Ozee 11:4 - LAWA A BOO SONBORE

⁴ Má kũ má mɔrɔ ma ganaa ka foo basiɛ̃ nɛ, a giala, kɔn narɛ wɔ doa kɔn. A wɔ paǹ li man má goã ka min bɛ́ a nɛnyaan siɛ bɛ̀ a naa a pàã ganaa. Man má goã n zumii bɛ̀ ma màn-bii kɔ la.

LAWA A BOO SONBORE 2011

⁴ Má kũ má mɔrɔ ma ganaa ka foo basiɛ̃ nɛ, a giala, kɔn narɛ wɔ doa kɔn. A wɔ paǹ li man má goã ka min bɛ́ a nɛnyaan siɛ bɛ̀ a naa a pàã ganaa. Man má goã n zumii bɛ̀ ma màn-bii kɔ la.

Ozee 11:4 Iomraidhean Croise

Samayeli2 7:14

Ma á re n biɛ a díi lɛa, a dɔ á re n biɛ maa nɛ lɛa. Bɛ̀ á sii baraa zɛnaa, man die minin biɛ a doroo ǹ bàlà lɛa, ma minbuiinin kaa a ganaa ǹ dɔlɔ bɔ a ganaa.

Loen 105:40

Ǹ bɛ́ ǹ na a nyankɔ, á bàanan dia ǹ la siĩ lɛa, á màn-bii bɔ lon gɔ́ɔ̃ nɛ, á kɔ ǹ la, ǹ nə́ bii ǹ nə́ kã.

Bɔ bɛ̀rɛbaa nɛ 16:32

Muizu pɛ: – Á ke Dɛnaa pɛ: «Ka kunun yii sii tamaa ka kio kaa nɛnyaanan lɛa, màn mɛn bɛ́ toɛ, ma ka dininmaan lɛn too ka màn-bii mɛn nɛ don gɔ́ɔ̃ nɛ, bɛ̀ ma bɛ́ má soo ka nɛ má ka bɔ Ezipti gána nɛ, ka kio nɛnyaanan lɛn die ǹ bɛ dɔ̃.»

Loe kɔɔ̃n kɔɔ̃n 1:4

Ma kũ n ma da n kio, wɔ baa si. Ma n maa kii lɛa, ma kũ n wo ma nɛ n waa ǹ kion, n wɔ dinin paanan kaa nyɛnyɛɛ li, n wɔ foo kɔɔ̃n kɔ. N kɔn-narɛɛ ke a soɛ duvɛ̃ nɛ. Sonbore tá nɛnɛn lɛn lon, ǹ nə n narɛ.

Izayii 63:9

Ǹ nɔmaan kɛn tumaa gɔ́ɔ̃ nɛ, a dɔ nɔmaa. Lawa a dia dí-a wole mɛn bɛ́ golee ne a yɔrɔ-a, bɛ lɛ dinmaa na á ǹ kirisibaa. A kɔn-narɛɛ laanka a makara-doɛ̃ kɛ taman yii, á ǹ si á ǹ kaa. Ǹ sii tumaa gɔ́ɔ̃ nɛ, á n dɔ ǹ lɛ, á goã kunun ǹ ni lɛawaan kɛn tumaa gɔ́ɔ̃ nɛ ǹ nə́ kiɛ̃.

Ozee 2:8

Bɛ lɛ n ke, masɛ Lawa á re nyan we a bɔ ǹ zii lɛ, ma á re kungɔn doe ma a nyɛɛnaan tã nɛ, a re a zii lɛ yii a kɔ lɛ doo wa.

Lawa a wúlu-bɔlen 26:13

Masɛ din Dɛnaa Lawa n kaa Lawa lɛa. Masɛ din ni má ka waa má ka bɔ Ezipti minin kɛn gána nɛ, màn mɛn bɛ́ toɛ, ka baran bɛn bɛ̀rɛn baa doo wa. Ma din ni má Ezipti minin pàã kɛ nya má bɔ ka mìi ni, màn mɛn bɛ́ toɛ, ka dɔn nə goã ka dinin gɔn wìi a lɛa.

Zaã a sɛ́wɔ 12:32

Bɛ̀ ǹ nə́ masɛ saa lon ǹ nə́ ma bɔ tán biikoo mɛn li, ma á die min tumaa bíi ma da nɛ ma din li.»

Korɛnti2 5:14

A giala, Krita a minin-narɛɛ la ma nɛ, masɛ mɛn bɛ́ má waa la, máa min goon na á gã min tumaa a lɛa, bɛ n nyɛɛ mà min tumaa na á gã.

Timəə dí-pɛn 32:12

Dɛnaa Lawa dinsɔɔ̃ ná a zaman nyɛɛnaan bɔ miɛ̃, tɔrɔ kɔsɔn kɛn dì kɔn goã kun ni walan wa.

Timəə dí-pɛn 32:14

A din na á diin laanka sèren nyɔ kɔ ǹ la ǹ nə́ mi. A din na á siĩ nyɔɔnaa kɔ ǹ la ǹ nə́ sɔ̃, sère nyɔɔnaan manɛ, Basan a sère gɔ̀lɔ̀n kɛn tɔrɔn manɛ, ka butumun nyɔɔnaan nɛ. Á *belee sonbore kɔ ǹ la ǹ nə́ bii, á duvɛ̃ kɔ ǹ la ǹ nə́ mi, *rezɛ̃ da a nɛ kɛ lɛ.