Ozee 14:3 - LAWA A BOO SONBORE

³ Ka boo yɔrɔ bɔ ka wusoo ka da Dɛnaa Lawa li, ka pɛ nɛ: Sii baraa tumaa papaã, n lɛ kɔ sii sonbore tumaa ganaa. Wɔ n wɔ lɛgɔ́ɔ̃ ǹ boo koe n la *wúlu màn lɛa, dii gɔ̀lɔ̀n bǎã nɛ.

LAWA A BOO SONBORE 2011

³ Ka boo yɔrɔ bɔ ka wusoo ka da Dɛnaa Lawa li, ka pɛ nɛ: Sii baraa tumaa papaã, n lɛ kɔ sii sonbore tumaa ganaa. Wɔ n wɔ lɛgɔ́ɔ̃ ǹ boo koe n la *wúlu màn lɛa, dii gɔ̀lɔ̀n bǎã nɛ.

Ozee 14:3 Iomraidhean Croise

KZS2 16:7

Bɛa waáraa, Lawa a boo gii-dali Anaanii daa Zudaan kii Azaa yaa á pɛ nɛ: «N bɛ n nə́ n foo doa Siiriin kii ganaa, n nə́ n nə n foo doa Dɛnaa Lawa, n Lawa ganaa wa, bɛ lɛ n die toɛ Siiriin kii a sɔraasin nə n si n la.

Loen 10:14

Sɛnɛ, Lawa, ǹ bɛ́ basaã mɛn koe minin manɛ, ǹ nə́ fuu nyɛɛ ǹ nɛ, n din bɛ tumaa yɛ. Ǹ sii tumaa saa n gɔn. Doobaa na a sii tumaa toɛ n din gɔn. N din nə n doe nɛ toen lɛ.

Loen 146:3

Ka baran n foo doa pàãdɛnan ganaa wa, minbuiin nɛn manɛ, ǹ ba boe la ǹ ka kirisibaa wa.

Loen 146:9

A din nə gùlin tamaɛ. A nə n doe nɛ toenən laanka giɔɔrɔn lɛ. Sɛnɛ, a toɛ min baraan sii bǐɛ̃ kɔ wa.

Loen 33:17

Bɛ̀ n tá li n gɔ̀lɔ̀ baa, bɛ̀ ń nə́ n foo doa sùi ganaa, kooro ne. A laanka a pàã kɛ lɛ tumaa nɛ, asɛ bie toɛ min la wa.

Loen 68:5

Ka loe lɔ Lawa nɛ, ka loe lɔ ka a tɔ bɔ nɛ. A din lɛ n tɔ we baran lalan, ka a tɔ bɔ. A tɔ mà Dɛnaa Lawa, ka toa ka foo kɔɔ̃n kɔ a yɔrɔ-a.

Izayii 1:29

Bɛa biikoo li kəni, dan kɛn kɔɔ̃n ka-a, ká goã wúlu boe ǹ ganaa, ka foo á re ziziɛ̃ bɛn taman yii. Dù gɔrɔn kɛn kaa wúlu bɔ ǹ bǎãn lɛa, sìi á re ka kuĩ bɛn taman yii.

Izayii 2:20

Bɛa pinaa kɛ nɛ, minin nə sana hinlaa wɔrɔ dì nyínin mɛnɛn zɛnaa ǹ nə́ n musin koa tán-a ǹ giulun, ǹ tá re bɛn zuĩ kɛ́nɛn laanka kion fònon giulun.

Izayii 27:9

Zakɔba tɔrɔn siɛ̃ bɛ́ re n toɛ ǹ nɛ lɔn, bɛ á ke, ǹ sii baraan toa manɛ bɛ́ re die ka sii mɛn nɛ, bɛ á ke: *Wúlu bɔ ǹ bǎã a kɔlɔn kɛn, maǹ die bɛn yɔyɔrɛ mɔnɔmɔnɔ. Wúlu bɔ ǹ bìbìn kɛn laanka ǹ da yon gìĩ kɔɔ̃n tã n mànan kɛn, bɛn kɔn ba re goɛ̃ lon doo wa.

