Ozee 10:11 - LAWA A BOO SONBORE

¹¹ Efrayimu na á goã dii luu lɛa daraa na a gɔ̀nɔn bɔ, tɔ *belee nàn la n kɔɔ̃nɛ a ganaa, ma bɛ́ má daa kiɛ̃ a yɔrɔ-a, má a wìi a siĩnbaa kɛ yɛ, má kána da a ganaa. Man die zǔu diɛ Efrayimu ganaa Zudaa n buu kɔsɛ, Zakɔba sɛ n tii kɔlɔ nyuə ǹ fɔlɔ baɛ̃.

LAWA A BOO SONBORE 2011

¹¹ Efrayimu na á goã dii luu lɛa daraa na a gɔ̀nɔn bɔ, tɔ *belee nàn la n kɔɔ̃nɛ a ganaa, ma bɛ́ má daa kiɛ̃ a yɔrɔ-a, má a wìi a siĩnbaa kɛ yɛ, má kána da a ganaa. Man die zǔu diɛ Efrayimu ganaa Zudaa n buu kɔsɛ, Zakɔba sɛ n tii kɔlɔ nyuə ǹ fɔlɔ baɛ̃.

Ozee 10:11 Iomraidhean Croise

Izayii 28:24

Buu-kɔsɔli ba n din nɔmɛɛ biikoo yii li a na a wuru lɛ kɔsɔ, a na a zii bɔ, a na a tii kòrò yu wa.

Zeremii 28:14

Dɛnaa Lawa Pàãyiidɛnaa Izirayeli a Lawa n kɛ pii: «Man die zǔu fɔlɔdɛnaa kiɛ kanaa a tɔrɔn tumaa wìi li. Ǹ tumaa á re goɛ̃ Baabiloniin kii Nebukadenezɔɔrɔ a pàã giulun, ǹ dí nya nɛ. Haalɛ gòon mànan dinin, man die ǹ kiɛ a pàã giulun.»

Zeremii 46:20

Ezipti na á goã tɔɔ sonbore lɛa. Sɛnɛ, nyuun sɔn-dɔle goon na á bɔ gɔsɛ a lɛ̀gɔn la, á daa mɛ la.

Zeremii 50:11

Ka n nyɛnyɛɛ ka bɛ̀ baa ka foo kɔɔ̃n nɛ, kasɛn mɛnɛn nə maa kíɛ̃ lɛ ziziɛ̃. Ka paparɛ ka dii nɛ ten bɛ́ lɔn, buu sɔ̃ ǹ bǎã nɛ. Ka lɛ baa ka sùin wɔ bɛ́ lɔn!

Ozee 11:4

Má kũ má mɔrɔ ma ganaa ka foo basiɛ̃ nɛ, a giala, kɔn narɛ wɔ doa kɔn. A wɔ paǹ li man má goã ka min bɛ́ a nɛnyaan siɛ bɛ̀ a naa a pàã ganaa. Man má goã n zumii bɛ̀ ma màn-bii kɔ la.

Ozee 2:5

Bɛ bie wa, man die sɔlɛɛ ma a tontoro da. Ma á re a tontoro diɛ ka a yɛ pinaa bɛ́ lɔn. A gána lɛ á re don biɛ, ma á re bɔyɛɛ ma baa ka bǎã gere bɛ lɔn, ma á re toɛ mu boro dɛ a gã.

Ozee 3:1

Dɛnaa Lawa pɛ ma nɛ: «Lɔ mɛn a tɔntɔraa bɛ́ a tan, á n din kɔ naarɛbaa la, woo, n bɛ lɛ narɛ doo: Bɛa lɔ lɛ narɛ ka masɛ Dɛnaa Lawa bɛ́ Izirayeli minin kɛn narɛ lɔn. A da yaa, ǹsɛn man dìn guguru koe ǹ nə́ *rezɛ̃ mɔ̀mɔn koe ǹ la, bɛ lɛ n kɔɔ̃nɛ ǹ ganaa.»

Ozee 4:16

Izirayeli minin lɛn man piã-wɔlen lɛa, maǹ ka dii piã-wɔlen bɛ́ lɔn. Sisia kəni Dɛnaa Lawa n die ǹ ne, buu sɔ̃ ǹ bǎã gole ne ka sère tenən bɛ́ lɔn.

Ozee 9:1

Izirayeli minin lɛn, ka nyan toa kaa foo kɔɔ̃nbaa la yii-n, ka tɔrɔ kɔsɔn kɛn wɔ bɛ́ lɔn wa, a giala, ká kɔrɔbaa zɛnaa, ká n na ka n bɔ kaa Lawa ganaa, a giala ǹ bɛ́ *belee duwii bǎã mɛn tumaa nɛ, kaa kɔrɔbaa lɛa saraa nɛ, ka tá a kio walan.

Misee 4:13

Zeruzalɛmu minin lɛn, ka yoo kəni, ka kaa belee duwəə, ma din tá re a duwəə ǹ pàã koe ka la. Dii mɛn bɛ́ a bɛnɛn nə́ fɔlɔ lɛa, a gòon tɔnɔn nə́ zan lɛa, ma á re ka biɛ bɛa dii lɛ miã lɛa, ka á re boe la ka tɔrɔ gigiã yɔyɔrɛ ka gòãn giulun. Ǹ gɔn mànan kɛn, ka bɛn kɔ Dɛnaa Lawa la, ǹ pàãmabaa ǹ mànan kɛn, ka bɛn kɔ kanaa tumaa a dɛnaa la.

Rɔmu minin 16:18

A giala, bɛa minin kɛn lɛn bie dí nyɛɛ wɔa Dɛnaa Krita-n wa, maǹ dí nyɛɛ ǹ dinin nɔ̀ nɛ. Maǹ yiri baãnaanan siɛ̃, ka ǹ minin bebele ǹ boo paparɛn kɛn nɛ.

Timəə dí-pɛn 25:4

Tɔɔ mɛn bɛ́ wii goɛ, n nyan bɛ kurəə wii lɛ a soɛ̃ ganaa wa.