Ozee 1:4 - LAWA A BOO SONBORE

⁴ Dɛnaa Lawa tɔ́n kɛ pɛ nɛ: «A tɔ kɔ Zizereyɛli. A giala, Zehu tɔrɔn kɛn nə gɛ̀ mɛn dɛ Zizereyɛli, kànaa ka boɛɛn nɛ, ma á re bɛa gɛ̀ dòo boe ǹ ganaa, ma á re Izirayeli tɔrɔn kɛn gána a kiibaa nyɛɛ.

LAWA A BOO SONBORE 2011

⁴ Dɛnaa Lawa tɔ́n kɛ pɛ nɛ: «A tɔ kɔ Zizereyɛli. A giala, Zehu tɔrɔn kɛn nə gɛ̀ mɛn dɛ Zizereyɛli, kànaa ka boɛɛn nɛ, ma á re bɛa gɛ̀ dòo boe ǹ ganaa, ma á re Izirayeli tɔrɔn kɛn gána a kiibaa nyɛɛ.

Ozee 1:4 Iomraidhean Croise

Kiin2 10:1

Akaabu a nɛgiĩn man nə́ goã min pɔsɔbaa Samarii kiwi. Zewu sɛ́wɔn kiɛ̃ á ǹ dia Samarii. A na á bɛa sɛ́wɔn lɛn dia kiwi lɛ a min golen la, ka kiwi lɛ a nyɛɛnaandɛnan laanka Akaabu a nɛgiĩn gama walan wolen ne. A na á goã á kiɛ̃ sɛ́wɔn lɛn nɛ:

Kiin2 10:17

Zewu bɛ́ á dɔ Samarii kiwi, Akaabu a kion minin mɛnɛn tumaa goã kiwi lɛ nɛ, ǹ nə́ kanbaa gɛ̀ ganaa, á bɛn yii dɛ lenlen, ka Dɛnaa Lawa goã a ná a boo da Yilii-n lɔn.

Kiin2 15:29

Izirayeli gána a kii Pekaa a biikoo li, Asiirii gána a kii Teglati-Falasaara daa Iyɔn kiwi kũ á si, ka Abeli-Bɛti-Maakaa kiwi ni ka Yanoa kiwi ni, ka Kedɛsi kiwi ni, ka Asɔɔrɔ kiwi ni, ka Galaati gána nɛ, ka Galilee gána nɛ, ka Nɛfutalii gána tumaa nɛ. Teglati-Falasaara bɛa bǎãn kɛn lɛn minin goa á kiɛ̃ ǹ nɛ Asiirii gána nɛ.

Kiin2 15:8

Zudaa gána a kii Azaria a kiibaa lɛ̀ pɔsɔɔwenkiwisibaa ǹ wɔ, Zeroboamu a nɛgiĩ Zakarii kii baa Izirayeli gána mìi la mui sɔrɔ Samarii kiwi.

Izayii 7:14

Bɛ lɛ nɛ, Dɛnaa din nə die sii a kɔnboe koe ka la: Á ke, nɛnɛn tá re nɔ̀ sii, a nɛgiĩ yɛ. Á re a tɔ koe Emanuwɛli, bɛ giala mà "Lawa tá kun ka wɔ nɛ".

Izayii 8:3

Bɛ kio, tèlò-n má giã kun ka maa lɔ Lawa a boo gii-dali ni. Á nɔ̀ si, á nɛginin yɛ. Dɛnaa Lawa tɔ́n pɛ mà ma a tɔ kɔ "Wo naforo ganaa fufuu, n mìi fɔ̃ a ganaa, n kokoo".

Izayii 9:6

A kiibaa n die gole koe. Là nyantoro mɛn bɛ́ duduu wɔ lɛa, a n die bɛ koe a zaman la. A n die giɛ̃ Davida a kii dankan la, a giã a gána mìi la. A kũ sisia ganaa yǎa duduu, a n die pàã we a gána nɛ, a kaka kɔ, peperebaa laanka sonborebaa barka nɛ. Dɛnaa Lawa Pàãyiidɛnaa a miãgoã-bɔ kɛ n diɛ bɛ a zɛnɛɛ ganaa.

Zeremii 20:3

A lɛawaa, Pasewuru Zeremii fore, á bɔ bìbì lɛ ganaa. Zeremii pɛ nɛ: «Dɛnaa Lawa ba re n bíi Pasewuru doo wa, bɛ giala mà "gɛ̀rɛsiɛdɛnaa n bǎã tumaa nɛ" sɛnɛ, a n die n bíi "nyɛ́ɛ n bǎã tumaa nɛ".»

Zeremii 23:2

Bɛ lɛ nɛ, Dɛnaa Lawa, Izirayeli a Lawa n boo kɛ diɛ ǹ paǹ li: – Ka maa tɔɔn toa ǹ nə́ woo paǹ yii li, ka maa sèren loo, ka ga ǹ walan wa. Á bǐɛ̃ kɔ! Ka sii baraa mɛn tumaa zɛnaa, ma á re yui ka gialaa bɛn taman yii. Masɛ Dɛnaa Lawa a da ǹ boo ne.

