Ozee 10:12 - LAWA A BOO SONBORE

¹² Bɛ̀ n tá min pepere lɛa, n tá re bǐɛ̃ yii a dòo lɛa. Ka sɔ́ dɛ, a giala kaa bɔyaa a yɔrɔ dia Dɛnaa Lawa la biikoo dɔ, bɛa re peperebaa kiɛ ka la ka la bɛ́ lɔn.

LAWA A BOO SONBORE 2011

¹² Bɛ̀ n tá min pepere lɛa, n tá re bǐɛ̃ yii a dòo lɛa. Ka sɔ́ dɛ, a giala kaa bɔyaa a yɔrɔ dia Dɛnaa Lawa la biikoo dɔ, bɛa re peperebaa kiɛ ka la ka la bɛ́ lɔn.

Ozee 10:12 Iomraidhean Croise

Loen 105:4

Ka ga Dɛnaa Lawa lɛ li, ka ga a pàã kɛ dɔ li. Ka ga li, ka n mɔrɔ a ganaa biikoo tumaa li.

Loen 72:6

Toa kii lɛ goã ka la mɛn bɛ́ kiɛ wuru-n, ka la mɛn bɛ́ kiɛ, a mu tán giɛɛra.

Suusun 11:18

Min mɛnɛn bɛ́ sii baraa zɛnɛɛ, maǹ dí kooro nyɛɛ. Sàabaa ba la wa, bǐɛ̃-zɛnaalin man saraa sonbore yii.

Suusun 18:21

Gɛ̀ laanka yiikoonaabaa n boe da ǹ boo li. Min mɛn bɛ́ boo narɛ, a doamaa nɛ a lɛ kɔ a mìi gɔ́ɔ̃ nɛ ǹ siin ganaa.

Boo-laakalaali 11:6

Baayɛlɛ, n màn tɔrɔ da, n baran n gɔn basã wa, yǎa wasamiɛ̃nɛ. A giala, màn mɛn bɛ́ re bǐɛ̃ koe, n ba bɛ doɛ̃ wa, kɛ-n hinlaa kɛ nɛ, hinlaa ǹ dinin tumaa n die siĩn koe kun?

Izayii 30:23

Ka bɛ-n kəni, Dɛnaa Lawa á re la kiɛ màn nàn kɛ la, n da. N bɛ́ re màn-bii mɛn boe tán nɛ, á re goɛ̃ mɔnaa nɛ, a n kɔɔ̃n dɔn. Bɛa pinaa kɛ nɛ, n tɔɔn tá re woe buu soɛ̃ tɔɔn buu sɔ̃ ǹ bǎã gole kɛ nɛ.

Izayii 31:1

Min mɛnɛn bɛ́ woe giɛ dɔmalɛ li Ezipti gána nɛ, bɛn wɔ n ka koe ne. Ǹ yiri nə ǹ sùin ganaa, ǹ foo n doa nɛ ǹ ziabaa ǹ wotoro damatan kɛn ganaa, ka ǹ sùi dabaa wolen ne a giala maǹ tá kaka. Sɛnɛ, ǹ nə n yɔrɔ bɔyaa ǹ nə́ dia Izirayeli a Lawa sonbore kɛ la wa, ǹ ba giɛ Dɛnaa Lawa li wa!

Izayii 32:20

Sɛnɛ, ka foo á re kɔɔ̃n koe: Mu bɛ́ bǎã mɛn tumaa nɛ, ka á re màn diɛ walan. Ka á re kaa diin laanka kaa dundunun kiɛ ǹ nə n bibiə̃ ǹ dinin gɔn wii á lɛa.

Izayii 44:3

Taãn nɛ, mu boro bɛ́ tán mɛn ganaa, ma á re toɛ mu baa si bɛ la, tà baa si tán gere la. Ma á re ma yiri gisĩ n nɛnyaanan la, ma barka da n nɔ̀ɔ fulupaa ganaa.

Izayii 45:8

Lon, peperebaa pɛsɛ̃ ka pele bɛ́ lɔn. Labaran, ka toa a gisĩ a baa si ka la mu bɛ́ lɔn! Tán, n lɛ bũ, kirisibaa buũ kɔ, peperebaa gii! Masɛ Dɛnaa Lawa n má bɛa màn kɛ tumaa zɛnaa.

Izayii 48:18

Bɛ̀ ma n nə́ n yiri koa maa dí-pɛn kɛn li, bɛ̀ n yii-nyɛɛ n goɛ̃ ka tà mu bɛ́ lɔn, n peperebaa goã ka yìsi mu gole bɛ́ lɔn,

Izayii 5:6

Man die biɛ don lɛa. Min kɔn ba re a da gùrùn boe wa, min kɔn ba re a buu woɛ̃ wa. Nyɛn dan tá re boe a nɛ. Ma á re labaran kurii ǹ baran la kaa a ganaa wa.

