Ozee 2:21 - LAWA A BOO SONBORE

²¹ Man die luu diɛ n la ma din wɔ lɛa yǎa duduu: Man die luu diɛ n la ka yɔrɔ kɛ nɛ: Peperebaa nɛ, sonborebaa nɛ, kɔn-narɛɛ laanka makara-doɛ̃ nɛ.

LAWA A BOO SONBORE 2011

²¹ Man die luu diɛ n la ma din wɔ lɛa yǎa duduu: Man die luu diɛ n la ka yɔrɔ kɛ nɛ: Peperebaa nɛ, sonborebaa nɛ, kɔn-narɛɛ laanka makara-doɛ̃ nɛ.

Ozee 2:21 Iomraidhean Croise

Izayii 55:10

«La laanka *mu nyuù-wɔle n boe lon kiɛ tán. Ǹ ba wusii ǹ woo bɛ̀ ǹ nə́ ǹ nə ǹ nya ǹ dí nya wa: Maǹ kiɛ tán la, a basã, ǹ baa tán sonbore lɛa, màn nàn nə́ boe la doɛ̃. Bɛa yɔrɔ lɛ la, màn tɔrɔ n yii la, ka màn-bii ni.

Izayii 62:4

Ǹ ba re n bíi doo mà «Kiwi mɛn bɛ́ ǹ nə́ n la bɔ a ganaa» wa. Ǹ ba re n gána kɛ bíi doo mà «Kɛbɔlɔ» wa. Sɛnɛ, maǹ die n bíi «min mɛn bɛ́ kɔɔ̃n Dɛnaa Lawa ganaa.» Ǹ tá re n tán bíi: «Kɔn-wɔle sonbore.» A giala, n tá re kɔɔ̃n koe Dɛnaa Lawa ganaa, n tán lɛ dɔ á re zuũ yii.

Izayii 62:5

Ká tɔntɔraa bɛ́ kɔn we ka a nɛniɛ-n lɔn, min mɛn bɛ́ n doe, bɛ lɛ n die n zuũ biɛ. Ka lɔ tii bɛ́ n zuũ foo kɔɔ̃n koe lɔn, n dɔ n die Dɛnaa Lawa foo kɔɔ̃n koe miɛ̃.

Izayii 65:24

Ǹ laan bɛ̀ ǹ ma bíi, ma á re ǹ lɛ sii. Ǹ laan bɛ̀ ǹ nya boo diɛ ganaa, bɛ̀ má n too kɔ ǹ lon.

Ezekieli 36:29

Ma á re kaa gɔ̀ tumaa pii ma bɔ ka ganaa. Ma á re toɛ ka *belee yɛ a mɔnaa, ma a re toɛ bòo ka kũ doo wa.

Ozee 14:7

Á re gɔnɔn nyoɛ̃, a siĩnbaa n die goɛ̃ ka Olive da bɛ́ lɔn, a gìĩ a kɔɔ̃nbaa n die goɛ̃ ka Liban wɔ bɛ́ lɔn.

Zowɛli 2:19

Dɛnaa Lawa ná a minin lɛn nyankɔ si á kɛ pɛ ǹ nɛ: «A bɛ́ miɛ̃, ma á re wusii ma belee kɔ ka la, ka duvɛ̃ laanka nyɔɔ nɛ. Ka á re kiɛ̃ ka bɛn nɛ. Ma a re toɛ sìi ka kũ tɔrɔ kɔsɔn bii doo duduu wa.

Zakarii 13:9

Ǹ talɛɛ goon mɛn lɛ yii bɛ́ re goɛ̃ koo, man die ǹ zoɛ̃ ka tɛ nɛ, ma ǹ yoreen kɔ ka ǹ bɛ́ wɔrɔ yoreen koe lɔn, man die ǹ yoe ka ǹ bɛ́ sana yoe lɔn. Bɛa biikoo li kəni, ǹ tá re ma bíi we, ma á re ǹ lɛ sii, ma pɛ ǹ nɛ "Ka n maa zaman lɛa", ǹ dɔn tá re pii: "Dɛnaa Lawa, n nə n wɔa Lawa lɛa".»

Zakarii 8:12

Là nyantoro n die goɛ̃ a tan, *rezɛ̃ dan tá re nɛ koe, tán kɔsiɛ̃ mànan tá re bǐɛ̃ koe, pele á re koe. Maa zaman lɛ a min mɛnɛn yii goã koo, man die ǹ koe bɛn la kíɛ̃ lɛa.

Zakarii 8:8

«Man die wusii ma da ǹ nɛ, màn mɛn bɛ́ toɛ ǹ giã Zeruzalɛmu. Ǹ tá re maa zaman biɛ, ma dɔ á re ǹ Lawa biɛ, Lawa pepere bɔlɔgoondɛnaa lɛa.»

Malakii 3:10

Ka da ká kaa tán dí nya ǹ mànan lɛn tumaa a talɛɛ a fùbaa ǹ wɔ nɛ taãnɛ, maa màn koa ǹ kion kɛ nɛ, màn-bii boo la a yɛ, koa nɛ maa kion biikoo tumaa li. Ka á boe la ka n da ma gɔ́ɔ̃ li ka ga-a bɛa sii lɛ paǹ li. Masɛ Dɛnaa Lawa Pàãyiidɛnaa, ka á re yii man die lon a dɔǹɔn lɛ buĩ, bǐɛ̃ tɔrɔ tumaa n die kiɛ ka la mɔnaa nɛ.

Malakii 3:11

Ma á re bisĩnin kuri, ǹ ba re basaã koe kaa wurun ni doo wa, ǹ ba re kaa *rezɛ̃ dan sàabiɛ nɛ kɔ ganaa wa. Má n lɛ kɔ ka la.

Matiə 6:33

Ka ga *Lawa a kiibaa laanka a peperebaa li bɔrɔ, bɛ kio, Lawa á die bɛa mànan kɛn tumaa koe ka la.

Rɔmu minin 8:32

Lawa nə n piã dinin ka a din a Nɛ kɛ a kɔ gɛ̀ la-n wa, a na á kɔ wɔsɛn tumaa a lɛa. A re màn tumaa dɔ koe wɔ la a da a Nɛgiĩ lɛ a koe la wa? Hiĩ! Á re màn tumaa koe wɔ la.