Ozee 12:11 - LAWA A BOO SONBORE

¹¹ Má boo da maa boo gii-dalin manɛ, má sii-yɛn mɔnaa, maa boo gii-dalin barka nɛ má boo da ka nɛ ka giməə ne.

LAWA A BOO SONBORE 2011

¹¹ Má boo da maa boo gii-dalin manɛ, má sii-yɛn mɔnaa, maa boo gii-dalin barka nɛ má boo da ka nɛ ka giməə ne.

Ozee 12:11 Iomraidhean Croise

Kiin1 17:1

Tisibii min, Yilii mɛn nə́ ke Galaati gána min goon lɛa, bɛ pɛ Akaabu ni: «Dɛnaa Lawa Yiikoonaa tɔ nɛ, Izirayeli a Lawa lɛ, ma bɛ́ dí nyɛɛ ǹ mɛn lɛn nɛ, lɛ̀n kɛn die giɛ̃, la ba re kiɛ wa, pele dɔ a die koe wa, bɛ̀ ma bie ma boo da wa.»

Kiin2 17:13

Dɛnaa Lawa goã á n gɔn waa Izirayeli gána laanka Zudaa gána nɛ. A na á goã a ná a boo gii-dalin tumaa laanka sii-nyaalin tumaa kaa bɛa gɔn waa ǹ boo lɛ a diɛ ganaa kɛnɛn: «Ka wusoo kaa tɔ wɔ ǹ gɔn babaraan kɛn kio, ka masɛ a gɔn waa ǹ boon laanka maa landa boon kɛn tamaa a kɔnpɛ ka dí-pɛn sɛ́wɔ kɛa boo tumaa nɛ. Man má bɛa dí-pɛn boon lɛn kiɛ̃, má ǹ kɔ ka digolon la. Maa dí-nyalin kɛn maa boo gii diɛ, man má kɔ bɛn la, máa ǹ pɛ ka dɔn manɛ.»

Zeremii 10:15

Ǹ ba màn kɔn lɛa wa. Maǹ yaa dinsɔɔ̃ diɛ. Ǹ dɔlɔ pinaa, ǹ tumaa á re papaɛ̃.

Zeremii 10:8

Bɛa minin lɛn tumaa n baãnaan lɛa, yiriwɛɛnaan lɛa, Ǹ dìn lɛn ba boe la ǹ ta ǹ darɛɛ sii kɔn ganaa wa. Maǹ gɔn lɛa.

Zeremii 2:20

Dɛnaa Lawa pɛ: Izirayeli, haalɛ bibi n nə́ n wìi li ǹ zǔu kɛ yiɛ, n nə́ n gɔn ganaa ǹ biɛn kɛn nana. Ń goã ń pɛ: «Ma ba li ma bɛ̀rɛbaa doo wa.» Sɛnɛ, kele tumaa mìi ni, da luu tì tumaa giulun, n nə́ n goã wɛɛ tán ka lɔ kɔrɔ bɛ́ lɔn.

Zeremii 2:28

Ka dìn mɛnɛn zɛnaa ka dinin wɔ lɛa, bɛn tá maa? Bɛ̀ koe ka yɛ, bɛ̀ ǹ tá boe la, ǹ da ka kirisibaa! Kaa kiwin bɛ́ mɔnaa-n lɔn, kaa dìn dɔn man mɔnaa-n miɛ̃!

Ezekieli 17:2

«Minbuiin a nɛ, boo tì da Izirayeli tɔrɔn lɛn manɛ, giməə da ǹ nɛ.

Ozee 10:1

Izirayeli minin lɛn man nə́ goã ka *rezɛ̃ da bɛ́ lɔn, á n gùrùn nyɔmaa, á goã nɛ gigiã koe. A bɛ́ á goã nɛ gigiã koe lɔn, ǹ dɔn man nə́ goã wúlu bɔ ǹ bǎã gigiã doe miɛ̃. Ǹ gána goã siĩn lɔn, ǹ dɔn man nə́ goã ǹ tíĩn nyaǹ koe miɛ̃.

Ozee 10:2

Sonbore a boe minin kɛn gɔ́ɔ̃-n wa. Sisia kəni, a dɔlɔ á re n boe ǹ ganaa. Dɛnaa Lawa dinmaa n die ǹ wúlu bɔ ǹ bǎãn kɛn wurii. A din nə die ǹ tíĩn kɛn yuyui.

Ozee 4:15

Izirayeli minin lɛn, bɛ̀ ka á kaa kɔrɔbaa lɛ zɛnɛɛ, ka zɛnaa! Sɛnɛ kasɛn Zudaa minin lɛn, ka baran n saa ǹ li wa! Ka nyan wo *wúlu bɔ ǹ bǎã kɛ nɛ Gilgaali wa, ka nyan wo Bɛti-Avɛn wa, sii baraa zɛnaa ǹ kion ke. Ka nyan nə n liɛ ka ka Dɛnaa Lawa Yiikoonaa tɔ-n wa!

Ozee 6:8

Galaati kiwi n min baraan kiwi lɛa, ǹ basa tumaa n mà lɛa kiwi lɛ nɛ.

Ozee 8:11

Efrayimu minin man nə́ *wúlu bɔ ǹ bǎã gigiã dɔ, ǹ sii baraa sawaa ǹ bǎã lɛa. Sɛnɛ, bɛa wúlu bɔ ǹ bǎãn lɛn dinin man nə́ ǹ kaa sii baraa zɛnaa ganaa.

Ozee 9:15

Ǹ baraabaa lɛ tumaa na á soo kanaa Gilgaali, walan lɛ nɛ, má ǹ baa zɔ́ɔ. Ǹ nya ǹ dí babaraan lɛn taman yii, ma á re ǹ lui ma ǹ bɔ maa kion. Ma a re ǹ narɛ doo wa, ǹ goledɛnan lɛn tumaa n piã-wɔlen lɛa.

Amɔɔsi 4:4

Amɔɔsi pɛ: Ka da Betɛli ka piã ǹ siin lɛn zɛnaa, ka da Gilgaali ka màn da kaa piã ǹ siin lɛn li. Bɛ̀ lɛ̀ waa lɔn, ka kaa wúlun lɛn bɔbɔ, a lɛawaa sɔɔbaa ǹ wɔ, ka Lawa wɔ gii bɔ.

Amɔɔsi 5:5

Sɛnɛ, ka nyan ga ma li Betɛli wa, ka nyan wo ma guguru kɔ Gilgaali wa, ka nyan nə n gòã da Bɛɛr-Sebaa dɔn wa. A giala, ǹ tá re Gilgaali minin tumaa goɛ ǹ wo ǹ ne bǎã kɔsɔ nɛ. Lawa a kion ke, a tɔ n Betɛli, bɛ á re kion kooro biɛ.

Zonaasi 2:8

Maa fɔfoã bɛ́ re nyɛɛ, ma yiri gisĩ ka n din ni Dɛnaa Lawa, maa nyankɔ dɔ n din li n kion sonbore kɛ nɛ.

Minin nimi 12:6

Dɛnaa Lawa nə́ n toa ǹ ganaa: – Ka n too kɔ masɛ a boo ganaa kəni: «Bɛ̀ Lawa a boo gii-dali mɛn tá ka bii, sii-nyaa gòã wuu li ni, masɛ Dɛnaa Lawa n toɛ, bɛ n masɛ doɛ̃. Narɛɛ dɔ gɔ́ɔ̃ nɛ, masɛ n boo diɛ nɛ.