Ozee 11:8 - LAWA A BOO SONBORE

⁸ Man siɛ lɔn man la bɔ n ganaa Efrayimu, ma n wɔ minin gɔn Izirayeli? Man siɛ lɔn ma n baa ka Admaa bɛ́ lɔn, ma n baa ka Seboyimu á ke lɔn? Ma yiri nə n lɔlɔkɔn, n makara bɔ ma-a.

LAWA A BOO SONBORE 2011

⁸ Man siɛ lɔn man la bɔ n ganaa Efrayimu, ma n wɔ minin gɔn Izirayeli? Man siɛ lɔn ma n baa ka Admaa bɛ́ lɔn, ma n baa ka Seboyimu á ke lɔn? Ma yiri nə n lɔlɔkɔn, n makara bɔ ma-a.

Ozee 11:8 Iomraidhean Croise

Siin Giala 14:8

Bɛa biikoo li Sodɔmu kiwi a kii ni, Gomɔɔrɔ kiwi wɔ nɛ, Admaa kiwi wɔ nɛ, Seboyimu kiwi wɔ nɛ, Belaa mɛn bɛ́ ǹ nə́ bíi Sowara, ka bɛa kiwi a kii ni, ǹ tumaa soo ka ǹ zia nɛn nɛ nyankɔrɔ basa lɛ-n Sidimu.

Samayeli2 24:16

Lon a dia dí-a wole nə́ n gɔn saa á dia Zeruzalɛmu la, mà a n die basaã koe ne. Dɛnaa Lawa bɛ́ a ba li doo a bɛa basaã lɛ kɔ a wo-n nyɛɛn wa, á tɔ́n pɛ lon a dia dí-a wole lɛ nɛ basaã koe zaman lɛ bii: «Kɛ á boe! Kanna kəni, wusoo ka n gɔn nɛ.» Bɛa biikoo li bɛ̀ Dɛnaa Lawa a dia dí-a wole lɛ n golee ne kunu Zebuzun giĩ Arabunaa kɛa *belee duwəə ǹ bǎã kɛ li.

Kiin1 3:26

Lɔ lɛ mɛn a nɛ bɛ́ n ka nɛ yiikoonaa lɛ nɛ, a nɛ lɛ a sii ná a gɔ́ɔ̃ wɔ̃ parsiini, á pɛ kii lɛ-n kɛnɛn: «Bǐɛ̃ kɔ, maa dɛnaagiĩ! Nɛ yiikoonaa lɛ kɔ ma miã lɛ la, ǹ baran dɛ wa!» Sɛnɛ, lɔ goon kɛ lɛ sɛ na á goã pii: «Nɛ yiikoonaa lɛ ba re masɛ wɔ biɛ wa, a ba re ma miã lɛ dɔ wɔ biɛ wa! Ka na kɔn paa!»

Kiin2 13:23

Sɛnɛ Dɛnaa Lawa bǐɛ̃ kɔ Izirayeli minin lɛn ganaa, a ná a makara doɛ̃ nyaa ǹ nɛ, á n bɔyaa á n yɔrɔ bǐɛ̃ da ǹ la, a lɛ kɔ kɔn la kɛ taman yii, ǹ mɛn bɛ́ a bii ni ka Abrahamu ni, ka Izaaki laanka Zakɔba nɛ. Dɛnaa Lawa lɛ kɔ, á ǹ bɔ̀n baa wa, haalɛ tɔn pelo, Dɛnaa Lawa tɔn nə ǹ wɔlɔ lui a din-a wa.

KZS2 36:15

Dɛnaa Lawa, ǹ digolon Lawa á nɛn bɛ̀ a na a dia dí-a wolen dia ǹ la biikoo tɛn li. Taãn nɛ, Lawa a kion lɛ laanka a zaman lɛ makara n boe Dɛnaa Lawa ganaa.

Loen 106:45

Á n yiri koa a din a lɛ kɔ kɔn la kɛ lɛ nɛ, á doa kɔn-a ǹ nɛ. A kɔn-narɛɛ gole gole kɛ taman yii, á wusoo a busii lɛ kio.

