Ozee 2:20 - LAWA A BOO SONBORE

²⁰ Bɛa pinaa kɛ nɛ, maa zaman lɛ taman yii, ma á re lɛ kɔ kɔn la we ka don mànan nɛ, bàanan nɛ lon, ka màn baaran nɛ tán. Sa nɛ, gɔya sa nɛ, ziabaa ǹ mànan kɛn tumaa nɛ, ma á re ǹ yiyiɛ, ma ǹ bɔ gána lɛ nɛ. Ma á re toɛ gána lɛ a minin nə nyuù wɔ kiĩni.

LAWA A BOO SONBORE 2011

²⁰ Bɛa pinaa kɛ nɛ, maa zaman lɛ taman yii, ma á re lɛ kɔ kɔn la we ka don mànan nɛ, bàanan nɛ lon, ka màn baaran nɛ tán. Sa nɛ, gɔya sa nɛ, ziabaa ǹ mànan kɛn tumaa nɛ, ma á re ǹ yiyiɛ, ma ǹ bɔ gána lɛ nɛ. Ma á re toɛ gána lɛ a minin nə nyuù wɔ kiĩni.

Ozee 2:20 Iomraidhean Croise

Siin Giala 9:10

ka màn yiikoonaa tumaa dɔ nɛ: bàanan nɛ, piɛ mànan nɛ, don mànan nɛ, mànan mɛnɛn dinin tumaa bɛ́, ǹ nə́ soo goo lɛ-n kun ka nɛ.

Izayii 2:4

A din nə die kiri-kuruli biɛ tɔrɔn bii. Á re tɔrɔ gigiã a waa kɔn wole biɛ. Ǹ ziabaa ǹ gɔya san kɛn, ǹ tá re bɛn biɛ kán nànan lɛa. Ǹ sɛ̀miɛ̃n kɛn, ǹ tá re bɛn biɛ sɛǹ gɔyan lɛa. Gánan ba re gɔya san goɛ kɔn li doo wa, min ba re n darɛɛ ziabaa-a doo wa.

Izayii 62:4

Ǹ ba re n bíi doo mà «Kiwi mɛn bɛ́ ǹ nə́ n la bɔ a ganaa» wa. Ǹ ba re n gána kɛ bíi doo mà «Kɛbɔlɔ» wa. Sɛnɛ, maǹ die n bíi «min mɛn bɛ́ kɔɔ̃n Dɛnaa Lawa ganaa.» Ǹ tá re n tán bíi: «Kɔn-wɔle sonbore.» A giala, n tá re kɔɔ̃n koe Dɛnaa Lawa ganaa, n tán lɛ dɔ á re zuũ yii.

Zeremii 24:7

Ma á re toɛ ǹ dɔ̃ mà ma din ni Dɛnaa Lawa lɛa. Ǹ tá re n bɔyɛɛ ǹ masɛ wɔ baa ka ǹ foo din tumaa nɛ. Ǹ tá re maa zaman biɛ, masɛ dɔ á re ǹ Lawa biɛ.»

Zeremii 30:10

Dɛnaa Lawa a da ǹ boo á ke: Nsɛ Zakɔba, maa dí-nyali, nyɛ́ɛ nyan nə n kũ wa, N gɔ̀nɔn nyan bìn da wa nsɛ Izirayeli. Taãn nɛ, ma á re n kirisibiɛ, ma n bɔ ma n bɔ gána sɔsɔɔn kɛn nɛ, ma n nɛnyaanan kɛn waa bɛ̀rɛbaa ǹ bǎã nɛ, ma da ǹ nɛ. Zakɔba, n tá re n bɔyɛɛ n daa, n giã kiĩ ni, yii-nyɛɛ gɔ́ɔ̃ nɛ. Min kɔn ba re nyɛ́ɛ diɛ n ganaa doo wa.

Zeremii 32:41

Á die kɔɔ̃n koe ma ganaa ma bǐɛ̃ zɛnaa ǹ nɛ. Man die ǹ gòã we tán taãn-taãnɛ gána kɛ lɛ nɛ ka ma foo tumaa nɛ, ka ma pàã tumaa nɛ.»

Zeremii 9:24

Lɛawaa á re doe, Dɛnaa Lawa a da ǹ boo ne, min mɛnɛn tumaa bɛ́ ǹ nə́ n kuru, ma á re yui bɛn gialaa.

Ezekieli 16:62

Zeruzalɛmu, ma á re wusii ma lɛ kɔ kɔn la wɔ ka n nɛ. N tá re doɛ̃ ka bɛ lɛ-n kəni, mà ma din nə Dɛnaa Lawa lɛa.

