Ozee 2:13 - LAWA A BOO SONBORE

¹³ Ma á re a foo kɔɔ̃nbaa ǹ siin kɛn tumaa sàabiɛ: A zɔ́nɔn nɛ, a mui dii zɔ́nɔn nɛ ka a susu ǹ piin ni, ka lɛsɔkɔn kɛn tumaa nɛ á ǹ zɛnɛɛ.

LAWA A BOO SONBORE 2011

¹³ Ma á re a foo kɔɔ̃nbaa ǹ siin kɛn tumaa sàabiɛ: A zɔ́nɔn nɛ, a mui dii zɔ́nɔn nɛ ka a susu ǹ piin ni, ka lɛsɔkɔn kɛn tumaa nɛ á ǹ zɛnɛɛ.

Ozee 2:13 Iomraidhean Croise

Kiin2 1:2

Ahaazia bɔ a sanabolo kion banbaran la lon, á mɛnaa. Mɛnaa lɛ wɔ a ganaa parsiini. Bɛ lɛ nɛ, á tɔ́n minin dia mà ǹ wo nɔ̀n da Ekrɔn kiwi a dì Baali-Zebubu la, mà asɛ á die n boe a mɛnaa lɛ-n ya.

Kiin2 10:28

Zewu na á Baali papaã á bɔ Izirayeli gána nɛ ka bɛa yɔrɔ lɛ nɛ.

Kiin2 21:3

Ǹ di Ezekiasi goã á wúlu bɔ ǹ bǎãn mɛnɛn papaã, asɛ wusoo á bɛn dɔ. Á wúlu bɔ ǹ bǎãn furəə dì *Baali wɔ lɛa. Á bìbì doa, dì Aseeraa nyín lɛa, ka Izirayeli gána a kii Akaabu goã á zɛnaa lɔn. Manaasee kaa tán lon gɔ̀nɔn ganaa ǹ mànan kɛn tumaa giulun á ǹ guguru kɔ.

Zɔbu 8:13

Min mɛnɛn yiri bɛ́ boe ka Lawa nɛ, bɛ lɛ miã n die bɛn yii. Min mɛn bɛ́ n piɛ̃ ka Lawa nɛ, a foo-doa á re kooro biɛ.

Loen 106:13

Bɛ kio doo boɛɛn nɛ, ǹ yiri bɔ ka Lawa a dín lɛn nɛ. Ǹ nə n yii da la, a na a sii yɔrɔ boe kɛ zɛnaa wa.

Loen 106:21

Ǹ yiri bɔ ka ǹ kirisibaali Lawa kɛ nɛ, Lawa mɛn goã á sii dadaran zɛnaa Ezipti,

Loen 78:11

Ǹ yiri bɔ ka a nya ǹ dí dadaran kɛn nɛ, a kaãbaa ǹ siin mɛnɛn nyaa ǹ nɛ, ǹ yiri bɔ ka bɛn nɛ.

Bɔ bɛ̀rɛbaa nɛ 32:34

Kanna kəni, woo! Zaman kɛ lɛ nyɛɛnaan bɔ, ma bǎã mɛn pɛ n nɛ, wo-n walan. Ma din a lon a dia dí-a wole n die tɔ we n nyɛɛnɛ. Sɛnɛ, bɛ̀ ma yoo ǹ mɛn pinaa, ma á re dɔlɔ boe ǹ ganaa ǹ sii baraan lɛa.»

Izayii 17:10

Izirayeli, n yiri bɔ n kirisibaa wole Lawa nɛ. Gɛ̀fu mɛn bɛ́ n tamɛɛ, n yiri bɔ ka bɛ nɛ. Bɛ lɛ nɛ, n da tɔrɔ sonboren zumu, n tá lawa soreen guguru koe.

Izayii 65:7

Ǹ siɛ̃n nɛ, ka ǹ digolon wɔ nɛ, ma á re bɛa gɛ̀ dòo boe ǹ ganaa. A giala, ǹ digolon man nə́ da yon gìĩ kɔɔ̃n tã kelen la, ǹ nə́ sɔ kɔ ma ganaa tentenen la. Sisia kəni, ǹ sii mɛn tumaa zɛnaa lɛlɛ, man die bɛ tumaa a dɔlɔ boe ǹ ganaa. Ma din Dɛnaa Lawa n má pɛ.

Zeremii 11:13

Kaa kiwin bɛ́ mɔnaa-n lɔn, kaa dìn dɔn man mɔnaa-n miɛ̃. Zeruzalɛmu a ziin bɛ mɔnaa-n lɔn kaa wúlu bɔ ǹ bǎãn kɛn sìi diɛ, bɛn dɔn man mɔnaa-n miɛ̃, kɛn lɛn ka n da yon gìĩ kɔɔ̃n tiɛ̃ ǹ ganaa dì *Baali wɔ lɛa.

Zeremii 18:15

A da yaa maa zaman yiri bɔ ma nɛ. Maǹ wúlu boe màn kooron ganaa. Bɛa màn kooron lɛn manə ǹ boe ǹ daɛ zii la, ǹ goã koe ziin mɛnɛn lɛ lɛlɛ, maǹ nə n boe n boe bɛn la, ǹ nə́ koe ziin kɔsɔn lɛ ǹ nə́ ǹ ba ǹ doɛ̃ wa.