Izayii 16:11

Bɛ lɛ taman yii, ma foo á ziziɛ̃ nɛ Moabu a paǹ li. Maa ginii n ka tùtu wuu bɛ́ lɔn. Man gini Kiiri-Herɛsi la.

Izayii 63:15

Dɛnaa Lawa, n toa lon n giã ǹ bǎã sonbore siĩn-siĩn kɛ nɛ, n ga sii kɛ ganaa die wɔ gialaa. N kɔn-narɛɛ gole ke wɔa paǹ li, bɛ á maa kəni? N pàã gole kɛ á maa? Wɔ yii ba n makara doɛ̃ laanka n bǐɛ̃baa kɛ ganaa wɔa paǹ li doo wa.

Zeremii 18:8

Sɛnɛ, ma boo da sii baraan mɛnɛn paǹ li, bɛ̀ zaman lɛ bɛn kaa, ma goã má dɔlɔ mɛn boo da, ma dɔ á re bɛ toɛ walan.

Zeremii 3:12

Wo n lɛ dɛ ka boon kɛn nɛ gɔsɛ a lɛ̀gɔn la: «Wusoo n daa Izirayeli bɔyaa wole! Dɛnaa Lawa a da ǹ boo ne. Ma a re n yɔrɔ baraa diɛ n la doo wa. A giala, maa makara-doɛ̃ á gole. Ma foo á re goɛ̃ yoo ne n li duduu wa. Ma din Dɛnaa Lawa a da ǹ boo ne.

Zeremii 31:20

Efrayimu n maa nɛgiĩ lɛa, ma n narɛ taãn-taãnɛ. Ma á narɛ á la yii ni. Bɛ lɛ nɛ, biikoo tumaa li, bɛ̀ máa boo diɛ a ganaa, maa taasiɛ n doa nɛ a ganaa. A sii n ma foo-n parsiini. Sonbore a makara n ma ganaa taãn-taãnɛ. Dɛnaa Lawa a da ǹ boo ne.

Zeremii 42:10

«Bɛ̀ ka lɛ kɔ ka giã gána lɛ nɛ, ma á re kaa gána lɛ doe ma a re ziziɛ̃ doo wa. Ma á re ka zumi, ma a re ka woɛ̃ doo wa, Ma baraa mɛn zɛnaa ka nɛ, ma á re n gɔ́ɔ̃ dɔn bii ka bɛ nɛ.

Zeremii 9:6

Bɛ lɛ nɛ, Dɛnaa Lawa Pàãyiidɛnaa á kɛ pii: «Man die ǹ *yoreen koe ka tɛ nɛ. Man die giɛ ǹ giala-a. Man die maa zaman lɛ kuĩ lɔn doo?

Zeremii 9:7

Minin kɛn lɛwɔn nə ka kiɛ bɛ́ lɔn gɛ̀ dii. Maǹ soɛ boe, maǹ boo paparɛ diɛ ǹ giaáran manɛ, Sɛnɛ, ǹ foo ne, maǹ kan koe ǹ ne.»

Busii pɛ 1:20

Dɛnaa Lawa, ga maa koe kɛ ganaa. Ma gɔ́ɔ̃ n kuĩ ka tɛ bɛ́ lɔn. Ma gɔ̀nɔn yii nə n si ma la. A giala, má n gòãn dii n ganaa taãn-taãnɛ. Zii gialaa, zia nɛ, maa kion, gɛ̀ dinsɔɔ̃ nɛ.

Busii pɛ 3:32

Ta a na á fuu da n mìi ni, a n wusii doo a n narɛ, a giala a bǐɛ̃baa á gole.

Busii pɛ 3:33

Haayii! A bie Dɛnaa Lawa duũ lɛa a sìi da minbuiin nɛ ganaa, a fuu yɛ wa.

Ezekieli 33:11

A pɛ ǹ nɛ mà masɛ Dɛnaa Lawa n kɛ pii: «A ma toa maa yii n koo, min baraa a gɛ̀ bie kɔɔ̃nɛ ma ganaa wa. Sɛnɛ, man li, min baraa wusoo a zɛnaa ǹ sii kio a yii boo la a goã koo. Bɛ lɛ nɛ, ma á ka nyankoe, ka wusoo kaa sii baraan lɛn kio. Izirayeli tɔrɔn lɛn, wàa na á baa ka n die toɛ gɛ̀ ka dɛ kooro?»