Ezekieli 16:8

Bɛ kio, ma bɛ́ má wusoo má bɔ walan doo, má n yɛ. Bɛa biikoo li, bɛ̀ ń dɔ lɔbaa ganaa. Ma tɔ́n maa mɔnaa lɛkoro lɛ bɔ má kɔ n lɛ, má n sìi duru ni. Bɛ kio má n lɛ kɔ n la, má n liɛ n nɛ. Máa n masɛ wɔ baa ka bɛa yɔrɔ lɛ nɛ. Ma din Dɛnaa Lawa a da ǹ boo ne.

Ezekieli 34:25

«Ma á re lɛ kɔ kɔn la we ka maa tɔɔ kuru lɛ nɛ, là nyantoro wɔ paǹ li. Ma á re don màn babaraan tumaa papaɛ̃ ma ǹ bɔ gána lɛ nɛ. Ǹ tá re giɛ̃ diə gole gɔ́ɔ̃ nɛ, ǹ yiri n bǎã goon ne, ǹ tá re nyuù din we daã nɛ.

Ezekieli 34:27

Wuru gɔ́ɔ̃ dan tá re nɛ koe, tán tá re bǐɛ̃ koe. Maa zaman lɛ á re giɛ̃ ǹ gána nɛ, ǹ yiri n bǎã goon ne. Ma á re ǹ sii nɔmaa la. Min mɛnɛn bɛ́ boe ǹ yii ni, ma á re ǹ sii bɛn la. Ǹ tá re doɛ̃ bɛa biikoo li kəni, mà ma din nə Dɛnaa Lawa lɛa.

Ezekieli 38:23

Ma á re ma din a golebaa laanka ma din a Lawabaa kɛ nyɛɛ tɔrɔ kɔsɔn tumaa nɛ. Ǹ tá re doɛ̃ bɛa biikoo li kəni, mà ma din nə Dɛnaa Lawa lɛa.»

Ozee 13:4

A kũ n soo Eziptin ganaa, Izirayeli man Dɛnaa Lawa, n Lawa lɛa, n ba Lawa kɔsɔ doɛ̃ masɛ kio wa. N kirisibaali kɔsɔ banban bɛ̀ á n bɔ masɛ nɛ.

Ozee 2:19

Dì Baali tɔn kɛn, ma a re toɛ bɛn kɔn soo n lɛ-n doo wa. Min kɔn din yiri a die goɛ̃ ǹ tɔn nɛ doo wa.

Ozee 6:6

Sii zɛnaa ka kɔn-narɛɛ nɛ, bɛ á kɔɔ̃n ma ganaa á la wúlu mànan kɛn manɛ. Ma dɔ̃ Lawa lɛa, bɛ á kɔɔ̃n ma ganaa á la *wúlu màn tiɛ̃n kɛn manɛ.

Lawa a wúlu-bɔlen 26:5

Ka bɛ́ re màn mɛn yii, ka á re bɛ duwii, yǎa a woe doe rezɛ̃ ma waáraa ganaa. Ka bɛ́ re rezɛ̃ mɛn dɔ yii, ka á re bɛ niɛ̃, yǎa a woe doe *belee diɛ waáraa ganaa. Ka á re màn bii ka kã. Ka á re boe la ka giã kaa gána lɛ nɛ, ka yiri n bǎã goon ne.

Lawa a wúlu-bɔlen 26:6

Ma á re là nyantoro koe gána lɛ la. Ka á re wɛɛ tán ka nyuù wɔ, sii kɔn ná a re nyɛ́ɛ diɛ ka ganaa wa. Don mànan mɛnɛn bɛ́ basaã koe, masɛ á re bɛn papaɛ̃ ma ǹ bɔ gána lɛ nɛ. Masɛ a re toɛ min da zia baa ka ganaa kaa gána kɛ-n doo wa.

Misee 4:3

A din nə die sabara-dali biɛ tɔrɔ gigiã bii, pàã bɛ́ gánan mɛnɛn lon, ǹ wɔlɔ dɔ din nə sɔsɔɔ, a din nə die bɛn wɛɛ kɔn. Ǹ ziabaa ǹ gɔya san kɛn, ǹ tá re bɛn biɛ kána nànan lɛa. Ǹ sɛmiɛ̃n kɛn, ǹ tá re bɛn biɛ sɛǹ gɔyan lɛa. Gánan ba re gɔya san goɛ kɔn li doo wa, min ba re n darɛɛ ziabaa ganaa doo wa.

Zakarii 9:10

Ma á re ziabaa ǹ wotoron boe ma ǹ bɔ Efrayimu, ma ziabaa ǹ sùin bɔ ma ǹ bɔ Zeruzalɛmu. Ma á re ziabaa ǹ san yiyiɛ. Kii lɛ á re là nyantoro koe tɔrɔn la. A n die Dɛnaa biɛ, a kũ Yìsi mu kɔsɛ kɔsɛ ganaa a wo Yìsi mu gole kɔsɔn yaa, a kũ Efrati tà ganaa, a wo kanaa lɛ dan yaa.

