Ozee 10:10 - LAWA A BOO SONBORE

¹⁰ Man die dɔlɔ boe n ganaa ma foo yii li. Tɔrɔ kɔsɔn tá re n soekɔn ǹ da ka gialaa, a giala n tɔ nə n sii baraa màn paa kɛ lɛ lɛ da wa.

LAWA A BOO SONBORE 2011

¹⁰ Man die dɔlɔ boe n ganaa ma foo yii li. Tɔrɔ kɔsɔn tá re n soekɔn ǹ da ka gialaa, a giala n tɔ nə n sii baraa màn paa kɛ lɛ lɛ da wa.

Ozee 10:10 Iomraidhean Croise

Kiin1 12:28

Kii Zeroboamu nɔ̀n da min tɛnɛn la ka yiri ni, á diin nɛ nyín paa zɛnaa ka sana nɛ, á pɛ zaman lɛ nɛ: «Kaa wo Zeruzalɛmu lɛ la yii ni, Izirayeli minin lɛn, kaa dìn lɛn nə́ ke, kɛn lɛn man nə́ ka waa Ezipti gána nɛ ǹ nə́ soo ka nɛ.»

Zɔbu 39:10

N tá boe la n biɛ da a ganaa n buu kɔsɔ nɛ? Á re lɛ koe a kána baã n kio diə fúlu kɛ nɛ?

Izayii 1:24

Bɛ lɛ nɛ, Pàãyiidɛnaa Lawa, Izirayeli a Lawa Kaka a daǹ boo á ke: Koe n ka kɛ nɛ! Ma á re yui gòãn dii wolen kɛn gialaa, ma maa gɛ̀ dòo bɔ maa zɔ́ɔn ganaa!

Zeremii 15:6

N din nə n ma toa walan, Dɛnaa Lawa a da ǹ boo ne, n nə n dɔ̀ɔ̃ wɔ ma nɛ. Bɛ lɛ nɛ, ma yoo n gialaa, ma n ziziɛ̃. Má makara bɔ n ganaa ma nɔmaa.

Zeremii 16:16

Dɛnaa Lawa a da ǹ boo á ke: «Ma á re zɔ̀-kũli gigiã diɛ, ǹ da minin kɛn kũ. Bɛ kio, ma á re dɔ-dɔli damata diɛ ǹ da ǹ loo kelen la, tentenen ne, ka kele yalan tumaa nɛ.

Zeremii 21:4

Dɛnaa Lawa, Izirayeli a Lawa n pii kɛnɛn: «Á ke, ziabaa ǹ mànan mɛnɛn bɛ́ ka gɔn ka n zia biɛ ǹ nɛ kaa zɔ́ɔ Baabiloniin kii laanka a sɔraasin ganaa, man die boe ǹ ne ziabaa ǹ kungɔn lɛ kio, ma da ǹ nɛ kiwi lɛ gɔ́ɔ̃ nɛ.

Ezekieli 16:37

Á ke, a bɛ́ miɛ̃, n sii kɔɔ̃n kɔ tɔntɔraan mɛnɛn tumaa ganaa, n nə ǹ mɛnɛn tumaa narɛ, ka ǹ mɛnɛn tumaa bɛ ǹ kɔɔ̃n kɔ n ganaa wa, ma á re ǹ tumaa soekɔn. Ma á re n tontoro diɛ ǹ yɔrɔ-a. Ǹ tá re n sìi tumaa yii.

Ezekieli 16:42

Man die n foo nyɛɛ n la. Bɛ̀ maa zia nya á n bɔ n ganaa ǹ mɛn waáraa, ma foo á re basɛ̃, a re yui doo wa.

Ezekieli 23:46

Masɛ Dɛnaa Lawa bɛ́ màn mɛn pii, bɛ n ka kɛ nɛ: «Ka zaman gole yiɛ ka kaa ǹ ganaa, ka ǹ toa nyɛ́ɛ gole kɛ gɔn, ka ǹ gɔn mànan goa.

Ezekieli 23:9

Bɛ lɛ nɛ, má toa a tɔntɔraa Asiirii minin lɛn gɔn, kɛn lɛn ǹ sii goã a ganaa.

Ezekieli 5:13

Ma foo mɛn yoo ke, yǎa ma a nyɛɛ ǹ bǎã yii. Man die n foo nyɛɛ ka dinin lɛn la, ma maa gɛ̀ dòo bɔ ka ganaa. Ka á re doɛ̃ ka bɛ-n kəni mà ma din Dɛnaa Lawa n má boo da ka nɛ, a giala ma foo na á goã yoo-n ka li kaa lɛ-tii kɛ lɛ a lɛa.

Ozee 10:9

A saa Gibeya a lɛawaan kɛn ganaa, ń sii baraa zɛnaa Izirayeli, n nə n giã ǹ gɔn bɔyaa wa. Zia ke á yoo gɛ̀-dɛlen wɔ lɛa, bɛ lɛn die n yiɛ Gibeya.

Ozee 4:19

Piɛ̃ á re ǹ siɛ. Ǹ wúlu mànan kɛn lɛn tá re sìi diɛ ǹ ganaa.

Ozee 4:9

Dɔlɔ mɛn bɛ́ re zaman lɛ yii, a din lɛ n die wúlu-bɔlen dɔn yii. Ma á re didie a zɛnaa ǹ siin kɛn dɔlɔ boe a ganaa, a sii mɛn zɛnaa, ma á re a dòo sarɛɛ la.

Ozee 8:1

Ka bɛn pɛ! Bɔ̀n nə́ n tele á die Dɛnaa Lawa a kion lɛ gialaa, ka giogialatã bɛ́ lɔn. A giala, ǹ nə́ maa lɛ kɔ kɔn la lɛ ziziɛ̃, ǹ nə́ n piã ka maa dí-pɛn kɛn nɛ.

Ozee 8:10

Ǹ nə́ tɔrɔ kɔsɔn gɔgɔ ka mànan nɛ sɛnɛ, a laanɛ ǹ nə́ bɛ zɛnaa, sisia kəni, man die ǹ soekɔn. Kànaa ka boɛɛn nɛ, kii gole kɛ bɛ́ re guĩ mɛn diɛ ǹ mìi ni, ǹ tá re nɔmɛɛ bɛa guĩ gɔn.

Matiə 22:7

Kii lɛ foo yoo. A ná a sɔraasin dia, mà ǹ wo bɛa gɛ̀-dɛlen kɛn lɛn dɛ, ǹ tɛ da ǹ kiwi ganaa.

Timəə dí-pɛn 28:63

A bɛ́ na á kɔɔ̃n kɔ Dɛnaa Lawa din ganaa á bǐɛ̃ zɛnaa ka nɛ, á ka mɔnaa lɔn ke, a n die kɔɔ̃n koe a ganaa miɛ̃ dɔn, a ka dɛ a ka nya lenlen. Ka bɛ́ re we gána mɛn lɛ nɛ ka si ka baa kaa wɔ lɛa, á re ka wɛɛ ka saɛ, a ka bɔ bɛ nɛ.