Ezekieli 6:9

Ma bɛ́ re woe ka kaa la wolen lɛn nɛ tɔrɔn mɛnɛn bii, ǹ tá re n taasɛ ka ma-n walan. Ka taasiɛ kɔrɔ laanka ga kɔrɔ mɛn wɔ, ka wusoo ka n bɔ masɛ kio, ka kaa naarɛɛbaa ǹ yiin kɛn doa dìn la, masɛ á re bɛa giã baraa lɛ ziziɛ̃. Ka tìĩ á re boe ka dinin nyin ni, kaa sii baraan laanka kaa sii bɔbɔnɛɛn kɛn tumaa taman yii ka zɛnaa.

Ozee 6:4

Efrayimu tɔrɔn lɛn, man die ka biɛ lɔn? Zudaa minin lɛn, man die ka biɛ lɔn? Kaa kɔn-narɛɛ lɛ n ka baayɛlɛ a la a ti bɛ́ lɔn a golee sawaa-n wa. A n ka pele bɛ́ lɔn baayɛlɛ, a golee kaa-n wa.

Ozee 7:1

Ma bɛ́ li ǹ mɛn waáraa, máa ma wusoo ma Izirayeli minin kaka kɔ, bɛa biikoo lɛ nɛ Efrayimu minin sii kɔkɔrɔn laanka Samarii minin sii baraan nə yɛ fúlu-a. Maǹ soɛn boboe kɔn nɛ, wurumunun man kiɛ kionən ne, kanaa, wurumu kurun ba nɛn wa.

Amɔɔsi 4:11

Má bɔ̀n da ka ganaa, ká ma goã má da Sodɔmu laanka Gomɔɔrɔ ganaa lɔn lɛlɛ. Ka n ka tɛ gɔn lɛ bɛ́ lɔn, ǹ nə́ bɔ ǹ nə́ bɔ tɛ-n. Sɛnɛ, a laan bɛ yii ni, ka n gɔ́ɔ̃ dɔn bii ká wusoo ká daa ma li wa. Dɛnaa Lawa a da ǹ boo ne.

Amɔɔsi 7:3

Dɛnaa Lawa tɔ́n sii lɛ a zɛnaa lɛ da, á pɛ mà bɛa re n zɛnɛɛ doo wa.

Amɔɔsi 7:6

Dɛnaa Lawa tɔ́n sii lɛ a zɛnaa lɛ da. Á pɛ mà bɛa re n zɛnɛɛ doo wa.

Misee 5:3

A din lɛ n die n doɛ, a na a minin lɛn nyɛɛnaan bɔ, ka Dɛnaa Lawa pàã nɛ, ka a Dɛnaa Lawa kɛa kiibaa nɛ. A minin lɛn tá re goɛ̃ là nyantoro la. A giala, a kũ sisia ganaa, a tɔ á re gole koe, yǎa kanaa paǹ tumaa nɛ.

Sofonii 2:9

Bɛ lɛ nɛ, masɛ kanaa tumaa a Dɛnaa Lawa Pàãyiidɛnaa, Izirayeli a Lawa a da ǹ boo á ke: A ma toa ma yii n koo, Moabu n die n biɛ ka Sodɔmu kiwi bɛ́ lɔn, Amɔn minin kɛn man die goɛ̃ ka Gomɔɔrɔ kiwi bɛ́ lɔn, ǹ gána n die n biɛ nyan tewon lɛa, yìsi yala lɛa, ziziɛ̃-n miɛ̃ yǎa duduu. Maa zaman a min mɛnɛn yii goã koo, bɛn tá re ǹ gɔn dudui. Maa gána minin mɛnɛn yii bɛ́ koo, bɛn tá re ǹ biɛ kíɛ̃ lɛa.