Zeremii 3:8

Má Izirayeli bɔyaa wole lɛ loo. A giala, á naarɛbaa zɛnaa. Má kɔn-wɔ toɛ̃ ǹ sɛ́wɔ kɔ la. Sɛnɛ, má yɛ máa ǹ miãnɛn Zudaa bɔlɔgoonbaãdɛnaa lɛ sɛ nyɛ́ɛ baa wa. A dɔ wusoo á woo naarɛbaa zɛnaa.

Ezekieli 23:10

Bɛn ná a tontoro da, ǹ ná a nɛgiĩn laanka a nɛlɔn goa, ǹ ná a dinmaa kɛ dɛ. Ǹ dɔlɔ mɛn bɔ a ganaa, bɛ na á ǹ miã lɔn doroo.

Ezekieli 23:31

N nə́ ń kɔ n dɔɔ̃nlɔ lɛ a zɛnaa ǹ sii lɛ. A bɛ́ miɛ̃, ma dɔlɔ mɛn bɔ n dɔɔ̃nlɔ lɛ ganaa, man die bɛ lɛ miã boe n dɔ ganaa.»

Ozee 1:6

Lɔ lɛ wusoo á nɔ̀ si, á nɛlɔ yɛ. Dɛnaa Lawa pɛ Ozee ne: «Bɛ tɔ kɔ "Lo-Urukama", bɛ giala "ma a re makara boe n ganaa wa". A giala, ma a re makara boe Izirayeli tɔrɔn kɛn ganaa doo, ma ǹ sii baraa toa ǹ nɛ wa.

Ozee 1:9

Dɛnaa Lawa pɛ kɛnɛn: «Bɛ tɔ kɔ "Lo-Amii" bɛ giala mà "maa zaman bie doo wa". A giala, ka bie maa zaman lɛa doo wa, masɛ dɔ bie kaa wɔ lɛa doo wa.»

Ozee 2:13

Ma á re a foo kɔɔ̃nbaa ǹ siin kɛn tumaa sàabiɛ: A zɔ́nɔn nɛ, a mui dii zɔ́nɔn nɛ ka a susu ǹ piin ni, ka lɛsɔkɔn kɛn tumaa nɛ á ǹ zɛnɛɛ.

Ozee 2:22

Man die luu diɛ n la ma din wɔ lɛa, ka bɔlɔgoondɛnaabaa nɛ. Bɛa biikoo li, n tá re ma doɛ̃ Dɛnaa Lawa lɛa.»

Ozee 9:17

Maa Lawa á re n piɛ̃ ka Efrayimu minin kɛn nɛ, a giala, ǹ nə n too kɔ a lon wa. Ǹ tá re n binbirin boe tɔrɔ kɔsɔn bii.

Amɔɔsi 9:8

Á ke, Izirayeli gána lɛ na á sii baraa zɛnaa, Dɛnaa Lawa na á n yii soo a ganaa á pɛ kɛnɛn: «Man die ǹ dii lenlen ma ǹ bɔ kanaa. Sɛnɛ, Zakɔba tɔrɔn kɛn, ma a die bɛn tumaa dii wa.» Dɛnaa Lawa a da ǹ boo ne.

Matiə 1:21

A tá re nɛgiĩ yii, nsɛ Zozɛfu na a tɔ kɔ Yezu, bɛ giala mà "Lawa n wɔ boe", a din nə die a tɔrɔn kirisibiɛ ǹ sii baraan ganaa.»

Luku 1:13

Sɛnɛ, lon a dia dí-a wole lɛ pɛ nɛ: «N baran nyɛ́ɛ baa wa, a giala, Lawa nə́ n nyankɔ lɛ ma. N lɔ Elizabɛti á die nɛgiĩ yii, n tá re a tɔ koe Zaã.

Luku 1:31

N tá re nɔ̀ sii, n nɛgiĩ yɛ, n tá re a tɔ koe Yezu.

Luku 1:63

Zakarii mà ǹ da ka gɔn-sɛlɛɛ nɛ, ǹ bɛ́ sɛ́wɔ kiɛ̃ màn mɛn-a, á tɔ́n boon kɛn kiɛ̃: «Nɛ lɛ tɔ n Zaã.» Min tumaa nə́ n kaãbaa.

Zaã a sɛ́wɔ 1:42

Á kũ á daa-n Yezu li. Yezu nə́ ǹ yiin doa Piɛrɛ la á pɛ: «ZAÃ a nɛgiĩ Simɔn lɛ n ka n din ni. N tɔ á die n bíi Sefasi (bɛ giala mà Kɔlɔ, ǹ tá boe la ǹ bíi dɔn mà Piɛrɛ).»

Zozoe 19:18

Kiwin mɛnɛn bɛ́ ǹ nə́ goã ǹ gèlè la, bɛn man ka kɛn nɛ: Zizereyɛli, Kesulɔti, Sunɛmu,