Ozee 11:6 - LAWA A BOO SONBORE

⁶ Zia a die wɛ̃ ǹ kiwin ni, á re a kiwin lɛn tamaa ǹ mànan tumaa ziziɛ̃, zia á re ǹ bii ǹ sii wɔ kɔn-a kɛ taman yii.

LAWA A BOO SONBORE 2011

⁶ Zia a die wɛ̃ ǹ kiwin ni, á re a kiwin lɛn tamaa ǹ mànan tumaa ziziɛ̃, zia á re ǹ bii ǹ sii wɔ kɔn-a kɛ taman yii.

Ozee 11:6 Iomraidhean Croise

Loen 106:39

Ǹ sii zɛnaa miɛ̃ kɛ *gɔ̀ da ǹ ganaa. Ǹ nə́ lɛ-tiilin baa ka lɔ kɔrɔn bɛ́ lɔn.

Loen 106:43

Gunyin gigiã, Dɛnaa Lawa nə́ ǹ si bɛa siin kɛn la. Sɛnɛ, wɔ digolon lɛn dinin nə́ n too kaka kɔ, ǹ Lawa lɛ tii lɛ gɔ́ɔ̃ nɛ, ǹ nə́ woo nyɛɛnɛ ka ǹ sã nɛ.

Izayii 18:5

Kaa-piɛ laan bɛ̀ a dɔ, ǹ mɛn waáraa bɛ̀ *rezɛ̃ da buũ kɔ á nya, a nɛ n zoɛ̃ li a ma, gùrùn mɛnɛn bɛ́ ǹ là ná a banban, maǹ bɛn boe ka kuku ni. Maǹ nə ǹ kuri, maǹ a gɔnɔn boe.

Izayii 27:10

Kiwi ke tamaa nɛ, min kɔn ba re goɛ̃ bɛ-n doo wa. A gɔ́ɔ̃ kooro n die goɛ̃, ǹ tá re n la boe a ganaa ka diə gole bɛ́ lɔn. Diin tá re buu soɛ̃ walan, ǹ tá re n susui a nɛ, ǹ tá re a da bisinin luu soɛ̃.

Izayii 30:1

Dɛnaa Lawa a da ǹ boo á ke: Nɛnyaan piã wolen lɛn, kaa wɔ n ka koe ne. Ka ǹ siin lɛ boe, ǹ nə́ ǹ ba boe masɛ li wa. Ka ǹ lɛ kɔ we, masɛ bɛ́ ma ba ǹ mɛn li wa. Ka ǹ sii baraan kiɛ kɔn la.

Izayii 9:14

Min golen laanka kiãn man a mìi lɛa, Lawa a boo gii-dali soɛ-bɔlen kɛn man a mui lɛa.

Zeremii 5:17

Maǹ màn tumaa ziziɛ̃: kaa kaa-piɛ mànan nɛ, kaa màn-biin ni, kaa nɛgiĩn laanka kaa nɛlɔn nɛ, kaa tɔɔ bisinin laanka kaa tɔɔ dadaran nɛ, kaa rezɛ̃ dan laanka kaa gɔ́rɔ dan nɛ. Zia á re kaa kiwi tamaa wolen yui, ka goã taasɛ mà ka á re yii-nyɛɛ yii ǹ mɛnɛn lɛn nɛ.

Zeremii 50:35

Dɛnaa Lawa a da ǹ boo á ke: Ka zia baa Baabilonii minin ganaa, Baabilonii a zaman nɛ, a kiãn nɛ ka a sii-dɔ̃len ne!

Busii pɛ 2:9

Kiwi lɛa kiɛnlɛn nə́ kaa, ǹ nə́ wɔ tán tii li. Dɛnaa Lawa nə́ ǹ kii la ǹ bàlà yiyiɛ. A kii laanka a nyɛɛnaandɛnan man gùlin lɛa tɔrɔ kɔsɔn bii. Dí-pɛ banban doo wa, a boo gii-dalin ba Dɛnaa Lawa a sii-nyaa yii doo wa.

