Ozee 10:1 - LAWA A BOO SONBORE

¹ Izirayeli minin lɛn man nə́ goã ka *rezɛ̃ da bɛ́ lɔn, á n gùrùn nyɔmaa, á goã nɛ gigiã koe. A bɛ́ á goã nɛ gigiã koe lɔn, ǹ dɔn man nə́ goã wúlu bɔ ǹ bǎã gigiã doe miɛ̃. Ǹ gána goã siĩn lɔn, ǹ dɔn man nə́ goã ǹ tíĩn nyaǹ koe miɛ̃.

LAWA A BOO SONBORE 2011

¹ Izirayeli minin lɛn man nə́ goã ka *rezɛ̃ da bɛ́ lɔn, á n gùrùn nyɔmaa, á goã nɛ gigiã koe. A bɛ́ á goã nɛ gigiã koe lɔn, ǹ dɔn man nə́ goã wúlu bɔ ǹ bǎã gigiã doe miɛ̃. Ǹ gána goã siĩn lɔn, ǹ dɔn man nə́ goã ǹ tíĩn nyaǹ koe miɛ̃.

Ozee 10:1 Iomraidhean Croise

Kiin1 14:23

Ǹ dɔn man nə́ wúlu bɔ ǹ bǎãn doa, tíĩn ni, bìbìn ni, tentenen sɔsɔrɔ tumaa la, luu buruu bɛ́ da mɛn tumaa la, ka bɛn giulun ni, guguru kɔ ǹ wɔn lɛa.

Zeremii 11:13

Kaa kiwin bɛ́ mɔnaa-n lɔn, kaa dìn dɔn man mɔnaa-n miɛ̃. Zeruzalɛmu a ziin bɛ mɔnaa-n lɔn kaa wúlu bɔ ǹ bǎãn kɛn sìi diɛ, bɛn dɔn man mɔnaa-n miɛ̃, kɛn lɛn ka n da yon gìĩ kɔɔ̃n tiɛ̃ ǹ ganaa dì *Baali wɔ lɛa.

Zeremii 11:17

Dɛnaa Lawa Pàãyiidɛnaa din na á n zumu. Sɛnɛ kanna, a n koe pii n ni Izirayeli minin laanka Zudaa minin sii baraa zɛnaan taman yii. A giala, maǹ nə́ wúlu mànan kɔ Baali la ǹ nə́ Dɛnaa Lawa foo yoo ne.

Zeremii 2:28

Ka dìn mɛnɛn zɛnaa ka dinin wɔ lɛa, bɛn tá maa? Bɛ̀ koe ka yɛ, bɛ̀ ǹ tá boe la, ǹ da ka kirisibaa! Kaa kiwin bɛ́ mɔnaa-n lɔn, kaa dìn dɔn man mɔnaa-n miɛ̃!

Ozee 12:11

Má boo da maa boo gii-dalin manɛ, má sii-yɛn mɔnaa, maa boo gii-dalin barka nɛ má boo da ka nɛ ka giməə ne.

Ozee 12:8

Ka Kanaan a pii-kɔlen bɛ́ lɔn, n màn zɔɔ̃ ǹ kilo lɛ a piɛ̃-n ma, mɛnaa n miã la n kɔɔ̃nɛ n ganaa.

Ozee 13:15

Ta Efrayimu tɔ bɔ ǹ dɔɔ̃nɔn bii, lɛ̀giala piɛ̃ á re die, Dɛnaa Lawa a piɛ̃ lɛa, boe diə gole ne. Mu yala á re piɛ̃, mu á re damɛ. Ǹ tá re kaa naforon goɛ, ka gɔn màn giɔ̀mɔ kakan kɛn, ǹ wo ka bɛn nɛ.

