Ozee 12:3 - LAWA A BOO SONBORE

³ Dɛnaa Lawa n kiri we ka Zudaa minin ni, á re yui Zakɔba a zaman gialaa, ǹ giã ǹ gɔǹ baraa lɛ taman yii. Ǹ sii baraa mɛn lɛ zɛnaa á re bɛ lɛ a dɔlɔ diɛ a mìi ni.

LAWA A BOO SONBORE 2011

³ Dɛnaa Lawa n kiri we ka Zudaa minin ni, á re yui Zakɔba a zaman gialaa, ǹ giã ǹ gɔǹ baraa lɛ taman yii. Ǹ sii baraa mɛn lɛ zɛnaa á re bɛ lɛ a dɔlɔ diɛ a mìi ni.

Ozee 12:3 Iomraidhean Croise

Siin Giala 25:26

Bɛ kio, ǹ miã lɛ soo, a gɔn nə́ paraa-n Ezawu gòãtoro ganaa. Ǹ nə́ bíi Zakɔba (bɛ giala mà "Gòãtoro"). Ǹ bɛ́ yii ǹ mɛn waáraa, bɛ̀ Izaaki lɛ̀ pɔsɔrɔ nɛ.

Kiin2 17:18

Dɛnaa Lawa foo tɔ́n yoo Izirayeli minin lɛn li taãn-taãnɛ, á ǹ zɔ̃ á ǹ bɔ a din ganaa ka sɔɔsɔɔ. A na á n zɔ̃ á goã Zudaa tɔrɔn dininsɔɔ̃nɔn manɛ.

Kiin2 17:20

Dɛnaa Lawa Izirayeli tɔrɔn lɛn tumaa tii. Á sìi da ǹ ganaa, á ǹ wɔ basaã-kɔlen gɔn, á tɔ́n nɔmaa á ǹ loo, á ǹ bɔ a yɔrɔ-a ka sɔɔsɔɔ.

Kiin2 17:23

yǎa Dɛnaa Lawa nə́ ǹ zɔ̃ á ǹ bɔ a yɔrɔ-a ka sɔɔsɔɔ, ka a goã á ná a dí-nyalin, a boo gii-dalin lɛn tumaa kaa a boo diɛ ganaa lɔn. Ǹ nə́ Izirayeli minin lɛn goa ǹ nə́ woo ǹ ne ka sɔɔsɔɔ ǹ gána ganaa, Asiirii gána nɛ. Haalɛ pelo, ǹ tá tɔn walan.

Zeremii 2:9

Bɛ lɛ nɛ, ma á re zɛ̀rɛ diɛ ka la doo. Man zɛ̀rɛ diɛ kaa nɔ̀ɔnɔn dɔn dinin la. Ma din Dɛnaa Lawa a da ǹ boo ne.

Ezekieli 7:3

Sisia kəni, kaa wɔ nya. Man die die ka gialaa ka ma foo ne, ma kiri kuru ka la a kɔnpɛ ka kaa zɛnaa ǹ siin ni, ma kaa sii bɔbɔnɛɛn kɛn tumaa a dɔlɔ da ka mìi ni.

Ezekieli 7:8

Sisia kəni, golee ba a-n doo wa. Man die die ka gialaa ka ma foo ne, yǎa man foo nyɛɛ ka la. Ma á re kiri kuri ka la a kɔnpɛ ka kaa zɛnaa ǹ sii ni, ma kaa sii bɔbɔnɛɛn kɛn tumaa a dɔlɔ da ka mìi ni.

Ozee 4:1

Dɛnaa Lawa n kiri we gána lɛ a minin ganaa. Izirayeli minin lɛn ka n too kɔ a da ǹ boo li: sonbore-pɛ ba gána lɛ-n wa, kɔn-narɛɛ ba a-n wa, Lawa-doɛ̃ ba a-n wa.

Ozee 4:9

Dɔlɔ mɛn bɛ́ re zaman lɛ yii, a din lɛ n die wúlu-bɔlen dɔn yii. Ma á re didie a zɛnaa ǹ siin kɛn dɔlɔ boe a ganaa, a sii mɛn zɛnaa, ma á re a dòo sarɛɛ la.

Amɔɔsi 2:4

Dɛnaa Lawa na á pɛ kɛnɛn: Zudaa minin kɛn nə́ sii baraa gigiã zɛnaa. Ǹ sii mɛn zɛnaa, á kiɛ̃ a bǎã la. A giala ǹ nə́ Dɛnaa Lawa a dí-pɛn kɛn tii, ǹ na a landa boon kɛn tamaa wa. A giala, ǹ nə́ n saa soɛ siin li, ǹ digolon nə kɔ soɛ siin mɛnɛn lɛ, bɛ lɛ na á toa ǹ nə́ papaã. Bɛ lɛ n ke, ma á ǹ zɛ̀rɛ biɛ, ma a re wusii maa da ǹ boo dɔ kio wa.

Misee 6:2

Kelen lɛn, ka n too kɔ Dɛnaa Lawa a foo busu ǹ boo li, kasɛn dɔn, tán giala wɔ ǹ bǎã kakan kɛn, ka n too kɔ. A giala, Dɛnaa Lawa na a foo busu ǹ boo diɛ a zaman nɛ, a laanka Izirayeli minin lɛn man kɔn.

Rɔmu minin 9:11

Lawa na á goã giɛ li a sii lɛ zɛnaa foaã nɛ, a nyaa mà asɛ a minin bɔ lɛ n boe a din dùũ li. Bɛ lɛ nɛ á pɛ Rebeka nɛ: «Goledɛnaa lɛ á die dí nyɛɛ kiɛɛrɛdɛnaa lɛ nɛ.» A na á bɛ pɛ, bɛ̀ nɛnyaanan lɛn dinin nə tɔn yɛ wa, bɛ̀ sii bǐɛ̃ zɛnaa hinlaa sii baraa zɛnaa wɔlɔ á lui ni ǹ ganaa. Lawa a min bɔ kɛ bie á n zɛnaa kànaa, á kɔnpɛ min a nya ǹ dí a siĩnbaa hinlaa a baraabaa-n wa. A na á n zɛnaa á kɔnpɛ a din dùũ kɛ dinsɔɔ̃ nɛ.