Izayii 30:16

Ka ǹ pii: «Haayii, wɔ n die baa sii ka sùin ni.» Sonbore, ka á re baa sii. Ka n pii dɔn: «Wɔa sùin lɛn tá boe baa la.» Taãn nɛ. Min mɛnɛn bɛ́ ka kialan lui, bɛn dɔn yii á re fuu koe ǹ la ka nɛ.

Izayii 30:2

Ká zii saa ka n woe Ezipti, sɛnɛ, ka nɔ̀n da ma la wa. Ka ǹ zoɛ̃ li mà Eziptin kii *Faarahɔn ka tamaa. Ka ǹ giɛ mìi susu ǹ bǎã li a gána nɛ!

Izayii 31:1

Min mɛnɛn bɛ́ woe giɛ dɔmalɛ li Ezipti gána nɛ, bɛn wɔ n ka koe ne. Ǹ yiri nə ǹ sùin ganaa, ǹ foo n doa nɛ ǹ ziabaa ǹ wotoro damatan kɛn ganaa, ka ǹ sùi dabaa wolen ne a giala maǹ tá kaka. Sɛnɛ, ǹ nə n yɔrɔ bɔyaa ǹ nə́ dia Izirayeli a Lawa sonbore kɛ la wa, ǹ ba giɛ Dɛnaa Lawa li wa!

Izayii 31:3

Ezipti minin man minbuiin nɛn lɛa, ǹ bie Lawa lɛa wa. Ǹ sùin man tɔɔ kooron lɛa, ǹ bie màn kɔsɔn lɛa wa. Bɛ̀ Dɛnaa Lawa nə́ n gɔn saa ǹ li lɔn, min mɛn bɛ́ dɔmalɛ we, bɛ n mɛnɛɛ. Min mɛn bɛ́ nɔ̀n diɛ ka dɔmalɛ nɛ, bɛ n yalɛɛ. Ǹ dinin tumaa n giɛ̃ kun.

Izayii 36:8

«Haya kəni! Bǐɛ̃ kɔ n nə n lɛ kɔ maa dɛnaagiĩ Asiiriin kii lɛ la. Ma yɔrɔ boemaa nɛ ma á boe la ma sùi duu paa (2 000) kɔ n la, bɛ̀ n tá re ǹ dabaa a wolen yii, ǹ dii ǹ la.

Zeremii 49:11

Kaa nɛ toenen kɛn, ma á re ǹ toe, kaa lɔ giɔɔrɔn tá boe la ǹ nə n foo doa ma ganaa.»

Ezekieli 36:25

Ma á re mu sonbore kiɛ ka ganaa, bɛ ka *yoreen kɔ. Ma á re kaa gɔ̀ siin tumaa pii ma ǹ bɔ ka ganaa, ka kaa dì siin kɛn tumaa nɛ.

Ezekieli 37:23

Kaa dìn kɛn nɛ, kaa sii bɔbɔnɛɛn laanka kaa Lawa bɔlɔ tii siin kɛn nɛ, ka a re ka dinin gɔgɔrɛ koe ka bɛn nɛ doo wa. Ka goã bǎã mɛn tumaa nɛ, ka ń sii baraa lɛ zɛnɛɛ, ma á re ka wɛɛ, ma ka bɔ walan. Ma á re *gɔ̀ boe ka ganaa, ka á re maa zaman biɛ, ma dɔ á re kaa Lawa biɛ.

Ozee 12:1

Efrayimu ma lɛnpɛnɛ ka soɛ nɛ, Izirayeli a zaman ma lɛnpɛnɛ ka siɛ̃ nɛ. Sɛnɛ Zudaa a tɔn tɔ we kun ka Lawa nɛ, á pepere min sonboren bii.

Ozee 13:2

Kanna kəni, maǹ woe nyɛɛnɛ ka ǹ sii baraa zɛnaa nɛ. Ǹ nə́ ǹ wɔrɔ yo ǹ nə́ màn nyínin zɛnaa nɛ, manə ǹ dinin foo sii dì zɛnɛɛ, ǹ tumaa n gɔn dí-nyalin màn zɛnaan lɛa. Maǹ pii ǹ wɔ paǹ li: Wɔ doamaa nɛ wɔ wúlu mànan kɔ ǹ la! Minin man dii nɛn nyínin guguru koe!