Ozee 13:2

Kanna kəni, maǹ woe nyɛɛnɛ ka ǹ sii baraa zɛnaa nɛ. Ǹ nə́ ǹ wɔrɔ yo ǹ nə́ màn nyínin zɛnaa nɛ, manə ǹ dinin foo sii dì zɛnɛɛ, ǹ tumaa n gɔn dí-nyalin màn zɛnaan lɛa. Maǹ pii ǹ wɔ paǹ li: Wɔ doamaa nɛ wɔ wúlu mànan kɔ ǹ la! Minin man dii nɛn nyínin guguru koe!

Ozee 13:6

N dɔ buu sɔ̃ ǹ bǎã-n lɔn gɔrɔ, n bòo nya. N bɛ́ n kã, n nə́ n din gole kɔ. Bɛ lɛ nɛ n yiri bɔ ka ma nɛ.

Ozee 2:10

Sɛnɛ, a doɛ̃ mà *belee ke, ka duvɛ̃ laanka nyɔɔ kɛ nɛ, mà ma din nə má kɔ asɛ la wa. Ma din dɔ-n má wɔrɔ laanka sana gigiã kɔ la. Sɛnɛ, á sana lɛ saa á *Baali nyín zɛnaa nɛ!

Ozee 2:8

Bɛ lɛ n ke, masɛ Lawa á re nyan we a bɔ ǹ zii lɛ, ma á re kungɔn doe ma a nyɛɛnaan tã nɛ, a re a zii lɛ yii a kɔ lɛ doo wa.

Ozee 3:4

A giala, Izirayeli minin lɛn tá re lɛawaa damata zɛnɛɛ, ǹ kii ná a banban, ǹ mìilandɛnaa ná a banban, wúlu-bɔ ná a banban, tíĩ ná a banban, ga Lawa dùũ li ǹ mànan nə́ ǹ banban.

Ozee 4:7

Wúlu-bɔlen mɔnaabaa n die ka sii baraa gigiã nɛ. Ǹ gugurubaa ke, ma á re bɛ bɔyɛɛ ma baa sìi lɛa.

Ozee 8:11

Efrayimu minin man nə́ *wúlu bɔ ǹ bǎã gigiã dɔ, ǹ sii baraa sawaa ǹ bǎã lɛa. Sɛnɛ, bɛa wúlu bɔ ǹ bǎãn lɛn dinin man nə́ ǹ kaa sii baraa zɛnaa ganaa.

Ozee 8:4

Ǹ nə́ kiin koa, ma ba a siére-a wa, ǹ nə́ goledɛnan bɔ, má n ma zii kɔ ǹ la wa. Ǹ nə́ ǹ wɔrɔ laanka ǹ sana goa, ǹ nə́ dìn zɛnaa nɛ. Ǹ dinin papaã ǹ wɔ lɛ dɔ n ka bɛ nɛ.

Lawa a wúlu-bɔlen 26:1

Ka baran dìn zɛnaa wa. Ka baran màn nyín hinlaa tíĩ doa wa, ka baran kɔlɔ sɛlɛ ka da tán gána lɛ nɛ, ka bɛ guguru kɔ wa. A giala, masɛ din Dɛnaa Lawa n kaa Lawa lɛa.

Nahumu 2:2

Á ke, sɔraasin nə́ ke die n gialaa Ninivu: N kungɔnɔn lɛduə̃, n doa n ziin gialaa n yɔrɔ bɔ ziabaa taman yii, n pàã tumaa sɔkɔn.

Korɛnti2 5:16

Bɛ lɛ nɛ, ma bie min kɔ́n doɛ̃ doo minbuiinbaa ǹ yɔrɔ kɛ la wa. Haalɛ ta má Krita dɔ̃ minbuiinbaa ǹ yɔrɔ la lɛlɛ, kanna, ma bie doɛ̃ bɛa yɔrɔ kɛ la doo wa.

Filipi minin 2:21

Gialakun kɛ tumaa nə n taasɛ ka ǹ dininmaan siin ni, ǹ ba n taasɛ ka Yezu Krita wɔn nɛ wa.