Ozee 13:2 - LAWA A BOO SONBORE

² Kanna kəni, maǹ woe nyɛɛnɛ ka ǹ sii baraa zɛnaa nɛ. Ǹ nə́ ǹ wɔrɔ yo ǹ nə́ màn nyínin zɛnaa nɛ, manə ǹ dinin foo sii dì zɛnɛɛ, ǹ tumaa n gɔn dí-nyalin màn zɛnaan lɛa. Maǹ pii ǹ wɔ paǹ li: Wɔ doamaa nɛ wɔ wúlu mànan kɔ ǹ la! Minin man dii nɛn nyínin guguru koe!

LAWA A BOO SONBORE 2011

² Kanna kəni, maǹ woe nyɛɛnɛ ka ǹ sii baraa zɛnaa nɛ. Ǹ nə́ ǹ wɔrɔ yo ǹ nə́ màn nyínin zɛnaa nɛ, manə ǹ dinin foo sii dì zɛnɛɛ, ǹ tumaa n gɔn dí-nyalin màn zɛnaan lɛa. Maǹ pii ǹ wɔ paǹ li: Wɔ doamaa nɛ wɔ wúlu mànan kɔ ǹ la! Minin man dii nɛn nyínin guguru koe!

Ozee 13:2 Iomraidhean Croise

Kiin1 19:18

Sɛnɛ man die min duu sɔbaa (7 000) yii toɛ koo Izirayeli gána nɛ, ǹ mɛnɛn lɛn tumaa á ke, ǹ lɛ kɔ, ǹ nə́ ǹ musin kuruməə tán Baali yɔrɔ-a, ǹ ná a guguru kɔ wa.»

KZS2 28:13

Ǹ nə́ pɛ ǹ nɛ: «Ka baran da ka kòso nɛn kɛn nɛ kànaa wa. Ka n die wɔ biɛ zɛ̀rɛ gole dɛnan lɛa Dɛnaa Lawa yɔrɔ-a. Ka ǹ li mà ka màn da wɔa sii baraan laanka wɔa sãn li? A da yaa dɔn, wɔ zɛ̀rɛ nɛ, Dɛnaa Lawa foo n yoo wɔ li parasii ni wɔsɛn Izirayeli minin.»

KZS2 33:23

Sɛnɛ, a n din boɛɛn kɔ Dɛnaa Lawa yɔrɔ-a ka ǹ di bɛ́ á zɛnaa lɔn wa. Asɛ din wusoo doo á sii baraa zɛnaa á la ǹ di Manaasee ne.

Loen 2:12

Ka a nɛgiĩ lɛ guguru kɔ. Bɛ bie wa, bɛ̀ a foo yoo, ka laan bɛ̀ ka dɔ̃, bɛ̀ bɔ̀n ka yɛ. A giala, a foo á re yui fufuu. Min mɛnɛn bɛ́ kiɛ Dɛnaa yele, bɛn foo á re kɔɔ̃n koe.

Izayii 1:5

N mìi tumaa n busulɛ lɛa, n foo tumaa zɔzɔɔ. Man die boe la ma n dɛ n paǹ mɛn kɔsɔ-a doo nsɛ mɛn bɛ́ tɔn nə n gòãn dii gɔ́ɔ̃ nɛ?

Izayii 30:1

Dɛnaa Lawa a da ǹ boo á ke: Nɛnyaan piã wolen lɛn, kaa wɔ n ka koe ne. Ka ǹ siin lɛ boe, ǹ nə́ ǹ ba boe masɛ li wa. Ka ǹ lɛ kɔ we, masɛ bɛ́ ma ba ǹ mɛn li wa. Ka ǹ sii baraan kiɛ kɔn la.

Izayii 44:11

Á ke, min mɛnɛn bɛ́ n parɛɛ bɛ ganaa, bɛn wɔ n ka sìi ni. Ǹ zɛnaa wolen man minbuiin nɛn lɛa! Ǹ tumaa nə n sɔkɔn, ǹ daa, nyɛ́ɛ nə ǹ kuĩ, sìi nə n kɔ ǹ lɛ!

Izayii 45:20

Kasɛn mɛnɛn yii goã koo tɔrɔn bii, ka n sɔkɔn ka daa, ka n zɔ̃ ka dɔ. Min mɛnɛn bɛ́ dì nyín guĩ ǹ gɔn, gɔn sɛlɛɛ lɛa, ǹ nə́ ǹ guguru koe, dìn mɛnɛn bɛ́ ǹ ba boe la ǹ tá ǹ kirisibiɛ wa, bɛn man yiriwɛɛnaan lɛa.

Izayii 46:6

Min tɛnɛn man sana gigiã wɛɛ ǹ lon, maǹ wɔrɔ zoɛ̃ kilo la. Maǹ pii sana-yoli ni, mà a dì zɛnaa a kɔ ǹsɛn la. Bɛ kio, maǹ kiɛ tán dì lɛ yɔrɔ-a, ǹ na a guguru kɔ.

Izayii 46:8

Ka n yiri kɔ bɛ li, ka n foo taã. Ka n bɔyaa ka daa, bɔlɔpaa-pɛlin lɛn.

Zeremii 10:4

Maǹ a nyaǹ koe sana hinlaa wɔrɔ nɛ. Maǹ dere ka kiɛn nɛ, màn mɛn bɛ́ toɛ a golee lon.

Zeremii 10:8

Bɛa minin lɛn tumaa n baãnaan lɛa, yiriwɛɛnaan lɛa, Ǹ dìn lɛn ba boe la ǹ ta ǹ darɛɛ sii kɔn ganaa wa. Maǹ gɔn lɛa.

