Ozee 11:11 - LAWA A BOO SONBORE

¹¹ Ǹ tá re n toɛ Ezipti gána nɛ ǹ da ka baa nɛ, ǹ gɔ̀nɔn nə́ bìn diɛ ka bàanan bɛ́ lɔn, ǹ bɔ Asiirii gána nɛ ka kion bàanan bɛ́ lɔn. Ma á re ǹ kiɛ ǹ kionən ne. Dɛnaa Lawa a da ǹ boo ne.

LAWA A BOO SONBORE 2011

¹¹ Ǹ tá re n toɛ Ezipti gána nɛ ǹ da ka baa nɛ, ǹ gɔ̀nɔn nə́ bìn diɛ ka bàanan bɛ́ lɔn, ǹ bɔ Asiirii gána nɛ ka kion bàanan bɛ́ lɔn. Ma á re ǹ kiɛ ǹ kionən ne. Dɛnaa Lawa a da ǹ boo ne.

Ozee 11:11 Iomraidhean Croise

Izayii 11:11

Bɛa pinaa kɛ nɛ, Dɛnaa n die n pàã nyɛɛ, ka a paabaa ǹ wɔ nɛ. Á re Izirayeli min gialakunun kɛn sii a ǹ kaa, ǹ mɛnɛn yii goã koo Asiirii gána nɛ, Ezipti gána a tán nɛ a lɛ̀gɔn la nɛ a lon ne a lɛ̀gɔn la nɛ, Etiopii gána nɛ, Elamu gána nɛ, Amaati ni, *Baabilonii gána nɛ, ka gánan mɛnɛn bɛ́ mu bii.

Izayii 60:8

Die n ka minin kɛn tumaa nɛ, yui ka labaran bɛ́ lɔn, piɛ̃ ka zɛrɛkatoan bɛ́ lɔn, woe n doe a kii ni?

Zeremii 31:12

Maǹ die, ǹ foo n kɔɔ̃nɛ, loe loe Siɔn kele la. Dɛnaa Lawa a bǐɛ̃baa ǹ mànan kɛn taman yii, ǹ yɔrɔ n tɛ pii, ǹ foo n kɔɔ̃nɛ: *Belee ne, duvɛ̃ nɛ, nyɔɔ buə̃ ne, sèren ne, bòen ne, diin ni. Maǹ die goɛ̃ ka dù gɔrɔ mɛn bɛ́ mu n boe sɔnbɔraa nɛ. Màn kɔn ba re nyaabiɛ ǹ ganaa wa.

Ezekieli 34:27

Wuru gɔ́ɔ̃ dan tá re nɛ koe, tán tá re bǐɛ̃ koe. Maa zaman lɛ á re giɛ̃ ǹ gána nɛ, ǹ yiri n bǎã goon ne. Ma á re ǹ sii nɔmaa la. Min mɛnɛn bɛ́ boe ǹ yii ni, ma á re ǹ sii bɛn la. Ǹ tá re doɛ̃ bɛa biikoo li kəni, mà ma din nə Dɛnaa Lawa lɛa.

Ezekieli 34:28

Tɔrɔ kɔsɔ minin ba re die ǹ kokoe doo wa, don màn babaraan ba re ǹ kuĩ doo wa. Ǹ tá re giɛ̃ gána lɛ nɛ ǹ yiri n bǎã goon ne, min kɔn ná a banban, á n nyɛ́ɛ diɛ ǹ ganaa wa.

Ezekieli 37:21

A pɛ ǹ nɛ, mà masɛ Dɛnaa Lawa n kɛ pii: «Izirayeli minin lɛn nə wo bǎãn mɛnɛn tumaa nɛ, ma á re ka wɛɛ walan ma ka sɔkɔn, ma wusoo ma da ka ka nɛ, kaa gána nɛ.

Ezekieli 37:25

Ma gána mɛn lɛ kɔ maa dí-nyali Zakɔba la, ka digolon nə goã ǹ nə́ giã gána mɛn lɛ nɛ, ka dɔn tá re giɛ̃ a nɛ, kaa nɛnyaanan laanka kaa nɔ̀ɔnɔn nə giã a nɛ, yǎa duduu. Maa dí-nyali Davida á re goɛ̃ kaa nyɛɛnaandɛnaa lɛa, yǎa duduu.

Ozee 3:5

Bɛ kio, Izirayeli minin lɛn tá re wusii ǹ ga ǹ Lawa, Dɛnaa Lawa li, ka ǹ kii lɛ nɛ, Davida tɔrɔ lɛa. Ǹ kɔn pinaa, ǹ tá re wusii ǹ wo Lawa li ǹ gɔ̀nɔn nə́ bìn diɛ, mà a bǐɛ̃ kɔ ǹsɛn ganaa.

Ozee 7:11

Efrayimu minin lɛn man ka zɛrɛkantoan bɛ́ lɔn, ǹ ba n sii bebelee la wa, a giala ǹ ba n taasɛ wa. Ǹ nə́ Ezipti minin bii wɔ maǹ da n dɔ ǹsɛn lɛ, ǹ nə́ woo Asiirii gána nɛ.

Abdiasi 1:17

Sɛnɛ, min mɛnɛn bɛ́ re baa sii ǹ la, bɛn tá re n duri *Siɔn kele kɛ la, á re wusii a kele sonbore baa. Zakɔba tɔrɔn tá re wusii, ǹ nə ǹ bǎã si ǹ zɔ́ɔn la.

Zakarii 10:10

Ma á re boe ǹ ne Ezipti gána nɛ, ma bɔ ǹ nɛ Asiirii gána nɛ, ma da ǹ nɛ Galaati gána nɛ, ka Liban gána nɛ. A laan bɛ yii ni, bǎã ba re yii a ǹ bɔ wa.

Zakarii 8:7

«Dɛnaa Lawa bɛ́ boo mɛn pii á ke: Taãn nɛ, má n pii, man die maa zaman lɛ kirisibiɛ ma bɔ-n lɛ̀nyɛɛn laanka lɛ̀giala gánan nɛ.

Zakarii 8:8

«Man die wusii ma da ǹ nɛ, màn mɛn bɛ́ toɛ ǹ giã Zeruzalɛmu. Ǹ tá re maa zaman biɛ, ma dɔ á re ǹ Lawa biɛ, Lawa pepere bɔlɔgoondɛnaa lɛa.»