Zeremii 2:32

Nɛniɛ yiri á boe a nyaǹ mànan ganaa? Lɔ tii yiri á boe a gɔ̀ mànan ganaa? Ka yiri bɔ ka ma nɛ, a biikoo a kànaa wa.

Zeremii 23:2

Bɛ lɛ nɛ, Dɛnaa Lawa, Izirayeli a Lawa n boo kɛ diɛ ǹ paǹ li: – Ka maa tɔɔn toa ǹ nə́ woo paǹ yii li, ka maa sèren loo, ka ga ǹ walan wa. Á bǐɛ̃ kɔ! Ka sii baraa mɛn tumaa zɛnaa, ma á re yui ka gialaa bɛn taman yii. Masɛ Dɛnaa Lawa a da ǹ boo ne.

Zeremii 7:34

Zudaa kiwin ni, Zeruzalɛmu a ziin la, ma á re zɔ́n bìndiɛn lɛ kuri, foo kɔɔ̃n lɛ-dɛ nɛ, lɔ tii ǹ zuũ laanka lɔ tii a loe ne. Sonbore, gána lɛ n die kɛbɔlɔ biɛ.»

Zeremii 7:9

Ka ǹ wurumu biɛ, ka n gɛ̀ dii, ka n naarɛbaa zɛnɛɛ, ka nə n liɛ soɛ la, ka n da yon gìĩ kɔɔ̃n koe *Baali la, ka bɛ kaa lawa tiin mɛnɛn doɛ̃ wa ka n koe bɛn lɛ.

Busii pɛ 1:4

Zeruzalɛmu a ziin tumaa n gɛ̀ koɛ. Min kɔn ba koe ǹ lɛ, a da zɔ́n zɛnaa doo wa. A bǎã dadaran tumaa kooromaa nɛ. A Lawa a wúlu-bɔlen man gini. A nɛlɔn foo ziziɛ̃maa nɛ. Kɛ kɔsɛ *Siɔn kiwi ganaa!

Busii pɛ 5:14

Min golen ba woe kiwi lɛ a kiɛnlɛ-a doo wa. Tɔntɔraan nə́ loe lɔ lɛ da.

Ezekieli 16:12

Ma kaaran da n nyin ni, má kɛn kaa n too ne, má kiibaa ǹ bafolo sonbore wɔ n mìi-a.

Ezekieli 16:17

Ma goã má nyaǹ bɔ ǹ mànan mɛnɛn kɔ n la, sana laanka wɔrɔ lɛa, ma nə́ n màn nyínin zɛnaa ka bɛn nɛ, giĩn lɛa, ń kɔrɔbaa zɛnaa kunun ǹ ni.

Ezekieli 22:12

N kiwi kɛ nɛ Zeruzalɛmu, minin man lɛ koe ǹ lɛ pii ǹ màn si, ǹ gɛ̀ dɛ. Maǹ giɔ̀mɔ diɛ ǹ nə́ giɛ là babaraa li, maǹ mɛnɛɛ ǹ miãn la, ǹ nə́ giɛ màn li. Sɛnɛ, ǹ yiri n boe ka ma dinmaa kɛ nɛ! Ma din Dɛnaa Lawa a da ǹ boo ne.

Ezekieli 23:35

«Bɛ lɛ na á toa masɛ Dɛnaa Lawa á kɛ pii: N yiri bɛ́ á bɔ ka masɛ nɛ, n bɛ́ ń ma tii, n din tá re n toɛ̃ ka n gɛsɛbaa laanka n kɔrɔbaa ǹ siin lɛn guĩ ni.»

Ozee 11:2

Bɛ ǹ tá ǹ bíi, maǹ woe sɔsɔɔ bɛa waáraa. Ǹ nə́ goã wúlu boe Baalin ganaa, ǹ nə́ da yon gìĩ kɔɔ̃n tiɛ̃ dìn ganaa.

Ozee 13:1

Efrayimu bɛ́ á goã boo diɛ, nyɛ́ɛ na á goã min tumaa ganaa, a giala nyɛɛnaandɛnaa gole ne Izirayeli gána nɛ. Á zɛ̀rɛ da a din-a a *Baali guguru kɔ a lɛa, bɛ lɛ nɛ á gã.

Ozee 13:6

N dɔ buu sɔ̃ ǹ bǎã-n lɔn gɔrɔ, n bòo nya. N bɛ́ n kã, n nə́ n din gole kɔ. Bɛ lɛ nɛ n yiri bɔ ka ma nɛ.

Ozee 2:5

Bɛ bie wa, man die sɔlɛɛ ma a tontoro da. Ma á re a tontoro diɛ ka a yɛ pinaa bɛ́ lɔn. A gána lɛ á re don biɛ, ma á re bɔyɛɛ ma baa ka bǎã gere bɛ lɔn, ma á re toɛ mu boro dɛ a gã.