Zeremii 8:5

Wàa na á baa Zeruzalɛmu zaman nə n lɛ goa zii kɛ ganaa, ǹ nə́ tɔn woe nyɛɛnɛ n piɛ̃ ka masɛ nɛ? Maǹ doa-n màn kooron ganaa, manə n piɛ̃ ǹ ba wusii die ma li wa.

Ozee 10:1

Izirayeli minin lɛn man nə́ goã ka *rezɛ̃ da bɛ́ lɔn, á n gùrùn nyɔmaa, á goã nɛ gigiã koe. A bɛ́ á goã nɛ gigiã koe lɔn, ǹ dɔn man nə́ goã wúlu bɔ ǹ bǎã gigiã doe miɛ̃. Ǹ gána goã siĩn lɔn, ǹ dɔn man nə́ goã ǹ tíĩn nyaǹ koe miɛ̃.

Ozee 10:5

Nyɛ́ɛ n Samarii minin kɛn ganaa ka ǹ diin nɛ nyín kɛa sii ni, Bɛti-Avɛn kiwi. Zaman lɛ n wuu pii dì lɛ taman yii. Min mɛnɛn bɛ́ n dinin biɛ a wúlu-bɔlen lɛa, bɛ́n man bìn diɛ a nyɛɛnɛ. A giala a siĩnbaa lɛ woo sɔsɔɔ ǹ ganaa.

Ozee 11:2

Bɛ ǹ tá ǹ bíi, maǹ woe sɔsɔɔ bɛa waáraa. Ǹ nə́ goã wúlu boe Baalin ganaa, ǹ nə́ da yon gìĩ kɔɔ̃n tiɛ̃ dìn ganaa.

Ozee 11:6

Zia a die wɛ̃ ǹ kiwin ni, á re a kiwin lɛn tamaa ǹ mànan tumaa ziziɛ̃, zia á re ǹ bii ǹ sii wɔ kɔn-a kɛ taman yii.

Ozee 14:3

Ka boo yɔrɔ bɔ ka wusoo ka da Dɛnaa Lawa li, ka pɛ nɛ: Sii baraa tumaa papaã, n lɛ kɔ sii sonbore tumaa ganaa. Wɔ n wɔ lɛgɔ́ɔ̃ ǹ boo koe n la *wúlu màn lɛa, dii gɔ̀lɔ̀n bǎã nɛ.

Ozee 2:8

Bɛ lɛ n ke, masɛ Lawa á re nyan we a bɔ ǹ zii lɛ, ma á re kungɔn doe ma a nyɛɛnaan tã nɛ, a re a zii lɛ yii a kɔ lɛ doo wa.

Ozee 4:17

Efrayimu tɔrɔn kɛn nə́ n paraa dìn ganaa. Ka ǹ toa walan!

Ozee 8:4

Ǹ nə́ kiin koa, ma ba a siére-a wa, ǹ nə́ goledɛnan bɔ, má n ma zii kɔ ǹ la wa. Ǹ nə́ ǹ wɔrɔ laanka ǹ sana goa, ǹ nə́ dìn zɛnaa nɛ. Ǹ dinin papaã ǹ wɔ lɛ dɔ n ka bɛ nɛ.

Ozee 8:5

Samarii minin lɛn, kaa diin nɛ nyín kɛ lɛ, ma ba li wa. Bɛ lɛ na á toa ma foo yoo ka li. Yǎa biĩ kəni, ka tɔn goɛ̃ zɛrɛbaãdɛnan lɛa?

Ozee 8:6

Kaa diin nɛ nyín lɛ, a n boe Izirayeli gána nɛ, dí-dɔ̃li kɔ́n na á zɛnaa, A bie Lawa lɛa wa! Taãn nɛ, Samarii minin diin nɛ nyín lɛ á re pɔpɔsɛ.

Minin nimi 32:14

Á ke, ka dɔn man ka yoo tán ka digolon lɛn bǎã nɛ, sii baraa-zɛnaali tɔrɔn lɛa, ka n màn diɛ Dɛnaa Lawa a foo-yoo li, Izirayeli minin wɔ paǹ li.

Rɔmu minin 11:4

Sɛnɛ, Lawa na á pɛ nɛ mà wàa? Mà asɛ min duu sɔbaa (7 000) bɔ, á ǹ koa a wɔn lɛa, ǹ kɔ́n ná a tɔn nə n musin kuruməə tán *Baali dì kɛ yɔrɔ-a wa.

Rɔmu minin 2:5

N too á kaka koe! N nə́ n piã ka Lawa a bǐɛ̃baa kɛ nɛ. Bɛ lɛ taman yii, n doamaa bɛ-n ka dɔlɔ mɛn nɛ, n ná a yɔrɔ boe koɛ n din ni, Lawa a kiri-kurii pinaa, bɛ á re gole koe doo a la yii ni. Bɛa pinaa kɛ nɛ, Lawa á re a kiri kɛ a peperebaa nyɛɛ min tumaa yɔrɔ-a, ka foo-busii gole ne.

Timote2 3:13

Min babaraan kɛn laanka minin yiri-sãlin kɛn, màn tá re miɛ bɛn baraabaa li. Ǹ tá re min kɔsɔn siɛ̃, ǹ dininmaan dɔn siɛ̃maa nɛ.

Samayeli1 10:1

Samayeli nyɔɔ màn saa, á nyɔɔ kaa Sayulu mìi ni. Bɛ kio, á n sɔɔ Sayulu ni, á pɛ nɛ: – Dɛnaa Lawa na á n bɔ, á n koa kii lɛa n din a zaman Izirayeli minin lɛn mìi la.