsɔɔn lɛn nɛ, ǹ yiri á re gisĩ ma nɛ. Ǹ tá re giɛ̃ walan, kun ka ǹ nɛnyaanan nɛ, ǹ tɔn nə n bɔyaa ǹ daa.

Zakarii 13:9

Ǹ talɛɛ goon mɛn lɛ yii bɛ́ re goɛ̃ koo, man die ǹ zoɛ̃ ka tɛ nɛ, ma ǹ yoreen kɔ ka ǹ bɛ́ wɔrɔ yoreen koe lɔn, man die ǹ yoe ka ǹ bɛ́ sana yoe lɔn. Bɛa biikoo li kəni, ǹ tá re ma bíi we, ma á re ǹ lɛ sii, ma pɛ ǹ nɛ "Ka n maa zaman lɛa", ǹ dɔn tá re pii: "Dɛnaa Lawa, n nə n wɔa Lawa lɛa".»

Zakarii 14:16

Bɛa waáraa kəni, tɔrɔn mɛnɛn nə zia da Zeruzalɛmu ganaa, bɛn min mɛnɛn yii bɛ́ tɔn koo, lɛ̀ woo lɛ̀, ǹ tá re woe Zeruzalɛmu kiwi, ǹ kaa tán a kii, Dɛnaa Lawa Pàãyiidɛnaa giulun ǹ *giã siã giulun zɔ́n zɛnaa.

Zakarii 14:9

Dɛnaa Lawa n die kii biɛ tán tumaa la. Bɛa pinaa, Dɛnaa Lawa n die goɛ̃ goon toto, a tɔ dɔ n die goɛ̃ goon toto.

Zakarii 2:11

Ka soo, Zeruzalɛmu minin lɛn, kasɛn mɛnɛn bɛ́ giã-n *Baabilonii, ka soo ka wo fufuu!»

Malakii 1:11

A saa lɛ̀giala ganaa a wo lɛ̀nyɛɛn yaa, tɔrɔ tumaa n maa golebaa doɛ̃, maǹ màn giĩ kɔɔ̃n tiɛ̃ bǎã tumaa nɛ ka ma tɔ nɛ, wúlu màn mɛn bɛ́ kɔnboe ka ma nɛ, ǹ nə́ die ka bɛ nɛ. Hiĩ! Tɔrɔ tumaa n maa golebaa doɛ̃, man pii ka nɛ masɛ, Dɛnaa Lawa Pàãyiidɛnaa.

Rɔmu minin 3:29

Lawa lɛ din kánaa, Zuifun dininsɔɔ̃nɔn Lawa nɛ? Táa tɔrɔ kɔsɔn dɔn wɔ nɛ! Taãn-taãnɛ!

Zaaki 1:1

Masɛ Zaaki, Lawa laanka Dɛnaa Yezu *Krita a bɛ̀rɛ n sɛ́wɔ kɛ diɛ. Lawa a minin mɛnɛn bɛ́ pɛsiɛ̃-n kanaa paǹ tumaa nɛ, ka Izirayeli tɔrɔ fulupaa kɛ bɛ́ lɔn, ma á fòo diɛ ka tumaa nɛ.