Ozee 2:1 - LAWA A BOO SONBORE

¹ Ǹ kɔn pinaa, Izirayeli minin lɛn tá re mɔnɛɛ, ka yìsi mu lɛ-a ǹ nyɔɔsɔ̃ bɛ́ lɔn, min ná a boe la a zɔɔ̃ wa, min ná a boe la a nimi wa. Lawa pɛ ǹ nɛ bǎã mɛn nɛ "Ka bie maa zaman lɛa doo wa", á re wusii a pɛ ǹ nɛ walan "Lawa yiikoonaa a minin"!

LAWA A BOO SONBORE 2011

¹ Ǹ kɔn pinaa, Izirayeli minin lɛn tá re mɔnɛɛ, ka yìsi mu lɛ-a ǹ nyɔɔsɔ̃ bɛ́ lɔn, min ná a boe la a zɔɔ̃ wa, min ná a boe la a nimi wa. Lawa pɛ ǹ nɛ bǎã mɛn nɛ "Ka bie maa zaman lɛa doo wa", á re wusii a pɛ ǹ nɛ walan "Lawa yiikoonaa a minin"!

Ozee 2:1 Iomraidhean Croise

Siin Giala 22:17

ma á re barka we n ne, ma n tɔrɔn mɔnaa, ka lon a leeren laanka kɔ̀ mu lɛ-a ǹ nyɔɔsɔ̃ bɛ́ lɔn. N tɔrɔn tá re ǹ zɔ́ɔn giã ǹ bǎã sii ǹ la.

Zeremii 31:33

Dɛnaa Lawa n pii doo: – Ma bɛ́ re lɛ kɔ kɔn la mɛn we ka Izirayeli minin ni bɛa waáraa lɛ nɛ, á ke. Ma á re maa dí-pɛn kɛn we ǹ yiri ni, ma wɔ ǹ foo ne. Ma á re ǹ Lawa biɛ, ǹ dɔn tá re maa zaman biɛ.

Zeremii 32:38

Ǹ tá re wusii ǹ maa zaman baa, ma dɔ á re ǹ Lawa biɛ.

Zeremii 51:5

A giala, gána lɛ piɛ̃maa-n ka sii baraa nɛ Izirayeli a Lawa sonbore lɛ yɔrɔ-a. Sɛnɛ, Dɛnaa Lawa Pàãyiidɛnaa Izirayeli laanka Zudaa toa walan wa.

Ezekieli 11:20

Man die bɛ zɛnɛɛ màn mɛn bɛ́ toɛ, ka kɔ maa landa boon kɛn lɛ, ka maa sii yɔrɔ bɔ ǹ boon kɛn tamaa, kaa tɔ wɔ kɔn pɛ ǹ nɛ. Ka á re goɛ̃ maa zaman lɛa, ma dɔ á re goɛ̃ ka dɔn Lawa lɛa.

Ezekieli 36:11

Ma á re minbuiinin laanka tɔɔn mɔnɛɛ. Ǹ tá re mɔnɛɛ, ǹ nɛnyaanan yɛ. Ma á re toɛ zaman mɔnaa gána lɛ nɛ a la lɛlɛ wɔ nɛ. Ma á re bǐɛ̃ zɛnɛɛ ka nɛ a la lɛlɛ wɔ kɛ nɛ. Ka á re doɛ̃ ka bɛ-n kəni, mà ma din nə Dɛnaa Lawa lɛa.

Ezekieli 36:28

Ma gána mɛn kɔ ka digolon la, ka á re giɛ̃ bɛ lɛ nɛ. Ka á re maa zaman biɛ, ma dɔ á re ka dɔn Lawa biɛ.

Ezekieli 37:27

Ma á re goɛ̃ kun ka nɛ. Ma á re kaa Lawa biɛ, ka dɔn tá re maa zaman biɛ.

Ozee 2:2

Zudaa minin laanka Izirayeli minin ni, bɛn tá re wusii ǹ kaa kun. Ǹ tá re kiã goon toto boe, ǹ koa ǹ dinin mìi la, Gána lɛ á re kiɛɛrɛ koe ǹ ganaa. A giala, sii lɛ bɛ́ re n zɛnɛɛ Zizereyɛli ǹ mɛn pinaa, lɛawaa gole ne.

Ozee 2:23

Dɛnaa Lawa a da ǹ boo ne: Bɛa pinaa kɛ lɛ nɛ, ma á re n nyii, ma á re n nyii lon la, lon tá re n nyii tán la.

Zakarii 13:9

Ǹ talɛɛ goon mɛn lɛ yii bɛ́ re goɛ̃ koo, man die ǹ zoɛ̃ ka tɛ nɛ, ma ǹ yoreen kɔ ka ǹ bɛ́ wɔrɔ yoreen koe lɔn, man die ǹ yoe ka ǹ bɛ́ sana yoe lɔn. Bɛa biikoo li kəni, ǹ tá re ma bíi we, ma á re ǹ lɛ sii, ma pɛ ǹ nɛ "Ka n maa zaman lɛa", ǹ dɔn tá re pii: "Dɛnaa Lawa, n nə n wɔa Lawa lɛa".»

Korɛnti2 4:1

Lawa din na á bǐɛ̃ kɔ ma ganaa, á bɛa dí kɛ koa ma li. Bɛ lɛ n toɛ ma gù a basɛ̃ wa.

Timote1 1:13

Haalɛ ta má a tɔ ziziɛ̃ lɛlɛ, má fuu nyaa a minin manɛ, má kakaarɛ kɔ ǹ ganaa. Sɛnɛ, á makara bɔ ma ganaa, a giala, goleemali bɛ́ a goã ma lon wa, man má zɛnaa bɛ̀ ma yii á tɔn tì.

Piɛrɛ1 2:10

Ka goã Lawa a tɔrɔ minin lɛa lɛlɛ wa, sɛnɛ kanna, ka na a tɔrɔ minin lɛa; kasɛn mɛnɛn bɛ́, Lawa makara bɔ ka ganaa lɛlɛ wa, sɛnɛ kanna, á makara bɔ ka ganaa.