Ozee 10:14

Bɛ lɛ nɛ, bɔlɔ lɔlɔkɔn gole á re yui n zaman lɛ bii, ǹ tá re kaa duru ǹ bǎã kakan kɛn tumaa ziziɛ̃ ka Bɛti-Arbeli á ke Salaman ziziɛ̃ zia pinaa lɔn, bɛ̀ ǹ bɛ́ ǹ nə́ náa yɔyɔrɛ kɔnlɛ ka a nɛnyaanan nɛ.

Ozee 10:6

Diin nɛ nyín lɛ dɔ, ǹ tá re woe a dɔ nɛ Asiirii bǐɛ̃baa ǹ màn lɛa ǹ kɔ kii gole kɛ la. Á re sìi biɛ Efrayimu ganaa, sìi á re Izirayeli kuĩ a doroo ǹ boon kɛn lɛa.

Ozee 4:16

Izirayeli minin lɛn man piã-wɔlen lɛa, maǹ ka dii piã-wɔlen bɛ́ lɔn. Sisia kəni Dɛnaa Lawa n die ǹ ne, buu sɔ̃ ǹ bǎã gole ne ka sère tenən bɛ́ lɔn.

Ozee 4:17

Efrayimu tɔrɔn kɛn nə́ n paraa dìn ganaa. Ka ǹ toa walan!

Lawa a wúlu-bɔlen 26:25

Masɛ a lɛ kɔ kɔn la ke ka n ziziɛ̃, man die zia yiɛ ma kaa ka ganaa, ma bɛa dɔlɔ bɔ ka ganaa. Ta ka baa si ka woo n duru kaa kiwin kɛn nɛ kungɔn nə́ ǹ lɛnpɛnɛ, ma á re busu babaraa kiɛ ka ganaa, ma ka wɔ kaa zɔ́ɔn lɛn gɔn.

Lawa a wúlu-bɔlen 26:31

Ma á die kaa kiwin kɛn yui lenlen. Kaa dìn guguru kɔ ǹ bǎãn kɛn, man die bɛn wurii, min ná a ba woe walan doo wa. Kaa wúlu mànan kɛn tɛmaa din gìĩ ba re kɔɔ̃n koe masɛ-n doo wa.

Lawa a wúlu-bɔlen 26:33

Masɛ á re zia yiɛ ma kaa ka ganaa, ma ka sasawaa, ma ka kaa tɔrɔ kɔsɔn bii, kaa gána lɛ gɔ́ɔ̃ kooro á die goɛ̃. Kaa kiwin kɛn tá re kɛbɔlɔ kooron biɛ.

Amɔɔsi 6:8

Dɛnaa Lawa Pàãyiidɛnaa nə́ n liɛ ka a din tɔ nɛ á pɛ kɛnɛn: Zakɔba tɔrɔn kɛn din gole kɔ kɛ tìĩ bɔ ma nyin ni, ǹ kion sonboren kɛn sii goon ba ma-a wa. Ma á re kiwi lɛ we a zɔ́ɔn gɔn, kɔnlɛ ka a gɔ́ɔ̃gɔɔ̃ ǹ mànan tumaa nɛ.

Misee 5:11

Ma á die kɔnkoãbaa kɛ niɛ̃ ma bɔ ka gɔn lɛ-a, wɔ-kũli á die goɛ̃ ka bii doo wa.

Timəə dí-pɛn 28:52

Ǹ tá re die ka lɛnpɛnɛ kaa kiwin lɛn tumaa nɛ. Kaa kungun sasa dadaran kɛn kaa kiwin lɛn lɛnpɛnɛ, ka foo bɛ́ doa nɛ ǹ mɛnɛn lɛn ganaa, yǎa bɛn nə kiɛ kaa gána lɛ nɛ. Kaa Lawa, Dɛnaa Lawa gána mɛn lɛ kɔ ka la, ǹ tá re die koe kaa gána lɛ tumu lɛ, ǹ kaa kiwin kɛn tumaa lɛnpɛnɛ.

Timəə dí-pɛn 32:25

Kanaa, minin tá re ǹ nɛnyaanan dii zia la, kion, nyɛ́ɛ a re ǹ toɛ wa. Ǹ nɛgiĩn laanka ǹ nɛlɔn tá re giɛ̃, ǹ nɛnyaanan laanka ǹ min zizin tá re giɛ̃.»