Ozee 14:8

Min mɛnɛn nə goã giã nɛ a wúlu li, ǹ tá re wusii ǹ daa. Ǹ tá re wusii ǹ *belee kɔsɔ, ǹ tá re buũ koe ka *rezɛ̃ da bɛ́ lɔn, ǹ tá re a boo diɛ ka Liban a duvɛ̃ kɛ bɛ́ lɔn.

Ozee 2:17

Ma á re wusii ma a rezɛ̃ wuru kɛ kɔ la walan, Koe nyankɔrɔ ke a tɔ n Akɔɔrɔ, ma á re bɛ biɛ foo doa ǹ bǎã lɛa. Á re koe ma lɛ walan ka a nɛniɛmaa waáraa kɛ bɛ́ lɔn, ka a soo Ezipti gána-n biikoo kɛ bɛ́ lɔn.

Ozee 4:12

Maa zaman lɛ nə n gɔn koɛ gɔn dì kɛ la. A bàlà lɛ n siin yɔrɔ pii ni. Kɔrɔbaa ǹ taasiɛ nə ǹ yiri siɛ̃. Bɛ lɛ nɛ, ǹ nə́ n na, ǹ nə́ n bɔ ǹ Lawa ganaa maǹ lawa kooron kio.

Ozee 5:13

Efrayimu tɔrɔn kɛn nə́ ǹ dinin busu dɔ̃, Zudaa tɔrɔn dɔn nə́ ǹ busu dɔ̃. Bɛ lɛ nɛ, Efrayimu minin nə́ woo Asiirii, ǹ nə́ minin dia kii gole kɛ li. Sɛnɛ, bɛa boe la a kaa busu kɛ nya wa, a boe la a ka si kaa busu kɛ la wa.

Ozee 7:11

Efrayimu minin lɛn man ka zɛrɛkantoan bɛ́ lɔn, ǹ ba n sii bebelee la wa, a giala ǹ ba n taasɛ wa. Ǹ nə́ Ezipti minin bii wɔ maǹ da n dɔ ǹsɛn lɛ, ǹ nə́ woo Asiirii gána nɛ.

Ozee 8:6

Kaa diin nɛ nyín lɛ, a n boe Izirayeli gána nɛ, dí-dɔ̃li kɔ́n na á zɛnaa, A bie Lawa lɛa wa! Taãn nɛ, Samarii minin diin nɛ nyín lɛ á re pɔpɔsɛ.

Ozee 8:9

Efrayimu tɔrɔn kɛn man ka don dundunun bɛ́ lɔn, ǹ ba n mɔrɛ min-a wa. Maǹ nə́ woo Asiirii gána nɛ, ǹ nə́ ǹ lɛ pii màn mɛn bɛ́ toɛ ǹ giaárabaa yɛ.

Zonaasi 2:10

Sɛnɛ, masɛ n giɛ li ma wúlu mànan kɔ n la. Man lɛ kɔ ka siin mɛnɛn nɛ, ma bɛn zɛnaa ma ǹ lɛ pã, bɛ̀ má n loe loe barka diɛ n nɛ. Kirisibaa lɛ n boe Dɛnaa Lawa li.»

Zakarii 13:2

Dɛnaa Lawa Pàãyiidɛnaa a da ǹ boo á ke: – Bɛa waáraa, lawa kooron kɛn, ma á re bɛn boe ma ǹ bɔ gána lɛ nɛ, ǹ tɔ a re n pii doo wa. Yiri din ba re gisĩ ǹ ni doo wa. Man die Lawa a boo gii-dali soɛ-bɔlen kɛn dɔn lui ma ǹ bɔ gána lɛ nɛ, kɔnlɛ ka dì guguru kɔ ǹ taasiɛ nɛ.

Zaã a sɛ́wɔ 14:18

«Ma á die ka toɛ nɛ toenən lɛa wa, ma á wusii die ka li.

Timəə dí-pɛn 17:16

Sɛnɛ, kii lɛ a sùin doamaa bie ǹ goã gigiã wa. A doamaa dɔ bie a zaman lɛ lɛ goa a dia Ezipti, mà ǹ wo sùin pii ǹ da ǹ nɛ, màn mɛn bɛ́ toɛ, asɛ a sùin nə mɔnaa wa. A giala, Dɛnaa Lawa pɛ ka nɛ mà ka nyan toa ka n bɔyaa ka kɔ zii kɛ lɛ doo wa.