Ozee 11:2 - LAWA A BOO SONBORE

² Bɛ ǹ tá ǹ bíi, maǹ woe sɔsɔɔ bɛa waáraa. Ǹ nə́ goã wúlu boe Baalin ganaa, ǹ nə́ da yon gìĩ kɔɔ̃n tiɛ̃ dìn ganaa.

LAWA A BOO SONBORE 2011

² Bɛ ǹ tá ǹ bíi, maǹ woe sɔsɔɔ bɛa waáraa. Ǹ nə́ goã wúlu boe Baalin ganaa, ǹ nə́ da yon gìĩ kɔɔ̃n tiɛ̃ dìn ganaa.

Ozee 11:2 Iomraidhean Croise

Kiin1 12:33

A goã á wúlu bɔ ǹ bǎã mɛn dɔ Betɛli, á woo walan lɛ̀ a mui kiwisibaa ǹ wɔ a lɛawaa fulusooro. Bɛa lɛawaa lɛ nɛ, á bɔ a mìi gialaa miɛ̃. A na á baa zɔ́n lɛa Izirayeli minin wɔ lɛa, á woo wúlu bɔ walan á màn giĩ kɔɔ̃n tã.

Kiin1 18:19

Kanna, Izirayeli minin tumaa lɛ sɔkɔn ma li, Karmɛli kele la, kɔnlɛ ka Baali a wúlu-bɔle biɛsii ka posooro (450) kɛ nɛ, ka dì Aseeraa a wúlu bole biɛsii kɛ nɛ, Zezabɛli nə́ ǹ bii boe.»

Nehemii 9:30

Ń nə́ ǹ sii si n ganaa lɛ̀ damata gɔ́ɔ̃ nɛ, ń nə́ n din yiri kɛ kɔ n boo gii-dalin la, bɛn nə́ goã miɛ ǹ ganaa. Sɛnɛ ǹ dɔ̃ mà boo-n wa. Ń tɔ́n nə ǹ wɔ gána kɔsɔn minin gɔn.

Izayii 65:7

Ǹ siɛ̃n nɛ, ka ǹ digolon wɔ nɛ, ma á re bɛa gɛ̀ dòo boe ǹ ganaa. A giala, ǹ digolon man nə́ da yon gìĩ kɔɔ̃n tã kelen la, ǹ nə́ sɔ kɔ ma ganaa tentenen la. Sisia kəni, ǹ sii mɛn tumaa zɛnaa lɛlɛ, man die bɛ tumaa a dɔlɔ boe ǹ ganaa. Ma din Dɛnaa Lawa n má pɛ.

Zeremii 18:15

A da yaa maa zaman yiri bɔ ma nɛ. Maǹ wúlu boe màn kooron ganaa. Bɛa màn kooron lɛn manə ǹ boe ǹ daɛ zii la, ǹ goã koe ziin mɛnɛn lɛ lɛlɛ, maǹ nə n boe n boe bɛn la, ǹ nə́ koe ziin kɔsɔn lɛ ǹ nə́ ǹ ba ǹ doɛ̃ wa.

Zeremii 35:13

– Kanna, boo da Zudaa laanka Zeruzalɛmu minin manɛ, n pɛ ǹ nɛ: «Sisia kəni, ka á re lɛ koe doroo kɛ ganaa, ka n too kɔ maa boon li?» Dɛnaa Lawa a da ǹ boo ne.

Zeremii 44:5

Sɛnɛ, ka n too kɔ wa, ka n too da wa. Ka goã sii baraa mɛn tumaa zɛnɛɛ, ka ǹ kɔn toa walan wa. Ka nə n tiɛ̃ tɔn da yon gìĩ kɔɔ̃n tiɛ̃ dì soreen manɛ.

Ozee 11:7

Maa zaman lɛ gɔn nə tɔn paraa nɛ ǹ piã ǹ siin lɛn ganaa. Maǹ nə́ ǹ bii woe lon, sɛnɛ ǹ kɔn ba yui wa.

Ozee 2:13

Ma á re a foo kɔɔ̃nbaa ǹ siin kɛn tumaa sàabiɛ: A zɔ́nɔn nɛ, a mui dii zɔ́nɔn nɛ ka a susu ǹ piin ni, ka lɛsɔkɔn kɛn tumaa nɛ á ǹ zɛnɛɛ.

