Ozee 14:2 - LAWA A BOO SONBORE

² Izirayeli, wusoo n da Dɛnaa Lawa, n Lawa li, a giala, n sii baraa lɛ na á toa n mɛnaa.

LAWA A BOO SONBORE 2011

² Izirayeli, wusoo n da Dɛnaa Lawa, n Lawa li, a giala, n sii baraa lɛ na á toa n mɛnaa.

Ozee 14:2 Iomraidhean Croise

Samayeli2 12:13

Bɛ kio, Davida pɛ Natan nɛ: «Má sii babaraa la Dɛnaa Lawa la.» Natan tɔ́n pɛ Davida nɛ: «A bɛ́ miɛ̃, Dɛnaa Lawa nə́ n sii baraa lɛ toa n nɛ. N ba re giɛ̃ wa.»

Samayeli2 24:10

Davida bɛ́ á zaman lɛ nimi miɛ̃, bɛ kio, a foo ná a din zɛ̀rɛ baa. Á tɔ́n pɛ Dɛnaa Lawa nɛ: «Ma sii mɛn zɛnaa, sii baraa gole gole ne. Kanna kəni, Dɛnaa Lawa, masɛ nə n nyankoe, bǐɛ̃ kɔ n kiɛ̃ maa sii baraa kɛ la, a giala, gàãnaabaa ǹ sii din taãn nə ka kɛ nɛ má zɛnaa.»

Zɔbu 7:21

N ba boe la n maa sii baraa toa ma-n wa? N ba boe la n kiɛ̃ maa sã la wa? A giala, kànaa ka boɛɛn nɛ, ma á re wɛɛ tán tii li. N tá re giɛ ma li, sɛnɛ ma a re goɛ̃ ma tan wa.»

Loen 119:108

Dɛnaa Lawa, maa barka da ǹ nyankɔ si, ma daraa, n sii yɔrɔ bɔ ǹ boon kɛn ganaa.

Loen 50:14

Barka da Lawa nɛ ǹ wúlu màn lɛa, n nə n lɛ kɔ lon a Lawa la ka màn mɛn nɛ, bɛ zɛnaa.

Loen 51:16

Ma sii mɛn la, a dɔlɔ n ka gɛ̀ nɛ. Maa Lawa, ma kirisibaali Lawa, n din ma si mà kaa la, ń giɛ ma tá n lɛ dii ka n peperebaa kɛ nɛ.

Loen 51:17

Dɛnaa, maa sìi toɛ̃ n bɔ ma-a, ń giɛ ma tá n lɛ buĩ ma n tɔ bɔ.

Izayii 44:22

Má n sãn kɛn tuturu ka labara bɛ́ lɔn. Má n sii baraan kɛn loo ka furuməə bɛ́ lɔn. Wusoo n da ma li, ma nə n si sii la wole lɛa.»

Izayii 6:7

Á bɛa tɛ nàn lɛ naa ma lɛ ganaa, á pɛ ma-n kɛnɛn: «A saa sisia ganaa, tɛ nàn kɛ mɛ n lɛ ganaa lɔn, n sãn nə́ n toa n nɛ, n sii baraan nə́ n tuturu.»

Zeremii 3:12

Wo n lɛ dɛ ka boon kɛn nɛ gɔsɛ a lɛ̀gɔn la: «Wusoo n daa Izirayeli bɔyaa wole! Dɛnaa Lawa a da ǹ boo ne. Ma a re n yɔrɔ baraa diɛ n la doo wa. A giala, maa makara-doɛ̃ á gole. Ma foo á re goɛ̃ yoo ne n li duduu wa. Ma din Dɛnaa Lawa a da ǹ boo ne.

Ozee 12:7

Nsɛ, n tá re wusii n da n Lawa li, toa makara doɛ̃ laanka peperebaa goã n li, n foo doa n Lawa ganaa biikoo tumaa li.

Ozee 5:5

Izirayeli tɔrɔn din gole kɔ kɛ lɛ n toɛ min nə ǹ dɔ̃. Izirayeli tɔrɔn laanka Efrayimu minin kɛn tá re kiɛ, ǹ sii kɔkɔrɔ zɛnaa taman yii. Zudaa minin kɛn dɔn dinin tá re talɛɛ kunun ǹ ni.

Ozee 6:6

Sii zɛnaa ka kɔn-narɛɛ nɛ, bɛ á kɔɔ̃n ma ganaa á la wúlu mànan kɛn manɛ. Ma dɔ̃ Lawa lɛa, bɛ á kɔɔ̃n ma ganaa á la *wúlu màn tiɛ̃n kɛn manɛ.

Zowɛli 2:17

Wúlu-bɔlen kɛn dí nyɛɛ Dɛnaa Lawa a kion, bɛn nə golee wɔ ǹ kiɛnlɛ kɛ laanka *wúlu bɔ ǹ bǎã kɛ bii, ǹ wuu pɛ, ǹ Lawa nyankɔ kɛnɛn: – E, Dɛnaa Lawa, makara bɔ ǹ zaman lɛ-a. N nyan toa sìi nə n din wɔn kɛn kũ wa, n nyan toa tɔrɔ kɔsɔn nə ǹ da yaa lɛa wa. «Ǹ Lawa lɛ á maa kəni?» N nyan toa tɔrɔ kɔsɔn nə bɛ pɛ wɔ-n ma.