Izayii 54:14

Peperebaa n die pàã koe n la. Giã tìãlɛa mɛnaa ma la ganaa, nyɛ́ɛ ba re n kuĩ doo wa. N wɔlɔ sɔsɔɔ kɔ nyɛ́ɛ ganaa, a ba re n mɔrɛ n ganaa doo wa.

Izayii 55:6

Ka ga Dɛnaa Lawa li, bɛ̀ á tɔn lɛ koe á yii. Ka a bii wɔ, bɛ̀ á tɔn kunun ka ganaa.

Zeremii 50:4

Dɛnaa Lawa a da ǹ boo á ke: Bɛa biikoo li, bɛa pinaa kəni Izirayeli minin laanka Zudaa minin tá re die kun. Ǹ tá re tɔ we, ǹ wuu pɛ, ǹ tá re giɛ masɛ Dɛnaa Lawa, ǹ Lawa li.

Ezekieli 34:26

Ma á re barka diɛ gána kɛ ganaa, ka maa kele kɛ lɛkoro lɛ-a bǎãn nɛ. La mu mɛn bɛ́ barka da maa ǹ wɔ lɛa, ma á re toɛ bɛ kaa a biikoo li.

Ozee 12:6

«Dɛnaa Lawa, Dɛnaa Lawa Pàãyiidɛnaa,» a tɔ n Dɛnaa Lawa.

Ozee 14:1

Samarii minin doamaa nɛ ǹ nə n sii baraa giɔ̀mɔ saraa, a giala maǹ nə́ n piã ka ǹ Lawa nɛ. Zia á re ǹ dii ǹ gã, ǹ tá re ǹ nɛ tiɛɛ̃nɛn yɔyɔrɛ, ǹ tá re ǹ lɔ nɔ̀naan nɔ̀ wɔsɛ.

Ozee 6:3

Ka daa wɔ ga Dɛnaa Lawa li, ka n doa wɔ dɔ̃. Dɛnaa Lawa a daa ke a sàabiɛ wa, a n ka lɛ̀ a waa bɛ́ lɔn. A n die die wɔ li ka la á ke kiɛ lɔn, ka la giala nyɔmɔɔ á ke tán basɛ̃ lɔn.

Ozee 8:7

Bɛ̀ n piɛ̃ lɔnlɔɔn yoo, n tá re la piɛ̃ yii. Bɛ̀ *belee mìi bɔ wa, a wùsu boe wa. Ta a na á bɔ dɔn dinin, tiin man bii.

Amɔɔsi 5:15

Ka n piã ka sii baraa nɛ, ka lɛ kɔ sii bǐɛ̃ ganaa. Ka toa sonbore yɛ kiri wɔ ǹ bǎã nɛ. Bɛ̀ ká zɛnaa miɛ̃, kɔntan pàã tumaa a Dɛnaa Lawa á re makara boe Zozɛfu tɔrɔ gialakunun kɛn ganaa.

Amɔɔsi 5:4

Dɛnaa Lawa n kɛ pii Izirayeli minin manɛ: Bɛ̀ ka tá li ka yii goã koo, yǎa ka giɛ masɛ Lawa li.

Amɔɔsi 5:6

Bɛ̀ ka tá li ka yii goã koo sɛn, yǎa ka giɛ Dɛnaa Lawa li. Zozɛfu tɔrɔn lɛn, ka yiri bɔ ka dinin li, a nyan yoo ka tɛ bɛ́ lɔn, a kũ Betɛli wa. A giala, min kɔn ba re yii a nimi wa.

Amɔɔsi 5:8

A din na á leeren kɛn zɛnaa, bɛ̀rɛ-sãlin laanka sɔ̀ nɛ. A din nə tèlò bɔyɛɛ a baa baayɛlɛ lɛa, a baayɛlɛ bɔyaa a baa tèlò lɛa. A n yìsi mu bíi bɛ̀ a sɔkɔn, a tɔn bɛ kaa tán la. A tɔ mà Dɛnaa Lawa.

Luku 13:24

– Ka n doa, màn mɛn bɛ́ toɛ, ka wɔ ka kiɛnlɛ boɛɛn kɛ nɛ. A giala, man pii ka nɛ, min gigiã á re giɛ li, mà ǹ wɔ, ǹ ba re boe la wa.

Nya ǹ dín 2:18

Bɛa biikoo lɛ li, haalɛ bɛ̀rɛgiĩn laanka bɛ̀rɛ ɔn nɛ, ma á re ma yiri koe bɛn dɔn la, ǹ tá re maa boo gii-dalin biɛ.

Korɛnti2 9:10

Lawa mɛn bɛ́ màn tɔrɔ koe màn-dali la, ka màn-bii ni mà a n din too ne, á re màn tɔrɔ tumaa koe ka la, ka dinin laadoo yii li, a na a bulu bɔ, ń giɛ kaa bǐɛ̃baa ǹ foo kɛ á sii gigiã zɛnɛɛ.

Zaaki 3:18

Min mɛnɛn bɛ́ giɛ là nyatoro li, bɛn man peperebaa a là yii là nyantoro gɔ́ɔ̃ nɛ.