Ozee 4:13

Maǹ nɛn bɛ̀ ǹ wúlun bɔbɔ kelen mìi ni, maǹ nɛn bɛ̀ ǹ nyɔɔ gìĩ kɔɔ̃n tã tentenen la, ka da luu kɛkɛn kɛn giulun ni, a giala ǹ wúlu n kɔɔ̃nɛ. Bɛ lɛ na á toa, kaa nɛlɔn tá kɔrɔbaa zɛnɛɛ, ka manaan tá naarɛbaa zɛnɛɛ.

Ozee 4:17

Efrayimu tɔrɔn kɛn nə́ n paraa dìn ganaa. Ka ǹ toa walan!

Zakarii 1:4

Ka nyan ka digolon lɛn zɔɔ̃ wa. Lɛlɛ, maa boo gii-dalin nə́ boo da ǹ nɛ, mà ǹ nə ǹ giã ǹ gɔn baraa kɛ kaa, kɔnlɛ ka ǹ sii bɔnɛɛ zɛnaan kɛn nɛ. Sɛnɛ, ǹ nə n too kɔ ma lon wa, ǹ nə n yiri koa ma li wa. Dɛnaa Lawa a da ǹ boo ne.

Zakarii 7:11

Sɛnɛ, minin nə́ n piã ǹ nə n too kɔ wa. Ǹ nə́ n dɔ̀ɔ̃ wɔ, ǹ nə́ n toon tã màn mɛn bɛ́ toɛ ǹ nyan màn kɔn ma wa.

Luku 13:34

Yezu pɛ: – Zeruzalɛmu kiwi, nsɛ lɛ n Lawa a boo gii-dalin dii ǹ nə́ giɛ̃. Lawa bɛ́ min mɛnɛn diɛ n nɛ dí ganaa, ma n bɛn dii ka kɔlɔn nɛ. Masɛ gunyin damata ke man giɛ li, ma tá minin lɛ soekɔn, ka koo dan bɛ́ a nɛn soekɔn a nyàa kan giulun lɔn. Ǹ bɛ́ ǹ lɛ kɔ wa.

Zaã a sɛ́wɔ 3:19

Kiri lɛ a wɔ ǹ mìi á ke: Wɔlɔ fúlu daa kanaa gɔ́ɔ̃ nɛ, sɛnɛ, wɔlɔ tì kɔɔ̃n kɔ minbuiinin ganaa á la wɔlɔ fúlu ni, a giala ǹ zɛnaa ǹ siin ba siĩn-n wa.

Nya ǹ dín 7:51

Itian mà ǹ ganaa: Ka mìi á kaka, ka foo á kaka, ka too dɔ á kaka! Baraabaraa ka nə n piɛ̃ ka Lawa a Yiri Fu kɛ nɛ. Ka tumaa n goon ka ka digolon lɛn nɛ.

Sii yɔrɔ-bɔlen 10:6

Sii mɛn bɛ́ baraa Dɛnaa Lawa yii li, Izirayeli minin lɛn nə́ wusoo, ǹ ná a giala kɔ, ǹ nə́ bɛ zɛnaa. Ǹ nə́ dí nya dìn manɛ: Bɛn man ka *Baali laanka *Asitartee ne. Ǹ nə́ tɔrɔ kɔsɔn lawan guguru kɔ: Aramu minin wɔn manɛ, Sidɔn minin wɔn nɛ, Moabu tɔrɔn wɔn nɛ, Amɔn tɔrɔn wɔn nɛ ka Filisiti minin wɔn nɛ.

Sii yɔrɔ-bɔlen 2:13

Ǹ nə́ Dɛnaa Lawa toa walan, ǹ nə́ dí nya Baalin laanka *Asitarteen manɛ.

Sii yɔrɔ-bɔlen 3:7

Sii mɛn bɛ́ baraa Dɛnaa Lawa yii li, Izirayeli minin lɛn nə́ bɛ zɛnaa. Dɛnaa Lawa lɛ, ǹ Lawa lɛa, ǹ yiri bɔ ka bɛ nɛ, ǹ nə́ dí nya *Baalin manɛ, ka Aseeraan nɛ.