Ozee 2:7

Ǹ dan lɛ na á kɔrɔbaa zɛnaa. Lɔ mɛn lɛ nə ǹ yɛ, bɛ na á sìi da ǹ sii zɛnaa. A giala, á goã á pɛ kɛnɛn: «Ma n die baa sii maa tɔntɔraan lɛn kio. Ǹsɛn mɛnɛn bɛ maa màn-bii laanka maa mi ǹ mu koe ma la, mɔnaa sonbore laanka gɛ̀sɛ sonbore ne, nyɔɔ laanka duvɛ̃ nɛ.»

Ozee 4:13

Maǹ nɛn bɛ̀ ǹ wúlun bɔbɔ kelen mìi ni, maǹ nɛn bɛ̀ ǹ nyɔɔ gìĩ kɔɔ̃n tã tentenen la, ka da luu kɛkɛn kɛn giulun ni, a giala ǹ wúlu n kɔɔ̃nɛ. Bɛ lɛ na á toa, kaa nɛlɔn tá kɔrɔbaa zɛnɛɛ, ka manaan tá naarɛbaa zɛnɛɛ.

Ozee 4:6

Maa minin lɛn man giɛ̃, ma doɛ̃baã taman yii. A giala, ka dinin nə́ n piã ka ma doɛ̃ nɛ, ma dɔ á re n piɛ̃ ka ka dɔn nɛ, ka a re maa wúlu-bɔlen biɛ doo wa. Ka yiri bɛ́ á bɔ ka kaa Lawa a dí-pɛn kɛn nɛ, masɛ dɔ yiri á die boe ka kaa nɛnyaanan kɛn nɛ.

Ozee 8:14

Izirayeli minin kɛn yiri bɔ ka ǹ zɛnaali ni, ǹ nə́ kion sonboren dɔdɔ. Zudaa minin kɛn, bɛn nə́ kungɔn dɔ, ǹ nə́ ǹ kiwi gigiã lɛnpɛnɛ nɛ. Sɛnɛ, ma á re tɛ diɛ ǹ kiwin lɛn ganaa, tɛ á re ǹ duru ǹ bǎã kakan kɛn kuĩ.

Ozee 9:7

Dɔlɔ bɔ lɛawaa dɔ, saraa lɛawaa dɔ. Izirayeli minin tá re bɛ doɛ̃. Lawa a boo gii-dali lɛ n gàãnaa lɛa, a yiri na á n si la, a giala, kaa sã lɛ la yii ni, kaa baraabaa lɛ dɔ la yii ni.

Amɔɔsi 8:10

Ma á die kaa zɔ́nɔn kɛn bɔyɛɛ, ma ǹ baa foo-ziziɛ̃ pinaa lɛa. Ma á die kaa loen kɛn tumaa bɔyɛɛ, ma ǹ baa gɛ̀ wuu lɛa. Min tumaa á die gɛ̀ koa ǹ mɔnaa we, min tumaa á die n mìi koɛ̃, ka nɛgiĩ goon toto na á gã. Sii mɛn bɛ́ re koɛ bɛ la kəni, bɛa re koe biɛ.

Timəə dí-pɛn 32:18

Lawa mɛn lɛ nə ǹ zɛnaa, á nə́ ǹ tamaɛ, maǹ nə́ n la bɔ bɛ lɛ-a. Lawa mɛn lɛ nə ǹ zɛnaa á ǹ kaa kanaa, ǹ yiri bɔ ka bɛ lɛ nɛ.

Timəə dí-pɛn 6:12

ka ka dinin kũ, ń giɛ ka yiri ná a boe ka Dɛnaa Lawa-n wa. A din na á ka waa á ka bɔ Ezipti gána a bɛ̀rɛbaa nɛ.

Sii yɔrɔ-bɔlen 10:6

Sii mɛn bɛ́ baraa Dɛnaa Lawa yii li, Izirayeli minin lɛn nə́ wusoo, ǹ ná a giala kɔ, ǹ nə́ bɛ zɛnaa. Ǹ nə́ dí nya dìn manɛ: Bɛn man ka *Baali laanka *Asitartee ne. Ǹ nə́ tɔrɔ kɔsɔn lawan guguru kɔ: Aramu minin wɔn manɛ, Sidɔn minin wɔn nɛ, Moabu tɔrɔn wɔn nɛ, Amɔn tɔrɔn wɔn nɛ ka Filisiti minin wɔn nɛ.

Sii yɔrɔ-bɔlen 3:7

Sii mɛn bɛ́ baraa Dɛnaa Lawa yii li, Izirayeli minin lɛn nə́ bɛ zɛnaa. Dɛnaa Lawa lɛ, ǹ Lawa lɛa, ǹ yiri bɔ ka bɛ nɛ, ǹ nə́ dí nya *Baalin manɛ, ka Aseeraan nɛ.

Samayeli1 12:9

Dɛnaa Lawa lɛ, kaa Lawa lɛa, ka yiri bɔ nɛ. Bɛ lɛ nɛ, á ka wɔ Asɔɔrɔn sɔraasin goledɛnaa Sizeraa gɔn, ka Filisiti minin laanka Moabu gána a kii ni, bɛn nə́ zia da ka ganaa.