Zonaasi 2:9

Min mɛnɛn bɛ́ n parɛɛ dì guguru kɔ ganaa, bɛn man Lawa a bǐɛ̃ kɛ a zii tiɛ̃ ǹ dinin ganaa.

Zakarii 3:4

Min mɛnɛn bɛ́ kun ka lon a dia dí-a wole lɛ nɛ, á pɛ ǹ nɛ mà ǹ na a mɔnaa gɔgɔrɛn lɛn sɔlɔ. Á tɔn pɛ Yesuwa nɛ: «Ga, má n siɛ̃n lɛn bɔ má ǹ bɔ n ganaa. Ǹ tá re zɔ́n mɔnaan we n ganaa.»

Matiə 7:11

Ka laanka kaa baraabaa kɛ din tumaa nɛ, ka tá kaa nɛnyaanan foo dùũ mànan doɛ̃, bɛ̀ ka kɔ ǹ la, sanparɛ ka ka Di Lawa nɛ, bɛ̀ min mɛnɛn nə́ màn sonbore nyankɔ la, á die koe ǹ la!

Luku 11:13

Ka laanka kaa baraabaa kɛ din tumaa nɛ, bɛ̀ kasɛn tá kaa nɛnyaanan foo dùũ mànan doɛ̃ ka n koe ǹ la, sanparɛ ka Díi Lawa nɛ, min mɛnɛn bɛ́ Yiri Fu nyankoe la, a n die koe bɛn la!»

Luku 18:13

Wusuru-sili lɛ sɛ na á goã golee ne tiãlɛa, a yii din ba we á n mìi siɛ lon wa. Sɛnɛ, a na á goã n foo bii dii, a nə́ n lala diɛ bɛ̀ á n pii: «Lawa, makara bɔ masɛ-a, masɛ n sii baraa-zɛnaali lɛa.»

Zaã a sɛ́wɔ 1:29

Bɛ lɛ a lɛawaa, ZAÃ Yezu yɛ die a li, á tɔ́n pɛ: – Ka ga, Lawa sère nɛ mɛn kɔ á ke. A din lɛ n kanaa minin sii baraa sawɛɛ á boe ǹ ganaa.

Rɔmu minin 11:27

Bɛ̀ má ǹ sii baraan nya ǹ mɛn waáraa, bɛ lɛ n die lɛ kɔ kɔn la biɛ masɛ laanka ǹsɛn bii ni.»

Timote2 1:9

Lawa din na á wɔ kirisibaa, á wɔ bíi á wɔ baa a din a minin lɛa. Wɔa zɛnaa ǹ siin lɛa bie wa; sɛnɛ, a na á wɔ bíi, a giala, mà a din foo sii ni. Haalɛ kanaa bɛ́ a tɔn nə n giala kɔ wa, a din na á bǐɛ̃ baa wɔ la ka Yezu Krita nɛ.

Tiitii 2:14

A na á n din kɔ wɔa lɛa, mà a wɔ si sii baraa tumaa la. A na á bɛ zɛnaa mà a wɔ baa zaman yoreen lɛa, wɔ na a dinsɔɔ̃ wɔn lɛa, wɔ goã din kɔ sii ganaa wolen lɛa, wɔ dí sonboren nya nɛ.

Ebrəə 10:4

A giala, dii gɔ̀lɔ̀n laanka butumu mà a boe la, a sii baraan nya duduu wa.

Ebrəə 13:15

Ka daa, Yezu din barka nɛ, wɔ Lawa guguru kɔ, bɛ goã wɔa wúlu mànan lɛa, bɛ giala, mà wɔ a tɔ bɔ ka wɔ lɛ nɛ.

Piɛrɛ1 2:5

Bɛ̀ ka á n mɔrɛ bɛa kɔlɔ kɛ ganaa, ka dɔn man die goɛ̃ ka kɔlɔ yiikoonaan bɛ́ lɔn. Ǹ bɛ́ kɔlɔn kiɛ kɔn mìi-n lɔn a kion baa, ka dɔn man die goɛ̃ kun miɛ̃, Yiri Fu ka baa Lawa a kion lɛa. Ka á re goɛ̃ Lawa a wúlu-bɔlen zaman lɛa, kɔɔ̃n Lawa ganaa.

Piɛrɛ1 2:9

Sɛnɛ, kasɛn man Lawa a tɔrɔ boe lɛa, tɔrɔ mɛn bɛ́ Kii Lawa a wúlu-bɔlen lɛa. Kasɛn man tɔrɔ lɛa, Lawa koa a gɔrɔn a din wɔ lɛa, tɔrɔ mɛn a minin bɛ́ Lawa wɔn lɛa. A na á ka bíi á ka bɔ wɔlɔ tì li, á daa ka nɛ a din a wɔlɔ fúlu sonbore kɛ li, mà ka a din a sii sonboren kɛn laakalaa.

Zaã1 1:7

Sɛnɛ, bɛ̀ wɔ á tɔ we wɔlɔ fúlu li, ka Lawa din bɛ́ wɔlɔ fúlu li lɔn, wɔ á re kaa-kun sonbore yii ka wɔ miãn nɛ. A Nɛgiĩ Yezu mà kɛ n wɔ *yoreen koe, a wɔ bɔ wɔa sii baraa tumaa nɛ.

Zaã1 3:5

Sɛnɛ, ka á doɛ̃, mà Krita na á daa minbuiinin sii baraan bɔ ǹ ganaa, sii baraa kɔ́n ná a ba a din li wa.