Matiə 11:27

Maa Díi Lawa na á màn din tumaa sii toa ma gɔn. Min kɔ́n ba Nɛgiĩ doɛ̃ wa, bɛ̀ á n bɔ Díi dinsɔɔ̃ nɛ, min kɔ́n ba Díi doɛ̃ wa, bɛ̀ á n bɔ a Nɛgiĩ lɛ dinsɔɔ̃ laanka Nɛgiĩ lɛ bɛ́ li a nyaa min mɛn nɛ.

Luku 10:22

«Masɛ Di Lawa na á màn din tumaa sii toa ma gɔn. Min kɔ́n ba doɛ̃ Nɛgiĩ lɛ bɛ́ min mɛn lɛa wa, bɛ̀ á n bɔ Díi din ni. Min kɔ́n ba doɛ̃ Díi lɛ bɛ́ màn mɛn lɛa wa, yǎa Nɛgiĩ lɛ din, ka bɛ̀ Nɛgiĩ lɛ lɛ kɔ á nyaa min mɛn nɛ.»

Zaã a sɛ́wɔ 17:3

Nyin nyabaã lɛ n ke, ǹ nə n din lɛ dɔ̃, Lawa taãn goon toto lɛa, n masɛ Yezu *Krita mɛn dɔ dia, ǹ ma dɔ dɔ̃.

Korɛnti2 4:6

Lawa mɛn bɛ́ á pɛ mà wɔlɔ fúlu yɛ wɔlɔ tì bii, a din na á toa wɔlɔ fúlu tɛ pɛ ma dɔ foo ne. Lawa a gugurubaa mɛn bɛ́ tɛ pii Yezu Krita yɔrɔ nɛ, a n mà minin nə boo la ǹ bɛ dɔ̃.

Filipi minin 3:8

Maa Dɛnaa Yezu Krita doɛ̃ kɛ bɛ́ bǐɛ̃ gole gole mɛn lɛa ma yɔrɔ-a, bɛ lɛ n toɛ ma á pii, máa bɛa ga tɔ li ǹ sii kɛ lɛ tumaa n papaã ǹ sii lɛa. Dɛnaa a lɛa nɛ, má n la bɔ ma din a là sii tumaa ganaa; man giɛ bɛ tumaa ganaa yisi lɛa, ń giɛ ma á Krita yii.

Kolɔɔsi minin 1:10

Bɛa yɔrɔ kɛ lɛ la, ka á re boe la ka tɔ wɔ, ka Dɛnaa tɔ bɔ, ka á re boe la dɔn ka a dùũ siin zɛnaa biikoo tumaa li. Ka á re bǐɛ̃ tɔrɔ tumaa zɛnɛɛ, kaa dí á re bǐɛ̃ koe, ka á re woe nyɛɛnɛ Lawa doɛ̃ gɔ́ɔ̃ nɛ.

Timote2 1:12

Bɛ lɛ na á toa, ma á nɔmaan kɛn sii ma ganaa. Sɛnɛ, bɛa ma foo biɛ niɛ̃ wa, a giala, ma bɛ́ má n foo doa min mɛn ganaa, ma á bɛ doɛ̃. A boo mɛn koa ma li, má waa la dɔn, máa pàã tá a lon, a bɛ tamaa yǎa a din a daa pinaa.

Ebrəə 8:11

Ǹ min kɔ́n ba re a din tɔrɔ min hinlaa ǹ dɔɔ̃n darɛɛ doo a pɛ nɛ, mà a Dɛnaa Lawa dɔ̃ wa. A giala, ǹ tumaa á re ma doɛ̃, a kũ ǹ bɔbɔnboɛɛn ganaa a wo ǹ gole yaa.

Zaã1 4:6

Sɛnɛ, wɔsɛn man Lawa wɔn lɛa. Min mɛn bɛ́ n din koe Lawa-doɛ̃ la, bɛ nə n too koe wɔ lon. Min mɛn bɛ́ a Lawa wɔ lɛa wa, bɛ ba n too koe wɔ lon wa. Yiri mɛn bɛ́ sonbore pii ka minin sã ǹ yiri ke, wɔ ǹ bɛn bɔkɔnlɛ doɛ̃ bɛ li.

Zaã1 5:20

Wɔ á doɛ̃, wáa Lawa a Nɛgiĩ na á daa, á yiri kɔ wɔ la, mà wɔ Lawa Taãn kɛ dɔ̃. Wɔ ǹ goɛ̃ kun ka Lawa Taãn kɛ nɛ, a din a Nɛgiĩ Yezu Krita pàã ganaa. A din Yezu lɛ n Lawa Taãn lɛ lɛa, a din dɔ n nyin nyabaã dɔ lɛa.