Matiə 23:37

Zeruzalɛmu kiwi ganaa, nsɛ mɛn bɛ́ Lawa a boo gii-dalin dii, bɛ̀ n Lawa a dia dí-a wolen dɛ ka kɔlɔ nɛ ǹ gã. Ma gunyin damata n ke giɛ li, ma tá n minin lɛ soekɔn ma din li, ka koo dan bɛ́ a nɛn lɛ soekɔn-a a nyàa kan giulun lɔn, sɛnɛ, ka bɛ́ ka lɛ kɔ wa!

Timəə dí-pɛn 29:22

Ǹ tá re pii, mà gána lɛ gɔ́ɔ̃ tumaa n kiribi lɛa, yìsi ni, ka tɛ nɛ, á kukũ lenlen. Màn kɔn ba boe la a n da a-n wa, buu dɔ din banban wa, ta ń màn mɛn da a nɛ a boe wa. A n die goɛ̃ ka Sodɔmu laanka Gomɔɔrɔ kiwin kɛn bɛ́ lɔn, ka Admaa laanka Seboyimu wɔn nɛ, ǹ mɛnɛn lɛn bɛ́ Dɛnaa Lawa nə́ ǹ yu a foo-yoo babaraa lɛ gɔ́ɔ̃ nɛ.

Timəə dí-pɛn 29:23

Tɔrɔn tumaa n die pii bɛa biikoo li: «Wàa na á baa, Dɛnaa Lawa gána kɛ baa kɛnɛn? Wàa mɛn sii na á da bɛa foo-yoo gole kɛ ganaa?»

Timəə dí-pɛn 32:36

Dɛnaa Lawa din nə die a minin lɛn sii yɔrɔ boe. Bɛ̀ á yɛ mà ǹ pàã nya ǹ mɛn waáraa, dɔmalɛ wole ná a ba ǹ lon wa, foo doa ǹ bǎã ná a ba ǹ lon wa, á re wusii a makara bɔ a dí-nyalin lɛn ganaa.

Piɛrɛ2 2:6

Lawa tɛ da Sodɔmu laanka Gomɔɔrɔ kiwi babaraan kɛn ganaa, ǹ nə́ kũ, ǹ nə́ ton baa. Bɛ na á n zɛnaa yiri kɔmala ǹ sii lɛa, á n nyaa piã-wɔlen kɛn manɛ, mà bɛ lɛ miã á die ǹ dɔn yii.

Zude 1:7

Doo, Sodɔmu laanka Gomɔɔrɔ kiwi babaraan kɛn, ka ǹ lɛ-a ǹ kiwin dɔn nə́ zɛnaa, ka lon a dia dí-a wolen lɛn wɔ bɛ́ lɔn. Ǹ nə́ n dinin kɔ naarɛbaa la, siin mɛnɛn bɛ́ ǹ ba kɔnboe ka zɛnaa-n wa, maǹ nə́ goã giɛ li ǹ bɛn zɛnaa. Pelo, tɛ nyabaã wole nə ǹ mìi-n dɔlɔ lɛa, bɛ n sii lɛa a nə́ n gɔn wɛɛ min tumaa nɛ.

Sii-nyaan 11:8

Ǹ bɛ́ ǹ nə́ Dɛnaa dere gɔn ganaa kiwi gole mɛn nɛ, ǹ geren tá re goɛ̃ tán-a bɛa kɔn yɛ ǹ bǎã nɛ. A din kiwi kɛ lɛ nɛ ǹ nə́ bíi ka tɔ giməə ne, mà "Sodɔmu", ka "Ezipti".

Sii-nyaan 18:18

Ǹ nə́ n lɛ dii kiwi lɛ a tɛ a kũ ǹ tɛmaa kɛ ganaa, ǹ nə́ pii: «Kiwi mɛn na á goã n zoɛ̃ kɔn ka kiwi gole kɛ nɛ?»

Sii yɔrɔ-bɔlen 10:16

Tɔrɔ kɔsɔn lawan kɛn, ǹ nə́ bɛn goa ǹ nə́ ǹ bɔ ǹ dinin li, ǹ nə́ dí nya Dɛnaa Lawa nɛ. Izirayeli minin nə goã nɔmaa mɛn we, Dɛnaa Lawa boo la á bɛ si a ganaa doo á belebɔ-n wa.